睡來多夢,耳鳴回復8,9%,整日在家,無聊揼吓白果,整番條扇糟,大圍買餸食麥記,晚飯5人食.

昨晚11點鐘以經瞓,一覺今晨6點幾鐘醒,睡來多夢,夢內人物是我,但周邊事物一點都未見過?收音機賴床到8點鐘起來,老婆又留下字條要晾衫,還好衫不多,洗埋個面一陣就晾妥,跟住搞早餐食.

餐後量血壓125/71-57,果然天氣影響血壓,近日正常好多,食埋藥辦大事,地下河條片手歌硬係覺得唔好聽?於是乎廁所轉過隻,希望板權可以啦?
https://www.youtube.com/watch?v=1G6iR3ZXlQU

辦完大事才9點半鐘,今日感覺良好,耳鳴有回復8/9%之勢,而感冒昨以停藥,剩下來些少鼻水,痰亦少好多.
旅行回來趕blog?病?耳鳴,覆診,拜山,一連串忙到甩轆,相反今日有點唔自然?胡亂上輪網都唔知做乜好,攤響梳化諗起早前8蚊買斤白果,再唔揼就來發霉?

一揼1點多鐘老婆返,老婆又開工,用咗我部腦玩遊戲,見白果揼好無腦用,不如煲餐糖水潤吓,於是乎壓力煲下,雞蛋腐竹糖水食得,
 
糖水食完,又諗起另回事?早前個女厭條抽氣扇糟多塵拆走,諗吓熱起上來怎辦?立即開工,老婆就熬熬聲,因為要幫手?唉!又無新紙皮,好在舊的還在廢紙箱,摷回出來,清洗吓再裝回上去.
就係咁搞吓?架生少件唔得,擒高爬低我對腳以吃不消,搞掂又4點鐘,問句老婆今晚餐點呀?才說去買餸,見乜都無,不如搭程車過大圍.
大圍行轉街市,中午剩係食咗兩碗糖水,乜都無到過肚,同老婆又走入麥記,食個麥樂雞餐23蚊,坐陣就上惠乜,無平生果賣?買磅加頓麥方包9.6蚊走人,離開惠乜有點雨,嗱淋火車返歸.
回家以經6點鐘,個仔以經回來,買來料有生菜,荷豆,蒜仔同芹菜共10蚊,涼瓜4隻6蚊,魚胶半斤14蚊同方包9.6蚊,全部合共39.6元

老婆處理買來菜料,夜點我來煮飯,料有涼瓜食半3蚊,生菜3.5蚊,上海年糕5蚊,雪柜瘦肉約10蚊,蒜仔,荷豆同芹菜食半約3.5蚊,魚胶14蚊.
 
 涼瓜煮瘦肉,
 
荷豆蒜仔芹菜炒年糕,
 
魚肉滾生菜,
 


 5個人食1夜返留湯飯餸,今餐盛惠約39蚊.