睡來唔錯,大事不妙,游水800m,大圍拮嘢,晚飯人齊食.

昨晚12點鐘瞓,一覺今晨7點鐘醒,去個所瞓不返,為有笠隻耳筒,一賴8點多鐘起來,睡來唔錯,鼻無事,洗個面早餐,都好耐無用過喱部嘢?就芝士花生醬夾件食, 

餐後辦大事,好唔掂,今晚要番劑紅蘿蔔南瓜食至得,上輪網看輪電視恰陣眼睏又12點鐘,高清台楚漢,看來今個星期要大結局.

看完集楚漢1點多,係時候去游水,踏部單車過到去泳池1點半有多,搞掂一切池面熱身,天陰開始有點涼意,1點45分下水,200m,200m的游,湊夠800m起水走人.

 更衣室搞掂一切還未夠3點鐘,上陣網老婆放工來電,咁就大圍食拮野.

過到大圍,老婆同步到,拮野每人食個飯餐,兩位40蚊,餐後行街市,買有火龍果4隻15蚊,豆腐一件3.5蚊,紅蘿蔔5蚊,天陰陰老婆叫搭車,啱嘥,大家不用行.

 回家以經5點半鐘,老婆立即煲下湯,湯料南瓜,紅蘿蔔同粟米,其他料有豆腐,荷蘭豆,臘腸同蝦干.

 

蝦干臘腸炒荷豆.

 梅菜蒸豆腐

 粟米紅蘿蔔煲南瓜

 人齊五個人食.

 飯後果火龍果.