鼻敏感重現,整朝上網,游水800m,行禾輋食麥記,晚飯三人食.

昨晚如常12點鐘瞓,一覺6點鐘又醒,又係個鼻作怪,鼻塞,鼻水,噴嚏不停,無偈,為有叫返工老婆開多個窗,笠隻耳筒手機上陣網,望吓導指,唉!又跌309點,真大鑊,星期一又有難,無眼睇,繼續聽歌繼續瞓,就係咁一瞓到8點半鐘.

賴床到9點多起來,洗面搞早餐,早餐無麵包,為有鮮奶麥皮,淥個福字米,邊上網邊食,食過早餐搞掂一切才10點10分,胡亂上輪網又11點半鐘,上得多眼攰到不堪,關機睇看電視.

1點多鐘,無所事事,還是去游水,更衣室熱身,上池1點55分下水,先游500m稍唞游多300m,游咗200m越游越人多,又有人教泳,真係想就此止,後來還是游埋嗰100m,湊夠800m走人.

更衣室同呀王吹水,我話喱輪啲股跌到呀媽唔認得,有無買呀?佢話無,咁人仔債券呢?都係話無?佢話一把年紀無謂搞咁多嘢,我話我就係,佢話老過我好多喎?佢話今年72歲?嘩!真係唔信?重話影定車頭相喎,買定個位廿幾萬喎,後來發覺無牌,所以未買住,嘩!有無搞錯?一頭黑髮?你似72歲?我話到家陣我都唔信?佢話頭髮無染架,除非攞個身份証出來証實吓?諗吓你可以報大啫?識佢咁耐都係個老實人.

離開更衣室3點多啲鐘,老婆放工來電,我話個仔同新抱今晚唔食飯,不如過禾輋食嘢行吓,今晚食乜,兩個人易話為,跟住無耐個女來電,問我們在那裡,我話約咗你呀娘禾輋食麥記呀,佢話在瀝源,又話來喎,是但啦.

過到禾輋麥記,鬼咁多人,鬼咩斬咗一半在裝修,又一班老人家坐咗半,買少見少,早知唔過來,好在有人離枱,霸住先,原來個女來咗,坐咗陣老婆亦到,食乜你哋話事.

食完唔多夠喉,又整兩杯雪糕同粟米批,吃緊間,聽到隔幾張枱,有個媽咪大大聲同兩個女講,重覆又重覆,你食乜飲乜,另個女又係食乜飲乜,好認真重覆哋講,大概每次都係咁卦?到買了回來,兩個女原來係孖女,一路食一路鵝,又話唔係喱啲,又唔係飲嗰啲,吹到個老母合合興,係咁閙,先前重覆問幾次,而家又話唔係,哈!嗰對孖女一於當個老母唱歌,結果由頭勞氣到尾,食完離開依然勞氣,兩個C奶仔執嘢又係執著,食剩乜係都要揾番原來個盒裝番,唉!飬大又有誰知道個老母心肝?

  

離開麥記行商場,早餐鮮奶差不多無,見759八折又買兩盒鮮20.4蚊,兩母女話去瀝源嗰邊買冷喎,我就自行走,臨走地下批&撻買磅方包8.4蚊返歸.

  

回家5點半鐘,諗住著電腦寫陣卜,誰知累得要C,要響梳化攤陣,6點鐘個仔放工返,買了大批凍肉料回來,話等陣拿點過外母處打邊爐喎,部份放回雪柜,搞掂後就出門去佢外母處.

7點多啲鐘老婆同個女返到,我話點呀?究竟今晚你哋主廚定我呀,個個縮沙,剛才又話煮乜煮乜,現在又嘛我煮,雪柜有乜煮乜.

  

油髀蝦干鉄兜飯.

  

煎餃子炒四季豆娃菜墊底

 

三個人食.

 

飯後果奇異果