佛山兩天遊(2)回程

2015年5月28日  星期四    佛山兩天團  第二天  回程

昨晚8點多食完個所謂海鮮自助餐,返回房間9點鐘,洗完白白武則天出場不久,9點多以經隨隨瞓著.

去到12點幾鐘,個肚突然痛醒,大劑搞肚,嗱淋廁所去爆,好衰唔衰爆吓停吓,心諗若明天回程在車就大鑊,希望佢一劑爆清,免得明天再來過?甩甩漏漏的辦完個大,真係無乜信心?

返床再瞓,肚以經無事,但係撻極都唔著,笠個耳機半夢半醒下天光,6點多鐘起來,睡來麻麻,梳洗好7點多啲同老婆二樓餐廳早餐.

 

早餐7點鐘開始,可能太早無乜客,

 

坐陣朋友亦到,4人一枱開始食早餐,早餐還是麻麻,無乜好食,都係食份西式,同份中式,朋友又淆淆聲,話無啖好食,都係嗰句,一分錢一分貨,佢還是嗰句,零願比多幾舊,我話團種潮流興咁,都無偈,所以以前興買嘢,我都絕跡多年啦,都係嗰句,下次揾過啲貴嘢啦?

 

吃過早餐回房攤唞輪,9點50分執齊行理離開酒店.

10點多啲又出發.

10多分鐘便來到今早第一個景點葉問紀念館,以前都來過,不過今次入口唔同.

 

入口一個好污濁一個塘,嘩!啲魚好大條,剩係露水面條魚鰭露嚇襯你,手掌般大,看來無人拿去食都似?

途經一江氏祠堂

經過市集,真係開心.

不遠便來到葉問紀念館.

人多進館,門口擾攘咗好一會,才啪了幾張合照,入到館內以經無乜人,可能太多人來過,行吓便算了,朋友好有興趣,但老婆有點急,時間卦?朋友有點唔耐煩,我話還有時間,哈,我才諗起,外便就是街市,買嘢呀?

 

館好細細,好容易便行個圈便離開,朋友嗰然,買雞呀,白切雞一隻42蚊人仔喎.

 

行過兩間鋪,我就買份500g黑芝麻+乜?打粉28人仔,朋友見又感興趣.

 

  

28人仔500g

 

買完黑芝麻便回車,大把團友未到,大概還在購物卦?

 
離開葉問館11點40分來到食中午地方.

 

 

今餐叫滋補蟲草花紅棗三雞宴,名符其實三碟整隻雞.清遠雞喎.

先來個炒飯,兩碟加餸,稍後雞鋪上荷葉面,即蒸10多分鐘食得,食完雞荷葉底,是鑊上湯,跟住淥瓜淥菜同菰類打邊爐,,大概蒸雞後精華流落個湯卦?菜免費可添加,只不過加了一碟咁多.

 

問過老闆娘,咁樣一隻荷葉清遠雞外賣,要68蚊喎,不過團友無興趣.

 

吃過餐三雞宴,諗住上車出發,誰知發生大件事,

司機話食飯其間,被人偷油,連油蓋被人撬花晒,朋友太驚訝,光天化日咁都得?唉!多點睇下威龍個旅遊卜啦.

結果要報公安,

連廚房工都出來看熱閙,聽員工講從未發生過,第一次喎.

 事發地點,瀝西村.

大約搞咗粒多鐘離開,成15點鐘來到最後景點,就係國際傢俱博覽中心.

 

犀利,大到無倫,入到去揾個廁所,要行到舞雷公咁遠,去完個所行回場中心,行到隻嘢咁,同老婆搭聶上頂樓,正正是好大羅浮宫傢俱,好靚正舉機拍照,職員即叫傢具不能拍,不拍就行出走廊,去居高臨下,鳥瞰一番,然後扶手電梯續層而下,扶手梯好先進,無人踏上,佢就像蝸牛式的緩慢動,有人踏上去,佢就正常移動.

落到二樓,見團友在試按摩器,試得熱閙紛紛,大概同靚女售貨員傾得開心卦?

 

我又埋去湊熱閙,立即有靚女叫我試試,陂上肩博上,真係鎚鎚到肉,鎚得幾重吓,陂前開價200人仔喎,陂後叫買個啦150喎,百零蚊真唔係貴,不過多個香爐多舊嘢啫?

 

團友好準時,15點45分離開,就繼續回程返深圳,途中見不知什麼,?大陸發展真快.

導遊話,係咪沒看見虎門大穚呢?佢話我們走的是舊路喎,嗰然暢順無阻.
幾年旅行來講,我算好運,天氣好又暢順,團餐客又OK.

17點來到麻涌服務區鬆鬆.

日落西山,

回程差不多尾聲,靚女導遊要收服務費lu.

18點23分先深圳口岸,朋友下車,18點55分輪到福田口岸,兩天行程就這樣結束.

 回程路線圖

團費299+服務費120來講,不過不失啦.

回家20點15分,又要揾呀大食晚飯LU.

買來黑芝麻+乜500g打粉,人仔28蚊.

 

佛山兩天遊(1)

 2015年5月27日 星期三  佛山兩天團(1)

 昨晚看埋集十月圍城成1點多鐘至瞓,旅遊前夕少可又比我瞓到5點鐘醒,起來雷聲響響雨繼續落,唉!睇嚟喱勻衰硬,老婆還在瞓,旅行就是這樣,佢安心我費心,去得嗰兩日,又揾料又要準備,真係凌願去多幾日,省點準備開心多幾日.

8點鐘福田口岸集合,大把時間,唉!搞吓嗰樣漏吓嗰樣,足知6點45分出門,出門係咁易開吓把遮到馬鉄站,老婆又話忘記帶百達通,無乜時間,老婆為有買票,咁就開始向落馬州進發.

哈!又出乎意外,車駁車順過順嫂,7點25分已經到落馬州站,見還大把時間,在站內坐吓,去吓所wi-fi吓,等到7點40分才慢條斯理過關.

 好順利剛好8點鐘來到11閘橙60號旗報到.

 報到後視察吓環境.

 至犀利你,匯景都唔差.

 8點15分終於出發,嘩!部車好勁,誓估唔到?係雙層巴士,

 

有中門方便,要上樓梯,前門同樣,司機獨立駕駛倉,誰騷擾我?

  

樓上寬闊舒適坐位,重坐正中門對正位,起來便可下車,車就靚,可惜撳極都無wifi訊號,叫導遊問吓司機,結果答案係無的.

 

  9點鐘去到深圳灣口岸,上齊團友,包刮我倆位同行朋友,整團44人,55人車坐位鬆動,大把吉位.
好快長驅直進,中途無停休息站,11點已經到我們食中午地方,叫醉翁煮意.

 時間實在太早,服務員還正在開餐,等到11點半鐘才叫做上菜,該餐叫火龍火熖火鍋魚宴,先來兩碟手撕雞,

 跟住來一鑊配有好多料既大魚,有蜆有魚膠,其他都忘記?

 服務員倒晒整支米酒落鑊,跟住點火,

 猛火燒佢一輪,加菜倒下上湯,冚蓋焗佢廿分鐘.

 

搞掂起筷擦得,由於44人,有兩抬12人,就加兩個小菜.

  

食完一輪大魚,加菜又淥過.

 飽飽後挑牙的挑牙,wi-fi的wi.

 12點半鐘又出發LU.

 

13點45分來到所謂景點婭米的陽光城堡.

廠房好Q大,好多地方都話不許拍照,包刮這個全景模型?

 

唔比拍照為有跟番大隊,正門入口,這裡可以拍,你唔拍佢都專人同你拍,係大合照咋,大概用來宣傳卦?

 

講來講去都係啲豆豆主角,豆豆還可以拿起來拍照,我都抱隻拍番張.

睇完好簡單啲卡通公仔,又介紹一輪以前豉油怎樣誕生,就來到所謂3D電影,進場每人一幅立體眼鏡,又係不許拍照?話之你.

又係豆豆主角,誕生成為豉油,

離開所謂3D院,就開始係咁行,

 

勁大豉油桶,

 

來到室內廠房,又係不許拍照,

又被迫一張半張啦.

 

又真係幾咁現代化,人手得幾丁?

 
行回出便,大大桶,一桶桶纖維桶豉油,陽光下暴曬.

地方大到無倫.

 
行完一桶桶,又來到這個暴曬場.

 

好不容易叫做行咗一個圈,早幾日落到七彩,今日曬到甩肺,入到來有冷氣地方,還有一小杯冰凍蘋果醋飲.

 

  

坐咗陣,又行去另間房,賣豉油產品,可能人手唔夠?或者皮費卦?竟然無得賣,

 
價錢牌就有,一隻豆豆公仔要80皮人仔,佢都係無辦法賺你?

離開個場上番旅巴,

 

行程表寫有品嚐美味產品,對不起係豉油都無滴,驚喜禮品一份,又可能人手關係卦?送你蘋果醋啦,話係新產品喎,市面上還未有得賣架?

離婭米的陽光城堡,16點15分來到今晚入住地方按摩椅酒店.

 大堂稍等,獲派房間五樓.

 房間清潔乾淨OK啦.

酒店外便一個公園仔.

 晚餐6點鐘,還有時間,朋友急不及待要去級級市,咁就齊齊出發,又幾好,方向無錯,過兩條街轉各就到,級級好大,其他衣履鞋襪都不用行,大家方向一致,要找的都係糧油食品.

 

朋友買些少嘢,我就係咁先.

 有時啲嘢?諗極都唔明,唉!我就唔識計數?同一樣嘢,58.6蚊12罐,24.6蚊就6罐?算把啦,都無謂去深究?

  

朋友買咗些少嘢便離開,因為今晚戲肉海鮮自助餐.

 

返回按摩椅酒店5點45分,上二樓餐厅,

坐位就正,四人獲配有廂座.

真係一分錢一分貨,海鮮就毛毛得幾款,

 

魚生四款,要配給一次四片.

 

 朋友淆淆聲,唉!一分錢一分貨,佢話凌願比多點錢喎,咁就下次再找過,要較好參加美食囉.

食吓聊吓,自助餐叫做食到9點,8點半鐘曲終人散,我們都要回房休息.

回房後搞掂個人一切事務,武則出場,不過不用多久就隨隨瞓著LU.