睡來可以,有夢,下雨天,整朝上網,大圍食麥記買餸,遇老馬,晚飯5人食.

昨晚11點半鐘都瞓,一覺今早8點鐘醒,去個所還是回床賴,笠個耳筒,剛巧千禧年代胡漢清,話題又係熱話港獨?唉!好危險?咁下去遲早又來多個六四.
 http://programme.rthk.hk/channel/radio/player_popup.php?pid=1063&eid=352073&d=2016-04-15&player=mp3&type=archive&channel=radio1#

聽咗陣還是聽歌仔好過,想起昨日同老婆出街,聶堂遇著街坊小巴佬,佢一開口就問我,哈!從來無見過你響冬菇亭?我就問係咪睇啲人下棋,十五胡,玩紙牌釣魚嗰啲?

佢又話真係頂唔順,無做一輪,嗱淋要揾番三日工開吓,似乎好開心,我才意會到佢講乜?原來佢都留意我生活,我話每日上午嘛上網囉,網上好多嘢睇架?好多嘢可以參與架?唉!講後有點後悔?佢又點會明吖?我才說係呀,退休日日響企,真唔知做乜好?所以現在嘛要出街囉.
巴士佬一對仔女,全部移民美國,佢又唔捨得間屋,唔過去,老婆又番工,又乜唔悶吖?唔叫救命吖?

起來洗面搞早餐食,今日食新抱包嘢,唉!一輩人不同一輩人?包嘢睇住佢買回來,食過幾次後便放埋一邊,放咗好耐,昨晚抵唔住頸,叫佢睇吓包嘢有無發霉?佢話好耐LU,過晒食用日期要掉喎?唉!不如我來替你消咗佢啦,所以今朝我的早餐.
 
餐後以經10點40分,量血壓133/77-62,食今早藥,辦埋個大事又11點11分,每日如是上網又一個上午,關機看電視到1點多老婆返,老婆又開番部機開工,上網玩佢遊戲.
2點多係時候出街,還是落雨,搭程火車過大圍,過到大圍穿過街市,昅吓行情,無魚啱買,同老婆相量後還是去食麥記.
麥記老婆叫了兩個單包20蚊,用為食咭15蚊買個新地樂,配兩隻芋頭批.

吃後同老婆各自手機上網,坐咗好一會才去買餸,首先行惠乜睇吓有無平生果執,結果係無的,不過榴槤就9,8蚊磅,真係平,平過街市,揀上手好吸引,隻隻都OK,老婆話買,唉!買隻大大隻回家,每人又嘛一兩粒?又點夠喉呀?都係忍手為妙,獨係買咗磅麥方包9.6蚊,買包加拿大碟魚19.9蚊試吓?
臨離開,哈!遇見街坊盧來,都好耐無遇過佢?還是一樣,一見面又係呻股票,話中行4個幾買喎,唔見30拾幾萬喎,唉!當個市旺,佢曾同我講過句,話我打大風都執不到塊樹葉?雷曼冧佢又呻,到現在都係呻,一把年紀何必咁搏吖?搞到自己咁唔開心?

離開惠乜繼續買餸,街市行個圈,去到舊年搬遷間鋪中興,諗住買半斤公魚干食吓,誰知老婆話有現金券,係舊年搬遷前優惠券,寫明買夠一百當20元用,於是乎買夠一百元佢,公魚干買斤52蚊,合桃一斤48元,剛好盛惠80元走人.
行出中興有人叫聲?原來係老馬,話剛美林邨體育館做完器械運動喎,傾咗兩句便各自買餸.

搭程車返歸,回家才4點45分,同老婆又各自開工,佢遊戲我寫blog.
夜點我來煮飯,料有加拿大碟魚19.9蚊,露筍7.5蚊,茄瓜3蚊,金菇一包2.5蚊,南瓜2蚊,公魚干幾條,豬頸肉約7蚊.
 
一搞又9點鐘開飯,
香煎加拿大碟魚柳,無下次.
 
公魚干甘菇蒸南瓜.

腐乳蒸茄瓜.
 
露筍炒豬頸肉,

5個人食1夜返留飯餸.今餐盛惠約42蚊