2024/12/03(二)睡差/麻麻,百份百早餐,yt瞓晏,淘寶平板托架,晚飯5人食.

昨晚寫輪blog11點鐘瞓,夜夜未能著,到醒0337醒去所,所後再瞓0550夢醒,夢見走咗去買菜?賴床0815起床.

起來新抱忙返工,我就辦埋件事洗過面,早餐無麵包,老婆亦起床,諗吓?都係懶搞,一於出街食.

辦妥今早事務,0925同老婆出門,落到大家樂高棚滿座,於是走去百份百,兩個餐合共85蚊.

吃過坐夠1053離開,街市買餸,買咗135蚊返歸.

回家1125,睡不好,我又走去攤床yt瞌吓.

一瞌一睇又3點多鐘,嫲嫲湊B放學返,我就烘3個包齊齊食,吃後衰豬又話要食煎蛋?嫲嫲又煎過佢食,吃後1605衰豬要去瞓覺.

1645嫲嫲叫B起來做功課,衰豬相當難叫?剛好佢老豆返,咁就由佢老豆叫到夠?

佢老豆返帶有淘寶嘢返,有我買嗰件平板托架.

架到立即試吓,以為夾住張枱瞓覺用?原來係太軟支撐唔起?

還好有計,加條木條上格床底,啱啱好,還可以推左推右,兩邊床可用,1926總算搞掂,舊有月曆平板架步,掉得.

搞掂攤床試睇輪yt,唔錯,唔錯.

2017叫開飯,嫲嫲煲有鵪鶉老火湯,嫲嫲個B我三個人食.

個B老豆沖涼佢娘夜返留湯飯餸.

2105新抱返,我都做妥睡前一切,寫blog待瞓.

8月2日(五)夜瞓難眠,個女留宿,新抱返工,老婆沙角買餸,換床轆仔,鐵門改矮裝門阻,晚老婆煮7人食.

2024/08/02   星期五   晴   31C

昨晚寫埋長長的blog,成12點幾鐘才瞓,夜瞓難眠,成一點多鐘未能瞓著,5點鐘醒所,又瞓不返?手機到6點多無電,閉目半瞓到8點鐘,手機賴床到0909老婆起床我起床.

起來剛好新抱出門返工,個女返入房瞓,我就如常烚水搞早餐.

0936老婆又過沙角買魚喎,烚妥水就就我辦件大事,辦來唔理想.

出來就見個衰豬蒲頭,乜都無做就問嫲嫲呢?話佢知去咗沙角買餸,衰豬瞓醒乜都無就摷玩具玩,谷鬼氣就閙鬼佢,罵完又氹才去擦牙洗面,才飲杯水.

跟住嗌肚餓,我話等嫲嫲返有麵包返,衰豬又話唔食麵包,正當摷班㦸粉下來,1050嫲嫲就買餸返到,買到雙手抽唔晒?240蚊喎.

諗住拍張菜餸料照啦,誰知大事到,柯尿式咁柯?大鑊?剛才踎到腳痺都無?現在一褲都係.

嗱淋去辦事,結果要沖埋個涼出來,老婆煎班㦸過B早餐,又煎埋我份,班㦸又發得幾靚幾厚,1145同個B齊早餐.

餐後都諗住開工,換子母床嗰4隻轆仔,但個衰女又攤住張床.

去到成12點幾鐘,個衰女攤完床蒲頭,諗住開工啦?誰知老婆又開餐.

諗住一個人做住手先,唉!無老婆幫手真係唔掂,望吓老婆重嚮度炭緊?

心急我搬定啲柜桶出來先,又重到C?個衰女又嚮度呀支呀咗,谷鬼氣叫佢行九開,唔係你嚮度?又一袋二袋嘢,左頭阻勢,我就不用咁Q麻煩.

個床架要推出廳,才叫做有點空間,才則則地叫老婆扶住,才成功換晒4隻轆仔,換妥移回張床位,啤令轆仔係唔同.

搞掂後輪到冷氣機下隻鐵門,冷氣機要斜水,度鐵門就開不盡要磨矮些少.於是摷部磨機出來,好彩又能夠位磨低,搞掂又整埋個門阻.

搞掂後3點多鐘,老婆叫去下午茶,谷Q氣唔去,你三個去到夠?

老婆個女個B出門後,我睇輪奧運,5點幾鐘才沖涼,其間老婆個女個B返,冇耐1830個仔返.

涼後我都入房拉床手機寫blog,個B就鬼咁興奮,要整嘢過大家食喎.

1858衰豬係咁猛叫出去食佢整食物,見佢咁興奮,當然捧捧場啦.

2030新抱返,開飯有老火鴨煲冬瓜湯,炆牛肋條同淥菜芯,6個人食,我還是裝開食.

2月1日(四)睡好,牙痛轉好,修花灑喉,戴回假牙,膝痛趌跛跛,茶大家樂,手機提款,老婆剪髮 晚同老婆食.

2024/02/01   星期四   晴   22C

昨晚還是早早上床,寫blog兼睇跑馬,馬完11點多鐘瞓,夜所兩瞓到今早0820醒,收音機賴床0850起床.

起來如常烚水搞早餐,0919食過木耳漿,就急不及侍要爆,在爆其間又忘記帶手機,無聊又睇吓條花灑喉,條花灑喉昨晚沖涼,爆到開晒花?於是拆下來睇吓.

結果辦完事出來搞吓佢,拆開都係嗰個位置,搖得多,天時冷軟喉變硬喉,以為膠布扎住頂住擋吖?誰知都係唔得,都係要剪短些從新笠過上去才掂.

在搞期間新抱湊完B上學返,佢話落街買過條囉,我話買過條要錢,我喱代唔同你嗰代,我嗰代連廚房紙都唔用咁慳,佢話等陣同佢娘醫療車攞籌睇醫生喎?問我哋要唔要睇?

1015搞掂個花灑喉,才續搞早餐,1029才早餐.

餐後無所事事睇電視,一睇又1130,諗住改良吓個垃圾隔兜,誰知介兩介蓉蓉爛爛,核鬼突突,求其放回個渠口,當一次性用,下次才搞好些.

搞掂後才知累?大概搞花灑喉企得太耐,足知攤嚮梳化瞓著,瞌醒1305老婆開餐,睇埋個午間新聞,鬍鬚長長我都去刮刮佢.

刮後牙痛廿幾日,殺菌潄口水多天,似乎好得8,9,於是乎嚐試戴返副假牙?嘩!痛得我C?慢慢試吓試吓,才笠得返落去,又睇吓到時食嘢睇吓掂唔掂?

成3點鐘又同老婆下午茶,經過今早修花灑喉,今回對膝更加唔掂?為有穿番對護膝箍住出門.

落到大家樂,都好耐無食過飯,就29蚊食個葱油雞扒飯餐,老婆依舊熱檸水,合共31蚊.

好大件雞扒,初試棚假牙,好唔掂實在太辛苦,假牙嘢太耐唔用?就更難用,慢慢磨吓磨吓的食,雞扒太大件?就算牙正常我都食佢唔晒,於是乎切半拿走,吃過碗飯,嗱淋除都除唔切,實在太辛苦啦.

在吃途中老婆又話剪髮,後來回來又話要等粒鐘?吃過坐夠還有時間,老婆話上惠康,話yuu買三黃雞平15蚊喎?於是乎上惠康,28級梯上唔掂,要拉住扶手上,惠康45蚊買隻三黃雞後,行經日間理財,我又手機提款,提後老婆去剪髮,我就先行返歸.

回家1636個仔以回來,我都嗱淋沖涼,涼後1712老婆返,話剪髮70蚊喎?歲晚加10蚊,餸就買有蕃薯4條薯仔兩隻,洋怱個合共19蚊.

老婆回來無所事事我,著部平板寫寫blog.

1920老婆開餐,有薯仔炆牛肋條,我就番熱慢饅食,兩個人食.

餐後8點鐘母女買有外賣返,三口子開餐我已經上床備瞓.

12月23日(六)重失眠,三口子觀瀾湖,修補地台,老婆大圍買魚,整日在家睇跑馬,外賣雲吞麵,馬輸20,晚烏雞老火湯.

2023/12/23   星期六   晴   12C

天氣寒冷,昨晚出動電毡,2321量個血壓都上床瞓,夜所兩劑,瞓到3點零就瞓不返,捱到4點鐘,為有手機上網,上到0515手機無電,後備收音機下一直捱天光,0815手機賴床,9點鐘起來.

起來三口子正忙著出門,堔圳觀瀾湖兩天喎?0910出門後我才梳洗烚水搞早餐,老婆才蒲頭,1008早餐.

餐後辦埋件事,天氣太凍連地板都翹起?行吓踢吓散埋?三口子出門,1點鐘我都襯機搞吓?都係白膠漿侍候,用個B玩具砸住,老婆就過大圍買魚掛?

係咁易搞吓腰腳都唔掂,搞掂又12點鐘,老婆返買咗成311蚊野返.

老婆回來就處理佢中午餐,又煲落烏雞老火湯,老婆返馬又開跑,一於踱馬睇跑馬.

1335老婆開餐,老婆用餐我就發覺另處又翹起,於是照版照碗用白膠漿,又一個玩具箱砸住.

去到成3點鐘,老婆問下午茶,唉!唔去啦,叫老婆幫我買碗雲吞麵食算.

1535老婆返,買有34蚊我雲吞麵,蕃茄14蚊?麵後開火烚埋3隻橙食.

馬開跑一直無下注,去到最後口孖寶,整廿蚊玩吓,頭關麥道朗,拖下場兩隻,就由最冷開始諗,見隻13號艾道拿唔騎,走去騎12號牗勝益善,於是買艾道拿,結果跑隻13號,孖寶派1800幾元,唉!捉錯路.

1922同老婆開餐,有藥材烏雞老火湯,紅酒牛仔骨,無煮飯兩個人食.

餐後搞掂睡前一切,9點半鐘上床,趕埋篇blog, 早些瞓.

12月16日(六)夜瞓麻麻,突然狂風一陣,煲劇架步,C919飛行,茶大家樂,三口子有節目,晚同老婆食.

2023/12/16   星期六   晴   22C

昨晚趕埋篇blog成12點幾鐘瞓,夜瞓難眠,捱咗輪才瞓著,瞓到4點鐘醒去所,再瞓就0630醒,突然一陣狂風,吹到窗簾飛起不特止,連屋內雜物都散落地,嗱淋關窗關不切?個仔剛巧出門返工,去個所手機賴床.

8點鐘起來,如常烚水搞早餐,老婆蒲頭,0903我都早餐.

餐後急不及待,完成埋我個攤床煲劇架步,搞掂10點鐘,辦埋件事新抱B才蒲頭,我都攤床唞番陣.

11點鐘老婆來叫,C919飛行表演喎?於是出廳望吓,跟住老婆就出街買餸.

1130老婆返買有薑葱蒜25蚊,冰鮮雞隻25蚊,白菜10蚊,回來就處理佢中午餐,1314搞掂老婆開餐. 

1347母女出門街,我就無所事事睇電視,老婆就處理隻雞,蒸到成3點幾鐘才蒸熟,才同老婆落大家樂下午茶,牙痛關係食乜都興趣,求其要個豬扒包餐,老婆熱檸茶,合共34蚊.

吃過坐夠上惠康,28級梯都還可以,惠康買有饅頭18.9蚊,香蕉8.6蚊,總統牌芝士三包65蚊,跟住街市買有蕃茄7蚊,紅蘿蔔5蚊返歸.

回家1648,三口子已回來,穿好衣服等出街,5點鐘三口子帶埋袋禮物出門,我才沖涼,老婆就處理今晚餐,1913開餐有手撕雞,炒椰菜,我就雞骨煲粥.

12月15日(五)睡好神差,攤床煲劇架步,茶大家樂,電煤單齊到,晚同老婆食.

2023/12/15   星期五   晴   25C

昨晚同老婆食,早食早瞓覺,游完水特別好瞓,夜所兩就今早7點半鐘醒,手機賴床,0815起床.

起來新抱B在趕返學,衰豬好乖順利準時返學,我才來烚水搞早餐,老婆蒲頭,0928我都早餐.

餐後辦埋件事,無所事事,不如做啲嘢,就係攤床煲劇架步,都係廢物利用,簡簡單單,白膠漿,月曆,紙盒,一味靠黐.

昨日游完水,今日特別昏,犀利過第一次昏,昏到簡直突然短暫失知覺一樣?老婆就如常接B放學.

1217老婆接B返,衰豬又扭計返,話放學好曬喎?扭完計嫲嫲番熱燒賣佢食,食完唔夠喉飲埋包鮮奶同粟米片,嫲嫲就開餐食佢中午.

個B食飽嫲嫲篤住做功課,我就埋頭整我攤床煲劇平板,整到都不知時間?個B來叫下午茶,嘩!才知成3點鐘?就齊齊落大家樂,行前同個B約法三章,講明無手機,衰豬話我帶玩具玩喎.

落到大家樂無嘢好食?就食個燒鴨瀨餐,老婆熱檸水,合共38蚊,坐咗好耐吓,衰豬終於敵不過寂寞,走來懇求手機,都係忍心啲,一於無得比,眼濕濕的跟住行,行轉惠康無嘢買,跟住街市老婆買有豬肉馬蹄同土魷合共53蚊走人,嫲嫲應承過佢瀡滑梯,去到滑梯有水?無得玩返歸,

回家1617收到煤氣單,991元,再睇埋電費單477元,18號到期,

而衰豬一入屋就摷佢私人手機,又睇過不停?我就同佢講,你老豆返就好收機啦.嫲嫲返就處理我倆晚餐.

我就嗱淋沖涼,涼後繼續搞個攤床煲劇架步,到1730佢老豆返,衰豬真係收機,冇耐佢娘返,下來佢三口子忙到夠.

1921老婆叫開餐,棚牙唔掂食乜都無味,求其食幾個包算.

餐後繼續我月曆攤床平板,2059初步試睇完成,明天執執佢,就大功告成.

7月28(五)瞓麻麻,整日在家熱到暈?茶麥餐,搬風扇,晚飯4人食.

2023/07/28   星期五   雨   34C

昨晚個女上來,12點鐘走我才瞓,夜所兩5點鐘關冷氣,再瞓難眠,手機下半瞓到8點鐘起床.

 如常烚水搞早餐,餐前0927量血壓125/68-58.

餐後辦埋件事,瞓唔好梳化瞌眼睏?新抱B蒲頭,整朝教女做功課,個女就恨出街,我就等母女出街就搞風扇?不知天氣太熱定冷氣機壞?想廚房把風搬回出廳幫補吓?

等到成3點鐘新抱B才願出街,老婆又想過石門買芝麻醬,若係咁你哋各有各去,我留響企搬風扇,老婆又怕我一個危險就話唔去喎?唔去就樓下商場揾食算,去到大家樂,枱枱有客?而且冷氣又唔夠,索性食麥記,要咗28蚊麥樂雞餐,老婆飲滾水,吃過坐夠上惠康,28級梯撐來勉強,惠康無嘢買返歸.

回家1610,新抱B出咗街,我就立即開工,廚房風扇拆下,跟住老婆清潔,清潔好就掛出廳.

搞掂1758,個仔返,實在太熱,熱到唞不到氣?我都嗱淋沖涼,涼後6點多鐘新抱B返,1936老婆開餐,

我就熱到暈,温度計成34C,真係有史以來未試過咁熱?等新抱搞掂餐飯就開冷氣.

等到2100新抱開飯,終於可開冷氣,4個人食.

4月18日(二)睡可,三口子旅行日本,整日在家 ,房裝led光管,茶大家樂,晚餐兩人食.

2023/04/18   星期二   晴   27C

昨晚11點前都瞓,夜所兩就今晨0540醒,收音機下半賴床,6點多三口子陸續起床,執齊行理,7點鐘三口子出門,機場日本旅行.

手機賴輪床8點起來,如常烚水搞早餐,老婆蒲頭,0830我都早餐.

辦埋件事睇電視,睇輪電視1050,諗起2021年3月30日買的兩支led光管,一直放到現在.

36寸管按個仔間房,48寸就按廚房,誰知兩支普通光管還未打柴?

今日難得三口子旅行,不如今日來搞掂佢,搬開梳化啲玩具,一梳化底工具同剩餘材料?

跟住攤開架生開工,拆開支光管,英國光管特別多嘢,除火牛外多支圓轆轆嘢,話之佢啦,一於剪得就剪,甩晒所有後,就依樣葫蘆接駁,駁好一開電制,呵可?冧制?大鑊究竟出什麼問題?

於是嗱淋甩晒佢,再重新接駁過,駁好後一開又跳制?於是第三次重新駁過,誰知一樣冧制.

今鋪重大鑊,全部跳晒制,於是嘗試打番起佢,誰知係打不返?今鋪跳係出便錶房跳,大鑊今鋪要揾房署揾人打?

1245於是至電落房署,都好快有人上來錶房打制,打後一屋光晒.

諗吓?點搞?錶房再跳就好唔掂?唉!無偈,都係放棄支管唔換?唔換都揾個燈泡按上去頂住擋吖?摷餐懵才摷到個燈泡連座,搞餐懵才按好盞燈連座.

諗吓支管支架唔通就咁掉咗佢?支36寸支led管又點處置?於是乎重新摸索過,再睇清楚以前支管點接駁?跟咗輪似乎個starter位條線係唔連?係分開?於是分開用膠布包好,好緊張最後一試,大佬千奇咪跳制呀?要跳屋內跳好啦?一開好彩管著無跳制,好開心終於成功管著.

已經1450老婆又話買餸,都係同老婆落街食啲嘢休息吓,回來再搞埋佢.

成3點幾鐘同老婆出門,落到大家樂都成3點半鐘,我就食個西多餐,老婆飲杯熱檸水,合共29蚊.

吃過坐夠上惠康,28級撐來可以,惠康太貴無嘢好買,跟住落街市,老婆買有辣椒,西洋菜同芥蘭合共20蚊,蕃茄14蚊,魚紅衫,黃花各一份60蚊,粟米兩條12蚊返歸.

回家1641嗱淋搞埋支光管,唉!又拆又裝?夜咗黑咗?老婆手機燈照住來做,頭頸都梗埋?1725終於搞掂.

搞掂一額汗,差點裝管不成得盞燈.

搞掂老婆善後,執妥工具回梳化底,才沖涼,涼後整個人散晒.

1937老婆煮妥開餐,有蒸紅衫魚,肉片炒西洋菜,同老婆兩人食,唉!無牙西洋菜咬唔掂?為有淥個即食麵食.

餐後寫我今日blog.

濾水躉崩塌,三造濾水躉.

 2021／06／21 星期一

濾水躉又崩塌 ? 以經第二鑊，英坭過氣無偈？50多年建築生涯，都係首次見。

昨日找到些新鮮英坭及些少沙，就等我來再造濾水躉。

首先剷走舊有濾水躉，果然搣得爛，

然後開英坭沙，要用乾濕沙，沙若太乾就淋些少水，加上英坭撈勻，不用太濃又不能太淡，揸上手一嚿,不易散開就可以，太濕築不成,太乾不能結，拍實打好個躉型，

灑上稍厚英坭粉，灑些水，拍上瓦仔，黑英坭關係，介條瓦仔條,做埋個躉腳，

左睇正睇右睇,靚仔多.

清潔埋搞掂，新沙新英坭，今回肯定妥當多。