夜瞓早醒,鼻感發作,老婆放假,走轉深水埗下大雨,西九食中午,晚飯5人食.

昨晚睇奧運女子足球,半場以經近1點鐘,都係無謂咁夜,還是上床瞓,一覺今晨6點,鼻敏感發作又塞又鼻水,嚏噴頻頻瞓不得,為有聶高枕頭,不停呻鼻打噴嚏,瞓不得為有手機賴床.

矇矓突然電話響,原來個妹來電,說晏些過來,還未瞓醒的我,突然話來,都來不及反應,後來諗清楚老婆今日放假,無謂被佢浪費我一日,便說可能要出街,改天吧.

收線後老婆已經瞓醒手機賴床,大概習慣早起卦?無耐佢以經落床,我就賴到9點鐘起來,老婆還未洗面,以經我部腦上網,我就洗面看奧運,邊弄早餐,幾日來食班戟食到悶,今餐食麵包,特別好食,

餐後9點43分,量血壓123/71-56,食過今早藥便辦大事,辦事完畢,老婆才洗面食早餐,我才來上網寫今早事.
11點多同老婆出街,風和日曬,搭程車出深水埗,大埔道下車,行不到一陣就傾盆大雨,騎樓底企咗一大輪,望極都唔停,企到腳軟,

見雨稍為細點,嗱淋同老婆走去麥記坐,落雨度度人多,好彩都找到個位坐.
無食嘢坐夠便同老婆走去西九中心行,行咗陣便上8樓揾食,都成兩點鐘,還是超多人,好彩都找到個靚位坐,坐下真係花多眼亂,都唔知食乜好,見坐近間越南嘢,價錢又唔貴,就要個香矛豬扒飯餐30蚊,有嘢飲,老婆賣老婆拿,感謝萬分.
 
老婆拿了來,又走去找佢喜愛食,到回來就係酸辣粉一碗20蚊.
 
吃後坐夠行商場,由8樓而下,行吓睇吓買啲,好快便落到二樓,唉!又落雨,還好大好長的雨,兩公婆企響西九條基隆街天橋,企到腳軟,唉!無得坐怎麼搞?同老婆講,若果橋底有巴士返沙田,立即坐車返歸.
可惜係無,雨終於停下,同老婆繼續,圍住深水埗街市睇行同買,行到鴨寮街方向,見到有老麥,嗱淋同老婆前去,整杯軟雪糕坐吓,唉!對腳越來越唔行得.

坐夠偈夠行鴨寮街,唔買都好多嘢睇,睇輪就沿南昌街而上,去到石硤尾街市,睇住要搭的巴士走了,送車後望吓酒樓個燒味部,見有盒燒肉下欄20蚊,又幾好啵?老婆話太肥唔制,後來我堅持買下,才巴士返歸.
回家樓下街市以經6點40分,嗱淋行去街市,嘩!菜檔正在收,好彩還買到點菜.
回家都6點50分,買來以下的日用品56蚊.

粟米三支10蚊,節瓜三條7.5蚊,通菜4.5蚊,义燒24蚊,燒肉下欄20蚊.

燒肉去了些肥肉,剩下一大盒,放雪用來炒餸.

7點50分煮飯,料有通菜,節瓜,燒肉同义燒.

搞掂又8點40分開飯,有燒肉.

分錢分貨的义燒

節瓜炆火腩

腐乳炒通菜

人齊5個人食.