睡來唔錯,左手指公痛,整朝上網,禾輋下午茶,晚飯人齊食.

昨晚11點半以經上床瞓,一覺近8點鐘,去個所回來諗住賴吓床,誰知又瞓到9點多鐘,起來一切幾好,獨係左手指公拗關節痛,都痛咗兩日,看來都係要食番粒消炎藥.

起來天氣有點涼,加番件衫洗面,搞早餐食,餐後量血壓138/77-59,又似高咗啲,食今早藥加粒消炎藥,辦埋大事又10點15分.
日日如是上輪網1點多老婆返,2點幾鐘問聲老婆出不出街,唔出我就自己去買餸,後來老婆才話去,連個女又話去,老婆話去飲茶,咁就三人搭程過禾輋,過到禾輋3點幾,老婆堅持要飲茶,咁就新開龍乜,叫咗個點心拼盤40蚊,粟米瘦肉粥9.8蚊鮑汁什菌撈粗麵38蚊,茶三位21蚊,連加一120元,三個人一坐4點多鐘,老婆找數120元.

茶後行商場,還是禾輋行到瀝源,跟住才巴士返歸,街市多買點菜回家.
回家又6點鐘,買有759紅米20蚊,油麥菜6蚊,甘荀6.9蚊,豆腐4.5蚊,秀珍菇5蚊,白磨菇5蚊,豬展33.6蚊.

飲茶還有點飽,唔煮又唔得,搞到成8點鐘才煮飯,料有腐皮,蝦米,油麥菜,冰鮮雞半隻,秀珍菇同豆腐.
 
 一煮又成9點20分才開飯,新抱亦放工返,啱晒開飯.
蝦米腐皮秀珍菇浸豆腐.

 腐乳油麥菜.
 
 蒸鹹雞人齊5個人食.