睡來麻麻,整朝上網,游水600m,大圍拮嘢買餸,晚飯4人食.

昨晚12點前都瞓,諗吓whatsapp事,個黃果樹團友求知欲果然,拼圖又想問其他,其實啲咁簡單嘢,家人都可以解答吖?唉!唔通真係問朋友好過問親人?又我啲舊同事,手機嘢都唔駛多講,硬係無問題,見我send啲小蝦米得意歌佢聽,他竟然說揾啲堅嘢過佢哋睇喎,真係哈,哈.哈.

回想一輪終於瞓著,一覺今晨6點以經醒,好彩還有個耳筒,聽著歌瞓到7點鐘,唉!喱回真正瞓不返,為有youtube,哈!又揾小蝦米賴床,咪理動作多多,好欣賞佢隻旗開得勝,唱得活生生,諗吓,會不會係北京奧運同隻歌,於是搜尋一吓,似乎係同一隻歌.

https://www.youtube.com/watch?v=dXi5M-MLbL4

https://www.youtube.com/watch?v=4mOb2j8Oe5E

起來8點多鐘,今日事,洗面,木耳漿,上網,食早餐,量血壓,辦埋大事,搞掂又10點多啲鐘,上網其間whatsapp到,好有趣又大家分享吓,全文係咁樣.

若要老伴開心，
做飯！
若要兒女開心，
做牛！
若要朋友開心，
做東！
若要全家開心，
做官！
若要自己開心，
做夢！

自從有了LINE、微信、臉書，我們就過上了從前皇帝般的生活！

每天早晨醒來的第一件事就是像皇帝批閱奏摺一樣看朋友圈、刷族群、審閱天下大事、順便再點幾個贊、感覺不錯的留幾處言，告訴文武大臣，朕知道了……

這一天過的，爽！！！

如今人人都在玩手機，若干年後……墓碑上只刻二維碼，路過時拿出手機掃一掃，一生的故事就出來了，愛過誰，恨過誰，還牽掛著誰… …這叫“掃墓”。

這還不是最可怕的，最可怕的是你掃完之後收到一條消息，上面寫著：對方已同意添加你為好友。

好好活著，很多好事都在招手呢。

也不知道是哪位高人編的，真的太搞笑了！給朋友們看看，讓大家都樂一樂吧！

唉!以上篇嘢,可想像上便幾咁進步,十年前北上,我用手機,人家還是call機,街頭電話亭還見民工踎著地打長途,現時人家來港以懂得公園內用政府Wifi WeChat.

又講段故大家聽吓,話說有日,我電話顯示有位朋友,有whatsapp顯示,相信以經轉用智能手機?好想留句言串吓佢,朋友還後生我幾年,後來諗落都係咪喇?於是乎至電過佢傾兩句,我話你轉咗手機啵,有whatsapp顯示,佢話乜乜東東呀?唔識啵?只知可以影相,還說了大堆手機相片烏龍趣事我聽,我話whatsapp好易啫,有機會我教你啦,哈!他竟然話幾拾歲囉,唔好搞咁多嘢囉,咁講就無偈啦?
胡亂上輪網又一個上午,1點鐘還是去游水,過到池1點21分,更衣室搞掂一切上池,陽光超猛,有蓋地方稍熱身,行出池嘩!撻地慶過火屎,滾水淥的出去,1點33分下水,都唔理lu,一條心係咁游,游夠600m起水走人.更衣室搞掂一切至電個老婆,大圍拮野等,同呀王吹輪水才過大圍.
過到大圍拮嘢,老婆以經到咗,平時一樣兩個飯餐42蚊.
吃過坐夠行街市,街市來回兩轉都知買乜好?明日又話大暑老婆又話買定去濕料煲冬瓜喎,兩轉後終買了以下菜料,有冬瓜6蚊,洋葱三個5蚊,蕃薯葉三扎6蚊,去濕湯包10蚊,豬梅頭扒25蚊,瘦肉26,7蚊,

生果有車厘子18蚊,香蕉6.6蚊,

買後裝滿一單車藍,老婆又唔搭車,係要行回家,無偈,為有援援腳步,推著單車,城河學校邊踱回家.
回家6點14分,老婆嗱淋煲落個素湯,料有粟米,椰菜,洋葱,甘筍同西芹.

我就手機大清垃圾,搞到成8點半才來煮飯,煮兩個餸,有蕃薯葉,豬扒,洋葱半個同腐乳.

腐乳炒蕃薯葉,

洋葱豬扒

粟米,椰菜,洋葱,甘筍煲西芹



9點21分開飯,4個人食1夜返留湯飯餸.

相當好瞓,血壓高,個仔週年過澳門,阿茂又整餅,今日又超凍,晚糯米飯三個人食.

近排個blog有點問題?留言出啲唔出啲,更有啲掉咗落垃圾箱,所以有些留言答遲咗,多多見諒.

 
昨晚吃完個火鍋還是看youtube,到12點鐘廚房忙碌,連牙都無擦便瞓,一覺今早8點半鐘醒,又賴床玩手機,賴至10點鐘才起來,老婆留下字條叫晾衫,有無搞錯又係我,跟住電話到,老婆叫晾衫,鵝佢一輪我都收線,.

外便下著雨,煲點水洗面晾衫之際,新抱出來洗面,佢話等佢來晾喎,好,餋成良好習慣,係時候學會放低弄我早餐,無麵包為有淥個媽咪麵,沖杯朱古力食,餐後量個血壓151/80-61又係高,食埋今早藥,開埋個大又11點鐘.
上陣網見blog友整香蕉蛋糕,哈!橫掂落雨斯濕,又有香蕉,參考吓網上資料,我又來阿茂整餅,自發粉,雞蛋,香蕉,油同糖,感覺份量.
 
整餅其間個仔兩公婆出門,話過澳門玩兩日喎,唔講唔知原來明日結婚週年,時間真快,咁又一年,個仔出門後,我再量量血壓139/80-61,咁都好啲.
繼續整餅,全部料先後打成漿,加點食油.

落鑊蒸佢廿分鐘.

1點10分蛋糕蒸好,麻麻哋,香蕉多過粉,發不起,

食落又幾好,甜度蕉味都OK,相信明天會更好.
 
3點鐘老婆放工來電,我話落雨又凍不去下午茶,回來食我制的香蕉蛋糕算.

老婆回來我都要摷番件鎮山之寶,超級大羽絨穿,同老婆講橫掂無買餸,不如煮糯米飯囉,老婆就浸下材料.
夜早點煮飯,料有冬菇,糯米,火腿,瑤柱,蝦米,臘潤腸各一同長椰菜.

8點未夠以經開飯,都好耐無試過咁早食飯.
臘味糯米飯

灼烚長椰菜



三個人食啱啱好.

相當好瞓,整日在家上網,大圍麥記買餸,晚飯人齊食.

昨晚12點多啲瞓,一覺6點40醒咗,老婆以番工,去個所就瞓不返,還是笠個耳筒,一瞓又9點多,睡來唔錯,賴至10點鐘起來,一切良好,無唔妥.
煲點水洗面搞早餐,沖朱古力,芝士花生醬飛碟食,餐後量血壓138/77-61,咁都好啲,上陣網辦埋個大事又11點鐘,開工寫埋編旅遊blog.
一寫又一個上午,看陣電視又3點鐘,老婆又放工,約同火車站內,齊過大圍食嘢兼買餸,買餸其間食麥記,一包一餐32蚊.

 

買完餸又火車返歸,回家又5點鐘,買來有糯米2斤半19蚊,葱3蚊,白蘿蔔3蚊斤,秤兩條9.5蚊,豬骨兩份20蚊.

老婆立即處理今晚餐菜料,兼煲落個湯,料有豬骨20蚊,白蘿蔔9.5蚊,冬菇,蝦米,火腿,瑤柱,臘腸潤腸各一條,葱3蚊.
 
蘿蔔煲豬骨
 

 

 

 
臘味糯米飯.

淥埋幾片紹菜.

人齊開飯5個人食.

生日快樂

11月份好多人生日,首先老婆生日,晚飯去咗樂樂度邊樂邊樂.

老婆生日快樂

豈有此理比少藥,朋友怪辟難聊天,娛樂城三人百六幾,晚飯老婆煮理,奇異飯三個人食.

前日失眠未瞓過,昨晚晨早11點以經瞓,半夜又大劑,鼻以經塞,要吖著口瞓,吹到唇乾脷硬,李麗微吖.鼻水積壓痛醒,連吞口水都痛,呻餐懵為有坐響度瞓,咁上下才回服正常瞓,瞓到今早9點半鐘,尚算補番條數.

起來如常洗面早餐,到食藥,我都覺奇怪?點解耳嗚藥咁少?得嗰21粒,還剩三粒,每日三次每次一粒,得一個星期藥,而鼻敏感藥,每日一粒14粒,兩星期藥,唔通醫生安排係咁?已經食咗一星期,一點進展都無,諗住食晒算擺啦.

好奇睇吓藥袋標籤,他媽的42粒,比得我21粒,咁啱星期一專科開診,於是嗱淋至電過去,李麗微吖,佢反問我點解現在才發覺,我話我點Q知呀,你比我就照食,鬼知你得一星期,若果我唔睇標薟寫住42粒,我都懵然不知,佢還話我勞氣,跟住叫我等陣,後來第二位姑娘同我講,話不好意思,可能比藥時以為一星期,叫我帶埋單同藥來補番,喱位姑娘就好聲氣,頻頻說不好意思.

上輪網10點多諗住出門去攞藥,不如至電位九龍灣朋友,見佢久不久來電叫敍吓,朋友好怪辟,與眾不同,好難傾多幾句,又唔用手機,乜都唔啱佢,成日講埋啲負面說話,平時傾偈,我話睇醫生,佢話醫生都好睇,我話有朋友癱瘓,佢係咁架啦,講旅行,佢又話旅行都好去,係賭吓馬仔.

於是至電過佢家,一接電話,半條人命一樣,問佢乜事,佢話嘔到黃胆水出,頭暈暈想跌,我話睇醫生或睇急診囉,喱種人無救,話由得佢,死就罷就,你要咁我都無偈,我話死整污糟間屋呀,死響醫院過,病到咁改日至揾你啦.

打完個電話出門去攞藥,落到街嘩!又凍又雨,都幾大吓,無帶遮急腳行去總站,站頭有老有小孩,好大風吓,見個司機來到上車,大概未夠鐘開車,李麗微吖,響司機位坐著唔開門,大佬你來上車都寒風細雨啦,只不過開度門讓我們上車,剩客講句唔該,你都開心吓,無人性一啲感受都無,係咁讓我們在外風吹雨打,真係唔要得,吹咗成10分鐘才開門,上夠人即開車.

半小時車到觀塘診所,對對資料順利取藥.

攞完藥老婆來電叫返回瀝源下午茶,好,諗住過對面馬路搭車,諗吓89以前牛頭角總站開?於是返轉頭搭89回瀝源.

 回到瀝源兩點鐘多啲,老婆同個女已經開了位在等,個女好聽唔聽網上話獨蒜做黑蒜好有益,連癌症都話得,最弊響全沙田最貴個街市買呢?兩包蒜頭20元,係幾靚幾大粒,都買咗無偈,唔買慣餸的人真係不知價錢,就手就不計價錢.

餐茶個女找數160多,唉!叫得太多又胡椒豬肚,韮菜脆角未入鏡,大少成8碟嘢,有乜辦法.

 

獨蒜為成一蚊粒,個爛鬼竹茜4蚊張,買咗3張12蚊,啲錢好似灣仔解款車執一樣.
 http://orientaldaily.on.cc/cnt/lifestyle/20110925/00296_003.html

離開娛樂城行商場,真係好怕同啲女人行街,扯大纜一樣,拖極都唔郁,老婆話今晚煮糯米飯,咁就你話事,回到自己街市,近排街市新開檔小食檔,女人既嘢,胃食又整10蚊三樣,兩蛋仔一格仔.

 

回家都5點半鐘,老婆主理買有生菜5蚊,糯米8蚊,洋葱6.9蚊,莞茜2蚊,甘菇8.9蚊,花生5蚊.

 老婆主理,料有生菜,莞茜,葱碎,冬菇,四季豆,花生,粟米同蝦米.

 

老婆煮理就大大鑊鑊,糯米生米飯,要翻蒸才食得,8蚊糯煮晒,有排捱.

 

三個人有食.

奇異飯後,繼續奇異果.