瞓覺好的,個鼻好啲,游水800m,大圍拮嘢買餸,晚飯4人食.

昨晚傾多兩句,以經12點半鐘?都係咪攪,嗱淋上床去瞓,免得夜咗又失眠,好彩都瞓著,夜所一劑瞓到今早8點鐘醒,賴床近9點鐘起來,洗面早餐上網.

搞掂一切又10點鐘,望吓個市升成400幾點,前日落個盤,差一個價位撈唔到,今日嗰然升到呀媽唔認得,唉!無眼睇,上輪網11點鐘又望吓,嘩!600幾點,真係無得講,望住個市到12點高清台睇楚漢.

看完集楚漢一於去游水,實在太懶,上次游以經係10月22日,足13日無游,執整游水嘢,過到池1點半鐘,池面稍熱身,陽光普照都幾暖吓,1點45分下水,200m200m游,湊夠800m走人,更衣沖埋個涼才2點45分,呀王放假無得吹水,坐埋一邊手機上陣網3點鐘,老婆放工來電,就大圍食拮嘢啦.

過到大圍拮嘢,老婆以經在等,每人食個飯餐共40蚊,其間見華仔兩公婆經過,隔著玻璃聽我唔到,後來至電過佢,話無開工喎,又話要去火炭睇工程.

食完個飯餐買餸,行轉街市買有西洋菜兩扎6蚊,蒜頭4串10蚊,老薑10蚊,臘肉1條17.6蚊,瘦肉17.8蚊,芝士兩包26.8蚊,多春魚13.7蚊,合共101.9元,又由於要煲湯,同老婆分道揚鑣,佢火車我單車回家.

 回家剛好齊齊到,以經5點鐘,老婆嗱淋處理今晚煲湯,料有西洋菜兩扎6蚊,瘦肉一舊17.8蚊,陳腎三個,蜜棗兩粒,陳皮一片同南北杏2.5蚊.

 

其他有多春魚13.7蚊,臘肉6蚊同荷蘭豆2.5蚊.

 香煎多春魚13.7

 臘肉炒荷豆8.5

 瘦肉陳腎煲西洋菜

 4個人食,今餐唔計陳腎盛惠43.5元