踩轉單車郁吓,還是不懂去賭,下午茶大乜樂,759假折頭,洋人都懂尊重,人齊五個人食.

瞓6賴8,睡來麻麻,上輪網百無聊賴,11點半鐘遇啱華仔得閒,兩條友就踩轉單車運動吓,一踩就踩去火炭頂,華記話睇吓人家啲工程喎.

 

回程火炭河見大堆烏頭魚,條條手瓜咁粗,咁污衊河水下,下次街市見有烏頭?都係咪搞,分分鐘來自這裡?

  

踩完轉單車回家都1點多鐘,馬仔又開跑,睇咗兩場還是不懂賭?攰攰哋索性恰番陣.

一恰3點多啲鐘,老婆又放工,老婆叫食大乜樂喎?積分到期喎?咁就大圍大乜樂啦.

星期日大乜樂又似乎無咁墟撼?同老婆每人食個茶餐,我24老婆22.

茶後行經759,係咁易立吓張宣傳單張,咦?又6 6 9折啵?其實幾多折都無用,無嘢啱買,正想離開,見個收銀員頻頻指著張招紙澄清,係買滿200才有折,我才再睇清楚,掉...嗰200元幾隻字,顏色同個底色差不多,唔留意真係睇唔到,又係搏大霧.

離開759繼續買餸,行轉街市買枸杞菜兩扎8蚊,荷豆一斤8蚊,薯仔三隻5蚊,雞全翼4隻10蚊,瘦肉15.4蚊.

 

返歸5點半鐘,睇埋最後場賽馬又6點鐘,轉去睇七人橄球賽,剛好男子決賽,日本對香港,兩隊進場排好隊,首先日本湊國歌,唱完輪到香港隊,港隊大部份係洋人,好難得大部份洋隊員,個個都口郁郁唱,懂得去尊重,比起一些香港人,起碼一點尊重都無.真有點唏噓.

夜點煮飯,有臘肉炒荷豆.

 咖哩薯仔煮雞全翼.

 

蛋花瘦肉滾枸杞

  

 人齊5個人食.