昨夜失眠,個仔平安到步,修補地台,中心麥記下午茶,交電煤居要費,晚炒飯3人食.

昨晚上網到11點鐘,個仔同新抱出門,旅行日本喎,我就12點前都瞓,遲遲未能瞓著,到瞓著,半夜4點多以醒,無辦法瞓返,笠個耳筒歌仔還是一樣,5點多望住老婆返工,一直捱到8點鐘,收音機千禧年代,又係港獨,聽咗陣,嘥氣,關機起來.
手機whatsapp響,個仔同新抱報平到步,又會咁耐才到?起來外便落著大雨,洗面搞早餐食,用餐其間萬昌來電,又吹輪水,餐後量血壓146/73-60,又會咁高?食今早藥,辦埋個不肖大事又10點06分,再量次血壓121/68-62咁都好啲.

每日事上網,略看陣新聞,無乜好看,最凍時地台膠板凍到囂起晒,想做修補好耐,一個字'懶',今日兩件去咗旅行,再懶就駛做?於是乎的起心肝開工,唔郁永遠唔成事.

話咁快12點36分以經搞掂.
而個仔同新抱whatsapp傳來,以經開始遊覽,還投訴老公一來到就吸煙,我講笑回覆,咁遠來到唔感受吓個吸煙區嘛好嘥?

又1點多鐘個女回來,不久老婆亦回來,又開工上網玩佢遊戲,老婆隻錶又唔掂,於是盡吓人事,兩點多係時候同老婆外出行吓,老婆隻錶唔掂?諗住同老婆鴨撩街買過隻,誰知又想出唔出之間?有車來都無上,諗落咁晏不如踱公園過市中心食嘢.
行到瀝源橋見有隻大龜,又埋去湊吓熱鬧,看完龜就過市中心食麥記.

吃飽坐夠,行超市街市,可能今早勞動,對腳好唔掂,係咁跟住老婆行,結果乜都無買,廣場搭車返歸.
回家6點鐘有多,諗起居要費到期,嗱淋登入交費,電費488元,煤氣750元.
夜我來炒飯三個人食.