2025/10/18(六)重失/極差,新抱假,餐後瞌陣,灣仔見醫生,食上海嘢,行用品店,緬懷灣仔,回程蠢女人,晚薩莉亞.

失眠

昨晚11點鐘瞓,0220醒所,半瞓下捱到0409,為有歌仔待瞓,捱5點鐘索性上網,到點半鐘稍為瞌著,到0745醒,手機賴陣床8點鐘起床.

早餐

起來如常搞早餐,0915老婆蒲頭,我都早餐.

0923個B蒲頭,又掛住睇手機.

失眠我餐後攤床yt瞌陣,一瞌1045,老婆來叫夠鐘啦,要過海灣仔見醫生,嗱淋起床.

覆診

出門後1112有車,過到灣仔1144,去到醫務所剛好1200.

看完醫生1300,去揾嘢食,個女話去大有商場食小籠包,途中1303又貢喱間飛飛家品店狂吓.

翡翠拉麵

1348狂完無交易,1353便來到大有商場,3樓間翡翠拉麵小籠包醫肚,大大間店,場面冷清,侍應話星期六日係靜喎?一至五就寫字樓就多客喎?

這時才醒起灣仔今非惜比,以前平民住多,現時寫字樓林立,細路時英京酒,隔鄰就東方戲院,睇戲都唔少?灣仔好多回憶.

吃過坐夠,個女付錢,1348離開好想去拍張照,就係小時一張母校照.

淘多多

離開經過間鋪,好多人,三人又貢入行吓,嘩!三層高,乜都有得賣?價錢好平,再睇真啲原來係淘多多,於是三人一掃成箕嘢走.

修頓廁所

離開尿急到爆,嗱淋趕去修頓球場揾廁所,去到竟然要上6,7級樓梯,真攞我命,廁所尚算乾淨,哈,竟然還有踎廁?可想而之修頓球場以前係工人階級多.

母校

搞掂下來蒲出電車路,就是這裡拍張新舊對照,就在這裡讀完小六,成績太差到,連畢業証書都無.

拍完這張對照,行回大有商場對面1711,搭182巴士返沙田.

塞車

誰知等極都無車?人又攰膝又痛,原來中環華懋大廈火燭大塞車?人龍越等越縮,啲人走晒去搭地鐵,膝痛我寧願等好過.

八婆執著

1744終於有車到,滿已為會好爆啦?誰知係部相當吉既車?

來到前面部101稍為頂住,但所差無幾?車門停正我面前,距離排頭位5,6個位,可能司機見塞咗太耐,唔想等前面部101走,就打開度上車門.

見車吉位多,人又累,排頭又未到?於是一個戰步上車?嘟咭期間,佢老母吖排頭位條八婆,走來拉住我?大聲話我打尖,我話打你老母,亙罵媽一輪,佢走咗上樓上.

我打尖係唔啱,但司機又唔停嚮條隊頭?部車又咁吉,條隊得嗰10個8個人,又何必要咁執著?部車咁吉,上遲上早都有位坐.

傷臂

剛才被佢一拉,手臂有少許刮瘀,本來係好少事,但我對玻璃手,被佢一抓,瘀血化開到大撻.

薩莉亞

返到沙田6點幾鐘,去商場食咗至返歸,星期六大家樂滿晒,又唔太肚餓,1845三人上咗去薩莉亞.

1913食咗三個菜,吃過坐夠,個女付錢.

惠康

離開又話行惠康,原來今日買夠168就88折,老婆掃咗221.2蚊返歸.

回家

回家2012三口出咗街未返,我都嗱淋沖個大熱水涼,9點零三口返,涼後我都上床備瞓,10點鐘個女都返歸.

2025/02/22(六)睡可,親子旅行,痾水,利東之行,肥佳,夜煮麵食.

昨晚早早上床瞓,瞓咗一陣,11點幾鐘醒咗,就瞓不返,去到成兩點幾鐘才瞓返.

6點半鐘醒,賴床到0828三口子嫲嫲學校親子旅行,錦田鄉村俱樂部,一天遊出發,而我才起床,起來正想梳洗搞早餐,誰知大事有料到?嗱淋走去一痾,又係水一樣的爆出.

搞掂後出來繼續搞早餐,0950早餐.

餐後思考咗輪?出唔出去行吓呢?1055都係至電過N年老友肥佳.

肥佳70年太古船塢同事,講吓相識都55年?有聯絡都係剩番佢?至電說得閒喎?咁就過來同你聚吓.

1120出門,大圍站轉東鐵,金鐘站轉南港島錢,1202到利東站.

到站至電過肥佳,記得N年前曾經上過佢屋,那年2002年日本南韓合辦世界杯,嗰屆無時差,佢家裝有有線電視,講吓又23年前既事.

來到完全陌生,行咗陣等咗陣,見未到,於是走入二期麥當勞度坐等.

1223肥佳到,坐下傾咗陣,個清潔執枱女人走來,好細聲講入來要買嘢食,無鬼睬佢,佢老味吖?久久又係咁講?谷Q氣我話,乜嘢事呀?肥佳就聾既,裝有耳聾機,但就聽唔到?

唉!勢估唔到,麥記都咁做生意?費事同佢爭執.

1311同肥佳過對面一粥麵,去到肥佳係都爭住佢請?唉!是但啦,肥佳食個兩餸飯,飲奶茶39蚊,我就豬肚雞柳粥义燒腸餐46蚊,到餐到,原來係機械人送餐.

吃過聊夠1437離開,一場來到都要周圍望吓,佢同我對腳都係唔掂?於是同佢行吓商場算.

佢話二期無嘢好行喎?咁就同佢行一期,電梯一路行上到頂,係咁易行行,又幾旺吓?人流都算多.

大家對腳都唔掂,都係拜拜.

1452離開落地鐵,有點衝動,想搭一個站,走去黃竹坑行吓?不竟黃竹坑都做過好幾年事?

警察學校,香港仔南區一帶,一直去到赤柱,另邊到摩星嶺,做政府啲物業維修.

1973年7月20日上工,李小龍C當日?一直到1975年1月8日,都兩年既事.

又1995年9月7日至1997年12月7日興建新加坡國際學校又兩年多.

一條友都係唔行,地鐵一路返歸,又好啵?有人讓坐,返到車公廟站1536.

回家1545,以經累得我要C,瞌咗好一回才沖涼.

成7點幾鐘三口子嫲嫲返,話剛才圍方食咗嘢還飽喎?

成8點鐘新抱話煮麵食,諗吓不如我煮先.

2035我都食麵,麵後嗱淋辦我睡前一切,上床埋頭寫blog備瞓.

生涯(27)1986/03/03~1987/03/15紅磡黃埔,馬鞍山富安花園.

離開沙田第一城,五期第四十八座.

1986/03/03去到其士建築公司,黃埔花園,其中一座地盤開工,職位墨斗王,月薪2800元.

做到11月8日同事測量呀強叫到,轉去同是其士公司,不同呀頭,馬鞍山富安花園地盤,興建商場,職位依然墨斗王,月薪3000元.

做到1987年3月15日就辭工離開.

其間深刻難忘事都頗為多吓.

難度(45%)

黃埔花園建築,住宅同做開好不同?樓上到住宅個廳係45%?以前做開的四四方方90%度?今鋪有些考起?45%又點開線呢?讀書少,三角幾何識條鐵?又初來步到,同事唔識多個?無人問無人教?當晚首層開線,足之搞到我夜一夜?才搞掂收工?後來揾到竅門,都係不外如是,順利興建而上.

衰咗(花糟)

順順利建上期間,不知何故,有層花糟開錯線,跟我彈墨有三個人,都忘記那條靚度錯尺?到發覺正剛啱落完石屎,於是乎幾條友夾手夾腳,漏夜拆得就拆,當晚石屎雨一樣,從竹棚而下,還好人緣好,釘板,扎鉄,落石屎都幫忙,做妥當無事.(這都是我工作上協調多換來)

笑話(開窗)

鄰座同事姓仇,大家幾座一同興建而上,我座較其他座快,有日過鄰座姓仇座看看?奇怪何解這裡會有個窗?後來才知道佢,日日走過來實地杪襲,唉!須然樓宇尺寸一樣,但格式有點不同?佢座係無喱個窗的,原來佢不懂睇圖,以前佢做開二幫角式,跟吓頭頭尾尾,求求其其揾兩餐。

從未如此體驗過(照蟹)

有日同事呀源,帶兩隻青蟹送過我,都幾大隻,有手板大,好多謝佢,但佢話昨晚捉的喎?嘩!唔係嘛?那裡有得捉?有點唔相信?其他同事都唔信?佢話唔信揾晚跟佢去捉喎?

原來呀源住西貢,大環村人,嗰晚天晴無風,8,9點鐘,幾條友穿晒白飯魚,跟呀源入西貢,再去大環村,攞咗兩隻獨木舟,兩盞大光燈,兩枝長义同兩枝長棍網,就咁划出去,距離好近個小島,埋到岸邊,大約到腰高啲水下船,起初我不敢下水,後來大光燈照下?嘩!水底好清澈,一清二楚,才敢落艇.

兩隻舟兩盞大光燈,一人拿大光燈提到高高,望落水底好清楚,魚蝦蟹乜清楚見到,一見有蟹,我就唔理三七廿一,一嘢插落去好快就一隻,但啲蟹不是呀源送給我嗰種蟹,係較淺青色,有點點花,花蟹,佢哋叫東蟹喎?網上叫梭子蟹.

呀源見我係咁插C啲蟹,蟹一C就好快霉,食唔新鮮喎?教我見到有蟹,蟹就橫行,左手放下枝網,右手條棍义輕輕一撥,隻蟹打橫飛入網,果然隻隻得心應手.

就係咁這晚兩隻獨木舟,沿住個島仔行照一週,簡直大開眼界,水底好靚好清晰,啲魚你有你行,佢有佢游,有啲瞓覺一樣郁唔郁,千奇百怪,簡直大魚缸一樣壯觀,有水蛇有蟮同好多形狀魚類,又見有條水蛇尺零長筷子粗,在水面游,動作快咋咋聲游,好快唔見咗,真係大開眼界。

這晚兩隻獨木舟,每隻照咗大半桶蟹 ,隻隻手板咁大,之後呀源屋企烚熟開餐。

就是這種花蟹   網上圖片

照開有條路,過兩晚又去照過,這晚巡勻成個島,乜都照唔到?原來這晚有風,海面蕩蕩吓反光,就看不到水底,後來呀源叫埋岸邊照,當埋到岸邊草叢,夜嘛嘛草叢以經恐怖,一落獨木舟重嚇襯,地下軟綿綿,嗱淋爬番上隻舟,太肉酸喇?呀源對眼好犀利?一睇便睇到有蟹,之後捉咗好幾隻,有手板咁大,這晚叫做小小收鑊,就咁結朿我從未試過的體驗.

其士黃埔做到11月8日,結耩已完成,同事呀強叫到,加入佢團隊,同樣其士公司,地盤就去到馬鞍山,(即今日富安花園),見所做地盤差不起貨,而馬鞍山就剛開始。

於是乎就轉去馬鞍山地盤,那時還未有巴士直通馬鞍山,只有綠色小巴入到大水坑村,車要入到第一城尾尾,兜過石礦場一個大灣,才到大水坑村站下車,要行幾步才到地盤,所做工程,係商場及停車場.

奇蹟(坐骨神經)

都忘記做了多久?有日早晨起床返工,腰骨無晴晴痛,痛得厲害?連起床檻過老婆都唔掂?真大鑊?勉強沖行個熱水,才叫做勉強行得吓,到坐綠van到石礦場,路爛車跳吓跳吓,痛得我攞命?

就係咁熱水敷到行,條腰才舒服點才返工,返工都做不得?多得拍擋蔡澤雄比張咭片過我,叫我去試吓,就係深水埗青山道,一問叫文匯報中醫,係針灸醫師,就係咁針咗6,7次,就完全無事.

嘩!簡直奇蹟?當期時行不到七步,尾龍骨神經直扯落小腿,痛到行不得,若係咁下去?我一家大細都不知如何是好?

驚險(塌危)

無事一路做下去,去到做商場,商場設計差點孭鑊,我工作時亦差點攞命?

商場設計兩層高,結耩建到頂層天面,當日落完石屎,例牌上去開線,一路忘形的做?做完一睇?發覺樓中間有平蹟像?跟住見呀頭望住我?用隻手指放埋咀,作殊殊聲,那時都知乜事?層石屎似乎有倒塌危機,還好我亦完成工作,離開返地下,一望嘩!啲鷹架,條條曲晒彎晒腰,差在還未塌下來?若當時在上面工作一塌?咁就係咁先?後來石屎形固後就無事.

鬼咩商場設計,二樓結耩係靠頂層兩邊吊柱來吊起,當二樓結耩建成,就凌空一層石屎,一層鷹架支撐兩層石屎,唔塌都算好彩.

睡來唔錯,陳年往事陳年照,下午茶大家樂,進貢馬會70元,晚飯兩人食.

昨晚12點鐘瞓,夜所一劑便瞓到今早0815醒,手機賴床，F.B當年今日,出現一張5年前舊照,就係當年心臟病復發留院其間,打的薄血藥針.
(5 日後個肚皮又藍又黑,每日兩針,連打5日,叫薄血針喎.)
 
稍賴起來,睡來唔錯,陽光入屋,搞搞曬晾便梳洗搞早餐,鮮奶麥片,食埋最後片麵包,加隻半生熟蛋,上網寫下今早事.
餐後0935量血壓,竟然152/73-52,他媽的,有點不忿氣,辦過大事1002再量過,133/72-56咁都好啲.
食過今早藥續上網,新聞井崗山塌橋,唉!人多事故一定多,諗起N年前1994年,同老婆幾個朋友,自遊行華東,去到南京夫子廟,李香君故居,同老婆上了二樓參觀,突然大量遊客操兵的上來,我頓時想起,咁耐歷史建築,我嗱淋叫老婆撇啦,結果都係無塌到,危機判斷好緊要.
諗起啲陳年舊事,挑起條根,立即摷出一堆舊相薄.
 
 當年的舊照.

 摷出舊照,搞兩搞又一個上午,1230LU.

草草執埋啲陳年舊相薄,又1點鐘馬亦開跑,1點半鐘老婆返,我就繼續我馬仔,見第二場小妹99倍放得有聲有色,回來緊輸跑第四,於是今日一於以佢為目標.
兩點多鐘,第四場投下20元,小妹搭田泰安,結果輸咗,第五場又小妹搭潘明輝,買10蚊位置Q算喇,結果潘明輝W出,小妹影都無.

輸咗我30大元,以經3點幾鐘,一於唞唞同老婆下午茶,時間太晏,就樓下食大家樂算,大家樂每人食茶餐,老婆23我25蚊.

吃過老婆手機遊戲,我就繼續踱馬仔,第八場又投下20蚊,今場無小妹,就潘頓搭李寶利,結果煙都無陣,輸咗就行轉惠康,買我早餐麥方包,8片裝9,9蚊走人,街市買扎通菜6.5蚊返歸.

回家1715,個仔已回來,我就續睇我馬仔,老婆就準備菜料煲湯,誰知個仔出來,說聲今晚我兩唔食飯,老婆為有收起湯料,而我就繼續尾場搏殺,一於繼續買小妹,又投下20蚊小妹搭大熱門,結果輸埋,今日賽馬又貢獻我70大元.
寫陣blog6點多鐘新抱返,7點多兩個出街,7點半鐘我都煮飯,兩個人食都要變變,見有冷飯一碗,為有淥兩個撈麵,通菜就煮1/3.
2004開飯,兩個撈麵,一碟蝦醬通菜,兩個人食.

儍人與白痴,足知搞掂爆腳指,童年回憶,

心情唔好,停咗兩blog,思前想後,究竟每個為人父母是否一樣,人老咗子女大咗,佢哋有腦咗,我哋就遲鈍咗,佢哋智慧咗,我哋就白痴咗,問過好多同輩朋友,聽過好多食市街坊,個個都係咁呻?
你話佢無我們心咩?但又唔係?咁即係口不對心,把口就呼呼喝喝,諸多批評,反駁佢就家嘈屋閉,忍下去,遲早有日要公園留連,夠鐘返歸食飯瞓覺.
前日老婆放假,為咗個女個爛鬼淘寶衣柜,限時限刻即日要起貨,11點多返工的出晒門,同老婆事不而遲開工板又霉,又拆又嵌.
 
中午同老婆食即食麵.

 繼續開工掟爆腳指,



 續做到8.9點才起貨,做到腰都直,辛苦唔緊要,還要諸多批評,我都學會睬你都儍,我都唔知幾自豪.

昨晚一句話都無說,飯後整晚看youtube實在太多嘢睇,太精彩,12點零都瞓,一覺今晨7點多,瞓不返,聽陣收音機就玩手機,無聊下制作了以下條片,我的出生地灣仔,童年時留連過的地方.

相當好瞓,偶像葛蘭,整日在家上網,下午茶大乜樂,晚飯5人食.

相當好瞓,須然6點鐘鼻塞塞鼻水醒過,但好快便瞓返,一覺今早9點多醒,洗個面便早餐,一邊上網一邊食,略看過新聞便youtube看有什麼好看,一看版面就有葛蘭影片推介,由於昨日看過方逸華花月佳期,youtube好醒爬,就大批同類東西推介給你看.

葛蘭80歲,真係好犀利,一點都唔似老人家,思維清淅,好風趣有學識,國語不用說,英文,廣東話極流利,一點都估不到,可惜64年以經退出影壇,咁有學識淡薄名譽,真係敬佩萬分,我成日得把口講4老,老伴,老健,老本,老友,就係出自葛蘭佢所講?

在片內佢又講另番話,又係另我敬佩之極,佢話親情同友情,親情係骨肉之情,有血液關係,係無得選擇,天叫你這是父親母親,這個是你丈夫伴侶,這個是你小孩,你一定要愛護.
友情可以選擇,我可以不要這個朋友,你喜歡一個朋友,人家不喜歡你也可以不要你,他們喜歡我,如果我覺得我不喜歡你,我跟你没有緣份就不愛你.

part 1

https://www.youtube.com/watch?v=W2tVZiS8AV0

part 2

https://www.youtube.com/watch?v=BfxN6j7Eis0

part 3

 https://www.youtube.com/watch?v=PMVJza0AonU

part 4

https://www.youtube.com/watch?v=ci_fdWJmLM0

一看又大半天,一點不覺得悶,相反投入到不得了.
電話響原來3點多啲鐘,老婆放工了,唉!邊度都唔想去,回來大乜樂食算,個女又話來,一起大乜樂每人食個下午茶餐,又加價我碗餐肉雪菜肉絲米,塊餐肉薄過鬼24蚊,老婆23蚊,個女24蚊,若不是會員奬賞,真係好貴囉.

吃後街市買點嘢,買有蕃薯6.8蚊,臭草2蚊,海帶3蚊返歸,
 
回家各自上網,個仔放工返,我來煮飯,雪柜料有白飯魚,茜蘭花,雞蛋同牛仔骨.

 加個午餐肉9.9蚊,白飯魚食半5蚊,雞蛋2蚊,蕃薯1條1.5蚊,牛仔肉同茜蘭花頭4條.
 
蕃薯飯 .
 
 茜蘭花頭炒牛肉.
 
 香煎午餐肉.
 
 白飯魚蒸水蛋.

 5個人食1夜返留飯餸.
 


 

睡來唔錯,漸入佳境,想當年,游水700m,大圍拮嘢買餸,晚飯4人食.

昨晚如常12點鐘瞓,夜所一劑就瞓到今早8點鐘,相當好瞓,聽收音機星期六問責,又係書局事件,兩條律師講輪費話,我就賴到9點鐘.

起來.一切良好,無唔妥,煲水洗面食木耳漿,上陣網才早餐,還是鮮奶麥同饅頭,食過早餐辦妥一切私人事務,又10點半鐘.
星期六無市無匯,無嘢好睇,上陣網就無所事事,見blog友過氣年青人,咁喜歡懷舊,分享咗多好聽英文歌,哈!今早我又慶起去摷吓,當年時最深刻一套電影,叫馬戲班魔王,隻歌真係好好聽.

摷吓又見到喱隻,又係經典,其實有好多好多,好好聽,有個靚啲耳筒,真係不愁寂寞.

其實The Wedding我係聽佢先,片內同方逸華結婚個男模,又係邊個?

1點跑馬,睇咗兩場,看來都係唔識賭,不如去游水,執整行裝出門,落到樓下,唉!又忘記帶銀包,又要折返去攞,搞吓去到池以經1點55分,更衣室無熱身,嗱淋上池,2點08分下水,一條氣游佢700m,以經2點44,就此算數.

更衣室搞掂一切,又同呀王吹水,3點多啲鐘,老婆放工,還是大圍食嘢兼買餸.

單 車行到文化博物館,條隧道大斜路,警方都勸籲要落車推,見幾個印籍人仕,大概係一家人卦?有個大約廿歲女,踩住駕兩邊輔轆的單車,慢慢而下,後便有個年長 啲,從後叫住小心,我心諗,最危險係喱種單車,亦見過好多人賴嘢,大斜路尾有個急彎,斜路而下始終有點快,一轉彎,另邊轆肯定離地,就實行翻車,果然無 耐,聽見後便大嗌一聲,砰砰嘭嘭.

我都無時間回頭去望,趕住大圍會老婆,過到大圍拮嘢,老婆以經在等,同老婆每人食個飯餐,合共40蚊.

攤唞輪買餸,買有白蘿蔔兩條6蚊,紅蘿蔔6蚊,豆腐3.5蚊,金針6蚊,豬骨20蚊同方包10蚊.

 

回程見有派宣傳嘢,拿份睇吓,又dvd又單章,幾大手筆?原來私隱專員公署宣傳.

  

返歸都5點多啲鐘,睇吓啲私隱宣傳嘢,嘩!dvd都兩隻,另外好多張紙,寫滿晒字,真係揾鬼睇.咁重本來宣傳,效果真係成疑?.

 

回家老婆處理買來菜料,同煲落個紅白蘿蔔湯.

夜點我來煮飯,菜料有昨日的雞酒,豆腐,梅菜,肉碎. 

昨日雞酒.

  

肉碎梅菜蒸豆腐

 

紅白蘿蔔煲豬骨.

  

  

4個人食夜返留湯飯餸.

早醒成習慣,老婆放假,早餐大乜樂,舊地重遊維園,工展會探網友,銷費666,晚飯三人食.

昨晚如常12點鐘瞓,較難才入睡,一覺今晨5點半鐘,又無晴晴醒,似乎已成習慣,捱咗半粒鐘,還是笠隻耳筒聽歌瞓,還好瞓到8點鐘醒,起來一切正常,鼻無事,耳鳴差不多,洗個面去個所,老婆放假才起來.洗完面試開埋個大,又幾好啵.

早餐無麵包,為有同老婆落商場找樂哥,好耐都無過糯米雞,就整隻米雞餐,老婆就通粉腸仔餐.

餐後難得網友熱情,叫去工展一行,適逢老婆放假又願去,咁就開始今日工展會之旅.
10點42分踏上170巴士,本來好平靜好舒服車程,後便卻來了對母子,唉!小朋友實在太興奮,唔坐定定?卻企響我後便,老婆同我之間,不斷頭噩噩,大大聲報導車外情況,見字讀字,見車講車,唉!無偈,為有走為上著坐後便,可能我棄的位太正,有客坐下,結果同一遭遇,走夾唔唞.

巴士尚算順利,好快便過了海神仙,同老婆相量,第一個景隆街唔落,到波斯富街才下,順便看吓一帶的變遷,因60年至70年代在這裡住過生活過.
誰知首站不落,一開車個牌以經轉香港仔隧道,咁就大鑊?嗱淋落下層問問司機?車不行波斯富街?司機好好人,說都唔知無行幾多年LU?
無偈,為有海洋公園站下車,對面線有乜搭乜,結果上了部38號巴士,北角碼頭,

出到鵝頸橋剛好11點50分.

行去60年代常幫襯的廁所,位置依舊,廁所已全非,當年有份興建的伊利莎伯大廈,1978年既事LU,唯一無變,依舊的灣仔消防局.

廖孖記腐乳,打小人的鵝頸橋底.

當年的中國國貨公司,藍色間,60年代唔買國貨?買什麼?

國貨公司對面,我持相機位置,紐約戲院是也,當年全港最大的一間,睇戲唔少.

中間的京華戲院,腳毛都唔少,70年代,海神號遇險記,都係這裡睇.

依舊的香港大廈,馬路中央.
 
 大丸百貨,時不時都到,睇多過買.

松板屋是也
 
 翡翠,明珠,睇戲唔少.

入維園必經之路糖街.

短短一條糖街.

哈哈!工展會到了.

N年無來過維園,當然要緬懷一吓,工展會等陣先.
同老婆行吓坐吓,想吓當年拍拖時景像,結果係一點印像都無,維園已不是我以前的維園?過去就是過去.

懷緬完維園一輪以經2點鐘,係時候入場工展會,老婆10雞我免費.

入場後先探望吓我好網友,圍著網友所講間鋪一圈,見未有動靜,為有又whatsapp過佢.

哈哈,終於出現,拿住袋嘢送過比我喎?盛情難卻真係唔好意思,大家一見如故,一點陌生感覺都無,唔知我熱情?定係佢太投入?好多說話講,講咗我卜內好多事情,真係難得佢咁投入去看,真係好多謝佢咁支持,話係食飯時間喎,見佢時間寶貴,都係唔阻佢,有機會入開沙田,來揾我啦,我請你飲茶.
 
有飲料,有袋,有熱水瓶,真係好多謝C Y Y.

 離開就開始我工展之旅
 
 工展會之大,行得我CC吓,要在禮台前坐陣,哈!有網友既飲品,正.
 
坐咗好一會,又繼續,公公婆婆行得CC,坐到滿晒.
 
行到這裡老婆話要買福袋喎,是但啦,238元6樣嘢.


 
粗略叫做行過晒工展,試食又食過,先前以經睇過這間啲金華火腿,賣的細細聲同我講,話400蚊賣隻過我?我話轉頭再來過.
哈!點知回來佢又唔制?可能見450成交了好幾位客卦?係都要我420元,我又唔制啫.

買不成繼續行,但對腳好唔掂,真係好想就此算數走人,但老婆C都唔肯,無金華火腿誓不罷休喎,為有找回先前睇過另一間,條條路差不多,行來行去真攞命,好彩還是找到,喱間重正,假假哋有牌子,華潤集團,足之428元成交,買咗隻2.5kg金華火腿,送包1kg米,搲多吓送多支花椒油.
 
 如願以償同老婆每人抽袋,離開工展會,

儍吓儍吓尋舊路,返回香港大廈搭170,C老襯?原來維園外以經有站.

回家以經5點半鐘,買來有福袋一個,6樣嘢238元,2.5kg金華火腿一隻428元,送1kg米,同花椒油一支,合共666元

回家太肚餓,老婆煮麵,我開工寫卜,夜點老婆主老婆煮,開飯三個人食