失眠,小許牙痛,奧運閉幕,游水600m,樓下大乜樂,晚飯4人食.

昨晚奧運山地賽睇到12點鐘,唉!都係去瞓,無謂夜咗會失眠,結果瞓到3點鐘,去個所果然失眠,捱極都係瞓不返,為有出動耳筒聽歌瞓,就係咁懵吓懵吓捱到8點鐘,收音機新聞講奧運閉幕,起來開電視看閉幕,洗面搞早餐.
昨日開始最前右邊隻牙開始有點痛,看來要緊慎些,飲多點水,餐後量血壓139/72-56,食過今早藥以經9點鐘,上網寫下今早事,跟住辦大事,完事洗埋啲嘢又9點40分.
失眠太眼睏,寫下今早事以經頂不住,要梳化恰番陣,一恰11點鐘醒,上輪網12點半鐘,搞吓嘢,就係昨日摘回來不知名果實解剖,劏開睇吓點?用條俐舔吓?好有些甜味,甘桔咁既款?都係唔敢食,試咗輪whatsapp問吓啲友,都係無人識?
 
都1點鐘有多,執嘢去游水,執好出門又忘記帶泳褲,又返轉頭攞,到出門聶堂又忘記帶銀包,唉!真係想唔鬼去,後來還是照去.
過好泳池1點37分,更衣室搞掂一切,上池太陽超猛,有蓋地方稍熱身,1點50分下水,一條氣慢游600m,兩點24分起水走人,更衣室搞掂一切,至電個老婆,邊度都唔去,就樓下食大乜樂算,呀王放假,無偈傾走人.
返回屋企樓下3點10分,至電過老婆大乜樂呀,大乜樂找個單對單靚位坐,老婆來到每人食個茶餐,老婆又雞髀餐25蚊,我就通粉餐26.5蚊,

吃後坐咗好耐,坐到老婆嗌凍叫走,又走去最好風水度坐,一坐到5點鐘,街市買點菜返歸.
回家5點17分,買來有蕃茄三隻5蚊,冬瓜一舊5蚊,

老婆跟手搞煲湯,料有栗米,蕃茄,南瓜,蕃薯,腰果同栗子,

我就上網寫今日blog.
一寫6點鐘,看陣電視7點半鐘煮飯,料有燒肉,冬瓜,雞蛋3隻鹹蛋1隻.

冬瓜火腩,

鹹蛋蒸水蛋,

栗米,蕃茄,南瓜,蕃薯,腰果,栗子湯



8點半開飯,4個人食1夜返留湯飯餸.

飯後果啤梨.