睡來還可.整日烏吓烏吓,大乜樂下午茶,網友介紹睇套戲,晚飯二人捱蕃薯.

昨晚累到不堪,晨早11點鐘以瞓,一覺5點45分便醒,老婆在返工,去個所就瞓不返,為有笠耳筒聽歌瞓,都係稍為恰著吓,捱至8點鐘起來,人都企唔穩,整個人散晒一樣,前日做些少嘢,稍為郁吓,就累到現在,唉!人老咗真係無用?

起來著電腦洗面搞早餐食,上陣網量血壓132/74-55,食今早藥,望吓外便整個天黑晒,嗱淋關窗,不久以經大雨到,辦埋個大事才9點20分.
上網看陣新聞就轉去看youtube,看咗陣都無乜好看,Li May留言介紹個電影平台,即管試吓上去看吓?又OK啵相當順暢,一點窒都無?不過較新的片就看不到?免費嘢算係唔錯?唉!唔夠瞓都無心機再去研究,眼攰攰攤響梳化看電視,個女瞓醒11點多返工,我就看吓恰吓,又1點多鐘老婆返.老婆回來不用多說,梗係上網佢遊戲.
恰到咁上下,同老婆講去食嘢兼買餸LU,老婆才關機,本來諗住過大圍,誰知落到街落雨添?無偈,為有商場大乜樂,同老婆每人食個下午茶餐,老婆23我24.

吃完,剛好遇見街坊陳太兩公婆,於是坐埋來吹水,講的都是都係子女事,又話個女同女婿帶佢哋去遊日本喎,見佢講起仔女事?突然諗起FB?曾經見過佢兩公婆出現,FB有度唔好,成日無晴晴推介啲三唔識七做朋友,於是乎拿部機出來,試找吓佢看,哈!果然還在,唉!不用說個FB都係個女同佢開,我話你有幾張結婚相蒲出來,於是乎比過佢睇,佢好震驚,我話唔駛講梗係你個女幫你開?哈!佢叫我嗱淋幫佢刪掉,我話戶口你的,我幫你唔到,你唔鐘意?返歸叫個女幫你搞囉,於是乎又講吓post相啲利害關係,有人愛威嘛post出來囉,post出來有事就麻煩,好似石棺材個女仔單嘢,全部起底上晒新聞.
又講到陌生電話,佢話我唔接架,我話好多同你有關電話,都係無顯示,例如政府,醫院,又或你銀行打來,你又唔接喎?佢話都係唔接,哈!萬一醫院打來,更改你覆診時間,你又唔接?都係話唔接?唉!費事同你拗,人就係咁唔衰得,老婆見傾得太耐,追著叫走,才散水,心諗記然你咁穩陣不接電話,不如所有政府機構,登記時不留電話囉.
離開大乜樂上惠乜行吓,結果空手回,見幾日來大事不妙,同老婆講,不如今晚捱蕃薯,老婆又話好,於是乎打道回府.
返歸才5點鐘,煮食又無咁早,於是乎研究吓Li May比的電影平台,試找套片睇吓,一找喱套正?因為youtube看過佢條MTV,隻歌好好聽.
笠個耳筒就這樣一睇8點鐘,好看,嘩!戲院一樣,套戲又好睇,有興趣就睇吓,我的少女時代,超正.
http://www.ik88tv.com/vod-play-id-67216-sid-6-pid-1.html

以經8點多鐘,嗱淋烚蕃薯7.5蚊,
 
壓力煲一壓,搞掂兩個人食.