2026/01/17(六)超好瞓/神妥,個女到,灣仔覆診行得我C,食茶軒,淘多多購物,回家6點鐘,晚飯外賣.

昨晚10點鐘已上床備,0323醒,0614醒所,回來手機陣又瞓返,瞓到成8點鐘醒,老婆起床我起床.

嗱淋梳洗搞早餐,0906早餐,老婆早餐齋食兩隻蛋,今日要過灣仔覆診,嗱淋叫衰豬梳洗早餐,衰豬機不離手,要嫲嫲催催趕趕才梳洗早餐.

1020才到巴士站,本應搭182,好衰唔衰app無顯示,連站頭螢幕都無顯示?等咗好耐無車?焗住1041搭170過港島.

1115到港島景隆街下車,以為電車搭兩個站到,誰知行出電車路,電車站兩便都咁遠?站要到鵝頸橋才有?谷鬼氣於是行去.

膝痛氣喘我,行到我索晒氣,途中要吸啖擴氣管藥,1442終於行到軒尼詩道259號,足行咗我25分鐘,約咗11點鐘,遲咗40分鐘,個女已經到咗.

氣羅氣喘來到,個女叫讓個老母睇先,我就坐外便唞氣等,醫師來了個新助手,話舊嗰個唔做喎?

遲到關係,兩人一睇成1320才睇完,老婆一個月後覆診,我就嚴重咗,兩星期後覆診.

離開醫師同助手,急不及待要去食中午,我們4人就去回上次嗰間茶軒,要咗三個餐4人食,由於執漏藥?老婆吃後返診所攞,老婆回來坐到1456才走.

離開走去淘多多尋吓寶,4個人都有買嘢,行睇買一路上到三樓家俬部坐陣,1636才離開淘多多.

離開過大有商場對面搭182返歸,1705有車,衰豬手機無電就眼瞓?瞓到流口水.

返回沙田1745,衰豬見有瀡滑梯,要玩喎?老婆同個女又話要買菜?我話我來睇B瀡滑梯,個女又信我唔過?谷鬼氣話之你,我返歸.

回家6點鐘,個仔已在家,我都嗱淋沖涼,個B姑媽嫲嫲成7點才返,原來去咗惠康同街市?惠康買咗257.4蚊,好多嘢返,連同淘多多買的一齊返. 

衰豬一回來就玩淘多多買的尋寶玩具,我就買咗4樣嘢,回來就係咁試?條18蚊自拍棍相當扺玩,試過無問題後,2025佢哋出街晚飯,我就唔去,嚮企等佢哋買外賣返.

2141佢哋返,話無得揀,度度到已收市,30蚊買咗個薩莉亞肉碎飯我食.

吃後我都辦我睡前一切,辦妥上床等瞓,2218佢娘返.

2024/12/03(二)睡差/麻麻,百份百早餐,yt瞓晏,淘寶平板托架,晚飯5人食.

昨晚寫輪blog11點鐘瞓,夜夜未能著,到醒0337醒去所,所後再瞓0550夢醒,夢見走咗去買菜?賴床0815起床.

起來新抱忙返工,我就辦埋件事洗過面,早餐無麵包,老婆亦起床,諗吓?都係懶搞,一於出街食.

辦妥今早事務,0925同老婆出門,落到大家樂高棚滿座,於是走去百份百,兩個餐合共85蚊.

吃過坐夠1053離開,街市買餸,買咗135蚊返歸.

回家1125,睡不好,我又走去攤床yt瞌吓.

一瞌一睇又3點多鐘,嫲嫲湊B放學返,我就烘3個包齊齊食,吃後衰豬又話要食煎蛋?嫲嫲又煎過佢食,吃後1605衰豬要去瞓覺.

1645嫲嫲叫B起來做功課,衰豬相當難叫?剛好佢老豆返,咁就由佢老豆叫到夠?

佢老豆返帶有淘寶嘢返,有我買嗰件平板托架.

架到立即試吓,以為夾住張枱瞓覺用?原來係太軟支撐唔起?

還好有計,加條木條上格床底,啱啱好,還可以推左推右,兩邊床可用,1926總算搞掂,舊有月曆平板架步,掉得.

搞掂攤床試睇輪yt,唔錯,唔錯.

2017叫開飯,嫲嫲煲有鵪鶉老火湯,嫲嫲個B我三個人食.

個B老豆沖涼佢娘夜返留湯飯餸.

2105新抱返,我都做妥睡前一切,寫blog待瞓.

8月20日(二)重失眠/神差,個女留宿,走轉沙田中心,食大快活購物,晚飯返.

2024/08/20   星期二   晴   29C

昨晚早早上床,睡前yt,成12點才瞓,0417所後就瞓不返,收音機手機下捱,今早8點半鐘起床.

起來如常搞早餐,老婆蒲頭個女入房瞓,0918早餐,期間老婆發覺失八達通?看來又唔見好幾百蚊?

餐後辦事少有咁順,1130新抱B蒲頭早餐.

12點零個女亦蒲頭,鬍鬚特長我刮刮佢,刮後失眠我,希望攤床yt下能夠瞌番吓.

結果一攤2點鐘,覺就瞌不成?yt就睇到佢訪問張艾嘉,起來替老婆昅吓張床,跟住拉開我張床,掉?原來在我張床度.

起來新抱B出門街街,我同老婆有嘢要買,1440出門,搭程車希頓下車.

行希頓商場大生超市,一路行去沙田中心,𥄫過360睇過好棧,然後沙田廣場大快活,1555食個29.5蚊下午茶餐,歇歇腳.

吃過坐過,遇著兩個80歲茶客,大講舊史,插咀吹埋一份,1650離開.

返回好棧買木耳4襾21蚊,蝦米半斤80蚊,然後360買大杏仁143蚊,其他有棗仁派兩包,花生4包合共64蚊,老婆買夠二百蚊做會員,還好收銀條靚得閒,幫忙下載埋填埋搞掂.

離開360返回大快活1752,晚飯8.5折,老婆選擇71.4蚊,兩人食個清湯蘿蔔牛腩餐.

吃過坐夠1900離開,搭程巴士返歸.

回家1930,三口子在家,新抱忙煮晚飯,個B担天望地做緊作業,廁所王用緊廁所,望穿秋水下才出來,除個B外全部人都要去轉所.

出來後我都早點沖涼,涼後2045三口子開飯,我都做我睡前一切,做妥我都攤床寫blog備瞓.

2156個女返.

8月1日(四)睡好/神稍好,個女留宿,早餐大樂,走轉鴨撩買轆仔,晚我6個人食.

2024/08/01   星期四   晴   31C

昨晚10點多鐘瞓,夜所兩劑,就今早7點醒,手機賴床,幫陳成做條旅行片,一做0937完成,老婆起床我起床.

起來梳洗個女入房瞓,今天無麵包,早餐外出食,量個血壓10點同老婆出門.

1015大家樂老婆39餐我28餐,吃過坐夠手機過,1112離開,老婆服待個女要買早餐,我就先行回家辦事.

回家即時辦事,嘩!超正,理想下辦妥,老婆以經返,買有個女50蚊早餐,而新抱B在早餐,我都攤床youtube吓休息吓.

1點多鐘起來,唉!一屋都係人,唔精神我都要出街行吓,老婆立即問去邊?由於子母床轆仔壞,猛叫去大圍買轆仔?諗吓大圍未必有?無就賺白行?不如行轉鴨撩街.

1341出門,巴士站等到1403才有車,1428到元州街下車.

行吓睇吓1503到鴨撩街,終於15蚊隻,買咗4隻啤令轆仔,4蚊兩粒龍頭止水膠,繼續行埋條鴨撩街,我已經C吓C吓.

跟住圈番上元州街,1558行到麥當勞,幾大都坐吓,地下無位,都要躝上樓上坐,老婆去攞兩杯水.

飲後坐陣繼續,行去來時睇過嗰間兩蚊店.

去到18蚊買咗隻鑊鏟,20蚊個蒜蓉夾,5蚊支白膠漿,然後行去石硤尾多彩酒樓搭87B,去到1658,等咗14分鐘才有車,返到屋企站1742.

回家1748冷氣開咗,個返咗來,新抱執緊個B 啲玩具,個女攤咗落床.

老婆話去煮飯,問新抱用不用煮埋你三口子飯?不扭飯一煲煮埋全屋飯,餸就各有各煮,新抱大概執玩具執得辛苦?唔想煮?叫奶奶最好煮埋喎?

唉!老婆煮得慢,不如我煮,1806開火,料有紅鯛魚,隔夜燒肉雞,生菜,雞蛋同鹹蛋.
1913開餐,個女出咗街,有香煎紅鯛魚,灼淥生菜,香爆燒肉雞,分頭二圍,我老婆食先,三口子留飯餸.

飯後沖定半劑中補藥,2046量個血壓,2048飲我半劑補中藥,2116見衰豬雪柜貼有幅畫,長大做廚師喎?

2320個女返,我就睇埋個新聞2345才瞓.

11月25日(六)睡好,精神稍好,老婆沙田街市,整日在家,茶大家樂,淘宝到褸鍵盤,晚飯4人食.

 2023/11/25   星期六   晴   22C

昨晚11點前瞓,夜所三劑,今早7點鐘醒,賴床8點半鐘起床.新抱B老婆陸續蒲頭,我就如常烚水搞早餐.

衰豬起來掛住玩,三推四請都唔洗面擦牙去所,到擦牙舊牙膏未用完,係都要開新的,唔比就係咁扭,係咁喊,嫲嫲堅決唔比,佢娘唔比下終於屈服,0932早餐.

1035母女出門石門上英文班,我就辦埋件事,11點鐘老婆又話出門去買魚,無所事事我,不如執執自己個枱面,唔郁由自可?稍為郁吓條腰痛過鬼?

執過𧙕過1155老婆買魚返,去咗沙田街市買喎?買有八爪魚仔30蚊,鱸魚條25蚊同條倉魚30蚊,回來就處理佢午餐,1312老婆開餐.

1350母女返,佢娘唔舒服買成藥返,食過成藥就篤B做功課,精神唔好我就入房床攤瞓吓,但始終瞓唔著?

去到3點鐘係時候下午茶,還以為我倆老去,誰知要帶埋個B去,佢娘想瞓吓喎?咁就來個協定,茶後不去遊樂場.

1510出門,落到大家樂,個B就食咗嘢返,咁就要個义瀨餐加雞翼40蚊,老婆7蚊熱檸水,合共44蚊.

餐未到個B又徵用我部手機,餐到我就雞翼拆骨起肉個B食,我就义燒瀨餐,餐前拍張照先?衰豬就整古做怪?

吃過坐夠返歸,返到樓下我就撩吓個衰豬,我話瀡滑梯囉,衰豬高興到飛起,嫲嫲即時話,講過乜呀?衰豬當堂扁晒咀返歸.

回家1638,佢娘瞓咗,冇耐個B老豆返,我都早點沖涼,涼後1718飲我第二劑補茶,茶後寫寫我今日blog.

1820新抱買餸返,帶有淘宝料返,有我件風褸同我個迷你藍芽鍵盤連滑鼠,新抱話送畀我喎,好,咁就多謝先,個B當然唔少嘢啦,多條靚靚公主裙.

風褸就試過,又幾好,鍵盤就要差電?

2112開飯4個人食.

睡來尚可,寫blog一整朝,老婆買手機三星J7,三人食車仔麵,人仔做定期,卜佳買餸,晚飯5人食.

昨晚回家都11點半鐘,12點鐘前都瞓,一覺6點鐘又醒,捱咗好耐,還是耳塞歌仔瞓,矇矓下8點幾鐘醒,手機賴床9點幾鐘起來,梳洗後搞早餐,假牙休息咗兩日,試戴來食早餐,唉?都係唔掂,右邊假大牙下銀住痛,磨吓磨吓食埋過早餐,上網寫下昨晚事,相當難寫,鬥木咁鬥,1點多鐘老婆返,個仔放假,老婆約定個仔今日買手機,以經趨住叫換衫,咁就帶埋銀行薄過市廣場.

過到沙田廣場,諗住豐澤格吓價?誰知豐澤無咗,唉!都無謂多心,直頭去衛訊出機,過到去都係嗰兩隻三星C5同J7揀,再望吓重有隻C7賣3000蚊,每部相差三兩佰元,見J7個芒大啲,但像素低些少1300萬像數,而C5C7就1600萬像,前鏡頭全都係800萬像數,綜合三隻價錢,一就C7二就J7,個人較喜歡J7,賣2198元,送軟機套,64S咭同保護膠貼.

於是敲鎚買J7,跟手trade埋部三星S3舊機,竟然話300蚊,簡直驚喜價,成交後又送罐藍罐曲奇,個仔薟咭扣除300部舊機,實付1898元.

資料轉移須時,本來去飲下午茶,但都差不多4點鐘,就去咗食車仔麵,三位3餸車仔麵合共84.6元

吃過坐夠銀行打打薄,見柜枱不用排隊,又埋去問問,人仔定期息口,佢話半年4.6%厘息,嘩!又制得過,嗱淋即做,咁橋上幾次定期,都係佢同我做,似乎好有緣?搞掂攞埋利士封走人.
返回衛訊攞機啦?誰知舊機太慢,要等多10分鐘,都係唔等,走去走轉卜佳.
以經4點多鐘貨品以下價,買有衛星包12蚊,見雞又特價,兩隻50蚊,同老婆又揀兩隻,茜蘭花8.9三個,茜芹7.9棵又買棵,合共78.8元

離開卜佳5點12分,返回衛訊,資料已轉移,檢查一吓,漏咗個 WeChat,又要加番,但密碼就忘記咗,

個仔為有撞吓,結果係成功登入,搞掂檢查過部機走得.

搭程車回家以經6點15分,老婆急不待玩手機,竟然立即上網,下載咗兩個sapps,個仔見到,嘩!有無搞錯,屋企個wifi密碼都未有?就上網?嗱淋check吓手機數據,唉!下載兩個apps唔見咗30多元.

回家我就上網寫今日blog,老婆衰咗後處理今晚餐餸,成8點多啲鐘才來煮飯,料有木耳蟲草花蒸半邊雞,茜蘭花兩個,開罐沙甸添.

8點55分開飯.
木耳蟲草花蒸雞

細罐沙甸魚,

蒜蓉炒茜蘭花,

5個人食1夜返留飯餸.

晨早醒麻麻,麥記早餐,貨不對版,三人禾輋下午茶,同老婆各買鞋一對,晚飯清倉底料,兩個人食.

昨晚英西兩天團回來,跟手又要煮飯,又要賭馬仔,忙完一輪11點多都瞓,一覺2點鐘水滾醒,遇啱新抱沖涼,急得要命,終於趕及又瞓過,瞓到5點鐘又醒,今回無咁好彩,瞓不返,為有耳筒待候,就係咁賴到7點半鐘,唉!都無謂賴起來.

起來梳洗好,今日無麵包無早餐,著動電腦寫下今早事,跟手叫醒手機賴床老婆,遲遲成9點鐘落街早餐,試試新嘢麥記.
門口手指篤篤一輪,買下兩個早餐34蚊,老婆等餐我揾位,麥客寥寥可數,等候期間,見個客揮手叫個執枱員過來?投訴個包好唔妥喎?執枱員話係咁架?個客話第二間邊係咁架?執枱員為有幫佢拿去bar枱換過個?
換了個包回來,個客打開一看,板著臉同執枱員說,又嘛係一樣?點食呀?我一聽見,我都係魚寶餐喎?嗱淋出去叫在等老婆,嗱淋轉芝士雞堡,老婆比張單過我,嗱你去轉?見個bar面跟本做唔切?好多人在等餐,等咗好耐終於輪到,我話唔要魚堡轉雞堡,佢話落咗單啵,我話同我換啦,大概經理卦?同佢換啦.一換等咗好耐,為有問句我個包呢?她才入去追,發覺麥記係要追.
 
用餐其間又見有客捧著熱香餅去bar枱投訴,又要求換?望吓自己個餐,同剛才篤篤篤張相,差天共地,唉!樓下老麥下次都係咪搞.
吃後離開,貢入大乜樂望下個水牌,係唔同啲,餐具都開胃啲啦,剛啱遇見朱太來食早餐,傾兩句都同老婆都返歸.
回家都10點鐘,老婆清潔廚房,我就上網寫我blog,12點多新抱蒲頭,原來放假,叫去下午茶喎,好,寫blog到2點40分,為停吓來,齊齊出門去下午茶.
目的禾輋下午茶,搭程車過去2點多啲鐘,上到酒樓又出乎地多客?剛好各落有張細枱,老婆同新抱負責剔嘢食,4個點心一碟星洲米,

坐吓一路食一路傾,傾的大都圍繞手機事.
一坐又近4點鐘,新抱找數,離開酒樓,新抱說要過沙田嗰邊喎,見佢唔多趕,老婆成日想買鞋,以我眼光C硬啦,於是乎提意入鞋鋪,叫新抱幫吓眼,賣鞋買衫似中後生眼光好啲.
老婆千揀萬揀,終於找到對心水靴499元,買多對有9折,其實我都想買對,可惜啱款但無我碼,無辦法下?咁啱有人叫share一齊買,足知大家有著數,老婆對變咗449元.
離開禾輋直過沙田中心,過到去已經4點40分,新抱大懵才醒起要去銀行,飛卉跑去,唉!銀行收4點半鐘,有出無入,又點會比你進入吖?哈?個食蕉聽新抱講兩句,就走去問問裡邊?結果又比入去,幾分鐘後出來,話搞掂咗喎,原來搞張咭個密碼.
搞掂輪到我睇鞋,唯一對鞋差不多玩完,一定要買?入到去間馬拉松,以我目標300蚊樓下,放在架上都不用多看,一於特價區貨架度揀,至平都要249元,重係得兩對咁多,在新抱幫眼下挑咗兩對款,都係賣299元,結果挑咗一對,正想付錢之際,職員說兩對有9折,又係兩對有折?揀多對有難度,不如就此作算,新抱見有人正在買鞋,新抱主動問句,結果成功share付錢,我對299佢對500多,9折大家有著數.

離開鞋鋪,新抱約咗放工個仔,今晚唔食飯喎,我同老婆就行行卜佳,買咗個衛星包12蚊同金筍5.9蚊,藥房買埋支8.5蚊潔而亮走人.

搭程車返歸以經6點鐘,長長編blog又要寫?
一寫8點多啲鐘,係時候要搞今晚餐飯,兩個人食清倉底料.

成9點鐘開餐,同老婆兩份食.

噴嚏鼻水不停,煲劇,賭馬輸20,大乜樂下午茶,晚翻熱飯兩人食,睇英超,買瀘水器.

昨晚12點幾至瞓,瞓至今早8點鐘醒,笠耳筒聽收音機賴到9點才起來,鼻敏感發作,噴嚏打不停,鼻水流不盡,洗個面早餐邊上網,辦埋大事又10半鐘,無所事事又煲劇,從未試過兩日內煲佢11集,是實太好好睇,大陸劇睇得多,未試過有套睇完畢.

 一煲又12點鐘,噴嚏鼻水未停過,新抱放假見我噴嚏未停過,介紹我食隻藥維他命C喎?我話等我開咗啲窗同度大門,試試睇過先?哈!咪理,過咗陣,嗰然湊效,鼻水收歛,噴嚏少咗.
又12點鐘,看電視城市論壇,睇咗陣12點50分,馬以經跑咗第一場,睇跑馬,跑到第五場,買10蚊位Q,李麗微吖煙都無陣,又3點鐘老婆放工,個新抱出街街,相信佢哋今晚有節目,唔會食飯?同老婆講邊度唔駛去,回來樓下大乜樂啦.
回來大乜樂,兩公婆每人食個下午餐22,24.46蚊,坐陣街市買3隻蕃茄4.8蚊,買斤芥蘭8蚊返歸.

夜啲友無個回來食,咁就早點煮飯,摷摷雪柜,嘩!好多冷飯同餸,無偈,清清雪柜,就來個鐵兜翻熱飯,同老婆倆份食.

飯後沖個涼,剛好8點鐘,網上英超熱刺對車仔.

10點鐘打完,互無紀錄,夜點三隻嘢返到,原來買咗個瀘水器回來,1598蚊喎,係乜田大減價喎.

 

整日在家矇查查,一殼眼淚睇youtube,禾輋下午茶,攞褲買件衫,晚飯人齊食.

 星期六乜都無,烚吓烚吓一整朝,還以為星期日跑馬,誰知係越洋賽事,好不容易到12點鐘,還以為城市論壇,才醒起星期六.

萬無目的上網,打開yautube,諗住睇吓刺激嘢搏擊,誰知彈出個感人熱淚故事,想唔喊都幾難,急急看完又3點鐘,老婆放工了.

昨日行到腳跛,同老婆由市中心,行到我CC到禾輋,終於228蚊,老婆買咗兩條牛仔褲,要改褲腳今日取.

順理成章今日要過禾輋,手機新裝上個九巴apps,顯示巴士8分鐘到站,又試去趕吓,哈!果然落街行不到兩步,就見巴士出,趌跛跛的C趕及,嗰然apps幾準吓.

順順利利到禾輋,老婆已在麥記等著,坐陣老婆問食乜?我話日日麥記想唔C都難?不如轉轉,行出麥記見隔離餐廳門口個水牌,星期六都有下午茶?望吓價錢又唔係貴?又見大把位又試吓.

 

 我就沙嗲牛肉湯米配奶茶26蚊.

 老婆就芝士焗雙茄扁意粉配檸水28蚊.

茶後攞牛仔褲,攞褲又順便睇吓啲外套,結果188蚊買咗件男裝棉外套.

 跟住踱商場,一路踱去瀝源,然後巴士回家,回家6點多啲鐘,個天以經黑晒.買來的有雪藏海底椰13.2蚊,紅蘿蔔4蚊,瘦肉20.2蚊,勝瓜7蚊,豆腐4.5蚊,韮菜2蚊.

 回家老婆急不及待煲落個湯,湯料有川貝海底椰湯包28蚊,瘦肉20.2蚊.
夜點我來煮其他餸,有勝瓜一條7蚊,豆腐一件4.5蚊,韮菜2蚊同些少蜆干.

 

蜆肉韮菜煮豆腐.

 蒜蓉蒸勝瓜

川貝海底椰煲瘦肉

 人齊5個人食,今餐大約64蚊.

 

飯後果橙.