睡來唔錯.累得要C,單車首航,游水600m,瀝源拮嘢買餸,晚飯5人食.

昨晚12點鐘瞓,一覺5點鐘又醒,瞓不返,嚇得我又來失眠?還好笠隻耳筒,好快又瞓返,之後就瞓到今早8點鐘,傾盆大雨嗱淋起來要關窗,嘩!成身散晒,昨日修單車實在太累.

稍賴床起來,洗面還是鮮奶麥皮,班戟芝士花生醬食,
 
餐後9點40分量血壓113/62-56,上網寫下今早事,辦大事洗埋啲碗碟又10點半鐘.
看輪電視攰攰哋梳化瞓著,瞓醒以經12點幾,無雨落,唉都係去游水,試吓部新單車,哈!經我一執係唔錯,又快又穩,煞制又靈,不過出到城河邊落雨,冒雨踩到泳池1點半鐘,
 
更衣室換妥泳褲,上池又落雨,還是至大的,稍熱身1點36分下水,涼涼哋一條氣游佢600m兩點08分起水走人,更衣室搞掂一切,至電過老婆,約定瀝源食拮嘢,同呀王吹陣水走人.
過到瀝源拮嘢稍等老婆才到,還是每人食個飯餐,老婆20我21,

吃後坐咗好一輪買餸,行轉扑佳無嘢買,街市15蚊買份瓜子倉走人,行回瀝源雞寶,14.9蚊兩盒豆漿,離開雞寶老婆又話要踱回家,唉!是但啦,其實昨日修單車剛剛又游水,累得我C,踱到城河大帳蓬坐休息,見有班後生在跳躍,凌空打筋斗,嘩!無墊無其他,好危險?

坐輪同老婆繼續踱回家,返回單車場5點半鐘,老婆話要大乜樂坐吓喎,大乜樂坐咗好一輪才返歸.
回家都6點10分,上網寫今日blog,老婆處理今晚餐菜料,有甘菇,旺菜,瓜子倉,粉絲蝦米同豬扒.

又成8點45分開飯,香煎瓜子倉,洋葱豬扒,旺菜甘菇粉絲煮蝦米,5個人食1夜返留飯餸.