2026/07/13(一)肚瀉/失眠/極差,早餐大家樂,新抱B北上,新抱放假,午yt瞌,茶大家樂,惠康,晚雲吞雞三個人食.

昨晚11點鐘瞓,0220醒去所,所後攤落床,諗落都係咪搞?0238都係起來去開大?結果排山倒海瀉鑊金?

0305後再瞓過,心諗好彩無等天光?否則一褲都係,再瞓都係瞓唔著?捱到0520為有收音機塞耳再瞓,還好瞓到7點鐘醒,醒後感覺又有料到?嗱淋廁所又爆多鑊,又痾出一大堆黃泥漿?

昨晚半個紅火龍果然厲害?非常好個肚空晒?返床手機賴,賴到8點半鐘起床.

起來早餐無麵包,老婆叫出街食,0915辦妥早上一切,同老婆落大家樂早餐.

0937兩個早餐69蚊,吃過坐夠上惠康行吓,無交易後返歸.

回家11點鐘,新抱放假母女在家,1130母女出街,衰豬話北上喎?失眠我攤床yt瞌吓.

1點多啲鐘起來,日誌積存太多,要寫番啲.

1寫成3點鐘,老婆催促叫下午茶,3點半鐘食大家樂,我就31蚊餐老婆44蚊餐,吃過坐夠上惠康.

惠康買有麵包13.5蚊,粟粉兩盒14蚊,街市買咗45蚊菜料返歸.

回家1717,我都開部電腦計計數,6點鐘個仔返,失眠我都攤床瞌吓.

2023開飯,老婆煮咗雲吞雞,同老婆食,個仔沖涼留飯餸.

2026/06/30(二)睡可/還可,新抱返工,個B放1220,游水300,茶大家樂,晚飯5人食,新抱氣炸鍋,

昨晚11點鐘瞓,0015醒所.0450醒所,0553醒醒,0715醒

賴床8點半起床.老婆叫外出早餐喎?唉!是但啦,

辦妥朝早一切,9點幾鐘同老婆出門,鄰居隻肥貓剛攤嚮廳度,於是乎撩吓佢,衰貓真的走過來,姐姐見佢恨出來,於是打開鐵閘,衰貓真的走出來,一直去𨋢大堂,嘩!幾驚佢一走了之?於是乎叫姐姐抱回返屋,之後同老婆才出街早餐.

落到商場,老婆選擇食百份百,1006老婆39蚊餐,我就35蚊,吃過坐到1055才走.

回家1120,睇陣電視我都攤yt瞌吓,1245嫲嫲湊B放學返,買有16蚊兩個提子包返,我同老婆每人食半個,衰豬一個又食唔晒?嫲嫲搞掂埋佢.

吃後再攤床yt,諗吓上星期二游過水,至今又一星期?唉!再唔去游又一日?內心掙扎好耐?唉!再唔去游又一日?於是的起心肝起床,嗱淋執游水嘢.

執妥1330出門,趕到出馬路燈位,他媽的剛好轉紅燈,就係咁眼白白走咗部車尾.

冇偈唯有等下班,還好12分鐘下班車到,順利下到泳池,進場前又走去吸吓部放棄單車,依然還在.

看後1415進泳場,更衣室搞掂池面稍熱身,1435下水,不竟太耐無游,還是挨池邊游,50m唞唞再50m的游,游夠300咪,1508起水走人,更衣室搞掂一切,1537離開.

離開行去巴士站,又剛好有車到,1542上車後至電過老婆就到.

好快返回邨站下車,衰豬就從後拍我一吓?原來嫲B老早在站等我.

之後齊齊食大家樂,1621嫲嫲B义燒瀨燒髀餐43蚊,我就米粉餐24蚊.

吃過坐夠1723離開,街市買菜,買有雪藏雞翼75蚊,20蚊三樣菜返歸.

回家1802,我就嗱淋沖涼,老婆就廚房煲落個木瓜雞腳老火湯,個仔返又砌佢至愛模型.

2037開飯,嫲B我三人食,個仔倆留湯飯餸,飯後2115飲我第6劑中藥.

飯後2130新抱返,攞咗個氣炸鍋返來?話萬寧買牙膏送喎?之後佢倆公婆試煱試到夠?我就辦我睡前一切.

辦妥睡前一切,我都攤床準備瞓,誰知個B走入來,趴落床話悶喎?嘩!幾驚佢頭髮濕就咁瞓著?於是乎揾啲嘢佢玩吓,夜嘛嘛就手機摷個手影圖,跟圖玩到吓,玩咗輪佢娘才叫佢出去吹頭瞓.

衰豬出去後,我才寫寫blog成12點多啲鐘瞓.

瞓到0200醒去所,所後好衰唔衰望吓wts,見何基有訊息,於是乎覆吓佢,原來佢睇緊世界波,見佢睇我又摷乜台播?摷輪原來係無免費波睇,為有睇yt袁文傑講波,最終挪威2對1勝科特迪瓦才瞓.

2026/06/23(二)失眠/麻麻,個仔放假,新抱返工,26年首度下水,告別近5年單車,茶百份百,惠康,晚飯5人食.

昨晚11點鐘瞓,3點鐘醒去所,鼻水鼻塞又到瞓不返,起來飲杯熱水,熱毛巾敷吓個鼻,之後墊起個人,挨起個身瞓過,捱輪都係瞓唔著?為有手機寫埋篇Blog,0430又嘗試瞓過?捱大輪瞓返?到0705醒.

賴床9點起床,如常搞早餐,0945老婆蒲頭,0950新抱返工,0956我都早餐.

餐後辦埋件事睇電視,夢華錄大結局,看完攤床yt瞌吓.

一瞌點多啲鐘,多天來話游水?都無去?今日一定要去,執妥一切游水嘢出門.

1330車場攞單車,大陽超猛,望吓馬路同個超級大工程?都唔知點穿過去?超熱天氣?真係好想打退堂鼓,萬事俱備,C就C啦.

於是先試吓最近沙田頭方向踩去,一踩入去,路窄高高低低,迂迴曲折的上到去,佢娘親吖?掘頭路?靈基梯口過啲就無?為有掉頭返回.

折返後踩過對面溱八,過到溱八見有兩單車客同方向,於是乎跟踩,一跟下穿過神學院對面,我就熟路,順利無比1353到泳池.

成半年無來,1356進場,入到更衣室,嘩!新裝修,儲物柜沖涼格煥然一新,非常靚.

更衣室搞掂一切,池面稍熱身,1420下水,膝痛太耐無游,挨住池邊,小心翼翼的游,50m唞輪又50m的游,超猛太陽下,湊夠300m後,1500起水走人,好衰唔衰,水梯太企把上須力?可惜手無力,手就枕落水梯頂,一銀手又瘀晒,返回更衣室,搞掂沖涼一切,1530離開.

出到去攞單車,開鎝後一推,他媽的前呔爆咗,點搞?諗咗輪,唉!年紀老邁,再踩意外就大鑊?單車遠在泳池?要修亦困難?諗落都係告別單車,攞回把鎝同鉄鍊,巴士站搭車走人.

告別單車2021年7月4日回來,差10日足5年.

1550到巴士站剛好有車,返回站下車,1607至電老婆下來,齊齊食百份百,老婆39蚊世界波餐,我就瑤柱蛋白炒飯餐47蚊.

吃過坐夠上惠康,買有廁紙兩條48蚊送廚紙,泰大蛋兩排44蚊,離開街市買49菜返歸.

回家1757,個仔湊完個B已在家,我就早點沖涼,老婆神經痛叫我煮餸,可惜我都累到C,攤輪2051老婆叫開飯,嫲B我三人食,個仔倆留飯餸,2120新抱都返.

2026/05/17(日)尚可/多夢,個仔放假,新抱返工,午煎餃子,兩人20隻,茶大家樂,晚飯5人食.

昨晚10點鐘瞓,0225醒所,0535醒所,回來好衰唔衰睇f,b短片,一睇7點鐘,都係瞌番陣,0840醒,賴床0915起床.

起來烚水搞早餐,0950新抱返工,1028早餐,老婆才蒲頭,1042老婆早餐,大大碗米粉.

1140衰豬才蒲頭?嫲嫲跟早餐,我都攤床yt瞌吓.

1300收電腦睇跑馬,見騎師王潘頓有9倍,好想買10蚊玩,再睇吓莫雷拉,出足9場,場場有飛?都係唔賭,日誌累積太多,專心趕埋佢.

1356老婆話煎餃食?是但啦,竟然食完10隻又10隻.而衰豬叫極都唔肯,叫佢老豆起身出街?

終於成兩點半鐘才叫醒放假老豆,搞到成1520父女才出街,

佢倆出街,3點半鐘老婆叫落街行吓飲杯嘢坐吓喎?唉!是但啦,

大家樂1555兩人食個40蚊餐,吃過坐夠,街市買14蚊京葱返歸.

回家

夜2039開飯,嫲B我三人食,個仔倆留飯餸.

2026/03/15(日)睡/多夢,個仔倆假,母女教會,整日在家跑馬,個B温書,茶百份百,母女街街,晚新抱外賣4人食.

 昨晚11點前瞓,夜所一劑,就瞓到5點鐘醒,又瞓不返,睡來多夢,賴床9點鐘起床.

起來如常搞早餐,0946早餐,個仔倆放假,母女教會,個仔在瞓,老婆蒲頭,早餐烚蛋一隻.

餐後辦埋件事我都電腦寫寫blog,12點鐘個仔電話到,出外會合.

12點半鐘馬開跑,就睇跑踱,1410個女到.蒲一蒲就走人,老婆話佢去咗車公廟還神喎?

3點半鐘老婆叫下午茶?剛出門就遇著三口返,1535同老婆食百份百,老婆36餐,我就42餐.

吃過坐1625離開,上惠康買麵包13.5蚊,買後老婆約咗個女街市買菜,我就商場等.

買菜後母女街街,我就自行返歸.

回家1721,三口已在家,個B佢娘督住温書,我就入房繼續睇跑馬.

一直睇到1800馬跑完,今日投注30蚊,中回10蚊騎師王,派22.5蚊,實輸7.5蚊.

馬跑完沖涼,涼後唔夠瞓,在床瞌咗好一陣,新抱問叫外賣?我就話食些少.

1937外賣到,2003開餐,下午茶冇耐,2010我就食些少.

吃後我都辦我睡前一切,辦妥開電腦寫我今blog,2140老婆返,我都收機待瞓.

新年快樂 身體健康 馬到功成

 

2026/01/26(一)睡可/神可,個仔假,新抱返工,個B放下午,打大杏仁煲木耳,茶麥記,晚飯5人食.

昨晚11點半鐘瞓,0405醒所,又瞓不返?C捱爛捱,去到5點幾鐘才瞓返,0805醒,睡來有夢,賴床8點半起床.

如常搞早餐,0905新抱返工,0926早餐,餐後辦埋件事,老婆蒲頭,睇電視錦心似玉,打大杏仁,1130電腦寫blog.

1230順風來收件,1300嫲嫲湊B返,買有64蚊干炒牛河三個人食.

吃後攤床yt瞌吓,一瞌又3點鐘,個仔瞓醒蒲頭,同個女講價?在家做功課還是返補習社?結果父督女做功課.

4點鐘話之佢父女,我同老婆出門下午茶,1612麥記我就魚柳包餐20蚊,老婆炸雞餐30蚊,吃後每人食杯8蚊雪糕,合共66蚊.

吃後5點鐘離開,街市買餸煙肉40蚊,菜15蚊返歸.

回家1742,處理今早浸下的木耳,落煲後沖涼,涼後啱啱好煲好,1853打漿入樽,之後父女返.

夜2035開飯,嫲B我三人食,個仔倆留飯餸.

2218佢娘返.

2026/01/24(六)失眠/可以,新抱放假,整攤床視聽架步,母女有節目,老婆洗風扇,晚飯大家樂,個仔食外賣.

昨晚11點鐘瞓,0348醒所,又瞓不返?C捱爛捱到6點鐘,再試瞓吓,還好可瞓到8點鐘醒,賴床8點半起床.

如常搞早餐,0917早餐,餐後辦埋件事1000,今早老婆煲劇,平板吊吊揈,就等我來繼續整埋佢.

新抱B蒲頭搞早餐,餐後新抱B入房同個温習.

1350老婆開餐,又要食啲.

左諗右諗,終於成形,1610擺上去,梗係美中不足,明天再搞.

新抱B有節目出街,1613老婆煎餃子,兩人食.

吃後老婆洗風扇,5點多鐘個仔返,買有麥餐食,吃後幫個老母上回風扇.

老婆今唔煮飯,7點鐘同老婆食大家樂,個仔唔去要食外賣喎?

大家樂1922老婆焗海鮮飯,我就煲仔飯,兩位合共92蚊,個仔2011外賣燒味飯43蚊.

回家2019,我都嗱淋沖涼,涼後辦妥睡前一切,10點鐘已經上床備.2300母女返.

2026/01/17(六)超好瞓/神妥,個女到,灣仔覆診行得我C,食茶軒,淘多多購物,回家6點鐘,晚飯外賣.

昨晚10點鐘已上床備,0323醒,0614醒所,回來手機陣又瞓返,瞓到成8點鐘醒,老婆起床我起床.

嗱淋梳洗搞早餐,0906早餐,老婆早餐齋食兩隻蛋,今日要過灣仔覆診,嗱淋叫衰豬梳洗早餐,衰豬機不離手,要嫲嫲催催趕趕才梳洗早餐.

1020才到巴士站,本應搭182,好衰唔衰app無顯示,連站頭螢幕都無顯示?等咗好耐無車?焗住1041搭170過港島.

1115到港島景隆街下車,以為電車搭兩個站到,誰知行出電車路,電車站兩便都咁遠?站要到鵝頸橋才有?谷鬼氣於是行去.

膝痛氣喘我,行到我索晒氣,途中要吸啖擴氣管藥,1442終於行到軒尼詩道259號,足行咗我25分鐘,約咗11點鐘,遲咗40分鐘,個女已經到咗.

氣羅氣喘來到,個女叫讓個老母睇先,我就坐外便唞氣等,醫師來了個新助手,話舊嗰個唔做喎?

遲到關係,兩人一睇成1320才睇完,老婆一個月後覆診,我就嚴重咗,兩星期後覆診.

離開醫師同助手,急不及待要去食中午,我們4人就去回上次嗰間茶軒,要咗三個餐4人食,由於執漏藥?老婆吃後返診所攞,老婆回來坐到1456才走.

離開走去淘多多尋吓寶,4個人都有買嘢,行睇買一路上到三樓家俬部坐陣,1636才離開淘多多.

離開過大有商場對面搭182返歸,1705有車,衰豬手機無電就眼瞓?瞓到流口水.

返回沙田1745,衰豬見有瀡滑梯,要玩喎?老婆同個女又話要買菜?我話我來睇B瀡滑梯,個女又信我唔過?谷鬼氣話之你,我返歸.

回家6點鐘,個仔已在家,我都嗱淋沖涼,個B姑媽嫲嫲成7點才返,原來去咗惠康同街市?惠康買咗257.4蚊,好多嘢返,連同淘多多買的一齊返. 

衰豬一回來就玩淘多多買的尋寶玩具,我就買咗4樣嘢,回來就係咁試?條18蚊自拍棍相當扺玩,試過無問題後,2025佢哋出街晚飯,我就唔去,嚮企等佢哋買外賣返.

2141佢哋返,話無得揀,度度到已收市,30蚊買咗個薩莉亞肉碎飯我食.

吃後我都辦我睡前一切,辦妥上床等瞓,2218佢娘返.

2026/01/06(二)睡可/神可,個B下學期開學,新抱返工,午yt瞌,茶大家樂,晚飯5人食.

昨晚10點半瞓,一覺0130夢醒所,就瞓不返, C捱難捱成粒多鐘才瞓返,到醒已經7點半鐘,賴床0909起床.

如常搞早餐,1013早餐,老婆蒲頭,1050新抱返工,1056老婆量血壓135/80-68,少有咁靚?餐後辦埋件事睇電視.

1130我都攤床yt瞌吓,1339老婆煮有雲吞,又食碗.

3點鐘老婆係時候接B放學,隨後我亦落去會合,個B今日假期後第一日返學,嫲嫲接B一大袋新書,落車時還倒瀉落地?搞到嫲嫲要同佢地下執.

執後行到來遊樂場,衰豬見有同學在玩?連爺爺嫲嫲都唔理,直奔去遊樂場,同個同班同學玩.

玩到1540才入補習社,我倆才大家樂下午茶,兩個茶餐63蚊,吃過坐夠街市買餸,買咗131蚊餸返歸.

回家1653一大袋新書,個仔已在家,砌緊佢至愛模型,夜1653佢老豆接B返,2056嫲嫲開飯嫲B我三人食,個仔兩留飯餸,2113新抱返.

2026/01/03(六)睡好/神可,新抱返工,早餐麥記,電腦上網,茶沙角大快活,遊樂場,晚飯5人食.

昨晚早早上床備瞓,11點前都瞓,4點,6點半醒醒,就瞓到今早8點零,少有無夜所,賴床0840起床.

早餐無麵包,梳洗好烚水,0950新抱返工,10點零辦埋件事,嫲嫲B蒲頭,齊齊辦妥早上一切,1045落麥記早餐.

麥記遇鄰居X太同印傭,三個早晨全餐112蚊,鄰太送我們兩個菠蘿批,吃過坐夠返歸12點鐘.

回家電腦上網,一上兩點鐘,頸都梗埋,衰豬係咁追住要玩電腦,於是乎讓她玩到夠,原來衰豬劃劃.

劃到1510要催肯才停?停後就搭程車過沙角邨,1540過到沙角大快活,兩個餐加杯熱檸水合共83蚊.

吃過坐夠落地下遊樂場玩,1645落到去,個B以經有韆鞦打,嫲嫲就去買餸,

盪過韆玩過場,嫲嫲買餸返,諗起上次來時,乙明邨個遊樂場,有新設施,大概都完成玩得掛?於是乎過去昅吓?

途經乙明街市,1715佳寶18蚊兩袋橙仔,買後過遊樂場.

1723過到去,好失望,同舊年11月29來時一模樣?依然件件依然包到實一實?衰豬還記得上次個老人設施,於是過玩吓,設施得幾件,衰豬玩到不亦樂乎?1735係時候要走.

離開搭程車返歸,返回屋企樓下1800,老婆上惠康買麵包,我倆球場仔等,之後齊齊返歸.

回家1822,個B老豆已返,買來有沙角魚45蚊,菜20蚊,乙明佳寶橙仔兩袋18蚊,惠康粟米同雞湯31蚊.

夜2115嫲嫲開飯,新抱剛巧返到齊開飯,嫲B新抱我四人食,個B老豆留湯飯餸.

2026/01/01(四)早醒/麻麻,新抱假,整日電腦,有馬無賭,茶麥記,銀行撳錢,晚大家樂火煱.

昨晚倒數完12點鐘瞓,0351醒醒,再瞓5點鐘醒,瞓不返,5點半去所,飲啖水都係瞓不返?6點半才瞓返,8點鐘醒賴床8點半起床.

起來烚水搞早餐,0956早餐,新抱B老婆蒲頭,餐後電視錦心似玉,12點鐘新抱B出街.

我就電腦上網,1341老婆開餐,要我來食啲,

吃後繼續上網,望吓跑馬,又嚐試刨吓,結果都係唔識賭.

1530老婆叫落麥記下午茶,1353食個全日早餐,老婆37餐,我35餐.

吃過坐夠,過溱八機員機撳錢.撳完錢返回大家樂1755.

兩公婆索性打邊爐,兩人一煱,加幾個火鍋料,合共食咗93蚊.

吃過坐夠返歸1950.跟住個仔都返,買有麥餐食.

2203新抱B返,原來去咗工展會,買咗好多湯包食料返.