攞嚟拗,新台煲劇,長者日,禾輋食麥記,晚飯4人食.

昨晚餐飯又拗頸,越老越無說服力,都係嗰句,少說話少爭拗,講多錯多,細時佢唔識,老來我白痴,

 飯後睬你都儍,繼續上網,見雅虎有韓劇睇,於是深究一吓,原來係個http://www.viu.com/ott/hk/平台,好多中台韓日劇睇,還有apps下載手機睇,話明年16年4月開台,電視又多個免費頻道睇,喱鑊真係足不出戶睇唔晒.

 昨晚研究輪個viu頻道,又成12點幾至瞓,還好還可以瞓著,一覺今早7點多啲鐘,稍賴起來,睡來還算可以,洗個面搞早餐食邊上網.

辦埋個大事又10點幾鐘,外便落著雨來,星期日百無聊賴,不如去個新台摷套劇煲吓,一摷就係喱部夜行書生,講吸血鬼,又幾好睇啵,睇完長長一集,又成一點多鐘.

渾渾噩噩又3點鐘,老婆又放工,去邊度好呢?相量咗陣,老婆話今日長者日剩車免費喎,唉!咁就禾輋啦.

落到街望住九巴個apps,都無車到站,突然望吓前面燈位,嘩!有車,嗱淋急腳趕過盞綠燈,足知都趕及,掉....個app都唔準嘅?

過到禾輋商場麥記,老婆以經在等,同老婆一餐一包加個粟米批,盛惠39蚊.

 食餐其間,隔離4人枱剛有人走,立即以經有兩個上年紀肥C九,放下環保袋霸住先,由於係欄住,要兜個圈才能來坐下,兩個女人有番咁上下份量,照睇似兩姊妹,由於枱面無人執嘢,兩個女人就手指指,話啲職員企響度唔執嘢,倆人終於揮手叫到職員來,執走了個盤,倆人又話張枱污租,要求職員祙祙,跟住兩個就攤響度傾偈,一點嘢食都無買,傾咗好耐才走.

(佢兩個都做漏咗啲嘢,忘記要兩杯滾水飲住傾,咁就完美)

兩個女人走咗後,隔離單人位個老婆婆走過來,放袋嘢在前便張櫈,左手邊個位又放袋嘢,然後攤開自己袋嘢係咁食.

麥記風氣係咁,人多係咁,個個都係咁.

兩公婆坐夠行商場,759又789折買有鮮奶三包27蚊,馥軒麥方包8片10蚊,

 買後踱過去瀝源,雞寶買有半肥豬肉16.9蚊,香蕉6蚊,沙田街市買有紅衫魚同瓜子魚合共30蚊,然後巴士返歸.

 返歸都6點鐘,老婆煲落個湯,料有瘦肉16.9蚊,雪梨4隻4蚊,蒜頭一包1蚊,其他有蓮藕3.5蚊,瓜子魚15蚊.

 夜點我來煮飯,有

藕片炒豬肉,

 麵豉蒸瓜子魚

 蒜子瘦肉煲雪梨.

 4個人食,今餐盛惠約40蚊