睡來唔錯,整日youtue,行轉禾輋食麥記,晚飯4人食.

昨晚飯後笠個耳筒看youtube,看60,70代懷舊band,band有陳欣健,越看越過癮,看到成12點鐘才瞓,一覺今早7點多啲鐘醒,起來見時間還早,啲友還未出門番工,為有又笠個耳筒梳化瞓過,之後瞓到8點多鐘,啲友陸續出了門,我才起來洗面搞早餐,早餐還是班戟加鮮奶麥皮,還未食輪到最後個新抱返工,餐後量血壓135/71-57,食過今早藥辦大事,洗埋啲煲具又10點鐘.
今日事上網,看陣新聞又youtube,胡亂的看又12點鐘,關機看電視羋月傳,1點鐘看完繼續youtube煲劇,1點多鐘老婆返,煲劇到兩點多鐘,同老婆出街,巴士站見車上車,結果過咗去禾輋.
禾輋食麥記,一包一餐加杯雪糕38蚊,吃過坐夠行商場,行到吉豬超多人,原來感謝日有平嘢喎,同老婆揀咗兩樣,見付錢排長龍,不如買多些,找架車仔行多轉,買後排隊比錢65.5元走人.
離開吉豬還是踱過瀝源,沙田街市行個圈,便上卜佳,卜佳12蚊買個麵包走人,廣場搭程車返歸,返回自己街市買兩隻涼瓜6蚊返歸.
吉豬買粉絲三包15蚊,豆豉鯪魚三罐30蚊,飲品兩支10.5蚊,炸餃子10蚊,涼瓜兩隻6蚊,麵包12蚊合共83.5元.

夜成8點鐘煮飯,料有旺菜,蝦米,粉絲,豬扒肉同涼瓜.



蝦米粉絲煮旺菜.

瘦肉煮涼瓜
 
外賣炸餃子.
 
8點40分開飯,4個人食1夜返留飯餸.
 

睡來還可,整日在家,下午茶樓下,無須買餸,晚飯4人食.

昨晚11點多都瞓,一覺今晨5點鐘以經醒,去個所就瞓不返,5點多望住老婆返工,還是瞓不返,為有笠耳筒收音機瞓,須然捱咗好耐,終於瞓返,一瞓就8點鐘,賴床8點半起來,睡來總算可以.
洗面早餐還是搞班戟鮮奶麥皮食,餐後已9點23分量血壓135/74-55,食過今早藥辦大事,洗埋啲工具又10點鐘.
日日如是上網,上陣網10點半鐘,無無聊不如劏咗個哈瓜,劏開似乎唔多夠熟,皮厚得多,試食小片,嘩!好甜啵,半隻及半隻切散載起放雪柜,

皮就厚些,見白白哋色,切小片試試,嘩?唔係嘛?須然係淡啲,但都好爽甜,今日世界,真係唔知?

搞掂隻哈蜜瓜入雪柜,諗起昨日個妹來,集華月傳未正式看過,於是mytv續埋佢.
看完剛好12點鐘,接著電視J5華月傳,看完看陣電視兩點鐘老婆返,老婆回來還上網遊戲.等到差不多3點鐘,問聲老婆點呀?出街無?老婆才熄電腦,齊樓下食大乜樂.
成3點鐘來到,大把位任坐,還是每人食個下午茶餐,老婆又炸雞髀餐25蚊,我就雞翼炒米餐24蚊.吃過坐到咁上下,老婆嗌冷氣凍才離開,離開還是行轉惠乜,無嘢好買,12蚊買4盒朱古力餅棒,

離開邊有咁早返歸吖?又走去樹蔭吓又涼快度坐,兩公婆各自手機,佢遊我上網,無意看到youtube喱條片,須然唔多齊全,但都令人慨歎.
 https://www.youtube.com/watch?v=X7EltcNWh1w
坐陣5點多啲鐘,嘩?轟炸機出動,兩大蚊患咪搞,同老婆嗱嗱淋都走,回家5點半鐘,老婆又用咗我部電腦,為有看電視,7點多啲鐘煮飯,雪柜料有蝦干,荷蘭豆,茜芹同豬扒肉.

茜芹炒豬扒肉,
 
蝦干炒荷豆,

連隔夜子薑4個人食.

飯後果爽甜哈蜜瓜.

睡來唔錯,個妹來,陳皮月餅提子油,大乜樂食晏,獨自大圍買餸,晚飯5人食.

昨晚12點前瞓,一覺今早8點45分,無賴床起來,洗面搞早餐,早餐無買麵包,搞班戟食,還是鮮奶煮麥皮,昨浸下木耳,順手處理好壓力煲煮,吃過早餐量過血壓140/73-56,吃今早藥,辦大事,完事木耳剛好熄火,洗埋些碗碟10點多啲鐘.
上陣網個妹到,又送我盒陳皮月餅提子油一支,

兩兄妹都無乜嘢講,講吓切身健康,又講吓家庭谷氣事,反應都係嗰句,係咁架喇,稍稍提及個C鬼家姐,又殺人一樣,唉!嘥氣,你會咁對人,人一樣會咁對仔,傾輪偈諗起今早煲落的木耳,我都費同你講,處理我啲救命藥,攪伴機打漿,入樽放雪柜慢慢食.
 
搞掂清潔好,新抱瞓醒蒲頭,無耐便返工,12點鐘華月傳,有個妹響度都無專心睇過,未及1點鐘個妹話肚餓,猛趨叫去食飯,食完要返歸喎?我話等多陣,1點多鐘老婆放工,一同食啦,她才肯耐性啲等,1點半鐘至電個老婆,不用回家住,直接樓下大乜樂啦.
 收線後落大乜樂,揾好位坐下,稍等老婆到,老婆同我不太肚餓,就叫個咖哩牛腩飯45蚊倆份食,個妹就雞肉芝士意粉,加杯檸水同樣45蚊,

吃後兩點鐘便叫走,送佢出邨口,我同老婆返歸.
回家睇吓佢送過我月餅,拿出來見有把遮,嗱淋至電過佢,好彩還未上火車,於是叫老婆拿出去比佢,我就繼續上網,老婆回來累到不堪要梳化瞓.
3點多鐘問聲老婆去不去買餸?老婆又懶去,唔去為有自己去,行轉大圍街市買有旺菜,子薑同荷豆三樣10蚊,豬梅頭扒三件12.6蚊,竹薟魚10蚊返歸,

由於買有魚要即時處理,企響廚房處理,企到腳都跛,處理好要梳化攤陣,攤陣恰陣7點多又開工,料有竹薟魚,茜芹,子薑同豬梅頭扒.

香煎竹薟魚,
 
 茜芹炒豬肉
 
 子薑炒豬肉,
 
連碟隔夜餸,5個人食1夜返留飯餸.

睡來唔錯,整日在家,睇奧運精英,樓下下午茶買餸,晚飯5人食.

昨晚11點未夠以經瞓,一覺今晨7點多醒,收音機賴床,倫敦bbc時事一週,跟住8點鐘舊日足跡汪明荃,聽咗陣起床,洗面搞早餐食,量血壓124/71-52,食過今早藥,辦過大事,搞掂一切9點20分.
上陣網看電視中國奧運精英,看輪又12點鐘華月傳,看完又網上對吓惠乜好彩數,又幾先進?不用對只輸入你的幸運券號碼,中不中即時分曉.
1點多鐘老婆返,例牌上陣網遊戲,我就繼續看電視,3點鐘假日邊度都唔想去,就同老婆樓下食大乜樂,每人食個下午茶餐,老婆25我23,吃後行惠乜,15.9蚊揀個哈密瓜,7.9買棵茜芹,13.5買兩盒豆腐,街市7蚊買兩條節瓜,生菜3蚊返歸.

回家又奧運精英,兼著手處理今晚餐餸,

7點半鐘煮飯,
 
8點半鐘開飯,炒立雜.

香煎三文魚頭,

梅菜蠔油豆腐,
 
蝦米鹹蛋滾節瓜,
 
生菜包,

5個人食1夜返留湯飯餸.
 

夜瞓早醒麻麻,老婆放假,整日在家務,樓下下午茶,晚飯5人食.

昨晚不寫埋編嘢誓不休,一寫成1點多鐘,個仔同我講就快兩點鐘還不去瞓,我睬你都儍,乜你都知2點鐘?出埋篇blog成兩點鐘瞓,還好很快便瞓著.

一瞓晨早6點多啲便醒,瞓不返,閉目賴床,沒有其他下,好不容易賴到8點多啲鐘,老婆放假以瞓醒下床,我才下床梳洗搞早餐,鮮奶麥皮麵包,同老婆兩份食,邊食餐邊上網,執執昨日編嘢,兼寫下今早事,搞掂餐後量血壓124/68-63,食過今早藥辦過大事又10點45分.
繼續上網兼處理昨日的照片,老婆就浸吓雜豆,等陣煲湯,跟住家務搞衛生,搞埋條片上youtube又整個上午.
下午諗住同老婆出街,誰知老婆又上網,搞到成兩點幾鐘,索性都鬼唔去,同老婆就落樓下食大乜樂,老婆25我24,吃後坐陣,街市買兩扎紅莧菜7蚊返歸.
回家3點多,瞓唔好梳化瞓陣,恰醒無所事事,諗起昨日北上,少看集華月傳,於是youtube上追番,一追7點多煮飯,菜料有莧菜,雞腎,雞蛋,鹹蛋同公魚干.



蒜子炒莧菜,

 鹹蛋蒸水蛋,

雞腎爆公魚干,
 
 全豆湯.
 

 
8點半鐘開飯,5個人食1夜返留湯飯餸.

與友走轉龍華線一天遊.

昨晚朋友來電,說明天不用開工,想北上行吓喎,朋友叫到,大概都知什麼回事?拾多年來除旅行外,都什少北上,嗰架嘢興趣都無LU,記然叫到,我又反問佢想去邊?大概都知想舊地重遊,我話又係嗰度?可能不好意思?就無出聲,我話明天再算吧.

昨晚12點多瞓,今早8點多啲鐘電話響,就係咁被佢嘈醒,於是乎起床,洗面煮些少麥皮,吃過量過血135/75-55,略辦過大事便出門.
9點13分來到娛樂城,朋友以經飲緊茶在等,飲茶其間還未定去邊?記然你又無主意,我又唔想去來去去都係嗰度,不如走轉龍華線啦.

茶後11點鐘便開始出發,過到福田口岸11點半鐘,橋頭又會咁多人過關?落到地鐵站,由於我免費,朋友就要買票,自從有地鐵後,都什少過來搭地鐵?兩條友唔多熟架步,要摸索一輪?決定龍華線就龍華站5蚊.

入閘又要安檢,好不容易才落到地下候車站.

同朋友傾吓望吓35分鐘車程,便來到龍華線尾二站龍華,初來步到四圍噩吓,地方舊區多,好多食市,最奇特係停泊單車,竟然分兩層來泊.
 

離開一連串食市鋪頭,來到街市,街市好大,有兩條長長的街,中午時份人流唔多,同老友來到一連串食市鋪,朋友話食米粉,我就麻麻,朋友叫到是但啦,我就牛肉米線,朋友就不知乜米線,同是13蚊碗,碗粉好大碗,牛肉麻麻,牛肉乾一樣硬?加碟生菜,勁多油,剛巧有wifi,我就wi不停,老友找數碟油菜幾銀就唔知LU?

吃過米線wifi夠走人,老友心諗乜?我又點會唔知吖?於是幫眼四圍望吓,太耐無北上,此味嘢竟然唔多見?唔通真係式微?足知見到啦,朋友見初來步到,猶豫不決,我就無所謂,你要上我就陪你上去搏吓,朋友還是縮番條降,涼夠冷氣走人.

唉!唔熟就無謂搏,賺得不嚐失,按得不好,浪費我時間,比佢斬刀更唔抵,於是返回龍華站,回程少年宮,好多地方可以行.

2點23分來到少年宮站下車,目的地深圳博物館,太陽暴曬下,滿頭大汗,10多分鐘路程終於來到博物館,大熱天時都幾驚我心臟病發?正當進館,原來又要安檢,水樽火機不能帶進館,朋友食煙,為有存放外便儲物柜.嘩!儲物柜極先進,不懂用,剛好有人在儲物,於是乎問聲怎樣用?唉!誰說內地人不禮貌是蝗蟲?詳細解釋示範做足,謝謝這位堔圳朋友,原不用付錢自動化,手指按存字,就有條碼紙出,柜門自動打開,儲物後關上,到要取回,條碼紙一嘟,門自動打開搞掂.

 

 


博物館免費,樓高三層,入內幾大坐陣,時間以經2點45分,朋友心急想快點遊完,我都知佢想點?咁就腳跛跛的繼續行,續個區捐去看,實在太大若要認真去看,一日都看不完.

堔圳古代,

堔圳近代.

看完二樓,朋友話唔行啦,我話記然來到,唔爭在上埋三樓,求其行轉走吧,朋友還是唔行,我就上多層求其走走算,三樓講今日堔圳,求其走走便返回地下,小朋友在搞作,之後會合朋友便離開.

離開見有美食好幾團博物遊卦?同朋友經書城一直行去少年宮站,我對腳真係無力前行,真想飛去,4點12分終於來到少年宮站,車箱內手握手同一環.

4點半鐘來到下一站福民站,係朋友最終目的按摩,還是N年前嗰間,可惜時間無多,只能做一個鐘足浴,推油按摩為有下次LU,一家不知一家事,朋友要安時返歸呢?

無來N年,間鋪依然,價錢就貴咗,技師就全非,功夫係唔錯,一個四川,一個湖南,不過年紀就??唔通年青無人入行?一粒鐘35+15,磅水走人,

離開時5點42分,見有個停車場,又大開眼界,好似我屋企一樣,高空發展,層層疊的泊了好多部車,至於怎樣升上降落,就無時間研究,總知虧佢諗到,可見犀利?

本來乘多轉地鐵出福田口岸,朋友又話想望吓今日堔圳喎?須然地鐵我免費,都陪你行埋此程,經過水圍標誌隻船,來到福田口岸6點08分,就係咁?結束我們龍華線之旅.

返歸都7點半鐘,至電老婆一同大乜樂,每人食個飯,老婆38我42,適逢遇同層街坊伍太,又聊了好一大輪才返歸.

回家都差不多9點鐘,嗱淋沖埋個涼,開工寫我今日blog.