睡來尚可,鼻無事,國際賽事,入場攞cap帽,下午茶大乜樂,賭馬輸10蚊,晚淥淥咖哩三人食.

入冬以來鼻敏感又番嚟,搞到朝朝鼻塞鼻水打噴嚏,無覺好瞓,無晒辦法?昨晚為有重施故技,臨瞓前老土啲都要,眉心貼杞子,貼好諗住去瞓,誰知個女執衫,搞到我夜一夜才有床瞓.
一瞓今晨5點鐘便醒,但又唔關個鼻事,係無晴晴醒咗,可能習慣咗都時到候卦?,醒咗就瞓唔返,6點鐘望住老婆返工,為有出動三寶,箍臣,耳筒,手機,聽住歌仔墊高來瞓,迷迷糊糊瞓到8點幾鐘醒,賴床近9點鐘起來,鼻無事,唔通粒杞子有效?
 食埋個早餐,辦埋個大事又10點幾鐘,望吓電話,華仔來電兩次無響?之後覆過佢,一傾成粒多鐘,個新抱番咗工,個女亦起咗床,望吓個鐘差不多12點鐘.
看陣電視,12點半鐘,馬以經開跑第一場,國際盛事有票有cap帽送,一於入場睇跑馬,單車過到去馬場還未及1點鐘,手上成6張入場票,埋到閘口,見有人入錯閘,要番轉頭,我一拿拖住佢,就比張票過佢,條友愕咗然,我話跟住啦,過咗閘每入場者送cap帽一頂,條友連聲叫多謝呀叔,不用客氣.
 

拿了cap帽走上看台上便,心諗還有4張券,諗吓?攞唔攞多頂cap帽呢?唉!都係行多轉攞多頂算.

 

於是乎又出閘,

 

要兜大圈,

 

你睇前面條友,頭戴一頂,腰卦有三頂,以經4轉,要咁多頂做乜?

 

天橋上龍友長短火,嚴陣以待.

 

 終於行到嚟閘口,見條伯父係咁問人攞入場卷,其實佢成膠袋都係帽,都唔知要咁多做乜?橫掂票都無用,比埋過你.

進場後,成箱成箱帽等住派.

攞埋第二頂cap帽,又走上看台.

第4場國際短途,又落去跑道邊影吓相先,馬匹陸續出場.
 


開跑啦.

唉!幾時都係響企睇電視賭好過.

 跑完走入去wifi熱點,睇吓有無心水,賭番三兩拾,結果踱極都係唔識賭,

唔識賭就影吓相.



周時見有一團團進來,跟住講咗集合時間就自由活動,其實都唔係第一次見,見啲人長短伙架生,似乎龍友多,講既又係本哋話?究竟乜水?邊度來呢?八卦的我就問聲舉牌位女仔,我指住個牌,究竟你哋邊處嚟?佢愕然望望自己個牌,才說我們江門來的,唉!原來廣東團?都無時間了解吓?佢哋以經趕住拉隊出去.

精品店,我都有張50元現金券,不過要買夠300元,才可以用,嘥氣.

條隊排到長一長,全是大陸人選購.

行出跑道外,又見啲大陸團友,犀利

朋友兩公婆到咗,佢老婆鵝牌咁聲,話先前第5場,叫個衰佬幫佢買1搭6,結果買咗1搭9,佢話1搭6 太熱喎,結果跑1,6,派彩35蚊,朋友就面濃濃無奈.

10蚊都無賭,睇埋第7場國際一哩賽我都走LU.

一條氣4點25分返到屋企樓下,call老婆落嚟,揾樂哥醫肚,叫咗個餐兩份食,老婆話今晚不如整煲咖哩食,好.

餐後就街市買樽加嘢醬14蚊,買條蘿蔔4蚊,生菜一斤6.8蚊返歸.
 回家老婆處理買來菜料,我就睇埋尾場,尾場踱吓?見告東尼隻隻都搏,不如買番廿蚊位置Q,就6拖7,8啦,誰知6,7係咁起飛,由百多蚊打到得番60幾蚊,谷鬼氣唔鬼買,獨買10蚊6搭8算 ,結果6,7位置Q番來,派64蚊,唉!慳10蚊,唔見咗40蚊.

9585

13-12-2015 17:52

沙田 星期日

位置Ｑ

10 場  6 發盈喜 + 8 騰龍超影 $10

$10.00

 輸完10蚊馬,就上網寫卜,夜點老婆煮好煲咖哩,本應我來煮飯,後來諗吓,不如唔煮飯,淥吓淥吓食烏冬算.