睡來唔錯,整朝看奧運,冒雨游水600m,中心麥記,城河野果,晚飯5人食.

昨晚睇奧運又12點多啲瞓,一覺今早8點鐘醒,手機賴床8點半鐘起來,外便下著雨,開電視一望紅雨警告,看看千禧年代直播,討論校園港獨喎,唉!嘥氣,看陣都轉台,明珠看直播奧運,邊洗面搞早餐食,餐後量血壓128/74-58,吃過今早藥,已經急不及待要辦大事,辦妥一切又9點半鐘,又開始我今日事看奧運同上網.
昨日傅園慧真搞笑,由於明珠台無麗音,100m背泳決賽,矇查查只知道第二線係中國女子運動員,諗住第二線極為冷門,身為中國人,國家隊當然抱點希望,希望佢能夠爆冷攞牌啦,嘩!犀利,睇住佢堅強後勁,一步步向前,短途嘢都幾難超前,終點又就到,相當緊張,哈!啱啱好拼個第三,到今早新聞講才知佢係網絡大紅人,非常搞笑,下便係佢賽後訪問,連自己賽第三有牌攞都唔知?
https://www.youtube.com/watch?v=unVJgpanzOI
睇輪奧運上輪網又一個上午,稍為恰陣眼睏,1點多啲鐘,見無乜雨又執嘢去游水,落到街原來還有雨,見不太大,又繼續前去.
由於新聞講嚴例捉單車違規,還是打醒12分精神,零願兜遠些路,上行人路都要昅清楚,冒雨踩到泳池剛好1點半鐘.
更衣室搞掂一切,上池熱身,哈!又無雨落,1點40分下水,以往一樣,一條氣游佢600m,大約半時多啲鐘起水走人,更衣室搞掂一切,至電個老婆,老婆要沙田中心食老麥喎,收線後同呀王吹吹水,誰知傾到甩唔到身,搞到老婆來電追.
離開泳池過到沙田老麥3點鐘,平時一樣,一包一餐33蚊,吃過包同老婆吹水,其間見隔鄰枱有個男人守枱,坐咗好耐吓,個女捧住個唔知乜雞堡包來？比番張百達通個老豆,老豆好負氣話有無搞錯,我啲無買吖?個女話點知你食乜呀?我同老婆講,唉!啲仔仔女女食你就應份,重點會記得你吖?
同老婆一坐就4點鐘,不覺已經坐咗成粒鐘?要去買餸.
行過卜佳無嘢啱買,便落沙田街市,行轉睇中條烏頭大大條賣28蚊,都係唔買住,回程才買你,離開街市行759,又789有折,以前有折買到抽唔晒,今日的折還是不懂買,空手離開行雞寶,買有冷藏雞腎10蚊同螺頭10蚊,離開雞寶返回街市,哈!烏頭跌價28賣25蚊,買條走人,街市磅一磅,竟然有斤一両重.
 
 磅魚其間,門口有條狗,聽個女人講,條狗在這裡10幾年喎?
 
條狗好馴好聽話
 
離開街市,老婆又堅持要踱路返,無偈?同老婆就沿城河邊,推著車踱吓坐吓傾吓,半途其間見個女人教兩個仔踩單車,扶到大汗dup細汗,一路扶一路呻,到交車處,聽見條單車鋪職員教路,點樣學才易上手,又話有個大學生學踩單車,個老母扶足兩粒鐘喎?唉!真係苦媽媽.

 同老婆坐輪又繼續行,行到城河過橋邊,見有人爬樹,奇怪又八吓,
 
 望吓咦?有果實啵?還有些熟透黃晒,叫老婆地下執個望吓,奇怪未見過,問吓條友叫乜名,條話叫季莫喎?熟好好食喎.
 

 
條友好好人,摘咗個熟的比我試,係有甜味,味道似有年去韶關一種野果味道,但形狀就不同.
 
送咗幾個生些過我,話過幾天會熟食得喎?
 

 
 離開野果地方,樓下街市多買點菜,返歸以經6點35分,買來有紹菜一個9蚊,四季豆一包6蚊,烏頭一條25蚊,冷藏螺頭10蚊同雞腎10蚊,合共60蚊.

回家老婆處理買來菜料,我就寫陣blog,一寫成8點多啲鐘才煮飯,料有四季豆,紹菜,烏頭,些少雞汁,雞腎,蝦米同粉絲.

鹽焗烏頭,
 
烏頭食半,
 
紹菜蝦米煮粉絲,
 
四季豆炒雞腎,
 
5個人食1夜返留飯餸.