睡來可以,整朝上網,游水500m,大雨中禾輋食麥記,晚飯4人食.

幾日來瞓不好,昨日都叫做勞動吓,昨晚都極度眼瞓下,還是磨到12點鐘才瞓,一撻落床即瞓著,夜所幾劑瞓到7點鐘醒,賴床好一會,還未能瞓返,7點多為有起來,一切無唔妥,耳鳴還是些少.

起來洗面搞早餐,上住網食,量血壓154/72-59,有無搞錯?食咗藥先,藥後辦大事,勉強完成後,9點05分再量112/63-61,又會差咁遠?
搞掂一切還是上網,一上11點多,新抱返工,上得多有點累,攤響梳化看電視,個女瞓醒,天氣似乎有點熱,又出太陽,把心一橫去游水,無游好耐,游水嘢都唔知去晒邊?裡,一執成1點多啲鐘才出門口.
過到泳池1點12分,好耐無來游,更衣室儲物柜全部換過晒新?

換妥泳褲上池面,主池維修,要行舞雷公咁遠副池游,才有得游,池面稍熱身下水,始終未熱定,水有點凍,100m100m來游,不境成個月無游,游吓唞吓,不時下大雨,湊夠500m走人.
更衣室換妥衫,又同呀王吹水,原來呀王後生時在大陸做過公安,真係睇唔出?聽佢講平時啲泳客投訴,都好委屈咁款?可能老咗火氣收歛,問佢有無用過槍,講槍佢更加眉飛色舞,話蘇制重機槍,三隻腳枕地下嗰隻,都係一個人托住行,問佢有乜驚險嘢,話曾經追踪過台灣特務10多天,又話公安要輪住當劊子手,有次輪到,佢拒絶咗,理由當時低潮,無進升機會,所以唔做,又講輪打靶方式,原來好多技巧,槍斃用步槍,原來係近距離,個犯跪對腳踭要貼屁股,開槍後整個人扑前喎,個人企位要睇風向,千奇咪企逆風位,開槍背脊心臟位落,又話唔打頭,現在打頸喎,有時驚到打不準,會有人補槍喎,由於佢唔肯做劊子手,掉咗去守監倉,見無前途,就無做公安,之後來咗香港,要講講不停,約咗老婆過禾輋,我都要走.
離開泳池,正去攞單車,嘩!突然好大雨,個天黑晒,頂不住要縮上看台,相信有排落,至電過老婆以經到咗禾輋,為有叫佢麥記等.

足知等到3點半鐘才停雨,才單車過禾輋,麥記同老婆同樣兩包,胃食咭買雪糕配兩條芋頭批,合共34.2蚊,吃後係咁易行吓惠乜,便同老婆分道揚鑣,佢行路我踩車過沙田街市.
過到沙田街市,老婆還未到,我就先行探探行情,跟住老婆到,35蚊兩份,買份紅衫配蝦仔走人,
還是分道揚鑣,佢巴士我踩車回家.
回到樓下街市,諗住買節瓜滾紅衫,嘩?12蚊斤?老婆話不如滾紫菜,都好,咁就買塊紫菜5.5蚊,4.5蚊買舊豆腐返歸.

回家5點半鐘,老婆處理買來菜料,我就諗住寫陣blog,實太累頂不住,要梳化瞓陣覺,醒來都7點多煮飯.
料有紅衫魚20蚊,紫菜5.5蚊,豆腐4.5蚊,紫椰菜5蚊,豬頸肉,公魚干,韮菜花5蚊.
 
睇落太多餸?還是抽起韮菜花.
 
 紫椰菜炒豬頸肉,

 蒸公魚干,
 
煎條紅衫,

 紅衫魚紫菜滾豆腐,



又成9點鐘開飯,4個人食1夜返留食餸.