晨早醒鼻無事,同澳門友飲早茶,賭馬輸10蚊,大圍大哥樂,晚飯4人食

昨晚裝好部黑咪送的空氣清新機,原理同冷氣機差不多,隔塵網加個過濾網抽出空氣,裝好開機12點鐘便瞓,一覺5點多鐘又醒,係自然醒,鼻一點事都無,瞓唔著望住老婆返工,攝高枕頭,笠隻耳筒聽歌仔,糊里糊塗就瞓到8點多鐘起來.
醒起約咗朋友飲早茶,於是嗱淋梳洗,之後至電過朋友,約定市廣場巴士站等,幾拾年來都無飲早茶習慣,朝早慣常事都要擱置,大事都無時間去辦.
出門去到巴士站,見有小巴都嗱淋上車,好快便到城市廣場,在站內等咗好一會,朋友才到,便一同行去娛樂城.
上到酒樓出乎地咁少人,立即有位,只不過9點幾鐘,又會咁冷清,8%客都唔知有無?吉枱都好多張,假期同想像差得遠,還以為要等半小時以上,大把枱,揀過另張坐吓,伙記耐一耐才來開茶,朋友剔點芯,都唔知食乜好,N年無飲早茶,我都唔知叫乜好,求其經濟些篤幾個算.

朋友澳門人,放假同老婆回來,佢就住我隔鄰邨,講吓又10年前事,一同讀再陪訓班認識,當時開學組班,我喱個口水佬,擺佢上枱薦佢做班長,因為個人好高大,以後我就稱呼佢做班長,每次澳門回來都揾吓我,佢話一班同學無個有聯繫?唉!相識只不過一個月,又還有幾多個能聯繫呢?當年我都好熱情搞聚會,可惜個個都要揾食,係你住我隔鄰邨,我又退咗休日日都得閒啫.

講句唔好聽,係我啲口水佬,才有咁多嘢講,比著第二個,飲次茶無嘢講,都無下次LU,傾吓旅行,傾吓手機,一傾又12點幾鐘,朋友找數,送佢到城市廣場,我都搭車返歸.回家才辦我大事,搞掂後賽馬日以經跑咗一場,開電腦睇跑馬,第五場買條Q10蚊,跑第一同第五輸埋,寫吓blog又3點多啲鐘,老婆又放工,話過大圍買餸喎?叫搭火車喎,好.
火車1蚊雞到大圍,老婆以經在大哥樂等緊,每人食個下午茶餐,老婆22我24,餐後買餸,行轉街市,累累哋又走入麥記歇腳,無幫襯下坐咗陣,繼續買餸,越買越多嘢,連廁紙都都唔敢買,太多怕拿不晒,買買吓落起雨來,好在不太大,買後同老婆各人一大抽,又火車返歸.
回家都5點半鐘,個仔以經放工在家,買來的有六折759花生7.3蚊,雜豆8.3蚊,胡椒餅13.7蚊,粟米片7.8蚊,藥房洗衣液41蚊.

菜料有南瓜半邊5蚊,燈籠椒5蚊,腐乳7.5蚊,菜芯苗8蚊,特價安琪梨 5.5蚊,香蕉8蚊.
今日買料合共89.6元

夜點煮飯有牛仔骨4件,腸仔幾條,菜芯苗8蚊,燈籠椒三隻3.8蚊,南瓜食半2.5蚊.
 


蒜頭豆是煮南瓜

牛肉腸仔炒辣椒

蠔油淥菜心

三個人食

飯後果香蕉同梨.