相當好瞓,家改革路遊器,天花晾衫棍,大乜樂下午茶,晚飯兩人食.

昨晚依舊12點前都瞓,一覺今晨7點多醒醒,去個所又瞓過,咁就瞓到9點半鐘,耳筒都無出動便起床,周身關節生锈一樣,怪不得咁好瞓.
起來一切如常,洗面早餐上住網食,

量血壓139/70-60,又會咁高,食今早藥,辦大事又10點40分,量多次128/70-59咁都好啲.

上陣網11點多開工,打開梳化底亂過亂世佳人,執理吓啲淋淋嬸嬸,張電線扎好,然後開工重新排過一連串路遊器,一做又1點多鐘,老婆回來啱晒,幫手遞吓架生,少啲擒上擒落,跟住鑽o隆收底板,續一卦好.
 
 搞掂輪到個晾衫棍,

 晾棍要有個碼仔收上天花,又用條各鉄,老婆幫手觸實,用錘用鐅揼個曲尺,

鑽o隆收上天花,搞掂又5點鐘.
 
搞掂食碗麵.

早餐至今未食過嘢,同老婆落街,先菜檔望吓有乜菜啱買?菜價貴到七彩,想買舊冬瓜,嘩!剩番一舊,嗱淋買咗先,一秤10蚊喎,問吓幾錢斤,原來9.6蚊,怪不得成10蚊?買後同老婆去大家樂,叫個西多茶餐兩份食,豆冰佢食,滾水我飲,西多兩份食.

 唞順條氣上惠乜,行個圈買包米粉15蚊,9.6蚊買磅加頓方包走人.
 
返歸6點半鐘,老婆續家務換椅套,搞衛生祙地,我就上網寫我blog.
夜點我來煮飯,料有燒肉同冬瓜.
 
 瓦罉飯一煲,
 
 火腩冬瓜煲,

飲番杯自制梅酒,兩個人食.

飯後果橙.