老婆神咁早瞓,我就鬼咁夜瞓,老婆放假齊拜家姐,有車坐第一次,巧遇姻親,晚飯人齊食.

昨晚真大鑊,以經夜食飯,寫埋篇blog差不多12點鐘,寫好又長又寢篇blog,諗住copy返落部腦度,誰知一撳,all 呵無晒?大鑊?點摷都摷不返?唉!好想算數唔寫,以經12點幾鐘?又未沖涼?廁所又忙?都係沖埋個涼再算,沖完個涼好想瞓,怕夜咗失眠?諗吓?唔寫又驚瞓唔著?唉!C就C啦,一寫又1點多鐘,草草搞掂才去瞓.

還好一撻即著,一覺今早7點多鐘醒,老婆放假亦瞓醒,齊齊起來洗面,老婆以經開工,上網佢遊戲,我就弄早餐,同老婆兩份食,
 
吃後量血壓123/70-59,食埋今早藥辦大事,辦完個不肖大事才9點半鐘,同老婆講要買嘢去拜家姐,老婆話咁早?咁就兩公婆各自上網到10點鐘,係時候出發將軍澳拜家姐.
老婆買咗兩件合桃蛋糕12蚊,一盒齋鹵味15蚊,跟住就元寶蠟燭香衣紙120蚊,老婆話極限喎.

老婆買衣紙時,我就睇貓嬉戲,貓貓好活躍,不時紐埋一團,兩隻貓玩到癲,
 
 老婆搞掂香燭要走,就89B向官塘方向出發,去到黃大仙,此情景回憶N年前,(應該80年)住屋困難,曾揾木屋來過這裡,哈!若果成交,相信住到現在都似?

 

拜山尋舊路,諗住高超道站落,然後慢行上去,誰知坐不到兩個站,司機大大聲叫拜山這個站下車?吓?未到啵?唔通有乜更改?唔係啦?出去問清楚?

唉!原來這裡有部14s巴士上墳場,若要行就遲個站高超道站落,在15,16之際?有位乘客呀伯話,搭車好,行好辛苦架,同老婆相量後,不如下車搏搏.

下車行不到兩步?嘩!好多人呀,有點後悔,早知行啦,現在為有跟隊排.

 

幾大行隊?終於輪到我行移動,行出馬路,嘩!望吓?見不到龍頭?

排咗陣有得揀,企位同坐位,在這裡等又要企,不如快啲在車企好過.

 

終於輪到上車,從球場開始排到現在,排咗35分鐘,都唔算耐?

(好多巴士,排住一部接一部)

 

 10分車程便上到來迴旋處,嘩!霧鎖將軍澳墳場,一片迷濛?

 

眼見拜完離開的?犀利啦?我同老婆一路行,條隊一路排?

 

嘩!龍尾一直排到凌宵閣,唉!我就零願行?

同老婆進入凌宵閣,似曾記得地方找家姐個位,唉!真大鑊,揾極都唔見?好在手機有相,原來還要上一層,結果找到了,潮濕大霧地下水塘一樣,無偈,還好我們位置無人來拜祭.
順利放下祭品,點上香蠟,祈求老少平安,燒過元寶衣紙,以往我會點著衣紙,才拿去個爐處燒,好在老婆點醒,埋爐都要排隊呀,若果點著,想唔打尖都難?化寶後老婆話要燒過蠟燭喎?見到個地下唔開胃,極想早點離開,足知前後拜咗50分鐘才燒妥蠟燭.
 離開以經1點半鐘,都唔駛諗搭車,一於是向調景嶺方向行.

 行到中途見臨時搭建有吉櫈,同老婆休息食埋啲祭品.

休息夠繼續行,沿途海邊風景好靚,
 
都忘記休息過幾多次,14點55分終於來到調景嶺地鉄站,對腳以經不是我的.

又係來到這間,歇腳兼祭五臟,假日特別多人,要去老遠担張櫈來,才同老婆有個對號位,老婆買嘢我霸位.
我就食粥配炒麵一個义燒包,加多2蚊多杯奶茶28蚊,老婆就魚球麵27蚊,吃後各自手機輕鬆吓,
咁啱隔鄰有張4人枱,有對夫婦來坐,哈!人就係咁自私,竟然放下個包,打斜對角坐.
咁啱又遇見鄰居邱太,過來傾幾句,佢就開心,仔女全部取得取,嫁的嫁,四圍去喎.
 
吃後坐夠,16點13分來到巴士站,搭798走人,

小有坐城巴,又幾靚吖?
 
剛好50分鐘車程,返到沙田,又咁橋遇見姻親,又傾幾句,
 
沙田街市買餸,買有魚胶10蚊,豆卜5蚊,返歸街市買條涼瓜6蚊,條勝瓜6蚊返歸.

回家6點鐘,個仔同新抱打點一切行裝,老婆就處理買來菜料,我就上網寫今日blog,
夜點老婆煮落飯,我來煮餸.

蒜蓉蒸勝瓜,

煎釀豆卜,

煎釀涼瓜同磨菇,

人齊5個人食,今餐盛惠27蚊,我依然無胃口,爬兩啖算.


飯後果橙.