睡來麻麻多夢,買注澳元,游水800m,更衣室教課whatsapp,大圍食拮野,晚飯4人食.

昨晚12點鐘瞓,一覺今早8點鐘醒,睡來麻麻,成晚發夢,起來少許鼻水,食過早餐辦妥一切事務又9點半鐘,澳元早前反彈沽咗注,今日回落差不多低位,係時候買番注,搞掂後又11點鐘.

12點鐘睇電視楚漢,看後係時候去游水,以經深秋依然熱過乜,陽光普照,1點半鐘到泳池.

搞掂一切,池面稍熱身,1點50分下水,200m,200m的游,湊夠800m2點40分起水走人.

更衣室搞掂一切,又同呀王吹水,呀王話手機落地唔爛,不過部手機個芒爛咗,但有塊芒貼,還可以用,我就勸佢比番代理維修啦,吹水期間,有個不認識泳客,見我用手機上網,就問我識唔識whatsapp?問到嚟嘛說識囉,哈!佢叫我教吓佢?我話手機嘢叫你啲後生教嗎?佢話唉嘥氣,又話忙又話無時間,我都係咁話,10個老豆有8個都係咁遭遇,越親越衰,由其仔女,教外人鬼咁好心機.

已經3點多啲鐘,老婆來電問去邊處食嘢,回應咗老婆過大圍,條泳客以經拿部手機過來,似乎新機三星Galaxy 6,又要同佢入個聯絡電話,示範埋個whatsapp出去,又教佢用埋個咪,我都嗱淋離開要過大圍會老婆.

過到大圍老婆以經在拮嘢等,同老婆每人食個飯餐共40蚊,坐咗好一會才行街市.

行轉街市買咗12蚊梅菜,14.3蚊買隻冷藏豬手,游完水有點累,叫老婆搭程車返歸,我就踩車回家.

 回家都5點半鐘,老婆處理買來菜料.
夜點我來煮飯,料有芥蘭菜3蚊,豬手隻14.3蚊,雞蛋三隻3蚊,白飯魚食半5蚊,梅菜5蚊.

 

灼淥芥蘭3蚊

 梅菜扣豬手19.3蚊

 白飯魚蒸水蛋8蚊

 

4 個人食一夜返留餸,今餐盛惠30.3蚊