睡來麻麻,晨早就醒,整日下雨,修棄爛單車,仔新抱放假,晚無煮飯同老婆捱蕃薯.

昨晚11點零鐘以經上床瞓,一覺今晨5點鐘醒,去個所回來,就瞓不返,為有手機聽收音機,就係咁瞓不返,賴床到8點鐘才起來,整晚下著雨,洗面弄早餐,還是鮮奶麥皮,芝士班戟食,餐後量血壓130/71-54,食今早藥,上網寫下今早事,便辦大事,事後洗埋啲碗碟又9點35分.
上陣網10點05分,執幾件架生落單車場,看能否修好部爛單車,落到去打打氣,雙呔齊洩氣,尾呔嚴重好快便洩光,要整似乎大工程,還是推回家修理方便啲.
回家拆下尾轆,嘩!原來內呔三處有吼,用我有限資源去修,實在太污糟,推入廁所清潔一輪,按番好條尾呔,由於洗過條尾呔,個廳成壇水,這時見個新抱蒲出來,嘩!原來兩公婆放假.早知係咁,唔鬼整住,輪到頭呔,還好易拆易裝,漏氣吼得一個,好快便補好,補好裝回,車實在太污糟,廁所太細,要推出門口走廊清洗,用水喉係咁沖係咁擦,洗淨推回屋內,又一地都係水,稍拖拖地,嗱淋裝上頭轆,然後調較吓前後煞制位.
以經2點鐘老婆返,調較後相當理想,差點忘記個變速器,喱個就麻煩?調極都唔理想,上不到最高,落不到最低個波段,唉!算數.

實在太累,唔到你唔認老,腰都直埋,嗱淋叫老婆幫手執架生,這時個仔同新抱出街,今晚唔食飯喎,同老婆執妥架生,清潔好個廳.
推部單車同老婆落街,諗住車場鎖好部單車,然後大乜樂食嘢,誰知落到街落雨,唉!都唔等冒雨踩去單車場,老婆大為緊張,拿著雨傘追來遮擋.
鎖好車便大乜樂,原來以經3點幾鐘,怪不得咁少人,每人食個下午茶餐,老婆25我24蚊,

吃後坐咗好一輪,今日不用買餸返歸.
回家都5點多啲鐘,我就洗白白,老婆又上網遊戲,成6點幾鐘才交回電腦過我,才寫今日blog.
7點多個女返,老婆隻錶要換電,還好都換妥.夜個女有個女煮粉食,我同老婆煲蕃薯糖水食.