睡來尚可,有點咳,鼻唔妥,跑馬唔識賭,大圍大乜樂,晚飯4人食.

昨晚同啲夜歸人傾多兩句,又成12點幾鐘,都係咪搞上床瞓,無謂夜瞓又撻唔著,瞓落床大劑,喉嚨痕咳,九成九老婆啲海帶涼拌,海帶超寒涼,稍夜好彩都瞓著,一覺今晨6點鐘,鼻唔多妥,鼻塞塞嚥喉有點痛醒,老婆在返工,瞓不返笠個耳筒聽著歌瞓,半瞓下到8點半鐘起來,睡來還算可以,起來搞早餐食.

食過早餐搞掂一切,辦埋大事又10點鐘,星期六麥道舞,胡亂上輪網又一個上午,諗吓下午去邊好呢?諗落還是去游水?以經12點45分,轉個台J2望吓,咦?乜有馬跑嘅?於是乎就懶起來,就坐定定睇跑馬,望住電視電腦踱吓料?唉,還是不懂賭,望咗兩場眼睏起來,又在梳化回陣魂,到3點鐘老婆放工,關電腦過大圍會老婆.

過到大圍大乜樂,老婆以經有位坐定定,同老婆每人食個下午茶餐,老婆22我24,吃後各自上輪網就買餸.

行轉街市買有枸杞兩扎8蚊,蕃茄同青椒9蚊,瘦肉10蚊,蓮藕3.5蚊,惠乜特價生果有鴨梨5蚊,牛油果14.9蚊,長啤梨5蚊,全部合共55.4元,回程老婆都懶行,搭程火車,我就踩車返歸.

.

返歸都5點45分,馬亦跑到最後一場,6點多鐘個仔放工返,夜點煮飯,菜料有枸杞兩扎8蚊,青椒同蕃茄9蚊,瘦肉10蚊,豬扒件6蚊,雞蛋3隻3蚊.

 

 蕃茄蛋7蚊

 豬扒炒辣椒11.5蚊

 瘦肉滾枸杞18蚊

 4個人食,食住等,今餐盛惠36.5蚊.

飯後果長啤梨