睡來尚可,鼻無事,整朝上網,我的怪朋友,鏡濛游600m,大圍食樂兼買餸,好彩趕及流感針,晚飯三人食.

昨晚睇埋場英超,曼聯對諾域冶成1點鐘至瞓,一覺5點零又醒,6點鐘望住老婆返工,瞓不返為有笠個耳筒,咁就瞓到7點多鐘醒,賴床到8點鐘起來,鼻無事,睡來尚算可以,洗面弄早餐邊上網食,搞掂一切辦大事,唔多掂?看來要諗諗偈.

上輪網又10點多鐘,無所事事,至電過華仔吹吓水,誰知又開緊工,無偈,於是乎至電個放棄手提既孱子角,遲遲未有人來接,到接的是個女人,才叫聲慢吞吞來接既孱仔角,我話早輪打極無人接,何解唔用手提電話呀,佢話唔囉,難明?我話早輪有好多馬會入場券,睇吓你啱唔啱?佢話場都好入嘅?馬場咁鬼遠,
佢問我近期做啲乜?有無去旅行,有呀去咗南雄三日,我話日日都係咁啦,游吓水入吓馬場,響企上吓網咁囉,佢話旅行都好去,我話唔通乜都唔做,日日比電話你咩?佢叫落嚟飲下午茶啦,我話唔得呀,今日要去游水,下次先啦,唉!手提都無,點揾你呀?心諗你咁頽點過埋喱世呀?
12點鐘睇吓電話,咦!whatsapp顯示有肥仔佳啵?似乎換咗部智能電話?肥仔佳同孱仔角係同一路朋友,至電過佢問吓都好?
電話接通,我問你係咪有whatsapp?佢奇怪話乜whatsapp呀?係乜嚟架?係咪乜E-mail呀?我話你手機係咪有螢光幕架?佢話係呀可以影相,不過唔識,唔敢亂撳,我話乜你啲仔女無教你咩?佢話個仔好古縮,唔多講嘢,我話好多時係咁,有機會我教你啦,佢話都幾拾歲,唔搞咁多嘢囉,唉!真係唔識講?
看埋午間新聞1點多鐘,無所事事,都係去游水,過到泳池才1點半鐘,大把時間,更衣室熱身,然後慢條斯理上池面,諗住泳鏡搽點梘液,大鑊?泳鏡甩咗個膠箍,游鬼游馬,原路返回去找,唉!揾唔到,為有問肥仔職員有無泳鏡,結果比咗幾幅過我,求其揀幅洗淨上池.
上池微風細雨,都唔理咁多,嗱淋下水,大鑊?幅鏡好唔掂,濛查查,無偈,為有照游,濛查查下被人又碰又撞,捱夠500m真係唔想游?結果游多100m走人.
更衣室搞掂一切,又同呀王吹水,3點多啲鐘,老婆放工來電,咁就大圍食嘢兼買餸.
過到大圍老婆以經在大乜樂等,兩人食個30.5蚊下午茶,坐陣然後買餸,行轉街市買有759鮮奶4升36蚊,沙糖桔5蚊,四季豆3包10蚊,北京菜心7蚊,蝦米池10蚊,買後見落出雨,同老婆兵分兩路,佢搭車我踏車返歸.
 
回家以經4點55分,醒起今日好似要報名打流感針,大鑊?以經5點鐘,嗱淋至電個老婆,先趕去議員辦事處,看能否趕及報名.
後來我來到,原來今日係打針,亦係最一天,並非報名?見工作人員以經開始計數,好彩議員話,還可以打.
原來有分3價同4價,3價老婆60元,4價要130元,老婆話打3價得喇,我話唔好打4價啦,我就3價免費,4價要加50元,我還是3價免費.
 
真係好彩趕及,可以打咗了件事,喱個議員真係好,係佢我哋條屋邨,才做咗好多嘢,以前個嘥氣.

 回家老婆處理今晚餐菜料.我就上網寫今日blog.
 夜點我來煮飯,菜料有北京菜芯7蚊,食剩些蕃茄,雞蛋隻1蚊,梅菜1條,蝦米池10蚊.

梅菜炒菜芯.  

辣煎蝦米池

蕃茄煮蛋

三個人食,今餐唔計梅菜,蕃茄盛惠18蚊.

飯後果沙糖桔.