2025/05/28(三)睡可/好啲,富豪新光中土聚,有史以來,累得我C,晚飯5人食.

昨晚11點半鐘瞓,夜所三劑,今早7點半鐘醒,賴床8點半起床.

起來如常搞早餐,新抱忙返工,0921早餐.

餐後辦埋件事就攤床yt陣,老婆就去買餸.

1135起來,單車過富豪花園,新光酒樓中土聚.

約咗12點鐘,單車去到天橋𨋢以經1206.

上到酒樓1210呀何,同雙成到咗,老馬稍遲咗到,陳成急不及待落單開餐,威哥最遲到.

6條友無所不談,傾得好投契,一傾又兩點半鐘,1433又係威哥找數.

雙成呀何不同路電梯向下走,我同馬就天橋走,威哥去所出來,我就講聲多謝威哥才拜拜.

同馬離開行出天橋,見地下呀何還在等巴士,於是叫住佢,意猶未盡再吹下水,好衰唔衰遇著寶成還未走,寶成極度長氣,講埋啲唔啦更嘢,於是借題撇甩佢.

我三條友行前王屋公園仔坐,又參觀又坐吹水到1717才走.

拜拜後回家1745,攰到我呀媽唔認得,有史以來未試過咁攰?個仔正篤B做功課,我就嗱淋沖涼攤床唞吓.

2023老婆開飯,嫲B我開飯,個仔同新抱留飯餸.

2025/03/23(日)重失/神可,新抱返工,腳痛嚴重,單車禮品入馬場,輸20,晚飯5人食.

昨晚11點半鐘瞓,0335醒所,捱到0408,為有寫昨未完的blog,一寫0535暫時完,再寫到9點鐘完成出blog起床.

起來新抱忙返工,個B已經蒲頭,我就如常搞早餐,衰豬就自己開雪柜攞包奶問佢娘,用不用煲熱,於是同佢番熱,搞掂後搞我早餐.

0950佢娘返工,我就同B齊早餐.

今日跑馬香港打砒,馬會有免費飛,入場手機投注,不論多少,有個無線便攜𡃤叭送.

若非有禮品?我都懶入場,又昨日奔波咗成日,對腳行遠些都唔掂?都有點担心.

頭場1點鐘開跑,1245出門,單車到到馬場1320.手上4張免費入場票,進場前有人要就送兩張過人,結果進場送走三張,一張我進場,就完成我第一個步驟.

進場後有人問我?還有無飛喎?佢話佢為咗攞帽而來喎?

來到走上看台,嗱淋踱兩隻買10蚊,郁郁吓個戶口,免得到時無wifi就大鑊.

完成後走入室內,通道梯級坐,看台實在太曬,腳痛嚴重,都唔多行,影吓隻金槍六十,我又坐樓梯級.

等到第5場才走上看台,諗住跑完都可以走?誰知還未放行,眼見還有好人如灌入場,入到連帽都派晒改派紙.

直到第6場開跑,1530才放人,我才能離開,對腳實太痛太辛苦,慢慢的行到自己部單車.

回家1645個人以經散晒,坐咗好耐才煎隻蛋淥個麵食,衰豬又話食,胡椒麵又預佢食少少,煮好1710個B老豆返.我都早點沖涼,佢老豆又督B功課.

2022老婆開飯,嫲嫲B我三食,個仔沖涼新抱夜返留飯餸.

2024/10/27(日)麻麻/有夢早醒,瞌時晏,個B合唱團,有馬無賭,行國慶市集,茶麥記,最後劑中藥,晚飯5人食.

昨晚太累,寫blog不成早早瞓,瞓到1點半鐘醒所,再瞓5點鐘醒所,就瞓不返?捱到6點鐘索性手機上網.

一上9點鐘起來床,新抱在返工,我就如常烚水搞早餐,0940佢娘返工,衰豬突然掛住個老母,走來攬住個老母唔捨得佢返工?

新抱返工後,1000早餐食得,磨菇煎蛋,同個B齊齊食,期間嫲嫲落街買餸.

餐後1042老婆買餸返,買咗126蚊喎?

老婆返瞓不好我,又走去攤床yt瞌吓.

一瞌又1300,見個B做好功課,又切個牛油果佢食,衰豬又包紫菜食.

吃過牛油果1340,嫲嫲送B沙田大會堂上合唱團.

我就同嫲嫲約定,老婆送完B就行吓國慶市集.

老婆出門後1400我就踩車過去會合老婆.

過到去鎖好單車1422,老婆剛好送完個B,就齊齊行市集.

行咗圈買咗40蚊零食,就走去大帳篷坐睇電影.

坐到1600老婆去接B放堂,我對膝唔掂就坐嚮度等.

等到1645老婆B才到,之後單車返歸,途中單車載吓B,又坐上去推住行,等佢開心吓.

返回車場鎖妥單車成1700,便同佢食麥記,一餐一杯51蚊,

食過坐夠返歸1750,個仔已回來,砌緊佢至愛模型,回來老婆著手今晚餐飯,我就嗱淋沖涼,涼後飲埋我最後劑中藥.

2017老婆開飯,老婆個B我3個人食.

個仔沖涼,新抱夜返留飯餸.

2024/10/14(一)睡可/差,個仔假,新抱返工,走轉大圍街市,打大杏仁,石榴,木耳,茶麥記,晚飯5人食.

昨晚9點幾已經上床瞓,夜所兩劑,今早0740醒,賴陣床手機無電,8點鐘我起床.

起來個B以返學,新抱以回來,個仔放假在睡,我就如常搞早餐.

老婆蒲頭,0906我早餐,0940新抱返工,

餐後辦埋件事睇電視.

10點零老婆又出門買餸?問佢去邊度買?佢話大圍,諗吓?橫掂單車要打氣?亦好耐無過過大圍,不如過去行吓,於是乎叫老婆先行過去,跟住我才過來會合.

1030單車過去,1045過到單車鋪,大鑊?唔見平時打氣條氣喉既?鋪頭條友問我揾乜?就講佢知想打氣?哈!原來開鋪忘記駁條氣喉?條友叫條學師即時駁回,咁就順利完成兩條吠氣.

搞掂至電老婆.咁就1059街市會合個老婆,由街頭行上街尾,都好耐無來,都變遷好大,多咗好多吉鋪,亦無以前咁旺?行轉買咗啲生果同菜.

買完1115就過大圍個正式街市,都係最旺嗰檔下價魚檔,買咗45蚊魚,有黃花1條25蚊,或仔一份15蚊走人.

離開途中啲臨時鋪,買咗隻磁碟5蚊,百潔布5蚊,然後離開大圍.

我就踩車行先,還是沿城河學校邊走,來到個B以前幼稚園,對開觀景台等老婆,剛啱幼稚園放學,等咗陣老婆到,休息輪繼繼返歸,返回屋企樓下,老婆返歸.

回家1248,百潔布5蚊,秋葵6蚊,魚45蚊,磁碟5蚊,蓮藕9.5蚊,石榴5隻30蚊熱情果20蚊.

回來老婆搞佢午餐,我就攪拌機開工,首先打大杏仁,打好1347打石榴,打完一個又一個,一共打咗3個,才剛一瓶仔放雪柜慢慢飲.

搞掂剛好3點鐘,老婆叫醒放假個仔去去接B放學.

個仔出門後,老婆就叫下午茶,成1555落到麥當勞,唉!老婆又話忘記帶手機?又返歸攞?

等到1615老婆返,老婆同我叫咗個豬柳蛋漢堡餐29蚊,老婆就9蚊雪糕.

吃夠坐夠街市買菜,菜13蚊,免冶豬肉25蚊,雞中翼一包53蚊返歸.

回家1708,兩父女以經督B做功課,我就嗱淋早點沖涼,涼後1807飲我第5劑中藥,藥後木耳煲妥,又打埋佢成漿.

搞掂1845,我都縮入房手機,個B一年級功課又會咁襟做?佢老豆都算好心機.

一路做到2105開飯,才緊緊完?2105開飯,老婆個B我三人食先,個仔沖涼,新抱夜返留湯飯餸.

開飯冇耐新抱返.

8月24日(六)睡可/神差,個女留宿,無聊隆亨揾華吹水,茶大快活,晚個女老婆我薩莉亞.

2024/08/24   星期六   晴   31C

昨晚11點幾鐘瞓,夜所一劑,今晨0639醒,半賴床8點鐘醒,手機賴9點鐘起床.

如常搞早餐,拍老婆起床,個女入房瞓,1006早餐,期間新抱B蒲頭.

餐後辦事好唔掂?事後新抱督B做功課,個女就攤咗張床,老婆就在所餘無幾個廳睇電視,事後坐兩坐,都係出街?

落到單車場1148,至電過華仔,睇吓佢做緊乜?原來又整單車?不如過來揾佢吹吓水.

1153單車出發,上到去隆亨賞心樓1208,就幼稚園出便花棚坐,無催過華仔,坐咗輪1245華仔才到,吹輪水落大快活下午茶.

兩條友大快活坐咗輪才叫餐,長者依然8.5折,華仔請我食個折實28.5餐,

吃過吹夠水,離開又行吓隆亨個街市,街市好大,都算幾旺吓,行咗輪1622各自離開,返回單車場1635.

回家1640.老婆個女在家,我就累得要C,攤床瞌吓.

成6點鐘老婆來叫落街食,唉!好唔願就是但啦.

落到商場,佢哋選擇食薩莉亞,無戴假牙我,都係求其食些少,能食的食些算.

餐後個女找數,之後行陣惠康,無買嘢返歸.

回家三口子在家,我都早點沖涼,涼後話之你,做我睡前一切,上床寫blog瞓覺.

8月5日(一)重失/神差,個女留宿,裝修燥音嘈到爆,修單車,女閙老母,麥記雪糕,晚我煮兩人食,三日兩夜三口返.

 2024/08/05   星期一   晴   33C

昨晚11點鐘瞓,以為寫埋篇blog瞓啦, 誰知頂唔順要瞓,一覺0235醒去所,就瞓不返,捱輪為有寫埋篇嘢.

寫埋篇嘢成5點鐘,試圖瞓吓,到6點幾鐘以經醒,手機賴床9點鐘起床.

起來如常搞早餐,期間老婆蒲頭,個女入房瞓,0938早餐.

餐後辦埋件事,惡夢又開始,應該12樓開始裝修,鎅機聲響不停,發出啫啫聲,又會有咁多嘢鎅?嘈到人都癲.

一直嘈到成一點鐘,谷Q氣睇埋個午間新聞落街修單車.

諗吓都係推回家修好過,推回家門口後以為噴過w40就搞掂,誰知唔係原來條威也散咗披咗,頂住唔順,無得救要換?

又比我摷到條威也出來,可惜換咗截發覺係唔啱?好彩係長咗,條腰以經痛到不得了?都係咪搞,傷腰賺辛苦,都係暫時擱置,日後再算.

在修期間個女閙老母,越閙越兇,我話係咪要個老母跪地認錯吖?谷鬼氣叫個老婆落街咪鬼睬佢,跟住我拿部單車落回車場.

1513鎖好單車,至電老婆下來街市個休息大堂.

誰知去到高朋滿座,公公婆婆在避暑,於是走去無乜冷氣既麥記,1517等老婆,等咗好一陣老婆到,兩人9蚊食杯雪糕,唞吓條笨七氣.

到1620華仔來電,話佢知後制修唔掂,叫佢幫手,之後吹水成粒鐘.

期間老婆街市買餸,買咗98蚊喎,之後齊齊返歸.

回家早點食飯,早點開冷氣,老婆處理好菜料後沖涼,就我來煮,料有雞扒,韮菜花,芽菜,大兜冷飯兩隻雞蛋,1826開火,1857煮妥,老婆開冷氣開飯,我就沖涼戴番副假牙,1915開飯,叫兩句個衰女食飯,唔食算數,我同老婆食.

飯後睇電視睇奧運,2033三口子大梅沙三日兩夜返,衰豬夾有7,8個公仔,C孤寒問佢攞個唔比,嗱淋雙手霸到實一實,佢娘講掛住爺爺嫲嫲喎?

玩佢兩吓,我都返房上床備瞓.

7月17日(三)精神極差,早餐大家樂,富豪中土聚,王屋,責任市民,惠康,新抱B迪士尼,晚老婆煮三人食.

2024/07/17   星期三   晴   30C

昨晚10點鐘以經瞓,2點多鐘所就瞓不返,還好收音機塞耳下瞓返,瞓至6點鐘醒就瞓不返,手機賴0840起床.

洗個面老婆經已蒲頭,個女已入房瞓,老婆講句落街早餐喎?唉!講到?是但啦,說完就即時去辦事,辦完事0926量血壓,然後同老婆出門早餐.

一出門口,整個人暈一樣,昏得好嚴重,要打醒12分精來行,0945來到大家樂,似乎冷氣改善,比前好得多,老婆39餐我就32餐.

吃過道理吹夠1050離開,街市買7蚊生菜返歸.

回家1057嗱淋手機义電,睇埋集尚食1130係時候出門.

中土聚,舊同事吹雞富豪花園新光酒家1200聚,1135單車前去.

去到酒樓1200,剛好威哥到,跟住陳成然後隻馬到,上次聚又係這裡,原來威哥這裡附近有地盤,怪不又係這裡.

上次一聚2023/04/27就大大鑊,離開單車出事,車翻人墮,皮開肉破大出血.

吃過吹輪水1335又係威哥找數,找數期間遇著,拾多年無見鬍鬚健,無見咁耐差點唔認得?以前打工𠲖家係老闆,嘻哈一輪就各自離開.

今日精神真係好差?若不是聚會我肯定整日在家,離開富豪花園,人有三急,好彩隔鄰就係王屋公園,搞掂幾大坐吓?頭昏到暈咁滯,踩單車特別小心,上次大大鑊,今次特別小心?

離開王屋繼續回程,1453返回單車場.

盡責好市民

離遠見到兩母女係咁揼單車鎖?於是鎖好單車埋去望吓?原來母女又鎚又士巴拿?輪流係咁鎚條鐵鍊?見佢揼到條鍊薄晒都唔斷?於是點條橋過佢,叫佢枕嚮鐵板角度鎚,一鎚就斷咗,斷咗係咁多謝我.

我就同佢講,單車生晒銹,要機油才郁得番,佢話唔要架喇?我話唔要嘛放回嚮度囉,佢話要搬去垃圾站掉喎?嘩!顎咗然?我立即豎隻手指公過佢?咁有責任?一等一好市民,唔拆走唔舒服,好嘢.

讚完佢半條人命我都走,回頭望吓佢,兩母女不停轉手?而且搬去較遠個垃圾站,於是叫住佢去近嗰個,唉!若不是我半條人命,肯定幫佢一把.

週身唔舒服走入街市坐等老婆,1505老婆抽住袋膠樽到,老婆愛入樽.

入妥後28級無力撐要乘𨋢上惠康,惠康買115蛋同廁紙,跟住街市買42蚊菜返歸.

回家1553,嗱淋沖涼,涼後埋頭寫我今日blog,

個仔返,今日新抱B去咗迪士尼,今晚不回來吃,老婆焗住要埋煮個仔飯.

1948老婆煮妥開飯,個仔我三個人食.

2300新抱B迪士尼返,新抱講話個B坐過山車驚到喊,腳震晒喎.

7月8日(一)睡/麻麻,個女留宿,個B告別幼稚園,個仔假,游水400m,疲累不堪,個女煮下午茶.

2024/07/08   星期一   晴   33C

昨晚出埋篇blog成12點半鐘瞓,夜所兩劑就今晨0630,手機賴床,0745實在太熱起床.

起來如常拍老婆叫女入房瞓,洗個面8點鐘,個B蒲頭,返佢幼稚園最後一日學,新抱搞早餐個B食,原來食蘋果?吃後0855母女出門返學,我才搞我早餐,0946早餐.

餐後辦埋事睇電視,睇完集尚食1130,新抱送完B買有早餐返,我才知道個仔放假,跟住新抱又去接B放學.

我就梳化度瞌陣,結果都係瞌唔著,1225新抱B返,我都起來執嘢去游水.

1257單車場出發,1309到泳池,更衣室搞掂一切,池面熱身,風和日麗好太陽.

1325跳水式下水,大鑊,左邊耳塞甩咗?於是游完佢100m,回頭再找.

到回來要上池面才看見在水底,於是跳下去執?但又忘記個泳鏡戴咗上頭頂,落水一沖甩埋,執番粒耳塞無咗個泳鏡?到返回池邊,哈!有位泳客拿來給我,認真唔話得.

游咗100m開始再游,實在太耐無游,自5月6日游過,至今兩個月無游過,100m的游,游夠400m1415起水走人.

更衣室搞掂1441,游時不覺累?游完才知道累.

回家1527,我以累到不堪,放下游水嘢都去床攤,一攤即著.

1636個女煮咗米線來叫食,老婆個女三個人食,吃後我攤床瞓過.

一瞓7點鐘,起來沖定半劑補藥,然後沖涼,1920三口子返,1926飲我半劑中補藥.

三口子返下來忙沖涼忙煮食,2005個女出門,約咗裝冷氣喎?2105開冷氣,三口子開飯,2235個女返.

6月8日(六)睡可,多夢神差,老婆沙角魚,踩轉城河,新煤氣爐,茶大家樂,晚兩人食,輸馬20.

2024/06/08   星期六   晴   27C

昨晚11點零瞓,夜所一劑就今晨6點鐘醒所,睡來多夢,手機賴床,8點半鐘老婆起床我起床.

起來如常烚水搞早餐,0929早餐.

餐後辦埋件事1015,見天氣好有太陽,部單車又好耐無郁過,於是出門踩番轉,咁啱老婆又話過沙角買魚?咁就齊齊出門.

出門後各有行,1022到單車場,睇過部單車兩條呔?又幾足氣,跟住就向馬鞍山踩去.

去到馬場對開大直路,都係坐陣休息吓,端午將近,龍舟加緊操練,休陣息1110來到孖橋算,過橋就回程.

一直踩到來禾輋瀝源之間1130,飲包綠茶休息陣,跟住踩回單車場1215.

回家1225,新煤氣煮食爐到咗,老婆正在煮佢中午餐食,而新抱B剛好食早餐畢,我都嗱淋沖涼.

涼後睇陣電視,1325新抱B有節目出街,累累哋我都去床瞌吓.

瞌咗陣手機陣,兩點半鐘起來,3點鐘同老婆下午茶,大家樂食個义飯餐,老婆熱檸水,合共38蚊.

吃過坐夠上惠康,買蛋兩排46蚊,街市買肥牛27蚊同粉絲12蚊返歸.

回家1651,個仔剛跟住返,1715沖粒鐵+C飲.

回來繼續睇跑馬,7點鐘新抱B返,個B劃到塊面花喱轆?話去完同學仔生日party喎.

1923老婆叫開餐,老火煲鵪鶉,甘菇肥牛粉絲煲,兩個人食.

馬又輸我20,算數.

5月25日(六)失眠神尚可,老婆沙角買魚,踩轉隆享爆呔,補呔吹水,茶大家樂,晚兩人食.

2024/05/25   星期六   晴   27C

昨晚11點前瞓,兩點鐘醒所,又瞓不返,收音機,歌仔捱過,都係瞓不返,4點多鐘為開wifi上網,5點零終於瞓返,0637醒手機陣再瞓8點鐘醒,手機賴9點鐘起床.

起來好太陽,落咗好幾日雨,終於有太陽,如常烚水搞早餐,搞咗一半?又來料?急不及要去爆.

搞掂出來新抱B以蒲頭,齊齊早餐.

早餐其間老婆又話過沙角街市買魚喎?餐後11點鐘我,見咁好太陽,自從上次游水,都成廿日無郁過部單車?都係去𥄫吓,兼踩番轉都好.

落到單車場1115?見部單車還足氣,於是至電過華仔,睇吓佢得閒無?齊踩轉吹吓水?

話唔得閒喎?要修單車喎?修後又要去佢娘度喎?見咁情況,橫掂都踩,不如踩去佢嗰度,單車加吓機油滑滑佢都好.

1115起步,一踩1131到華仔樓下球場仔,來時經新翠邨,一入到隆亨邨,就無單徑全是行人路,經過球場仔見到一隻隻鴿,檻梳檻梳伏晒嚮度晒太陽?簡直奇景?本想停下來拍脹照,但見行人通道,免得被人罵,都係快啲踩到目的地,來到足球場1131.

來到見華仔還未到?於是兜個圈睇吓?踩到賞心樓地下,坐陣望吓上便,世界花園,靈機一觸,拍張照send過以前一起興建,偉成友個群組,等佢哋懷緬吓,誰知拍完張照,部單車砰一聲,就瞓低?

睇吓乜料?唉!原來爆呔?喱鋪大鑊?部單番嚟咁耐,多年來都未試過爆呔?而且打次氣好耐都不用再打,嗱淋至電華仔拿工具下來.

華仔12點鐘來到,工具到就拆開外內呔,順內一模,唉!原來係粒三角硬膠插爆我內外呔.

還好華仔有補呔貼,都係我以前比佢,不過太耐老化,貼啲膠都溶晒,黏到實一實,差點搣佢唔開,到搣開,又大鑊?無沙紙磨鞋內呔,好彩我醒,懂得用墻身鞋批盪來磨,搞掂貼好,但又無水試漏,有信照打氣,華仔有淘寶自動氣揼,好駛好用,打妥試踩搞掂.

搞掂1322,還好我帶來包紙飲品,坐陣吹陣水,1405有幾滴雨,我都走lu.

返回自己單車場1425,車呔依然無事.

回家1430,老婆新抱B在家,正想沖個涼攤唞吓?咁啱新抱B用廁所,坐咗陣老婆又話要下午茶?攰到C諗住唔去?勉為其難,去就去啦?

大家樂就食個至平米粉餐,老婆例熱檸水,合共30蚊.

吃過坐夠1620離開,老婆街市買菜,諗來諗去終於聽我講,買咗4蚊薯仔返歸.佢返歸我就走去昅吓部單車?都好無洩氣?咁就安心返歸,返回樓下遇著個仔放工返.

回家1655,我都早點沖涼,修部單車人都散晒,涼後攤床寫寫今日blog.

1940老婆來叫開餐,有蒸倉魚頭,蕃茄紅蘿蔔炆薯仔,兩個人食.

1655