4月27日(六)睡可神差,老婆沙角買餸,瞌眼睏兼煲劇,茶大家樂,晚兩人食.

2024/04/27   星期六   雨   29C

昨晚11點零瞓,夜所兩就今晨5點鐘醒,就瞓不返,收音機下半賴床到9點鐘,老婆起床我起床.

起來如常搞早餐,老婆烚水,0950早餐,新抱B才陸續蒲頭.

餐後輪到新抱B早餐,佢早餐時我辦事,唔多掂?

1055老婆過沙角邨買餸喎?嘥氣,你去到夠,我又攤床繼續煲劇.

1200老婆返買有大樹菠蘿20蚊.炒米餅米通一大包28蚊,魚100蚊,蜆20蚊,甜豆12蚊同尖椒6.1蚊,老婆回來就處佢中午餐,1340老婆開餐.

而母女就扮靚準備出街,扮到1417母女才出門街.

到3點鐘同老婆下午茶,還是大家樂,我就45蚊食個經典下午茶餐,老婆熱檸水,合共49蚊.

個餐認真大,食得我好飽,吃過坐夠走人,老婆街市買餸,由於明天要入馬場.

買後走去單車場望吓部單車,望過無問題返歸.

回家1647,買有節瓜15蚊,瘦肉19蚊同蝦30蚊,冇耐個仔都返,我都嗱淋沖涼.

涼後睇場澳洲波直播,又打得幾精彩吓,新抱B返,衰豬有新玩具,鬼口水自己一個玩餐懵.

1917老婆開餐,有蜆蝦滾節瓜,一煲過,啲湯濃到無人有?蝦蜆蝦殼來滾,有乜辦法啖湯唔濃吖?太飽食些飲些我都收工.

4月26日(五)睡好精神好,黃雨,個B返學,新抱開工,嫲嫲湊B,我就整日攤床煲劇,茶3人麥記,晚兩人食.

2024/04/26   星期五   黃雨   28C

昨晚成12點鐘瞓,一覺今晨0555醒去所,見有衫掛嚮我曬晾架度,於是同佢挑佢落天并,返床就瞓不返,手機執埋兩日來日記,賴床到9點鐘起床.

個天黑晒,傾盆大雨,新抱送B出門返學,還好新抱來電已返到學校,今日新抱開工,下來個B就我倆老睇,洗個面烚水搞早餐,0949早餐.

餐後睇輪電視辦事,依然麻麻,1146雨還是好大,行雷閃電,老婆出門接B放學.

1220嫲嫲接B返,回來洗洗腳又掛住玩手機,嫲嫲炒咗兩隻蛋過B食,嫲嫲就搞佢中午餐晏,以經中午1點鐘,衰豬佢嫲嫲跟,我就入房攤床youtube兼瞌吓.

瞌輪煲輪劇兩點半鐘收機,起來衰豬剛做完功課,係時候下午茶.

無雨落三爺孫落到地下大堂,老婆又話忘記帶手機,又要返轉頭攞,攞後去到商場,個B堅持唔食大家樂,要食麥當奴,

咁就麥當勞,衰豬就嗱淋去揀玩具,就27蚊買個兒童餐,一個魚柳包餐20蚊,

衰豬食咗半個包又唔食?又我來梗?

吃過坐夠衰豬就扭著要走,離開扭著要玩彈波?嫲嫲堅持無,跟住老婆街市買餸,衰豬CC氣跟住我走,我就兜個圈返去球場仔等老婆.

等咗陣佢老豆放工到,跟住嫲嫲亦到,便齊齊返歸,回家1635,老婆買有魷魚17蚊,豬肉27蚊,馬蹄3蚊.

老婆回來就處理今晚餐料,煲個海星老火湯,個B功課就佢老豆跟番,我就早點沖涼,涼後我又攤床寫寫blog瞌瞌眼.

瞌咗陣繼續煲劇,youtube睇埋40集又無得睇?套劇一共48集?點搞?為有網上又摷吓料?一摷777tv小鴨網,繼續41集.

7點鐘新抱返,話無餸賣喎?等陣買外賣喎?1934我同老婆開餐,兩個人食.

4月25日(四)夜瞓失眠有夢,精神極差,新抱返工,個B放假,兩老湊B,茶大家樂,晚兩人食.

2024/04/25   星期四   雨   27C

昨晚出埋篇blog成12鐘瞓,夜瞓難眠,結果去到成三點鐘才能瞓著,0623便醒去所.起床不小心,手踭撐落床邊,皮破血流,好彩不太嚴重,返回床瞓過,收音機下都未能瞓返?手機賴床9點鐘,老婆起床我起床.

如常烚水搞早餐,0915新抱返工,個B學校另班家長觀課日,不用返學,手機懶床,嫲嫲叫餐懵?才出來梳洗食早餐,0943我食埋最後劑木耳漿,1018早餐.

餐後睇輪電視12點鐘,唔夠瞓走去床平板瞌吓,嫲嫲就督B做功課.

瞌咗陣煲輪劇1340才收機,起來1347老婆開餐,我就襯今日佢娘返工,就劏個芒果同個B食,衰豬食得鬼咁滋味.

食完個芒果兩點半鐘,見個天無雨落,不如早啲就同個B落球場仔玩吓,個B帶埋部滑板車.

球場仔踩咗輪,有人放狗,衰豬又同狗仔玩,起初怕到C,玩兩玩才唔驚,跟住嫲嫲到,到1517人家都走.

玩完狗仔就下午茶,還是食大家樂,衰豬要食熱狗餐37蚊,我就食37蚊福建炒飯餐,老婆加杯熱檸水,合共78蚊.

唉!碟褔建炒飯認真難食?獻汁多到漿糊一樣,又黑又盛?大家樂好唔掂?

坐夠手機夠上惠康,衰豬扭嫲嫲玩遊戲,嫲嫲一於NO,衰豬又好?無夾硬扭,惠康39蚊三支牙膏走人.

老婆街市買菜,街市冷氣太勁,我同個衰豬走去球場仔等,老婆到買咗75蚊菜,齊齊返歸.

回家1711個仔已回來,我都嗱淋沖涼,失眠關係,涼後我都入房攤床瞓吓.

攤到7點鐘衰豬入來借手機?又好比過你,又睇吓你搞邊科?原來揾高先生?揾婚紗裙資料畫畫喎?跟住想媽媽?要我替佢至電佢娘?好啦就幫吓你啦,之後佢娘又同佢視像.

到1923老婆叫開餐,有支竹三文魚頭煲,炒紅莧菜,魚頭太肥太漏?又唔肚餓,食些少以經飽到滯.

2020新抱返,買有外賣,下來佢三口子食外賣.

4月24日(三)睡好,羅小羅,老婆沙田街市買魚,我就瞓晏煲劇,聯合牙醫應診,下午茶麵包,晚無煮食,夜馬輸10蚊.

2024/04/24   星期三   雨   27C

昨晚11點前都瞓,少有一覺今晨6點鐘醒所,睡來有點夢,收音機半睡到8點鐘,手機賴床,F,B聽睇到佢,祝你一路順風,唱得好好聽?係乜水唱呢?於是高先生一摷,名字叫羅小羅,80後街頭歌手,再摷吓原來去年2023年11月14日來過香港,嘩!犀利,四川人唱廣東歌,好嘢.

9點鐘老婆來趕叫起床?起來如常烚水搞早餐,大鑊?洗個面就急不及侍要爆,嗱淋下幾天來便秘終於了結.

出來水老婆烚妥,繼續我早餐,新抱送完B返,無買麵包我就淥麵煎蛋煮麥皮,1042早餐.

餐後無所事事睇電視,1109老婆又話過沙田街市買魚.

睇輪電視1155新抱出門接B,1205老婆返,買咗80蚊魚喎?12蚊雲耳,回來就搞佢中午餐,1303老婆開餐.

睇完午間新聞1325,我都走去床攤唞吓,兩點鐘新抱接B返,瞌咗陣煲輪劇1435收機.

係時候過乙明聯合牙醫覆診,過到去1502,

報到後見得1個客在等候,今日似乎不用等多久?又見個姑娘似得閒吓?於是同佢講,我醫療券似乎唔夠錢?想同我老婆醫療券連結,問到時付錢時搞?定現在做定先?佢話無所謂,咁就我倆身份證,姑娘電腦下,1513就成功結.

本來時間約好1515到我,結果等到成3點40分才輪到,由於下顎全棚牙,做來好嚴謹,我都忘記印模印咗多少次?每次都要擘大個口,等咗好耐?差點頂佢唔住?上次做假牙都無咁耐?同無咁認真?終於完成該次牙程,只不過用咗10零20分鐘?

離開1558,行陣乙明街市,又唔太肚餓?又無乜好食?不如孖喜買杯奶茶食麵包好過?

我就奶茶菠蘿包同雞尾包,老婆就熱檸水同菠蘿油,合共40蚊,1613就坐休憩處食,天陰幾粒雨?食來還可以,食食吓有隻麻雀飛來,於是搣粒仔包過佢食,跟住成揸飛來等食,餵咗輪食埋兩個包走人.

離開1645又行陣街市,20蚊執分4隻芒果,孖喜買8片方包11蚊走人.

1658離開乙明街市,穿過曾大屋公園返歸,對腳開始唔多掂,公園行吓坐吓,1730才返到單車場.

星期三上惠康,樓梯唔掂要搭𨋢,惠康買有牛油25.2蚊,泰國蛋兩排40.5蚊,12.6兩排益生菌走人.

落到地下新抱來電,叫幫佢買鮮奶同义燒喎?唉!老婆你去買到夠,我先行返歸.

回家1805,三口子已在家,我都嗱淋沖涼,涼後睇陣新聞,1925才醒起有夜馬,入房開電視已經跑咗兩場,踱陣馬寫陣blog.

夜無煮食,睇跑馬至尾場,買口孖寶,輸10蚊算數.

4月22日(一)失眠,個仔假,老婆同個女街,我廣源揾馬下午茶,晚無煮食,飲奶蛝餅乾

2024/04/21   星期一   晴   27C

昨晚11點幾鐘瞓,一覺0345醒所,又瞓不返,歌仔,收音機,上網摷輪相,捱到0630,才試瞓吓,8點鐘醒,賴床9點鐘老婆起床我起床.

個仔今日放假,三口子剛好送咗個B返學,我就如常烚水搞早餐,老婆又話約咗個女街,早就烚下兩隻蛋食,0950我都早餐.

餐後辦埋件事睇電視,個仔倆就送完個B上學返.

一睇又1130套劇安家就大結局,而老婆約咗個女剛好出門,我亦係時候攤床瞌吓.

新抱就有嘢做,1150個仔去接B放學,唉!始終瞌唔著?煲輪劇1220,個仔接B返,我亦煲到夠皮.

1241至電過老馬,響咗好耐才來接,問佢今日有乜搞作?無喎,咁就上來揾你下午茶吹吓水.

1點鐘執排草餅,一支哮喘噴劑出門,

1315過到小巴站,跟住以經有車到,好彩有位,平時部部都爆.

1337上到廣源邨小巴總站,有少許雨至電過老馬到咗,叫佢慢慢落來.

我就襯機打打咭.

打輪咭老馬到,齊齊落去下午茶,就比我帶來哮喘噴劑同排草餅過佢,比後我就牛腩河餐40蚊,老馬牛腩米餐同樣40蚊.

吃過坐夠吹輪水,老馬食堙關係,1525老馬埋單去食煙.

煙後佢去買餸,諗吓?不如望吓廣源個街市乜情況,街市比我邨個大得多,所見人流都係麻麻,似乎生意都係難做,行個圈都好多吉檔口,陪老馬買完菜,老馬又話要下兩層凍肉鋪買蜆肉,咁我都走先.

1611離開街市,去到小巴站無車,等到1625才有車.

返到屋企1650,三口子出咗街,失眠我攤嚮椅瞌咗陣才沖涼.

夜無煮食,倒杯奶食幾塊餅乾算.

2126三口子返,買有飯糰返,咁就食隻啦.

2309老婆返.

4月19日(六)睡差神差,老婆沙田街市,煲劇瞌吓,茶大家樂,人生百態,惠康,夜大雨行雷閃電,晚同老婆食.

2024/04/20   星期六   雨   29C 

昨晚11點鐘前都瞓,湯水多1點多去所,回來手痕上上網,咁就累事?搞到成兩點幾才瞓返,再瞓成8點鐘醒,手機賴陣床,8點半起來.

感覺睡來好差?如常烚水搞早餐,老婆蒲頭,0932我都早餐.

早餐其間新抱B蒲頭,餐後1000辦事務,以為昨晚餐西洋菜會好啲啦?誰知都係麻麻.

辦完件事新抱B帶埋買餸車落街買餸兼早餐,1050輪到老婆過沙田街市買魚喎?

睇輪電視1110新抱B返,瞓不好我都攤床平板瞌吓,1140老婆買魚返,買咗110蚊魚同甜豆喎?回來就搞佢中午餐晏,個B就佢娘督住做功課.

1321老婆開餐.

煲輪劇1點多鐘,馬就跑咗一場,就轉去踱馬兼睇跑馬,踱咗輪?唉!越來越唔識賭?10蚊都無買便3點鐘?成3點幾才同老婆下午茶.

3點半鐘到大家樂,無嘢好食就要個豬扒烏冬餐,老婆熱檸水,合共40蚊.

唉!大家樂人生百態.

有對夫婦常客,見近玻璃門有張單對單靚枱,但先前食客食盆無人清,喱區大家樂繁忙後,例牌無人手清,個男就叫個女清走過隔鄰吉枱,個女就話唔好.

常客所見好衛生,開門用紙巾,枱櫈要噴過消毒,別人餐盆又點會自己落手清走呢?

結果佢叫來個得閒收銀來清,清後兩公婆清潔過坐下,跟住個女走去水吧,拿杯水過個老公,自己就走過隔鄰麥記買麥餐回來食.

食兩食好厭玻璃門出入,一開有風吹入,於是佢就走去lock咗近佢嗰半隻門,搞到啲客離開,右手就模門釘?推極開不得?兩公婆吃後個麥餐紙同袋用大家樂膠袋載起.

同老婆吃過坐夠上惠康,28級梯撐來可以,老婆柜員機撳錢,惠康買有廚房紙兩嚿18蚊,廁紙兩條50蚊返歸.

回家1659母女出咗街,我就繼續睇跑馬,1739三口子買埋餸返,三口子返我都早點沖涼,涼後睇埋尾跑馬,今日無下注又慳番.

馬跑完我又攤床平板寫寫blog,煲煲劇,夜好大雨,行雷閃電.

2007老婆叫開餐,兩人食,始終唔開胃,求其食啲。

4月12日(五)好瞓有夢,陪老婆石門辦回鄉証,辦証遊樂場,富臨皇宮下午茶,城河踱路返,晚大家樂.

2024/04/12   星期五   晴   27C

昨晚成12點鐘瞓,夜所兩就今早0825醒,睡來有夢,夢見一隻拖鞋跌咗落河,一路沖出大海,係咁追,好多大廈阻住,一路追出海,揾唔返就醒,

醒後手機賴床,手機無電,賴到新抱B出門返學後才起床.

起來如常烚水搞早餐,老婆跟住蒲頭,0951我早餐.

餐後辦埋件事睇電視,一睇12點鐘,我都入房床攤唞瞌吓.

一瞌1300出廳睇新聞,睇完新聞1330,係時候陪老婆過石門辦回鄉咭.

1400過到去,上到去嗱淋老婆影相,即影即有五張,盛惠50蚊.

拿了相就揾職員下來怎運作,嘩!整個場5,6部機,辦証人成拾幾人,得嗰一個職員?條友真係三頭六臂,係咁不停協助辦理,須然係自動辦理,大佬十年才換一次証,鬼來了解如何運作咩?而得嗱淋辦妥走人.

真唔明咁大間機構得一個職員,好彩呀叔醒目,嗱淋叫老婆問住職員,好快下階段等叫號碼付費.

中旅辦証遊樂場.

於是等候區走廊前排坐等,佢老味吖?兩條細路,在面前窄窄走廊,不斷卉跑,一平封之隔氹氹轉卉跑來玩?啲乜Q家長唔管唔理?

坐我則近條伯父忍不住,囉唆咗輪,便指住遠遠戴口罩黃衫男手指指話Q佢,條黃衫男不甘示弱,還理直氣壯來說,關你乜事啫?罵起上來?我好想出聲?諗吓嘈來無用,你話你啱,佢話佢啱,又無保安無職員,無人理盞打交,於是尾尾才手機拍下些少片,之後兩條細路大概辦妥都走lu.

而老婆號碼1441到,盛惠390元,到時取証走人.

離開1446就二樓富臨皇宮下午茶,兩孖寶一煎堆,吃過飲夠坐夠,盛惠118元,1546走人.

離開街頭表演,睇咗陣1620都走,決定同老婆行回家.

真係唔行唔知原來係行唔得?行吓坐吓,由1620行到1903月亮都出埋來,才返到自己邨?足捱咗差不多三粒鐘,對腳不是我.

返回自己屋邨,老婆叫食咗返,大家樂鋸扒喎?兩人食個西冷牛扒餐,盛惠61蚊,吃過坐夠返歸.

回家2030,三口子開飯,我唞順條氣才沖涼,涼後累得我C,blog懶得寫睇電視,10點多鐘都瞓.

2月12日(一)年初三,睡可,初三入馬場,發財筆兩支,茶大家樂,晚兩人食.

2024/02/12   星期一   年初三   晴   20C

昨晚還是早早上床,手機寫埋篇blog,11點鐘瞓,0150醒所,到0506醒所,回來又瞓不返,捱到0540為有手機上網,0630個仔返工後,我又瞓返,再瞓就0830醒,手機無電起床.

起來如常烚水搞早餐,早餐依然無麵包,諗來諗去為有淥即食麵,0943早餐.

餐後辦埋件事,等華仔出發入馬場攞發財筆,唉!硬係唔嗲唔吊?等到1145都係唔等,落到單車場,至電過華仔,還在屋企喎?若係咁我行先,邊行邊等啦.

1149車場起步,1213到馬場,嘩!好多人如魚貫入場.

進場後1222,順利攞了支發財筆.

見華仔還在途中,橫掂都係?一於行多轉攞多支,兜個大圈,一行20分鐘,終於成功進場攞多支筆.

拿後就在第一行看台坐,太陽好猛,有陰地方都被坐晒,每支筆話有獎喎?於是續一拆開,兩支都係,祝你下次好運,看台下便剛好財神到.

唞順條氣後,便走去揾廁所,落地下娛樂區廁所,搞掂後出來超多人,原來中年好聲音2表演,好多粉絲拿埋晒閃燈牌,嚮度大叫.

唉!出便曬餐懵,馬又唔識賭,室內樓梯級都坐滿晒,索性留低企嚮度睇表演.

華仔終於揾到來,話行咗3轉,一共攞咗4支筆喎,回來又話去揾吓啲老友,叫嚮度等佢喎.

睇咗輪表演,又走出去看台踱馬,都係唔識賭,跑完第4場,華仔揾到來叫走,我話現在走要兜大圈,第5場開跑就開閘,直接走得,於是行近閘口,1418等開閘,又曬又累,兩條友坐嚮梯級個牌下遮陰,華仔見未走得又走去落注,第五場跑完,結果輸埋,跑完以為開閘啦?但還有好多人魚貫入場,問吓幾時開閘?係咁話唔知?係咁叫火車便出?諗吓有排等,不如行多步,兩條友行多10零分鐘,1501到單車度,同華仔齊齊踩車走人.

踩到神學院就各自返歸,返回單車場1528,至電老婆食大家樂.

1531到大家樂,重係好多人?等咗好一陣老婆才到,我就要個經典餐肉茶餐,他媽的又話無,义燒又話無?焗住五香肉丁,老婆熱檸水,兩人合共48蚊.

吃過坐夠手機夠,成1707上惠康,28級唔掂要搭𨋢上.

惠康麵包架,空空如也?為有18.9蚊買排急凍义燒包走人.

回家1727,馬已跑剩尾場,唉!都係唔賭,跑完我都嗱淋沖涼,冇耐三口子都返,下來佢三口子忙到夠.

睇輪電視,1929老婆開餐,我就番熱幾隻义燒包食.

餐後我都嗱淋準備睡前一切,上床全速寫blog.  

2024龍年 新年快樂

2024/02/10   星期六   龍年 

新年快樂

2月1日(四)睡好,牙痛轉好,修花灑喉,戴回假牙,膝痛趌跛跛,茶大家樂,手機提款,老婆剪髮 晚同老婆食.

2024/02/01   星期四   晴   22C

昨晚還是早早上床,寫blog兼睇跑馬,馬完11點多鐘瞓,夜所兩瞓到今早0820醒,收音機賴床0850起床.

起來如常烚水搞早餐,0919食過木耳漿,就急不及侍要爆,在爆其間又忘記帶手機,無聊又睇吓條花灑喉,條花灑喉昨晚沖涼,爆到開晒花?於是拆下來睇吓.

結果辦完事出來搞吓佢,拆開都係嗰個位置,搖得多,天時冷軟喉變硬喉,以為膠布扎住頂住擋吖?誰知都係唔得,都係要剪短些從新笠過上去才掂.

在搞期間新抱湊完B上學返,佢話落街買過條囉,我話買過條要錢,我喱代唔同你嗰代,我嗰代連廚房紙都唔用咁慳,佢話等陣同佢娘醫療車攞籌睇醫生喎?問我哋要唔要睇?

1015搞掂個花灑喉,才續搞早餐,1029才早餐.

餐後無所事事睇電視,一睇又1130,諗住改良吓個垃圾隔兜,誰知介兩介蓉蓉爛爛,核鬼突突,求其放回個渠口,當一次性用,下次才搞好些.

搞掂後才知累?大概搞花灑喉企得太耐,足知攤嚮梳化瞓著,瞌醒1305老婆開餐,睇埋個午間新聞,鬍鬚長長我都去刮刮佢.

刮後牙痛廿幾日,殺菌潄口水多天,似乎好得8,9,於是乎嚐試戴返副假牙?嘩!痛得我C?慢慢試吓試吓,才笠得返落去,又睇吓到時食嘢睇吓掂唔掂?

成3點鐘又同老婆下午茶,經過今早修花灑喉,今回對膝更加唔掂?為有穿番對護膝箍住出門.

落到大家樂,都好耐無食過飯,就29蚊食個葱油雞扒飯餐,老婆依舊熱檸水,合共31蚊.

好大件雞扒,初試棚假牙,好唔掂實在太辛苦,假牙嘢太耐唔用?就更難用,慢慢磨吓磨吓的食,雞扒太大件?就算牙正常我都食佢唔晒,於是乎切半拿走,吃過碗飯,嗱淋除都除唔切,實在太辛苦啦.

在吃途中老婆又話剪髮,後來回來又話要等粒鐘?吃過坐夠還有時間,老婆話上惠康,話yuu買三黃雞平15蚊喎?於是乎上惠康,28級梯上唔掂,要拉住扶手上,惠康45蚊買隻三黃雞後,行經日間理財,我又手機提款,提後老婆去剪髮,我就先行返歸.

回家1636個仔以回來,我都嗱淋沖涼,涼後1712老婆返,話剪髮70蚊喎?歲晚加10蚊,餸就買有蕃薯4條薯仔兩隻,洋怱個合共19蚊.

老婆回來無所事事我,著部平板寫寫blog.

1920老婆開餐,有薯仔炆牛肋條,我就番熱慢饅食,兩個人食.

餐後8點鐘母女買有外賣返,三口子開餐我已經上床備瞓.