12月4日(一)睡好有夢,個仔假湊B,個B曳曳豬,游水500,茶大家樂,咭年費,修龍頭,晚同老婆食.

2023/12/04   星期一   晴   22C

昨晚11點前都瞓,夜所兩就今晨0637醒,睡來有夢,手機賴床,0850起床.

新抱B已返學,如常烚水搞早餐,老婆蒲頭,0943我都早餐.

餐後辦埋件順暢事,大杏仁碎食清,為有攪拌機攪番些,1047搞掂,用開部機不如打埋木耳漿,跟手浸下木耳,11點多啲鐘,老婆拍醒個仔準備湊B放學,老婆就出門過大圍買魚喎?我就開火烚我紅棗,薑,木耳,1150個仔出門接B,1230木耳烚妥準備打漿.

1237老婆返買咗110蚊魚同菜喎?跟住個仔接B返,我搞掂木耳漿,洗埋個攪拌機,就執嘢去游水.

一望個芒?嘩!搞邊科?個電視芒花晒?不用問呀貴,立即叫個衰豬入來?問佢係咪你?佢話昨晚用搖控劃喎?我話下次唔好啦?會壞無電視睇架?衰豬點晒頭,跟住佢老豆入來,嚇得佢唔敢聲,猛咁點頭下次唔敢喎?嚇得鼻哥吼無肉.

我都無你咁好氣,執齊嘢出門去游水,1315車場起步,1326到泳池,更衣室搞掂,才發覺忘記帶毛巾,好彩今日穿有兩件衫,池面熱身,1340下水,100m100m的游,湊夠500m1416起水走人,更衣室T恤當毛巾,搞掂1440離開,返回單車場1453,至電老婆食大家樂.

大家樂稍等老婆到,要個蕃茄會牛肉飯,老婆熱檸水合共39蚊,吃過坐夠1550上二樓理財中心.

搞張咭年費,職員小姐好好禮貌,一路聽資料,電腦一路篤,篤,篤,篤成兩分幾鐘,比著我肯定篤佢唔掂?好多謝這位職員小姐,解決我一年之煩.

講起這咭年費,非常好彩,神推鬼擁?星期六失眠,無晴晴睇到去年回顧,搞咭年費,才醒起張咭年費到期,若忘記咗?又唔知扣我多少百元年費?須然拿得回,就麻煩?

離開理財行轉惠康,無嘢買,無須買餸返歸.

回家1611唉!條游水爛毛巾還在晾著?都諗住再沖涼,見廚房個龍頭滴水多時,1989年按裝,cisal司素龍頭,用到今日,足34年?意大利貨好嘢,都諗住明天才修佢.

唉!都係唔好?試吓簡單啲?睇吓掂唔掂?牙鉗鬆佢開啲,纒啲水喉膠布,再收番實佢?咦!得喎?又搞掂一單.

搞掂諗住沖涼,新抱來電,話今晚唔煮喎?食咗返,無問題吖.涼後開壇寫寫今日blog.

1913老婆煮妥叫開餐,有蘿蔔炆門鱔,隔夜豬骨藥材老火湯,同老婆兩個人食.

2133三口子返。

睡來好,鼻水到,抖音下架,個B黐身膏藥,做點嘢風咀,茶麥記餐,晚飯4人食.

昨晚出埋篇blog成10點鐘,上吓網成11點才瞓,一覺今晨0604醒,瞓不返手機賴床,新聞睇見佢,香港抖音下架,無得玩lu,又少個香爐少注香,

鼻塞塞有鼻水?呻不停,煩過鬼,0750都起床.

梳洗搞早餐,烚隻蛋老婆蒲頭,老婆忙家務,咁就你忙到夠,0824老婆早餐,0843輪到我來早餐.

0921個B蒲頭,辦過事務,個B已擦過牙仔食早餐,佢娘趕返工,上陣網1010佢娘返工,老婆電腦,我就B纒身,要嫲嫲湊住,1027才能量血壓106/75-50,有點傷風有累我,個B纒住,想話瞌陣都唔得?

話之佢走去床瞌陣,嫲嫲才來睇B,1235嫲嫲要煮飯過B,又要我來睇過?

1305個B開餐,好快食飽飽,嫲嫲手抱下好快便瞓著放床仔.

B瞓咗我開工,就係抽氣風咀,老婆瞓內便,冷氣吹佢唔到,想搞好耐?都係懶之過,尿片紙箱一個,架生,釘仔同攪茶木條,1350開工.

兩點鬆啲鐘老婆買茶兼買餸,1441老婆返,買有麥記餐44,生菜8.5蚊.

還未開餐個B瞓醒,還好自己在床玩,餐後繼續攪個風咀,個B不停搞搞震,好彩全是高位工作,攪餐懵1627才搞掂,而個B又開鋪大,嫲嫲索性同佢早點沖涼,沖完涼烚半個有機紫蕃薯過佢食,衰豬食兩啖又唔肯食?唔食就食餅啦.

老婆拖埋撻地猛叫沖涼,大概想開冷氣.1810個B老豆返.1915老婆洗落菜,個B開飯,又我來煮餸,熱廚房下,料有生菜,洋葱,豬扒同青椒.

1955開飯有洋葱豬扒,腐乳生菜,三個人食一留飯餸.

  2047佢娘返.

一切良好,屎坑制作,居要費屋租,整日在家,有驚無險,下午茶大乜樂,晚飯5人食.

昨晚出埋blog又成1點鐘至瞓,一覺今晨6點鐘醒,笠隻耳筒又比我瞓返,咁就瞓到8點幾鐘,睡來唔錯,鼻感又進一步好轉,未呻過一吓,只輕微有點鼻塞,起來有些鼻水.

洗面連除搞早餐,鹹牛肉蛋冶配鮮奶麥皮食,餐後量血壓134/73-54,食過今早藥上陣網,辦大事,
辦事其間,我又制作廁所短片,辦完大事繼續,一做就整個上午,又12點幾鐘LU.

1點多鐘醒起還未交屋租,於是網上交,一睇何解無晴晴,會有420元自動轉來戶口?百思不得其解?話之你交屋租先,搞掂後上網摷吓料,原來發放長者金差額.
搞掂剛巧老婆返,老婆又開工上網遊戲,到3點多鐘,叫老婆收工落街行吓,老婆就閂窗,突然大叫一聲,弄跌個女盆植落街,好彩個厚厚花盆形在,唔係就揼C人,老婆嗱淋落街執番上來,連除whatsapp過女,報定案.
 
落街便走去大乜樂,每人食個下午茶,老婆23我22,吃過坐夠手機夠,便上惠乜行吓,無嘢好買便打道回府,回到樓下,醒起通告有晾衫架版睇,又走去八吓,兩個款無乜分別,之後返歸.
回家5點鐘,老婆大呻好熱,我就話我開定冷氣,你早點沖涼,老婆搞掂煲落個湯.
夜點老婆蒸落金針雲耳雞,我來炒個餸,雪柜料四季豆青椒同兩隻蛋.
7點多鐘個仔返,我來煮飯.又8點多鐘開飯,有合桃花生花豆煲西施骨,金針雲耳蒸雞,青豆粟米青椒炒蛋.
 
5個人食兩夜返留湯飯餸. 
 

睡來至好一次,小注澳元,敲門棍,又榨汁,游水600m,剪個髮,食大乜樂,晚人齊提前端午食番餐.

昨晚12點前都瞓,一覺天光6點鐘,鼻無事,輕微少許塞唔舒服,係近來最好一次,醒咗瞓不返,手機賴床,去個所索性廳梳化賴,賴至8點鐘,洗個面無麵包,早餐怎辦?淥個鮑魚麵配鮮奶麥皮.
餐後量血壓134/74-61,食埋今早藥上網,9:16見澳元似乎跌穩?又買些少玩吓,搞掂又9:30辦大事.
辦妥大事無所事事,不如整番啲嘢,大門無門鐘好唔方便,諗來諗去,又唔想用電門鐘,揾極又揾唔到敲門既東西,靈機一觸,為有此下策,用條棍仔綁條繩?
 
三兩吓搞掂,搞掂又做啲乜嘢好?雪柜爆棚,昨日又雞又西施骨,爆到潟,看來今晚都不用會煮飯,不如執啲出來榨咁啲佢,有甘筍,西芹,同苦瓜,

一搞又差不多12點鐘,榨埋得兩樽仔,最煩善後洗餐懵.
1點鐘啲友陸續瞓醒,除老婆外全屋人放假,咪搞,不便久留,嗱淋執嘢去游,太陽超猛,都係執多件T恤落水.
過到池1:20分,更衣室搞掂一切,著埋件T恤上池,太陽超猛,沙漠一樣的行到尾副池,稍熱身下水,200m的游,湊夠600m,好彩穿件T恤下水,否則曬到濃都似?
返回更衣室搞掂一切,至電個老婆,你想點?無嘢我就去剪髮,老婆叫剪完再聯絡,咁就話之你.
走去剪開的瀝源街市,又好啵?無乜客等一個便到,同剪髮呀姐講句,同我剪短佢,呀姐說聲收到,咁就大刀濶斧係咁刨,刨到差不多禿頭,好快手下搞掂,嘩?真係好短,搞掂拍個照走人.

單車回家樓下,至電個老婆下來,大乜樂下午茶,老婆23我26.
餐後坐夠whatsapp夠走人,上惠乜買麵包,9.6蚊買磅麥方包返歸.
回家5:15分,上網寫今日blog,
8點鐘成員人齊,齊齊過顯徑開餐,小巴過到去8點多啲鐘.

點有鹽焗烏頭,咸菜豬肚,炸蠔餅,蒜蓉莧菜,鹵水三拼,碟碟大大碟,齊齊啤啤佢,

氣氛唔錯,相當溶合,飯後吹輪水,成11點鐘找數7百多,佢哋搞掂.

返歸11點多鐘.

相當好瞓,唔懶做番啲嘢,床尾層板架,大乜樂下午茶,行轉惠乜237.4,晚飯4人食.

昨晚11點多以經瞓,4點多去個所,就瞓到今早7點鐘,笠隻耳筒賴床到8點起來,相當好瞓,起來以經急不及待要開大,非常暢順,見暢順上磅一磅140,還好無重到.

 洗個面食埋個早餐才9點20分,上輪網無所事事,唔好襰,的起心肝,郁手做啲嘢,床尾層板想做多時,攤開架生,摷開堆爛板,廢板重做,一做12點多鐘,叫做搞掂.

跟住廚房鑽吼加加改改啲掛鈎,個仔放假才瞓醒,叫做幫吓手遞吓架生,做做吓電話響,原來以經3點鐘老婆放工,邊度都唔去,就樓下食大乜樂.

三仔乸每人食個下午茶餐,合共74蚊,餐後行惠乜,買有廁紙兩條49.8蚊,粟米油5升送0.5升107.9蚊,旺旺20蚊,即食麵兩包28.8蚊,個仔汽車香貼兩塊30.9蚊,跟住商場麵包4片4.5蚊,街市芥蘭5蚊,布包豆腐兩舊8蚊,合共254.9元返歸.

 

回家執好架生,老婆善後清潔,我就上油,搞掂又5點多鐘.

 

夜點煮飯料有,雞肉粒,豆腐8蚊,芥蘭5蚊,南瓜約1蚊,彩椒約3蚊,胶筍2.5蚊.

 雞肉粒麵豉煮南瓜.

 胶筍彩椒炒雞粒.

 椒鹽豆腐

 灼淥芥蘭

 4個人食一夜返留餸,今餐唔計雞肉粒,盛惠19.5蚊

走轉旺角換波曲,順道街市買點嘢,長期困擾水箱搞掂,下午茶大乜樂,晚飯4個人食

昨晚出埋編卜又成1點半鐘至瞓,好彩都瞓著,瞓到今早7點鐘醒,睡來算唔錯,笠隻耳筒賴到8點鐘起來,邊早餐邊上網,執番好昨晚編又長又噚卜,放回電腦,食埋個早餐,搞掂一切又10點鐘,係時候出旺角換波曲.

姿姿整整成10點半出門,等吓車又要行,成11點半才出到上海街,水喉潔具鋪多到乜,行到過晒聾都唔知?足知找到,說明來歷,還好啲售貨員好禮貌,帶埋個舊梳結出去,今回肯定無衰,店員好快拿過個出來,今回係200A無錯,試過舊梳結OK,還教我點按裝,有問必答,非常難得,有得換好高興,唯一有點奇怪?何解個個波曲拿出來,個盒都係開過?算啦,最緊要回家順順利按妥,搞番好個水箱.

 離開潔具鋪,當然又去廣東道刮吓,行轉生果街,又貢去則邊條深圳街街市,買咗20蚊兩斤白蜆,又奇怪秤都唔秤吓,可能賣慣,心中有數,買包甜酒花10蚊,又買包大磨菇10蚊,臨走櫻桃買磅方包8蚊,同是櫻桃何解大圍間要賣到10蚊?

 巴士返回歸差不多1點鐘,立即開工,三兩吓手勢搞掂.姑勿論點樣?真係好多謝喱位女職員,咁欣勤解說,令我有信心買來按裝.

 老爺波曲宣報歷史陳跡.

上陣網話咁快又3點鐘,老婆又放工,今日邊度都唔駛去,番來樓下揾樂哥,老婆回來買咗三筒瑪莉餅,話11蚊平喎?

見無所事事,於是同老婆落商場行吓,落商場梗係去樂哥坐吓,嘩!超多人,揾個二人位都難,等咗好一陣才有,同老婆每人食個下午茶餐42蚊.

坐陣就行惠乜,望吓啲罐頭,早前759做6折既午餐肉10.3蚊,唓...惠乜特價都做11.9蚊啦,所以話大集團既打折,真係不用過份興奮.

行轉惠乜買咗將近到期特價零食同豉油,合共18.9蚊,返回街市買三隻節瓜7.5蚊返歸.

 

夜煮飯料有節瓜三隻7.5蚊,蝦米池5蚊,白蜆20蚊,雞肉粒約4蚊,大磨菇4隻13.5蚊,雞蛋4隻4蚊.

 

芝士焗釀大磨菇

 香煎蝦米池

 蜆肉蒸水蛋

 

蜆肉滾節瓜.

 
4個人食,今餐大約54蚊

 

 飯後果火龍果同梨

睡來唔錯,老婆放假搞衛生,電視降低尺,個妹到,陳皮月餅,晚又係兩人食.

昨晚累到C12點前都瞓,一覺6點鐘醒,去個所便走出廳梳化瞓過,一瞓又8點多啲鐘,相當唔錯,老婆放假亦瞓醒,齊齊洗個面食早餐,餐後辦個大事,確係麻麻.

 搞掂一切事務,又9點半鐘,個市又開,導指帶動又升,唉!真吹漲,老婆又家務搞衛生,個妹又來電說過來,唉!見老婆做嘢我都做點嘢,就張個電視降低,唉!又個衰女瞓緊覺,都無謂響石屎鑽,為有加件板厚些,收落件板度,搞掂11點多鐘,老婆烚好花生又來幫我善後,跟住祙埋個地,今日工作總算完畢.

10蚊花生烚熟食.

  12點鐘正在剝定花生睇楚漢.個妹便到,送我一盒陳皮月餅,陳皮月餅聽都未聽過,一定好貴,好老實真係不用買過我,我好求其咋.

坐咗陣老婆就電腦比個仔結婚時啲相過佢看,我都醒目,明知喱個妹邊會有咁耐性?成800幾張嘥氣,我都醒目嗱淋youtube比條結婚片過佢睇,看完想話比啲旅相過佢睇,佢以經好不內煩嗌唔睇,要去食飯,其實幾拾年來都無食中午飯習慣,唔怪得佢肥咗咁多.

喱個妹無癮,都見怪不怪,於是換件衫同佢落商場,又話唔食大家樂喎,咁就隔離間茶餐廳,三個人叫咗兩碟飯,粟米班腩飯同碟豉椒牛河.

食飯其間少不免講吓家簇親情事,我喱個妹絕情谷長大,自斷六親,全是自導自演而斷,無辦法?人疑心大,胸襟窄又記仇,人家講一句話,可以想像到天大事,屢勸都係咁,無得救,唉!人唔C都唔會見吓面,結果還是拗頸而散,吃完個飯佢便沖沖走了.

 回家個電視還有些少手尾,加多兩插蘇,個妹回到家就來電通知我,我再次講,來就來不要買嘢,收線後搞掂個插蘇又4點鐘,哈!大市又倒跌,真係難搞.
夜又得我倆老食,不如就牛仔骨,半罐焗豆同脫水菜.
飯前六合彩金多寶,又投注40大元.

  鐵兜飯
 
脫水菜會焗豆

 煎牛仔骨

 兩個人食.