2016年11月3日,三百山熱泉河温泉三天(二)
昨日舟車勞頓一整日,夜又温泉玩到11點幾鐘,回來都攰到不得了,沖個涼就瞓,一覺今晨7點多啲鐘以經醒,睡來尚算可以,晨早外便山景.
梳洗掂同老婆酒店門口,等咗好一會,唔見無電坪車,都唔知要等幾耐?都係行好過?行到來早餐地方會議中心,他媽的電坪車即到?
早餐廳就大,但嘢食就一般,
吃過早餐還是踱回酒店,沿途自拍棍拍吓照,回到大堂老婆要去所,我就大堂wifi,
wifi輪好快又10點,夠鐘上車出發Lu ,無山上改行街市喎?臨上車大鑊?我條拐杖呢?揾過大堂又無,看來都不知漏了那裡?
到臨上車,原來漏在這裡?剛才自拍時遺漏在這裡,又奇怪又無人用車,唔係就無硬LU?
10零分鐘車程來到街市,
時間晏咗兼夾鎮仔,街市唔大無乜客?
老婆話劏狗呀,嘩!果然.
狗仔細細,還拍有好幾張,都係無謂曬出來.
不知酒店或係有人安排,有位員工帶隊行街市?
來到這檔擠滿團友,原來係買雞,劏好整熟明早拿來酒店交收喎?
肉腸試食,
坐前面對姊妹又揾食,鹵水腳掌喎?
買完一袋又來這間超市拼過,
出來又買堆零食,老婆都買咗包,類似蝦片10蚊,
行輪街市夠鐘,便車到來這間黃小妹農莊,食我們中午飯.
餸菜以菜為主,普通啦.
餸菜續碟上,就順手拍下一張.
飯後突然宣布,三百山可以上得喎,整團人興奮起來,即時出發,但又有團友唔去喎?係對年青團友,就在酒店外牌樓下車.
行多5分鐘車程來到三百山售票處,唉!入住酒店一樣?要証件登記買票?誰知一等成半小時,還未能出發?
後來司機上來說,有兩個團友,証件留在酒店,售票處說無証件不能上山喎?唉!又會咁嚴謹,團友証件又會唔跟身?真係一樣米飬百樣人.
搞咗輪終於開車,條路咁窄?點發展旅遊呀?旅巴又長又大,又對頭車,驚險百出,兼夾個司機好搞笶,司機廣東人,駕車好投入技術又好,每逢彎角,有對頭車,便大大聲敍述過程,大大聲話好險呀,又話好嘢,又過一關喎,而車頭些團友感受到一彎一驚險,每過一彎就大叫,大力鼓掌,我哋後便的矇查查,一點感覺不到,無聊起來我就大聲叫請鼓掌,後便的真係鼓掌,搞到成車人,每一彎每一鼓掌,嬉嬉哈哈的向前,
就係咁一彎一驚險,又過一彎,沿途又建渠道,沙石材料堆滿路邊,有乜辦法唔話係塌方吖?條路根本行不得?
有驚無險14點45分終於上到來山頂.
山頂一個湖,又係同講解員保持頭尾關係,同老婆為有慢慢行,
圍著個湖行到對面,一隻大鼎(思源寶鼎)
拍輪照繼續沿湖邊行,
差不多行完湖一圈,來到這裡,東江第一瀑,知音泉喎,唉!老婆係去你自己去到夠?我在這裡等你?
老婆行咗無耐,終於折返,級高路遠都係唔去喎,從網上看過,小學雞的瀑布而已.
來到這裡又見位白衫團友,嘩!犀利,剛才街市買到用薄猛寫?雞,肉條,魚蛋又魚麵,在這裡依然一樣買,比袋嘢我睇,真係好多嘢.
一望竟然有下面芒果一樣東西,佢話新奇果實16蚊買咗兩粒喎?嘩!這個我去韶關南雄見過,只不過賣1蚊人仔一粒,回來上網查過叫木通果,淘寶都有售.
團友真係一個個人,有啲真係買嘢為樂,話之你幾銀啦?
又有所謂野蜂酒,野蜜糖,唉!檔檔一樣,又咪大批買來賣.
15點30分係時候下山,個個一袋二袋,真係幫助唔少.
無對頭車,落山相當順利,大約一小時車程,16點30分便返回酒店,又係一約而同,齊齊浸温泉LU.
齊齊浸吓聊吓,池池試吓,講吓旅遊心得,又走來室內這個按摩池,嬉嬉一輪,夠鐘要食晚飯LU.
18點15分離開温泉區,
同老婆漫步行來餐廳,用我們晚餐.
餐後彎彎月下漫步踱回酒店.
這晚再無去温泉,玩吓手機,又嚐試吓馬會投注,果然係得嘅,
輸咗10蚊LU,就係咁渡過這一天.
明天再續.
