瞓覺好,鼻敏感好啲,個女宿營,廣源邨探轉老友,晚飯三人食.

昨晚blog都無寫11點零都瞓,一覺今早9點鐘醒,相當好瞓,起來個鼻似乎好啲,些少鼻水,天氣又涼咗啲,吹到窗簾勁飄起,洗個面早餐邊上網,餐後搞掂一切又10點鐘.

上輪網11點鐘個女瞓醒,執什行裝,話南丫島宿營兩日喎?個女出門又12點鐘,我又電視楚漢.

看完集楚漢1點多鐘,去邊處好呢?去游水?天氣唔冷唔熱,須然暖水,但都有啲驚驚?老馬留院期間,曾講過出院多點探佢,不如就探吓佢?whatsapp過兩句,無問題,1點半鐘出門,稍等以經有小巴.

上到廣源邨才兩點鐘,至電過老馬,叫他慢慢小心下來,我在鐘樓下等你.

10多分鐘老馬到,見佢楝住拐杖慢慢行過來,說話時還是同住院時一樣,聲線還低帶有點女聲?出院以經個星期,似乎進展得較慢,聽佢講星期四還要入院住一天檢查,看來都唔簡單.

入到酒樓,我就叫個沙嗲豬扒米線餐,飲奶茶25蚊,老馬就在諗,我話唔好食牛腩啦,老馬至愛係牛腩,重係重咖哩嗰隻,後來還是跟我一樣.

老馬話11點鐘才吃過早餐,要比啲米線過我,好,變咗我碗勁大碗,我話應該你無煮飯啦?佢話無囉,無煮飯班友才知C,我又問邊個陪住你呀?佢話個第二仔,剛啱未有工開,咁都好啲.

坐吓傾吓又3點幾鐘,老馬係都爭住找數,埋到收銀處,老馬付張一百,我遞張50剛好,可能收銀同佢熟,係都唔收我張.

離開酒樓花糟坐吓,唔夠一會,佢以經要起身鬆吓,見佢咁唔自在?都係送佢返歸,同佢邊傾慢慢的拾級而上,途中佢電話響,原來係另癱瘓戰友,來電問候,我都傾咗幾句,送老馬到佢樓下,我才離開.

小巴回家4點鬆啲鐘,都襰過大圍買餸,就樓下街市買4片方包4.5蚊,半個芋頭8蚊,5蚊南北杏同10蚊瘦肉返歸.

回家老婆拿淋煲個湯,料有海底椰一些藥材同瘦肉,芋頭,南瓜,秋葵,雞蛋.

清炒秋葵

蛋蒸水蛋

芋頭煮南瓜

海底椰煲瘦肉

4個人食一夜返留湯餸.