2025/10/18(六)重失/極差,新抱假,餐後瞌陣,灣仔見醫生,食上海嘢,行用品店,緬懷灣仔,回程蠢女人,晚薩莉亞.

失眠

昨晚11點鐘瞓,0220醒所,半瞓下捱到0409,為有歌仔待瞓,捱5點鐘索性上網,到點半鐘稍為瞌著,到0745醒,手機賴陣床8點鐘起床.

早餐

起來如常搞早餐,0915老婆蒲頭,我都早餐.

0923個B蒲頭,又掛住睇手機.

失眠我餐後攤床yt瞌陣,一瞌1045,老婆來叫夠鐘啦,要過海灣仔見醫生,嗱淋起床.

覆診

出門後1112有車,過到灣仔1144,去到醫務所剛好1200.

看完醫生1300,去揾嘢食,個女話去大有商場食小籠包,途中1303又貢喱間飛飛家品店狂吓.

翡翠拉麵

1348狂完無交易,1353便來到大有商場,3樓間翡翠拉麵小籠包醫肚,大大間店,場面冷清,侍應話星期六日係靜喎?一至五就寫字樓就多客喎?

這時才醒起灣仔今非惜比,以前平民住多,現時寫字樓林立,細路時英京酒,隔鄰就東方戲院,睇戲都唔少?灣仔好多回憶.

吃過坐夠,個女付錢,1348離開好想去拍張照,就係小時一張母校照.

淘多多

離開經過間鋪,好多人,三人又貢入行吓,嘩!三層高,乜都有得賣?價錢好平,再睇真啲原來係淘多多,於是三人一掃成箕嘢走.

修頓廁所

離開尿急到爆,嗱淋趕去修頓球場揾廁所,去到竟然要上6,7級樓梯,真攞我命,廁所尚算乾淨,哈,竟然還有踎廁?可想而之修頓球場以前係工人階級多.

母校

搞掂下來蒲出電車路,就是這裡拍張新舊對照,就在這裡讀完小六,成績太差到,連畢業証書都無.

拍完這張對照,行回大有商場對面1711,搭182巴士返沙田.

塞車

誰知等極都無車?人又攰膝又痛,原來中環華懋大廈火燭大塞車?人龍越等越縮,啲人走晒去搭地鐵,膝痛我寧願等好過.

八婆執著

1744終於有車到,滿已為會好爆啦?誰知係部相當吉既車?

來到前面部101稍為頂住,但所差無幾?車門停正我面前,距離排頭位5,6個位,可能司機見塞咗太耐,唔想等前面部101走,就打開度上車門.

見車吉位多,人又累,排頭又未到?於是一個戰步上車?嘟咭期間,佢老母吖排頭位條八婆,走來拉住我?大聲話我打尖,我話打你老母,亙罵媽一輪,佢走咗上樓上.

我打尖係唔啱,但司機又唔停嚮條隊頭?部車又咁吉,條隊得嗰10個8個人,又何必要咁執著?部車咁吉,上遲上早都有位坐.

傷臂

剛才被佢一拉,手臂有少許刮瘀,本來係好少事,但我對玻璃手,被佢一抓,瘀血化開到大撻.

薩莉亞

返到沙田6點幾鐘,去商場食咗至返歸,星期六大家樂滿晒,又唔太肚餓,1845三人上咗去薩莉亞.

1913食咗三個菜,吃過坐夠,個女付錢.

惠康

離開又話行惠康,原來今日買夠168就88折,老婆掃咗221.2蚊返歸.

回家

回家2012三口出咗街未返,我都嗱淋沖個大熱水涼,9點零三口返,涼後我都上床備瞓,10點鐘個女都返歸.

11月16日(四)睡好,頭昏好轉,醫療車睇醫,午扭紋粉,整日在家,晚飯4人食.

2023/11/16   星期四   晴   25C

昨晚12點鐘瞓,夜所一劑,就今晨0621醒,收音機下半賴瞓,0750手機賴,0815起床.

好瞓咗頭亦無咁昏,新抱B在忙返學,0845出門後我烚水搞早餐,0920早餐,老婆蒲頭,0940就出門幫我醫療車攞籌.

餐後0958老婆攞籌返,嘩!輪到1230籌,老婆返我辦埋件事睇電視,睇完集倚天又1130.

等多陣1150就同老婆齊出門,佢去湊B放學,我就醫療車等睇醫生.

去到醫療車1255,已經有好幾個在等睇醫生,𥄫吓各人啲籌,最後係我,等到1216嫲嫲湊B到,冇耐就輪到,唉!同醫師都係嗰幾句舊對白,之後把過兩手脈,望過條脷,話同你落重啲藥喎?我話比7日藥好喇,咁就盛惠醫療劵245元.

離開1227,同個B遊樂場玩陣1246都返歸.

回家1250,嫲嫲處理佢午餐,同煮我倆扭紋粉,1337老婆開餐,我同個B食扭紋粉.

吃後嫲嫲篤B做功課,我就入房平板睇youtube.

衰豬又幾乖啵?好快做妥功課,重主動比我睇,寫得又幾靚,功課做完又掛住劃畫,大杏仁食晒,我就打大杏仁,打妥1545.

打妥累累哋我就走去床瞌陣,1640嫲嫲話去買餸,跟住個B老豆返,1705嫲嫲新抱齊返,嫲嫲買有魚70蚊,雞扒68蚊,牛扒88蚊.

人齊返我都早點沖涼,涼後入房攤床睇電視,1922老婆開餐.

2056輪到新抱開飯,4個人食.

飯後凍凍哋,嗱淋準備睡前一切,10點鐘未夠以經上床備瞓.

9月5日(二)睡可,精神差,個B病請假見醫生,老婆大圍買魚,整日在家,茶大家樂,晚飯4人食.

2023/09/05   星期二   晴   30C

昨晚11點幾鐘瞓,食粥關係,夜所頻頻,3點半鐘關冷氣,6點半鐘醒,手機賴床,9點鐘起床.

起來新抱B以蒲頭,本來今日個B返第二日學?話個B發燒咳請假,要睇醫生喎?我就如常搞早餐,老婆蒲頭,0930新抱B出門見醫生,餐前量壓,0953早餐.

餐後辦埋件事,精神差我又入房攤床,看能否瞓番陣?結果都係瞓唔到?1105老婆又話過大圍買魚喎?唉!你過到夠?

剛好一粒鐘12點鐘老婆返,話行路去搭車返喎?買來有煲湯瘦肉38蚊,牛蒡14蚊,白豆10蚊,魚80蚊同蜆20蚊.

回來就處理菜料煲落湯,1302老婆開餐.

老婆開餐,新抱B就睇完醫生返,個B食咗藥眼瞓就入房瞓,新抱就落街買餸,精神極差我?1415又嚐試床瞓過?今鋪就瞓著,1454醒老婆問落唔落街?見精神咗就同老婆行轉.

落到大家樂,晏來大把吉枱,27蚊食個雞寶包餐,老婆依然7蚊熱檸水,大家樂好佩服一班常客,個個90歲以上,有個重1百零幾?風雨不改日日聚埋吹水.

吃過坐夠同老婆上惠康行吓,行轉無交易返歸.

回家1630,新抱搞衛生拖地?為有同老婆攤床手機,到新抱搞掂後餵B食藥,唉!慘過攞佢命?個老母勞氣到不得了?唉!我都無眼睇?早點沖涼.

6點半鐘個返仔到,買有麥餐食,我就睇埋個新聞都入房平板寫寫blog.

2059開飯4個人食.

7月10日(一)睡可,個仔假,衰豬發燒咳,游水500,食大家樂,第11劑中藥,晚飯用4人食.

2023/07/10   星期一   晴   31C

昨晚12點鐘瞓,夜所兩,3點鐘關冷氣,瞓到今早7鐘醒,賴床8點鐘起床.今日個仔放假,新抱B已蒲頭,一枱面藥水?衰豬發燒喎?見個B又咳又痰,我都愛莫難助?我就如常搞早餐,餐前量血壓148/79-55.

餐後辦埋件事睇電視,睇埋集驪歌行人1130,我都攤床瞌陣,一瞌1240,嗱淋執嘢去游水,落到大堂昅吓信箱?有信係一封有地址無姓名既政府信?拆開一睇原來係個孫女的,於是乎拿回家交過新抱,交後重新出發.拿了單車正準備出發,見頭頂棵龍眼樹,有龍眼好細粒,貪得意伸手摘些體驗吓?相睇就大粒,其實好細粒,得層衣無味?

1311我都起行,1322到泳池,更衣室搞掂一切,今鋪穿埋拖鞋上池,超猛太陽曬到濃,稍熱身1338下水,埋頭游佢500m,1412夠數起水走人.

更衣室搞掂一切,1439離開,返回單車場,他媽的?被人拍咗個車位,無偈為有找過個位.

離開至電老婆食大家樂,過到大家樂1510,大把吉枱,在等期間有對老常客,一個98歲,另個100多歲老人家在爭請客?幾把年紀爭乜鬼吖?在場啲客係咁勸住,而我鄰枱剛好相反,在計較昨日我付錢你還未比返我喎?

稍等老婆到,我就28蚊食個豬扒通餐,老婆7蚊熱檸水,吃過坐過手機過離開上惠康,游完水28級梯差點撐唔掂?惠康無嘢買,返回街市老婆買咗15蚊菜返歸.

回家1630三口子街未返,我都嗱淋沖涼,涼後1728飲我第11劑中藥.

飲埋劑藥我都上網寫寫blog,1849三口子返,買到一袋二袋返,我都縮回房繼續.

2049開飯4個人食,衰豬唔舒服要食白粥.

日所思夜所夢,多痰,整日無事事,大乜樂食個茶,晚飯4人食.

昨日記神秘又陌生緊張下,頻撲咗一整日,回來真的累不堪,晚好早10點多啲鐘以經瞓,瞓落床思想凌亂,左諗右諗,成世人除牙痛剝牙外,永無接觸過牙醫,我嗰脫人睇牙醫係奢侈回事,今日所遇記驚喜但又擔心,日日無所事事的我,原來睇牙要咁多煩鎖事,係要去好多次?怪不得牙醫收費咁昂貴?驚喜就有個侄新抱做牙醫,擔心係優哉悠哉的我,突然加添咁多煩事.

諗兩諗終於瞓著,一覺5點半鐘老婆返工,我都醒,痰多有夢,日有所思夜有所夢,夢見自己無晴晴甩隻大牙,好大隻圓碌碌,無血無牙腳,好開心自動甩咗.去個所回來差點瞓不返,好彩還是矇矓瞓返,一瞓就8點多啲鐘醒,手機賴床到9點鐘起來,痰多吐不停.
洗面搞早餐食,個侄來電問及情況,我都係嗰句,棚牙無謂大攪,求其鑲好食到嘢算,無謂浪費你老婆心機,佢又係嗰句,放心喎唔會好貴喎,我話你老婆唔收啫,公司器材藥物都係錢,就無謂啦,講到尾我都係旨意你咋.
收線後食過早餐量血壓151/79-55,丌會咁高?唉?都預咗,上網寫下今早事,辦大事,事後10點42分再量多次血壓145/74-55,都係高無偈.
上輪網又12點鐘關機看電視,1點鐘老婆返,還是上網玩佢遊戲,搞吓成4點才落大乜樂下午茶.
成4點鐘到,大把位任坐,我就西多餐21蚊,老婆就朱扒包餐25蚊,老婆又1月1日開始連放7日喎,又話要去旅行喎?唉!為有又手機揾資料,假期貴為有揾啲非假期出發,找陣資料,老婆又趨著叫走.
離開大乜樂行轉惠康無嘢買,返回街市4.8蚊斤香芋南瓜,又秤個7蚊,芋頭8蚊斤,又秤半個7.5蚊返歸.
 
回家6點10分,老婆就續網上遊戲,我就處理今晚餐餸,料有西蘭花,南瓜同芋頭,肉絲,鹹蛋同雞蛋.
 
 夜7點半鐘來煮飯.
南瓜煮芋頭,

木耳肉絲煮茜蘭花,
 
鹹蛋蒸老水蛋,

 8點半鐘開飯,4個人食1夜返,留飯餸.

無咳無痰瞓天光,北上睇我牙,老婆又牙,晚飯兩人食.

昨晚11點幾都瞓,半夜3點鐘醒過外,就瞓至天光7點鐘,須然不至瞓得好稔,但總算瞓得好好一晚,賴床到8點鐘起來,照例兩口類固醇才洗面,搞早餐食,拍醒放假賴床老婆食,餐前量血壓156/83-53,餐後8點30分再量134/76-55,咁都好啲,上網寫下今早事,才辦大事,事畢9點10分.
今日約咗個侄北上睇牙,棚牙用咗大半個世紀,老一脫的我,從來亦没注重過,除牙痛脫牙外,從來不會主動看牙醫,亦無意識怎樣愛護牙齒,活到今時今日,牙亦七捌,侄新抱從事牙醫,個侄關照到,於是走轉看究竟,惜逢老婆放假又話去喎,咁就一同北上.
上水與個侄會合,一同落馬州過關,地鐵兩個站會展中心下車,

長者免費有樣唔好,要找專用通道,

會展中心之大,要行真係行不完,

侄仔帶領,係咁行,

在這裡蒲頭,


 
 堔圳一日千里,大廈臨立,街道清潔,N年無來,真係刮目相看.



時間上早,個侄帶領來這間食飯,

三個餸一個飯,個侄找數,手機付錢,還有折喎?我就大鄉里.

兩點鐘來到這裡,

稍等吓,便輪到我躺下,便開始佢忙碌,我辛苦之旅.

棚牙實在太殘,一搞成兩粒鐘,

又輪到我老婆LU,洗牙喎?

老婆搞掂以經4點半,侄同侄新抱送我倆到地鐵站,就各有各撐.

地鐵過關回家到7點鐘,
還以為樓下食大乜樂,誰知插針不下,一怒之下返歸,從操我故業,一煲過.

睡來至好一晚,咳好轉,鼻水依然,唔行唔知係病,賭馬10蚊,大圍下午茶,買洗衣液同廁紙,晚飯4人食.

昨日鼻水,咳,牙痛樣樣齊,好在煲幾片薑糖飲,叫做止得吓,咳少好多,幾驚咳到氣管收窄,唞氣唔到變成哮喘,以前就係咁,咳到喘去急症室,分別留院兩次,一次2005年2月22日半夜咳到講不出聲,自行的士去急症室,結果留醫14日,出院還未能醫得好,第二次2011年.3月24日急症室觀察病房,留醫成個星期,大大粒類固係咁食,試過兩次大大劑,真係怕怕.

昨晚飯後又切幾片薑,今次煲甜湯圓,老婆問咁夜食飯都還唔飽?唉!心諗你老公咳到七彩,你還矇查查,都無氣睬佢,食完個湯圓,11點多早點上床瞓,須然還有咳,但都順利瞓到今晨6點多鐘醒,耐性些又比我瞓返,咁就瞓到8點多鐘.

起來鼻水依然,咳就好些,但有痰,咳出有難度,呼吸唔多暢順,要大力吸氣,呼氣扯蝦一樣VV聲,其實昨日以經開始,無諗到氣管收窄?再持續下去,又來次哮喘要入醫都似?洗完個面,摷番支N年無噴擴氣管噴劑,N年無用所餘無幾,還好還有一口半口,噴咗果然暢順咗,無咁辛苦.

搞早餐食,餐後9點15分量血壓141/73-62,食今早藥,上網寫下今早事,辦埋個麻麻大事又10點多.
今早事上網,上輪網11點多,都諗住關機看電視,諗起日日寫啲垃圾,睇既唔厭,我都有點羞,都一把年紀,不如寫下我的回憶,寫下亦無壞吖?一寫又12點鐘,羋月傳.
看完又1點鐘,今日跑馬,又踱吓馬仔,點多鐘老婆返,馬跑了兩場,但係依然唔識賭,去到第四場買條位置Q1搭4,10蚊,結果跑第四第五輸埋,再望吓下便幾場,都係唔識賭多?老婆又話要過大圍,今日要買廁紙同洗衣液喎,咁就為有前去,見廁紙大大卷洗衣液重揼揼,老婆話帶車仔喎,咁又係?什少出動車仔,拉住部車仔,老婆問搭車定行路呀?唉!都係差不多,行啦.
一路行一路大堕後我,上氣唔接下氣,唉!唔行真係唔知自己病?好辛苦下才行到大圍,老婆話食大乜樂喎?大概積分卦?老婆熱狗餐25我24炒麵餐,吃過坐夠走人.
行入超多人魚檔街市,頭檔見到大大條花蒼,10蚊份,都無須多行,10蚊買份走人,屋企還有點菜,係咁易行吓個菜街市,便藥房46蚊買桶洗衣液同46蚊兩條廁紙走人.
回程還是行路,挨著城河學校邊行,行到觀景台又坐吓,坐不到一陣,水滾茶靚唔走唔得,返企樓下要公廁搞掂,老婆就先返歸.
 
回家5點13分,馬還有場未跑,又踱吓尾場,睇住大把時間下注,誰知姿整下鐘響開跑,結果跑第三同第五,係慳番.
馬就跑完,老婆就收衫,老婆大嗌一聲,話肚皮被黃蜂針喎?果然又紅又腫,都算黑仔,個女同佢搽點香薰,續後話無事喎?個仔返沖個涼就出街,
夜7點多啲鐘煮飯,料有椰菜1個,白豆同花蒼魚.
 
腐乳白豆角.

清炒椰菜,

 麵豉蒸花蒼魚,

8點07分開飯,4個人食1夜返留飯餸.

睡來還可,腳痛兼牙痛,消炎藥,沽澳執260,整日在家,759食車仔麵,晚飯5人食.

昨晚12點前都瞓,攤落床久久未能瞓著,無偈為手機看youtube,看了好一會才試瞓過,結果須未一覺天光,但總算瞓到今早8點鐘.

稍賴起來,大鑊左膝同腳碗痛,半夜去所以經趌趌吓,趌趌吓洗面弄早餐,大可能游水過度卦?搞好鮮奶麥皮,諗住開個衛星包食啦,佢麗微吖?有蟻喎?重係好多,他媽的昨晚買回來尊登卦起,用單鈎凌空吊住,咁都有蟻欄上?谷鬼氣拍走啲蟻,一把火燒QC佢.

搞掂食早餐,一口咬落個包度,牙痛添?明顯虛火到?可能同腳痛有關連?餐後量埋個血壓125/74-56,食今早藥,唉!都無謂辛苦,都係啪粒消炎藥,希望牙痛腳痛無事,看來今日游水唔駛去?

搞掂後上網寫下今早事,然後辦大事,大事完畢又10點35分,今早事上網.
上輪網11點鐘昅吓個市,跌百多點,又望吓啲澳元,又回升番些少,日線圖以經差不多到頂,都係咪攪賣埋嗰些少,執番260蚊算數.
搞掂關機看電視,12點鐘羋月傳,腳痛牙痛粒消炎有效,須然好得多,今日都係唔游,休息番一日,續看電視到2點鐘老婆返,還是佢網上遊戲,新抱蒲頭,原來放假.
兩點多同老婆出街,搭程車過市中心,望輪手機鋪昅吓三星A9價錢,原來不多,有些更貴過衛訊,看來要買都係衛訊.
肚餓要揾嘢食,選擇759車仔麵,老婆牛孖根咖喱豬皮米線,飲熱檸水,我就牛腩,牛肚,蘿蔔油麵,飲奶茶,合共54.4蚊,

餐後坐夠whatsapp夠走人,行商場買餸,先行卜佳,無嘢買到,跟住759,今日9折冷清清,無嘢好買下,又買支平嘢試吓16蚊離開,輪,輪到行雞寶,13蚊買份倉底多春魚離開,行到街市門口,有得坐吓,同老婆唞順條氣,又繼續返歸,搭程車返回自己街市,4.8蚊買兩條節瓜返歸.
回家6點10分,買來有多春魚13蚊,節瓜4.8蚊,同兩支759,叫時菜魚子醬16蚊,合共33.8蚊.

7點40分煮飯,料有多春魚,節瓜,雞蛋,粉絲,雞汁同南瓜.

蝦米節瓜粉絲煲,

南瓜蒸水蛋,

椒鹽多春魚,

8點40分開飯,人齊5個人食.

飯後果鬼佬茘枝同蘋果.