睡來尚可,整晚下雨,整日在家上網,有馬唔賭睇新聲代,下午茶大乜樂,晚飯4人食.

昨晚12點前都瞓,一覺6點鐘便醒,望住老婆返工,差不多7點都無法瞓著,為有笠個耳筒,聽收音機,聽完倫敦BBC新聞,矇矓咗一陣,又舊日的足跡訪問林嘉欣,聽至9點鐘才起來.

新抱少有已返工,外便落著雨,新聞不停講馬拉松,聽著林嘉欣,先番熱最後一劑木耳漿空肚食,早餐無麵包,為有又整熱香餅,搞掂粉漿才洗面,開埋個大才搞早餐,一杯奶麥一件香餅搽花生醬食,搞掂一切又10點鐘.
 
百無聊賴的上網,看陣新聞便看youtube,看中國新聲代,嘩,真係犀利,10歲8歲細路女咁勁,個個有板有眼,超過時下啲專業歌手多多.
聽到耳筒唔願放下,又下午1點鐘,賽馬又開跑,睇咗兩場還是不懂賭,又繼續youtube看中國新聲代,下便幾首超正.

 https://www.youtube.com/watch?v=of8GWaW6730

https://www.youtube.com/watch?v=J9P0_TnyKm0

https://www.youtube.com/watch?v=HeUJ4Y-XOeY

一睇又3點幾鐘,老婆放工來電,我才放下耳筒,關機樓下大乜樂會老婆,星期日特別多人,水吧排晒長龍,同老婆每人食平價餐,老婆23我21,餐後行轉惠乜,無嘢啱買,便樓下街市買4個蕃茄5.5蚊,兩蚊韮菜返歸.
夜煮飯有蕃茄煮蛋,蜆肉豆腐煮韮菜,炒椰菜.


 
 蕃茄蛋

炒椰菜
 
蜆肉豆腐煮韮菜.

4個人食1夜返留飯餸.
 

睡來麻麻,老婆放假,整朝上網看youtube,娛樂城下午茶,冒雨行轉璃光大道,晚飯4人食.

昨晚12點鐘前都瞓,一覺5點多又醒,瞓不返,心平氣和下賴到8點多啲鐘,老婆放假瞓醒下床,我亦跟住起來,睡來麻麻,總算可賴到8點多.

起來番熱木耳漿,煲點水洗面,搞早餐,前日條車輪包,今早才派用場,邊吃邊上網,望吓個市,美股帶動又跌成355點,無眼睇,望吓匯澳元,昨日還好好哋,上到0.73美元,結果一夜間由山頂轆落山腳0.692美元.

唉!辦埋大事又10點鐘,老婆放假去邊處好呢?記得14年去過青衣公園睇黃葉,老婆又話唔制.
無偈,咁就為有繼續上網,股匯都無眼睇,為有又笠個耳筒上youtube,由於昨日睇過一些越南人唱廣東歌,話時話又真係唱得幾好,但伴舞的就不敢恭維.
 https://www.youtube.com/watch?v=kNbRUIQ_fFc
今日youtube版面就大量歌唱片推薦,排頭就位係張惠妹歌beyond海濶天空,剔入去睇吓,原來不知咁多歌星都翻唱beyond歌,可想而之beyond影響力幾犀利?
其中佢唱得幾好.
https://www.youtube.com/watch?v=ZrkcAkNn36Y
睇咗成朝youtube,老婆亦煲好綠豆粥,係時候唞唞食碗,

 

 最後發覺有首泰國歌好搞笑.

兩點多老婆話去下午茶,咁就娛樂城,個女又話要去,一共叫咗8樣嘢,個女找數130多.

 

 離開娛樂城,個女有佢節目,我同老婆就走咗來這裡,璃光大道,都知道多時,不過夜晚黑咪預我,好似話開放到15號?於是乎日光日白都來行吓.

 來到還是4點多啲鐘, 唉!落雨添?

  

落雨兼人少,天暗暗總好過出猛太陽.

  

 

 

 

 

地方細細好快便行完.

離開城市廣場搭車返歸.

夜我來煮飯,料有雞蛋薑甜醋,冰鮮雞半隻17蚊,椰菜一個3蚊.

冰雞焗飯

豬腳薑

馬拉盞炒椰,4個人食夜返留飯餸.

似乎差不多咁?

勁

今早續看中國好聲音,竟然咁勁咁犀利.

滾滾紅莧,炒炒米粉,兩個人食.

今日買料有秋葵兩包10蚊,紅莧菜4.8蚊,蝦仔10蚊,韮槊蚊.

 今餐料有紅莧菜,秋葵,洋葱,火腿,沙葛,米粉同蝦仔.

有乜炒乜米粉

 蝦殼滾紅莧

 兩個人食.

飯後果昨日榴槤.

張玉霞~那英 征服

老婆放假,沽貨執啲,下午茶食呀活,百無聊賴行宜家,晚飯兩人食.

昨晚臨瞓被套劇楚漢吸引住睇咗一半成12點半至去瞓,一覺今晨6點半鐘醒,去個所出來廳梳化攤陣,結果挨咗半粒鐘,都係瞓唔著,老婆放假亦瞓醒,洗個面搞掂一切早餐.

餐後各自上網,佢遊戲我昅股,由於有隻股到心水價,於是整朝為隻股,想好點價錢沽出,結果係徒勞無功,一沽就升,唉食多食少都係整定.

家居改革諗唔掂,整朝在家無建設,困咗半日人都癲,2點多鐘一於趕老婆出街,家居改革諗唔掂,一於過宜家取吓經.

兩公婆坐程小巴過中央市廣場,廣場無嘢啱食,還是大快活,兩人消費55蚊,醫好個肚行宜家,相安無事行到廚房部,唉!大獲,水滾,宜家之大係人都知?兩公婆有得睇無幫襯,迅速哋看吓便離開,廁所就在出口,舒服晒.

離開宜家老婆話要買染髮水?咁就萬乜睇輪,揾啱心水諗住去藥房買,途經卜佳,嘩!榴槤9.9蚊磅,其實早幾日已經見到,但太多人揀,都係無謂同人逼,有乜差池,中招就唔抵,今日見無乜人,於是埋挑番個7.33磅72.6蚊,老婆貪新嘢12.9蚊買份珍珠菇,行到燒味檔,都好耐無買過燒味食,就買份最細燒骨28.4蚊,買埋早餐方包8.9蚊走人,離開卜佳行去藥房,老婆48蚊買盒染髮水,買後兩公婆孭住一大袋巴士返歸.

 返歸以經6點鐘,放下買來的便上網,唉!上不到一陣網,老婆叫幫佢染頭髮,免其為難,染到我一手都係.
夜點煮飯,菜料有火腿同蝦乾,娃娃菜一棵1.7蚊,珍珠菇一個6.5蚊,燒骨28.4蚊,

 火腿蝦乾珍珠菇浸娃娃.

 外賣燒骨

兩個人食,今餐唔計隔夜湯,火腿同蝦乾盛惠36.2蚊.

 

飯後果榴槤.

今早聽到佢.

奧瑪沙里夫

Beautiful life - Cari Cole

大池開放,游水1000m,晚飯兩人食.飯後果又榴槤.

晨早6點鐘醒,聽收音機賴床,聽到這首歌,好熟一把聲,原來係佢?70年住我同座樓上,好年青好的適一個靚女,當年以經係同鄭康業.

中午食個即食麵,1點半鐘還是過源禾路游水,大池維修個多月,今日終於開放,泳池近咗,上到池稍熱身即下水,一游500m稍唞,再300m佢老味吖,條死佬自由式唔睇人,從後上來,一手拍落我個頭度,有無搞錯,於是一掌推過去,條友摩打一樣,聲都唔聲係咁游咗去,李麗微無佢符?唉!怕咗你立即轉線游中間.

在游其間見個細路,企響池邊好耐,傍邊教練教緊兩個細路,一個在游,一個在企,企的叫極都不敢跳下水,硬係得個作勢不敢跳,教練話唔跳不如唔好游,拖個細路走,但條細路又唔肯走,個教練好有耐性,又唔推佢落去,係咁僵持好耐,到我游完300m再游200m湊夠1000m起錨走人,佢依然還是企響池邊,大大話話僵持咗成粒鐘,還是不敢下水,真佩服個教練咁好耐性?

更衣室沖完個靚涼剛好3點鐘,老婆放工來電,又係大圍老婆食拮嘢,同員工呀王吹陣水便過大圍.

過到大圍拮嘢,老婆食緊個飯餐,中午食過麵的我還是唔食.

吃後齊齊買餸,買餸其間遇見華仔兩公婆買餸,又會咁早收工?原來華仔起貨多天,休咗幾日息,散工就係咁,無得接續就食穀種.

各有各繼續買餸,行轉街市買有花生兩包20蚊,方包9蚊,瘦肉15蚊,瞓覺泥鯭15蚊,佳寶青尼榴槤8.8蚊磅,老婆愛食又秤個59.1蚊

 返歸都5點15分,攰到痺恰陣,夜點煮飯.
今晚餐料有昨日榴槤殼,瘦肉15蚊,泥鯭15蚊.

 

果皮蒸泥鯭,19條咁多,啖啖肉,滿足既呢.

榴槤殼蜜棗煲瘦肉

係好正既呢.

 兩個人食,今餐不計果皮,蜜棗,榴槤殼,盛惠30蚊.

 

飯後果又榴槤.

 喱個超正,核細成熟情程度啱啱好,兩公婆夠晒喉,榴槤後還是割殼削核留煲湯.