4月30日(二)失眠神差,新抱開工,嫲嫲接放,茶大家樂,球場踩單車,晚兩人食.

2024/04/30   星期二   雨   30C

昨晚如常11點前都瞓,一覺3點半鐘醒,所後又瞓不返?捱咗輪0445為有手機上網,同樣6點多鐘稍瞓著?7點多醒手機賴,8點多手機無電,老婆起床我起床.

起來0836,新抱B在忙返學,0850新抱B出門,我才梳洗搞早餐,0931早餐.

餐後辦埋件事睇電視,睇完集夢華錄1130,睡不好我又走去床youtube聽歌瞌吓.

今日新抱開工,下來個B嫲嫲做接放.

1220嫲嫲接B返,下來嫲嫲煮嘢過B食,跟住督B做功課,我就youtube聽歌希望可瞌吓.

衰豬返來食咗些少嘢,功課未做就嗌眼睏,於是走咗去瞓.

我攤輪youtube床,1440收工起來,老婆問落唔落去下午茶,一於落去行吓,衰豬叫醒就難,結果兩老又硬又軟,才收聲出門.

落到大家樂3點多啲鐘,大把吉枱任坐,1515就要個义飯餐加雞翼40蚊,一華田一檸水,合共51蚊.

吃過坐夠老婆街市買餸,衰豬就扭返歸,原來借返歸為名,係想報紙檔玩彈波波,一於Say No下,不如氹佢踩單車,衰豬有得玩點晒頭.

於是車場拿部單載佢球場仔兜圈,兜咗好一輪,嫲嫲買餸到,再玩多陣返歸.

回家1652買來有三樣菜20蚊,粟米兩支6蚊同蕃薯兩條5蚊.

跟住個B老豆返,下來佢老豆跟B做功課,我就早點沖涼,今日成30C,才開始沖凍水涼.

涼後攤床寫blog,1909佢娘返,下來佢三口子忙到夠.

1930老婆叫開餐,一煲過,鹹蛋蕃薯煲芥菜,兩個人食.

我倆開餐,就輪到新抱埋位煮食,冇耐渠滿瀉,水浸廚房,個仔立即善後,我才抽出自己制個渠隔,果然盟晒垃圾.

4月29日(一)失眠神差,個仔假,早餐大家樂,同老婆石門攞證,下午富臨,晚兩人食.

2024/04/29   星期一   雨   27C

昨晚出埋篇blog,啪兩粒草餅,12點幾鐘瞓,一覺4點半鐘醒所,又瞓不返?捱輪0510為有手機上網.

還好6點多瞓返,8點零鐘被個夢驚醒,夢見自己裝窗玻璃,塊玻璃斜放挨墻,誰知跣下來,一跌兩件,咁就驚醒.

醒來賴陣床,兩粒草餅似有料到,今日個仔放假,等到三口子出門返學,0855才起床,老婆跟住起床.

起來面都未洗嗱淋要去爆,兩粒草餅爆來不外如是.

諗吓橫掂無麵包,不如同老婆食大家樂.

見老婆用緊廚房,不如量個血壓先,一拿個血壓計,個底濕既?拆開一睇,原來電心發晒,漏晒濕液,於是掉得,祙干淨,放我以前買的新電心,一拿起又係濕既?又係發咗,太耐了,於是襯有些電,量個血壓130/69-55,電心掉得.

跟住同老婆出門,大家樂早餐,1005老婆28餐,我個33餐,吃過坐過手機夠1145才返歸.

回家1200,個仔兩送完B返咗來,我就血壓計就入過新抱買的新電心.

1219個B放學返,人齊嚮企,我都無你咁氣,入房攤床平板上網youtube.

上吓網睇吓youtube又一點半鐘,老婆來叫係咪摷熱天衫下來換呀?我才起來,從天花頂熱天衫拿下來,搞掂替換後,成兩點鐘出門,個B就佢娘督促温書,衰豬心不在然,讀咗好多次都係唔識?

1423過到石門26樓中旅社,好快,前後3分鐘就攞證走人.

離開就2樓富臨皇宮下午茶,吃過坐夠吹夠水,1543埋單,兩個孖寶兩位茶,加一92蚊走人.

離開石門地下店鋪走走,買有海帶15蚊,蜆肉26.3蚊,馬鐵走人.

回家1648,三口子出咗街,攤唞咗輪才沖涼.

1928老婆開餐,大大碟三大碟,我就投降,食些少我都收工.

唉!都毫無預算?出聲又唔高興,嘥氣.

2058三口子都返.

4月28日(日)睡可神可,新抱教會,個B嫲湊,倆老入馬場,任務完成,輸馬10蚊,晚大家樂.

2024/04/28   星期日   雨   27C

昨晚睡前煲劇,11點鐘瞓,3點半鐘醒所,又瞓不返,還好歌仔捱輪下瞓返,7點鐘醒,手機賴床.

9點鐘起床,如常烚水搞早餐,新抱就出門教會,話個B唔去喎?叫嫲嫲跟佢早餐同睇住佢喎?新抱出門後,衰豬在房手機,要嫲嫲趕才出來梳洗食早餐,1027我都早餐,餐後諗住佢娘出咗去,開芒果孖佢食,誰知掛住玩勉強食兩啖?

吃後落起大雨來?今日富衛冠軍賽馬日,新抱特選客戶,入場投注,不論多少,獲贈傘一把?

而我就無贈品,只得入場券,落雨天無贈品肯定唔會去.

都同新抱講咗,同上次藍芽一樣,我入場你在外投注,攞把遮啦?

誰知落大雨單車踩不得,都已經12點幾鐘,都係去不得算數,唔去就煲劇,一於煲埋套四十九祭.

攤床一煲1250,48集四十九日祭,終於大結局煲完.

跟住就新抱返,老婆見不用睇B,就來叫入馬場?都諗住落雨放棄唔去,唉!見老婆叫到,是但啦.

馬已經跑咗場,一點鐘才同老婆出門,大圍站轉東鐵,落雨天都諗住貴啲搭馬場車,誰知去到有車,都唔理嗱淋上車?車原來係火炭站車.

火炭下車,1328開始行去馬場,行咗10分鐘便到馬場入閘口.

同老婆各自持票進場,嘟過QR曲交過票,進場後任務完成,便至電新抱可以投注.

任務完成後就在1區,娛樂區睇人玩遊戲.

跟住唔知乜水?三條靚仔樂隊,樂聲震天,又幾多fans揮晒手?後來摷摷才知係隊叫Pandora樂隊.

睇咗陣同老婆出去看台睇跑馬,見隻加州星球有贏晒之勢,就整10蚊孖寶玩吓,掉!頭關第二玩完.

玩完都諗住走,於是去客戶服務櫃位,交埋另外兩張入場票.

交後1413,見咁遠來到,不如同老婆行吓,睇吓啲設施,睇吓啲售票機點先進,睇吓啲馬迷點投注法?一直行到終點Win位,又行出室外睇吓?嘩!全是煙民在抽煙?嗱淋返回室內.

行咗輪1600,第七場出馬,個咪一講金槍六十,嘩!啲馬迷起晒哄,同老婆看台企定定睇跑馬,好失望金槍六十輸咗lu,跑第四,同老婆都走lu.

離開馬場1620,還是來時條舊路走.

18分鐘,1638來到火炭站,老婆又話肚餓,於是火炭大家樂,枱枱有客嘥氣,都費事等,同老婆火炭站搭車走人.

返回自己邨大家樂1713,剛好晚市都開,57蚊食個咖哩牛三寶飯餐,積分換個粟米羮同老婆食.

同老婆食過坐夠1823走人,回家1830,今日夠晒皮,攤咗輪才沖涼,涼後搞埋睡前一切,全力攤床寫blog,2130三口子返.

4月27日(六)睡可神差,老婆沙角買餸,瞌眼睏兼煲劇,茶大家樂,晚兩人食.

2024/04/27   星期六   雨   29C

昨晚11點零瞓,夜所兩就今晨5點鐘醒,就瞓不返,收音機下半賴床到9點鐘,老婆起床我起床.

起來如常搞早餐,老婆烚水,0950早餐,新抱B才陸續蒲頭.

餐後輪到新抱B早餐,佢早餐時我辦事,唔多掂?

1055老婆過沙角邨買餸喎?嘥氣,你去到夠,我又攤床繼續煲劇.

1200老婆返買有大樹菠蘿20蚊.炒米餅米通一大包28蚊,魚100蚊,蜆20蚊,甜豆12蚊同尖椒6.1蚊,老婆回來就處佢中午餐,1340老婆開餐.

而母女就扮靚準備出街,扮到1417母女才出門街.

到3點鐘同老婆下午茶,還是大家樂,我就45蚊食個經典下午茶餐,老婆熱檸水,合共49蚊.

個餐認真大,食得我好飽,吃過坐夠走人,老婆街市買餸,由於明天要入馬場.

買後走去單車場望吓部單車,望過無問題返歸.

回家1647,買有節瓜15蚊,瘦肉19蚊同蝦30蚊,冇耐個仔都返,我都嗱淋沖涼.

涼後睇場澳洲波直播,又打得幾精彩吓,新抱B返,衰豬有新玩具,鬼口水自己一個玩餐懵.

1917老婆開餐,有蜆蝦滾節瓜,一煲過,啲湯濃到無人有?蝦蜆蝦殼來滾,有乜辦法啖湯唔濃吖?太飽食些飲些我都收工.

4月26日(五)睡好精神好,黃雨,個B返學,新抱開工,嫲嫲湊B,我就整日攤床煲劇,茶3人麥記,晚兩人食.

2024/04/26   星期五   黃雨   28C

昨晚成12點鐘瞓,一覺今晨0555醒去所,見有衫掛嚮我曬晾架度,於是同佢挑佢落天并,返床就瞓不返,手機執埋兩日來日記,賴床到9點鐘起床.

個天黑晒,傾盆大雨,新抱送B出門返學,還好新抱來電已返到學校,今日新抱開工,下來個B就我倆老睇,洗個面烚水搞早餐,0949早餐.

餐後睇輪電視辦事,依然麻麻,1146雨還是好大,行雷閃電,老婆出門接B放學.

1220嫲嫲接B返,回來洗洗腳又掛住玩手機,嫲嫲炒咗兩隻蛋過B食,嫲嫲就搞佢中午餐晏,以經中午1點鐘,衰豬佢嫲嫲跟,我就入房攤床youtube兼瞌吓.

瞌輪煲輪劇兩點半鐘收機,起來衰豬剛做完功課,係時候下午茶.

無雨落三爺孫落到地下大堂,老婆又話忘記帶手機,又要返轉頭攞,攞後去到商場,個B堅持唔食大家樂,要食麥當奴,

咁就麥當勞,衰豬就嗱淋去揀玩具,就27蚊買個兒童餐,一個魚柳包餐20蚊,

衰豬食咗半個包又唔食?又我來梗?

吃過坐夠衰豬就扭著要走,離開扭著要玩彈波?嫲嫲堅持無,跟住老婆街市買餸,衰豬CC氣跟住我走,我就兜個圈返去球場仔等老婆.

等咗陣佢老豆放工到,跟住嫲嫲亦到,便齊齊返歸,回家1635,老婆買有魷魚17蚊,豬肉27蚊,馬蹄3蚊.

老婆回來就處理今晚餐料,煲個海星老火湯,個B功課就佢老豆跟番,我就早點沖涼,涼後我又攤床寫寫blog瞌瞌眼.

瞌咗陣繼續煲劇,youtube睇埋40集又無得睇?套劇一共48集?點搞?為有網上又摷吓料?一摷777tv小鴨網,繼續41集.

7點鐘新抱返,話無餸賣喎?等陣買外賣喎?1934我同老婆開餐,兩個人食.

4月25日(四)夜瞓失眠有夢,精神極差,新抱返工,個B放假,兩老湊B,茶大家樂,晚兩人食.

2024/04/25   星期四   雨   27C

昨晚出埋篇blog成12鐘瞓,夜瞓難眠,結果去到成三點鐘才能瞓著,0623便醒去所.起床不小心,手踭撐落床邊,皮破血流,好彩不太嚴重,返回床瞓過,收音機下都未能瞓返?手機賴床9點鐘,老婆起床我起床.

如常烚水搞早餐,0915新抱返工,個B學校另班家長觀課日,不用返學,手機懶床,嫲嫲叫餐懵?才出來梳洗食早餐,0943我食埋最後劑木耳漿,1018早餐.

餐後睇輪電視12點鐘,唔夠瞓走去床平板瞌吓,嫲嫲就督B做功課.

瞌咗陣煲輪劇1340才收機,起來1347老婆開餐,我就襯今日佢娘返工,就劏個芒果同個B食,衰豬食得鬼咁滋味.

食完個芒果兩點半鐘,見個天無雨落,不如早啲就同個B落球場仔玩吓,個B帶埋部滑板車.

球場仔踩咗輪,有人放狗,衰豬又同狗仔玩,起初怕到C,玩兩玩才唔驚,跟住嫲嫲到,到1517人家都走.

玩完狗仔就下午茶,還是食大家樂,衰豬要食熱狗餐37蚊,我就食37蚊福建炒飯餐,老婆加杯熱檸水,合共78蚊.

唉!碟褔建炒飯認真難食?獻汁多到漿糊一樣,又黑又盛?大家樂好唔掂?

坐夠手機夠上惠康,衰豬扭嫲嫲玩遊戲,嫲嫲一於NO,衰豬又好?無夾硬扭,惠康39蚊三支牙膏走人.

老婆街市買菜,街市冷氣太勁,我同個衰豬走去球場仔等,老婆到買咗75蚊菜,齊齊返歸.

回家1711個仔已回來,我都嗱淋沖涼,失眠關係,涼後我都入房攤床瞓吓.

攤到7點鐘衰豬入來借手機?又好比過你,又睇吓你搞邊科?原來揾高先生?揾婚紗裙資料畫畫喎?跟住想媽媽?要我替佢至電佢娘?好啦就幫吓你啦,之後佢娘又同佢視像.

到1923老婆叫開餐,有支竹三文魚頭煲,炒紅莧菜,魚頭太肥太漏?又唔肚餓,食些少以經飽到滯.

2020新抱返,買有外賣,下來佢三口子食外賣.

4月24日(三)睡好,羅小羅,老婆沙田街市買魚,我就瞓晏煲劇,聯合牙醫應診,下午茶麵包,晚無煮食,夜馬輸10蚊.

2024/04/24   星期三   雨   27C

昨晚11點前都瞓,少有一覺今晨6點鐘醒所,睡來有點夢,收音機半睡到8點鐘,手機賴床,F,B聽睇到佢,祝你一路順風,唱得好好聽?係乜水唱呢?於是高先生一摷,名字叫羅小羅,80後街頭歌手,再摷吓原來去年2023年11月14日來過香港,嘩!犀利,四川人唱廣東歌,好嘢.

9點鐘老婆來趕叫起床?起來如常烚水搞早餐,大鑊?洗個面就急不及侍要爆,嗱淋下幾天來便秘終於了結.

出來水老婆烚妥,繼續我早餐,新抱送完B返,無買麵包我就淥麵煎蛋煮麥皮,1042早餐.

餐後無所事事睇電視,1109老婆又話過沙田街市買魚.

睇輪電視1155新抱出門接B,1205老婆返,買咗80蚊魚喎?12蚊雲耳,回來就搞佢中午餐,1303老婆開餐.

睇完午間新聞1325,我都走去床攤唞吓,兩點鐘新抱接B返,瞌咗陣煲輪劇1435收機.

係時候過乙明聯合牙醫覆診,過到去1502,

報到後見得1個客在等候,今日似乎不用等多久?又見個姑娘似得閒吓?於是同佢講,我醫療券似乎唔夠錢?想同我老婆醫療券連結,問到時付錢時搞?定現在做定先?佢話無所謂,咁就我倆身份證,姑娘電腦下,1513就成功結.

本來時間約好1515到我,結果等到成3點40分才輪到,由於下顎全棚牙,做來好嚴謹,我都忘記印模印咗多少次?每次都要擘大個口,等咗好耐?差點頂佢唔住?上次做假牙都無咁耐?同無咁認真?終於完成該次牙程,只不過用咗10零20分鐘?

離開1558,行陣乙明街市,又唔太肚餓?又無乜好食?不如孖喜買杯奶茶食麵包好過?

我就奶茶菠蘿包同雞尾包,老婆就熱檸水同菠蘿油,合共40蚊,1613就坐休憩處食,天陰幾粒雨?食來還可以,食食吓有隻麻雀飛來,於是搣粒仔包過佢食,跟住成揸飛來等食,餵咗輪食埋兩個包走人.

離開1645又行陣街市,20蚊執分4隻芒果,孖喜買8片方包11蚊走人.

1658離開乙明街市,穿過曾大屋公園返歸,對腳開始唔多掂,公園行吓坐吓,1730才返到單車場.

星期三上惠康,樓梯唔掂要搭𨋢,惠康買有牛油25.2蚊,泰國蛋兩排40.5蚊,12.6兩排益生菌走人.

落到地下新抱來電,叫幫佢買鮮奶同义燒喎?唉!老婆你去買到夠,我先行返歸.

回家1805,三口子已在家,我都嗱淋沖涼,涼後睇陣新聞,1925才醒起有夜馬,入房開電視已經跑咗兩場,踱陣馬寫陣blog.

夜無煮食,睇跑馬至尾場,買口孖寶,輸10蚊算數.

4月22日(一)失眠,個仔假,老婆同個女街,我廣源揾馬下午茶,晚無煮食,飲奶蛝餅乾

2024/04/21   星期一   晴   27C

昨晚11點幾鐘瞓,一覺0345醒所,又瞓不返,歌仔,收音機,上網摷輪相,捱到0630,才試瞓吓,8點鐘醒,賴床9點鐘老婆起床我起床.

個仔今日放假,三口子剛好送咗個B返學,我就如常烚水搞早餐,老婆又話約咗個女街,早就烚下兩隻蛋食,0950我都早餐.

餐後辦埋件事睇電視,個仔倆就送完個B上學返.

一睇又1130套劇安家就大結局,而老婆約咗個女剛好出門,我亦係時候攤床瞌吓.

新抱就有嘢做,1150個仔去接B放學,唉!始終瞌唔著?煲輪劇1220,個仔接B返,我亦煲到夠皮.

1241至電過老馬,響咗好耐才來接,問佢今日有乜搞作?無喎,咁就上來揾你下午茶吹吓水.

1點鐘執排草餅,一支哮喘噴劑出門,

1315過到小巴站,跟住以經有車到,好彩有位,平時部部都爆.

1337上到廣源邨小巴總站,有少許雨至電過老馬到咗,叫佢慢慢落來.

我就襯機打打咭.

打輪咭老馬到,齊齊落去下午茶,就比我帶來哮喘噴劑同排草餅過佢,比後我就牛腩河餐40蚊,老馬牛腩米餐同樣40蚊.

吃過坐夠吹輪水,老馬食堙關係,1525老馬埋單去食煙.

煙後佢去買餸,諗吓?不如望吓廣源個街市乜情況,街市比我邨個大得多,所見人流都係麻麻,似乎生意都係難做,行個圈都好多吉檔口,陪老馬買完菜,老馬又話要下兩層凍肉鋪買蜆肉,咁我都走先.

1611離開街市,去到小巴站無車,等到1625才有車.

返到屋企1650,三口子出咗街,失眠我攤嚮椅瞌咗陣才沖涼.

夜無煮食,倒杯奶食幾塊餅乾算.

2126三口子返,買有飯糰返,咁就食隻啦.

2309老婆返.

4月19日(六)睡差神差,老婆沙田街市,煲劇瞌吓,茶大家樂,人生百態,惠康,夜大雨行雷閃電,晚同老婆食.

2024/04/20   星期六   雨   29C 

昨晚11點鐘前都瞓,湯水多1點多去所,回來手痕上上網,咁就累事?搞到成兩點幾才瞓返,再瞓成8點鐘醒,手機賴陣床,8點半起來.

感覺睡來好差?如常烚水搞早餐,老婆蒲頭,0932我都早餐.

早餐其間新抱B蒲頭,餐後1000辦事務,以為昨晚餐西洋菜會好啲啦?誰知都係麻麻.

辦完件事新抱B帶埋買餸車落街買餸兼早餐,1050輪到老婆過沙田街市買魚喎?

睇輪電視1110新抱B返,瞓不好我都攤床平板瞌吓,1140老婆買魚返,買咗110蚊魚同甜豆喎?回來就搞佢中午餐晏,個B就佢娘督住做功課.

1321老婆開餐.

煲輪劇1點多鐘,馬就跑咗一場,就轉去踱馬兼睇跑馬,踱咗輪?唉!越來越唔識賭?10蚊都無買便3點鐘?成3點幾才同老婆下午茶.

3點半鐘到大家樂,無嘢好食就要個豬扒烏冬餐,老婆熱檸水,合共40蚊.

唉!大家樂人生百態.

有對夫婦常客,見近玻璃門有張單對單靚枱,但先前食客食盆無人清,喱區大家樂繁忙後,例牌無人手清,個男就叫個女清走過隔鄰吉枱,個女就話唔好.

常客所見好衛生,開門用紙巾,枱櫈要噴過消毒,別人餐盆又點會自己落手清走呢?

結果佢叫來個得閒收銀來清,清後兩公婆清潔過坐下,跟住個女走去水吧,拿杯水過個老公,自己就走過隔鄰麥記買麥餐回來食.

食兩食好厭玻璃門出入,一開有風吹入,於是佢就走去lock咗近佢嗰半隻門,搞到啲客離開,右手就模門釘?推極開不得?兩公婆吃後個麥餐紙同袋用大家樂膠袋載起.

同老婆吃過坐夠上惠康,28級梯撐來可以,老婆柜員機撳錢,惠康買有廚房紙兩嚿18蚊,廁紙兩條50蚊返歸.

回家1659母女出咗街,我就繼續睇跑馬,1739三口子買埋餸返,三口子返我都早點沖涼,涼後睇埋尾跑馬,今日無下注又慳番.

馬跑完我又攤床平板寫寫blog,煲煲劇,夜好大雨,行雷閃電.

2007老婆叫開餐,兩人食,始終唔開胃,求其食啲。

4月12日(五)好瞓有夢,陪老婆石門辦回鄉証,辦証遊樂場,富臨皇宮下午茶,城河踱路返,晚大家樂.

2024/04/12   星期五   晴   27C

昨晚成12點鐘瞓,夜所兩就今早0825醒,睡來有夢,夢見一隻拖鞋跌咗落河,一路沖出大海,係咁追,好多大廈阻住,一路追出海,揾唔返就醒,

醒後手機賴床,手機無電,賴到新抱B出門返學後才起床.

起來如常烚水搞早餐,老婆跟住蒲頭,0951我早餐.

餐後辦埋件事睇電視,一睇12點鐘,我都入房床攤唞瞌吓.

一瞌1300出廳睇新聞,睇完新聞1330,係時候陪老婆過石門辦回鄉咭.

1400過到去,上到去嗱淋老婆影相,即影即有五張,盛惠50蚊.

拿了相就揾職員下來怎運作,嘩!整個場5,6部機,辦証人成拾幾人,得嗰一個職員?條友真係三頭六臂,係咁不停協助辦理,須然係自動辦理,大佬十年才換一次証,鬼來了解如何運作咩?而得嗱淋辦妥走人.

真唔明咁大間機構得一個職員,好彩呀叔醒目,嗱淋叫老婆問住職員,好快下階段等叫號碼付費.

中旅辦証遊樂場.

於是等候區走廊前排坐等,佢老味吖?兩條細路,在面前窄窄走廊,不斷卉跑,一平封之隔氹氹轉卉跑來玩?啲乜Q家長唔管唔理?

坐我則近條伯父忍不住,囉唆咗輪,便指住遠遠戴口罩黃衫男手指指話Q佢,條黃衫男不甘示弱,還理直氣壯來說,關你乜事啫?罵起上來?我好想出聲?諗吓嘈來無用,你話你啱,佢話佢啱,又無保安無職員,無人理盞打交,於是尾尾才手機拍下些少片,之後兩條細路大概辦妥都走lu.

而老婆號碼1441到,盛惠390元,到時取証走人.

離開1446就二樓富臨皇宮下午茶,兩孖寶一煎堆,吃過飲夠坐夠,盛惠118元,1546走人.

離開街頭表演,睇咗陣1620都走,決定同老婆行回家.

真係唔行唔知原來係行唔得?行吓坐吓,由1620行到1903月亮都出埋來,才返到自己邨?足捱咗差不多三粒鐘,對腳不是我.

返回自己屋邨,老婆叫食咗返,大家樂鋸扒喎?兩人食個西冷牛扒餐,盛惠61蚊,吃過坐夠返歸.

回家2030,三口子開飯,我唞順條氣才沖涼,涼後累得我C,blog懶得寫睇電視,10點多鐘都瞓.