昨晚雙管齊下,又貼杞子又噴政府隻鼻可靈,結果一瞓今朝6點幾,係自己醒,同個鼻無關,無鼻水無噴嚏,好舒服,笠個耳筒就賴到8點鐘起來,個鼻無事,相信係昨日早上粒鼻敏靈,又或者瞓前噴隻鼻可靈卦?貼杞子應該嘥氣.
老婆放假在瞓,起來洗面,搞早餐食住上網,老婆亦瞓醒,佢有佢早餐後,各自上網,上輪網辦個大事又10點45分.
老婆放假邊處好呢?不如揾吓最多嘢講既二嫂,於是約好富臨飲下午茶,一點多鐘同老婆踱過去娛樂城,腳痛行得累累哋,要響個公園仔歇歇腳,才上富臨下午茶.
坐下無耐二嫂跟住到,叫了個羅漢齍炒麵,幾個點芯,唉!同二嫂飲茶真係無得傾,有佢講無人講,我哋唔識既人,佢都講餐懵,又講佢既愛生事家庭,又話個仔點?個女又咁?有時真係有點後悔揾佢飲茶,坐到3點多鐘,老婆屋企浸落湯料,要早點返歸煲湯,就叫走,問聲佢今晚食飯冇?佢話好喎,咁就老婆找數129元走人.
離開富臨買餸,佳寶買份排骨27.4蚊,梅頭4件13.6蚊,然後沙田街市買磚豆腐4.5蚊,搭車返歸,回家樓下街市買10蚊西洋返歸.
回家老婆立即煲落個湯,而二嫂依然濤濤不絕,有佢講無人講,真係頂佢唔順.
7點多啲鐘,我來煮飯,搞到8點鐘才開飯.
炸豆腐,
洋葱豬扒
清炒西洋菜
合桃栗子花豆煲豬骨
5個人食一夜返留湯飯餸.
老婆放假邊處好呢?不如揾吓最多嘢講既二嫂,於是約好富臨飲下午茶,一點多鐘同老婆踱過去娛樂城,腳痛行得累累哋,要響個公園仔歇歇腳,才上富臨下午茶.
坐下無耐二嫂跟住到,叫了個羅漢齍炒麵,幾個點芯,唉!同二嫂飲茶真係無得傾,有佢講無人講,我哋唔識既人,佢都講餐懵,又講佢既愛生事家庭,又話個仔點?個女又咁?有時真係有點後悔揾佢飲茶,坐到3點多鐘,老婆屋企浸落湯料,要早點返歸煲湯,就叫走,問聲佢今晚食飯冇?佢話好喎,咁就老婆找數129元走人.
離開富臨買餸,佳寶買份排骨27.4蚊,梅頭4件13.6蚊,然後沙田街市買磚豆腐4.5蚊,搭車返歸,回家樓下街市買10蚊西洋返歸.
回家老婆立即煲落個湯,而二嫂依然濤濤不絕,有佢講無人講,真係頂佢唔順.
7點多啲鐘,我來煮飯,搞到8點鐘才開飯.
炸豆腐,
洋葱豬扒
清炒西洋菜
合桃栗子花豆煲豬骨
5個人食一夜返留湯飯餸.
我都係濤濤不絕的人，有無呃親你架。
回覆刪除點同吖,濤濤不絕但對方都可以講嘛,佢簡直無得比人講,完全無心裝載人家講既嘢.
刪除我睇落都不似你性格喎，覺得疲勞轟炸，重食完晚飯才走，我想你也不會有下次了。
回覆刪除有時無偈,親戚上頭有啲家簇事要講吓,都無辦法,佢有佢市場既,一樣好活躍,只不過我唔啱佢啫.
刪除