2022健康易 2022生活易
送走疫症更容易
新年快樂
2021年12月19日 星期日
17C,睡可,移民同事關心事,投票,搭轉免費車,宋王臺,尖東,茶大家樂,中藥11,個女到,晚飯7人食.
2021/12/19 星期日 17C
昨晚如常10點零都瞓,夜所一劑就今晨0620醒,個仔在返工,所後手機半賴床,睇吓東睇吓西,whatsapp群組下,收到位移民英國同事訊息,提醒群組各位今日投票?哈!跟住下個訊息就係湖北高速公路段,橋面則翻垮塌,3C4傷,跟住就話(大陸啲天橋事實好流).
見佢移咗民?都重咁關心香港投票同大陸事故?不如整首歌仔過佢聽,等佢暖暖個心,就係紅線女隻昭君出塞,
賴床到0900起床,嘩!屋企氣温17C,拍埋賴床老婆起床,齊梳洗烚水搞早餐.0956同老婆早餐,新抱B亦蒲頭.
餐後辦埋件事,無所事事,新抱就教B做功課.11點多同華仔吹水,吹完水12點多鐘,不如落去投票.
兩公婆落到社區會堂1230,嘩!原全無人嘅?聽住工作人員指示,好快便投完票出來.
出來老婆又話想過市廣場睇衫?我話免費乘車,不如搭條新線,入屯門行吓?去到站入閘,不用拍咭,免費都知人多?以經行到車頭等車,結果車到都係無位坐?連抱住個細路個女人都無位座?到大圍站有人下車,我才有位坐.一路坐到上緊到宋王臺站,硬係聽到廣播,話前面有事故,請剩客下車,同老婆講?老婆話係聽見有廣播,不過聽唔到有事故叫下車喎?但車以經到宋王臺,唉!都係咪搞?不如落車先.
下了車列車又繼續開啵?似乎無事?落咗車一睇?嘩!一眼睇晒,就係咁多?前面一堆人,一排廚窗排晒隊睇?唉!晒氣,同老婆外圍睇睇,我倆都走LU.
唔睇去邊呢?上返車去屯門?定點?唉!決定都係出閘,好耐都無來過宋王臺嚿石?出閘廢一片爛地,亂草叢生?沿住有蓋通道行,大約10分鐘出到去,過條馬路就係宋王臺花園.
花園細細無乜人,行陣拍張照,想話坐吓?見張張櫈都吉?行去睇吓,全部都雀屎,無得坐就坐無水既噴水池邊,坐陣太陽又晒,同老婆都走.
1343離開,去邊好呢?向土瓜灣方向行咗陣,見有26號車去尖東,老婆又話去尖東,唉!是但啦.
1426來到尖東,公園好少人,又唔想多行,見無嘢啱食,同老婆坐81C走人.
返回沙田1527,商場1538食大家樂,老婆30炸髀餐,食百達通送雞翼,我就义米餐30-5=25蚊.
吃過坐夠1616離開,離開老婆又話上惠康,買有特價香蕉5蚊,冰鮮雞隻33蚊同廚房紙23蚊,跟住街市買菜,椰菜花,紹菜同雞髀菇20蚊,蠔豉74蚊,薯仔個3蚊,搞碎豬肉23蚊同雲吞皮5蚊返歸.
回家1650母女出咗街,我都嗱淋沖涼,啲衫洗得就洗,涼後沖劑補茶飲,以經第11劑,
茶後上網寫寫blog,冇耐個女到,1903三口子返,下來佢三口子忙沖涼,2031叫開飯.7個人食,個仔沖涼留飯餸,呀偉留就拿走.
2021年8月7日 星期六
睡好,踩轉恆明公園大大鑊,威院縫七針,晚飯人齊大家樂,
2021/08/07 星期六
昨晚出埋編blog睇埋奧運,11點前都瞓,夜所一劑就今晨0620,同老婆齊齊醒,個仔在返工,返工後關冷氣開wifi,返床再瞓0730醒,手機賴床到0820,手機無電起床.
起來新抱以蒲頭,諗住梳洗烚水搞早餐,見星盆面度度白泡,忍不住,指著問句新抱,佢話開奶來喎,我話用完沖沖佢吖嘛?佢才說好喎?再睇爐面又一攤水,唉!嘥氣.
繼續洗面烚水搞早餐,0900早餐搞掂上網食,0915老婆蒲頭收洗摺,0930個B醒咗在房唔願出來,到出來就靜雞雞爬上嫲嫲床,玩嫲嫲义緊電部手機.0944老婆辦妥佢手頭工作早餐,個B就等佢娘出街早餐同去玩.
我就辦埋件事,就無所事事睇電視,直播奧運無乜好睇,1140我都出街踩轉單車運動吓.
1156城河第一花園起步,1206來到石船落雨,亭仔稍等無雨繼續.
1225來到恆明休憩公園仔出便,唉!掛住望個公園,冷不提防就隊埋4條黃柱度,人仰馬翻,整個人仰臥面向天,感覺頭手無事,但右腳爆光,成兩寸多長傷口裂開,啲血湧出,嗱淋袋裡紙巾揞住,拉埋部單車一邊,紙巾唔掂濕到淋,再摷嚿紙巾,嗱淋車籃拉個膠袋扎住,叫做止得住.
然後推部單車入恆明公園內,心諗怎辦?於是手機摷吓單車醫護隊,到打去,佢話我哋唔係緊急服務喎?叫打999喎?我又唔想叫救護車,後來還是打999,同佢講我單車徑炒車,傷口流血,唔係好嚴重,想揾單車醫療隊包扎,佢話無喎,一係要救護車喎?咁就唔要收線.
後來諗吓?不如至電老婆,叫佢帶啲棉花紗布火酒入來,打咗電話老婆在途中,公園食蕉呀姐經過,好好人,見我咁情況,問須要幫手嗎?我話等緊老婆入來,就有嘢包扎,現在無血,無問題,呀姐真係好人,佢返回架步,拿啲棉花火酒紗布來,見佢拿來就拆開重新包過,誰知一拆開,血就流出,傷口嚇襯呀姐,佢話唔得,要打999,我睇回傷口成2寸多長,裂開成分多兩分?諗落去醫院都無走雞,於是叫呀姐幫忙鎖好部單車.
大約1345先來部警車,一位警察先到,杪下我資料,1350救護車到,來到洗洗傷口包扎好,我就問佢用不用去醫院,佢就話睇你咋?我就話等緊老婆到,1405老婆到,連新抱抱埋個孫女都到,個天落緊雨,咁就担著遮同老婆行去路口上救護車.
在救護車等咗好耐才開車,大約1425到威院.老婆去登記,180元又無即時收錢,賬單就有張.量完血壓夾完手指,咁就開始等,等咗好耐有醫生來睇,問有無暈?手腳試禁過,睇吓有無力.
1525有4個藍衫女護來睇傷口,討論傷口可否縫針,因為腳正面上下5寸位無肉,後來有個藍衫男護士來睇,話可以縫,叫縫入些喎.
護士走後又要等,大約1840有人來推去照X光,又等咗好耐才輪到,主要照兩隻腳.
照完又推去等後區等,等到5點多啲鐘,啲呀姐來推去房仔,以為無人啦,於是乎手機張照,誰知護士在後便,話唔影得相架,嚴重罪罰你錢架,我就話想影吓個傷口啫,嗱淋收番好.
聽見有人叫佢做Michelle,咁就喱位Michelle姑娘同我縫針,洗過傷口,打過局部麻醉針,過咗陣問我痛唔痛?我話你摸我都感覺到,佢話車,局部麻醉當然有感覺啦,我話以前搭橋無感覺喎?全身麻醉點同吖,佢話同我傾住偈等我分散注意力喎?於是驚心動魄下,等待一針一針的縫下,好驚下終於縫好,問佢幾多針?話七針喎,縫妥後問我打不打破傷風針,諗吓一打要打好幾針,唔打啦,誰知老婆在外便,大聲叫要打,咁就手臂打支,一點都唔覺打咗,等佢出埋啲拆線,洗傷口,藥單文件紙,佢就帶我去分流室,話等叫名,醫生睇過可以走喎?
企響度等咗陣,Michelle姑娘就趕啲家屬走,啲位病人坐架,然後叫我埋去坐,唉!見唔對路,叫老婆去攞藥先,我就坐度等,眼見4,5間房係咁叫名,但叫極未輪到?冇耐見房有個醫生出咗去,跟住回來,Michelle姑娘就叫住醫生,指著我話縫好針好耐,幫佢睇睇,等佢可以走.唉!真係無得頂,醫生揭起一半,話幾好吖,得啦,Michelle姑娘就同我換過塊膠布,佢揭時怕我腳毛痛喎,真係好窩心,我一手就搣走佢,貼過塊膠布,交帶幾句走得.
真係好多謝喱位Michelle姑娘,竟然完成佢工作,還記得我,好嘢,衷心感謝.
1855離開威院,搭程小巴返回商場,老婆call齊人食大家樂,各自用優惠券食飯.
飯後返歸以經2100,我都嗱嗱淋沖涼,傷口問題,佢又話咁,佢又咁,唉!攞個膠袋,開個0隆,橡筋上下箍住搞掂,我條血跡斑斑褲.
沖完涼嗱淋趕我今日編blog,收筆0136.
2021年6月21日 星期一
濾水躉崩塌,三造濾水躉.
2021／06／21 星期一
濾水躉又崩塌 ? 以經第二鑊，英坭過氣無偈？50多年建築生涯，都係首次見。
昨日找到些新鮮英坭及些少沙，就等我來再造濾水躉。
首先剷走舊有濾水躉，果然搣得爛，
然後開英坭沙，要用乾濕沙，沙若太乾就淋些少水，加上英坭撈勻，不用太濃又不能太淡，揸上手一嚿,不易散開就可以，太濕築不成,太乾不能結，拍實打好個躉型，
灑上稍厚英坭粉，灑些水，拍上瓦仔，黑英坭關係，介條瓦仔條,做埋個躉腳，
左睇正睇右睇,靚仔多.
2021年5月29日 星期六
2021年5月27日 星期四
南瓜白豆金線魚煲仔飯.
2021/05/27 今晚食乜餸
雪柜料有南瓜,白豆,金線魚,
金線魚起肉拆骨,魚肉,白豆南瓜切粒,
半嘜白米浸下,
金線魚,魚肉,魚骨,鹽,胡椒粉,豆粉稍醃,兩片薑起鑊,魚骨魚肉煎香,魚肉盛起後用,魚骨滾水下滾陣,魚骨湯做米水,
慢火煮至飯熟,放下煎妥魚肉,稍焗焗,淋上豉油熟油.
香噴噴南瓜白豆金線魚煲仔飯搞掂.
一煲搞掂啱啱好.
飯後橙,好滿足.
2021年4月16日 星期五
睡麻麻,個B搓麵粉,整日在家煲劇,老婆菠蘿果醬,茶麥樂餐,湊B,個B好醒,晚飯5人食.
昨晚10點零都瞓,半夜04醒又瞓不返,為有手機賴,賴輪臨天光又畀我瞓返?0711醒賴床,0805起來.
起來兩手碗冤冤痛?可能踩單車握得過勞,起來例行量血壓老婆153/82-60,我就139/79-48,跟住梳洗烚水搞早餐,早餐無麵包為有刀削麵個,其他照舊,0835老婆蒲頭開工洗收晾.
0913我都早餐,0917老婆淥麵食.
0950新抱同B蒲頭,個B晨早例慢熱,唔叫人早晨,熱身後叫佢才開口.
上陣網辧埋件事,老婆電腦,我都縮入房手機,新抱B早餐後母女搓麵粉,親子樂喎?
手機輪我又煲劇.一煲又兩點多鐘,老婆又話買茶買餸?個B就食飽飯,佢娘同佢瞓覺.
1512老婆返,買有麥樂餐64蚊,菜料有麥方包11.2茜芹11.9,檸檬5同三文魚扒32蚊.
餐未食個B以經蒲出來?佢娘話無瞓過喎?衰豬見我哋食包,猛咁話要食,佢娘對佢食要求好高?見佢娘正在準備出街,我就搣嚿仔齋包過佢食,誰知佢娘問食乜嘢?佢就話爺爺畀?嫲嫲就補飛齋包咋,唉!唔係咁?又點唔畀佢食吖?後來佢娘畀佢買的包同包果汁過佢食同飲.
4點鐘佢娘終於出門,老婆就搞佢個菠蘿?以為上吓網啦?唉!誰知個B唔放過我,無得上為有開工做陪玩員,同佢窗前數巴士,廚房睇嫲嫲表演菠蘿?衰B實在太眼瞓?抱到手都軟,1610終於我膞頭瞓著.
老婆菠蘿搞掂,抽真空喎?
一個菠蘿既果占搞掂,我倆都早點沖涼.1845見老婆坐定定,於是量血壓130/81-70我就154/82-51,量完個仔倆公婆返,買有大袋個B食糧同零食.個B咁啱亦瞓醒.
兩個返個B瞓醒,下來佢哋忙沖涼忙B飯,老婆煮飯,我就縮入房手機等食飯.
youtube聽歌,無意聽到電視主題曲,愛很美麗又幾巧聽喎?於是乎下載做mp3,咁啱個B走入來,我就問佢好唔好聽呀?佢話好聽,又問佢有無聽過架?佢話有,再問佢邊度聽?佢就指住廳部電視,仲驚C我唔明?係咁扯我出去?指住個電視.
回來後不久,佢又走入來,又係咁扯我出去?哈!原來電視播緊愛美麗主題曲,好嘢,兩歲女夠清楚.
2117終於開飯,有西芹炒雞柳,香煎三文魚同食剩鹹豬手,連個B5個人食.
訂閱：
文章 (Atom)