昨夜又失眠,整日烏烏吓,馬會網頁癱瘓,樓下大乜樂,晚飯三人食.

 昨晚稍夜成點鐘至瞓,咁就大鑊,遲遲瞓唔著,我諗都要4點才入眼,一瞓今早7點鐘以經醒,瞓不返,聽收音機捱至8點半起來,睡來極差.

 洗個面食早餐,上輪網食過早餐,搞掂一切又10點鐘,星期百無,上輪網看吓電視又12點鐘,睇陣城市論壇馬又開跑,跑快活谷更唔識賭,唔夠瞓烏吓烏吓睇跑馬,跑咗三場諗住上網刨兩隻,哈!誰知馬會網癱瘓,想賭都無得賭.

望住電視恰吓眼瞓又3點鐘,老婆放工,今晚個仔同新抱都唔食,都無謂過大圍買餸,就樓下大乜樂食嘢,個女老婆三人下午茶.

 茶後行轉惠乜,買有特價零食薯片3包15蚊,焦糖米條兩包10蚊,香蕉6蚊,吞拿魚一罐29.9蚊,個女付錢.

街市買青瓜,蕃茄,洋葱同節瓜13.3蚊,蕃茄洋葱青瓜係個女的.

 

夜點我來煮飯,料有節瓜,牛仔骨同料頭.

 瓦罉飯一煲.

 節瓜牛仔骨煲

 至此一煲三個人食.