2025/12/09(二)睡可/神差,新抱工,個仔假,粉嶺表姐聚,失而復得樂悠咭,晚薩莉亞,麥雪糕.

多夢口乾

昨晚10點半鐘以經瞓,夜所3劑今晨6點半醒,多夢口乾,去所時要飲兩次水,賴床8點鐘瞓返,9點鐘醒起床.

早餐

起來精神差咗,如常搞早餐,1010早餐,餐後急急辦事,又OK啵?

午yt瞌

餐後走去攤床yt吓,一睇差不成點鐘,約咗表姐一班人聚舊,兩點鐘粉嶺海王漁港聚.

海王漁港

1345到粉嶺火車站,1359轉程巴士,聯和壚下車,去到綠悠軒海王漁港1410,全部友8人已經到齊.

滔滔不絕

自從2024年10月31日聚過後,至今已經一年有多,太耐無見,話題多多,不竟70之交,傾輪食輪,1525來個合照,可能我哋人多聲大,講的是N年歷史感情事,可能我哋7老8拾,感染到鄰枱位女仕,走來幫忙拍張合照,之後傾到1547才散band,埋單393元,我們三對AA請表姐,每對130元,今日一聚,要下次又要等過年.

表姐夫
離開酒樓1621,表姐倆就住樓上,我們三對各自巴士走,表姐夫變咗,不竟88歲,堅持要送我們巴士站,叫極不用,係都要?

遺失樂悠咭

1641有車,10分鐘便到粉嶺站,1655上到火車閘口,以為嘟八達通樂悠咭?誰知摷極都唔見有?大鑊? 肯定跌咗嚮巴士,於是至電過八達通熱線?諗吓巴士遺失?梗係揾巴士.

於是返回地下,揾巴士站長室.

揾巴士站長

一路跑過去綠巴嗰邊,唉!揾極都唔見有?於是乎問聲小巴大佬?大佬話喱度無巴士站長架步喎?問我邊度遺失?我話278K囉,佢話應該去聯和墟總站問喎?

九巴遺失熱線

於是乎回278K等車,其間我又打去巴士遺失熱線問?又幾好喎?好快有人接聽,還未講齊資料278K車到站,於是上車問問司機,司機話有執到,在站長室喎.

有希望

嘩,心諗有九成係我的?於是同九巴熱線小姐講,若果揾返,用不用覆你,佢話不用會有紀錄喎.

失而復得

好快到站,戰戰驚驚行去站長室,核實過資料,填張表薟個名,1730搞掂,失而復得好開心.

回程

跟住搭回278K返粉嶺站,1757到火車站,返回沙田站1833.

B放補習

回家1842,個仔在家,我都嗱淋沖涼,涼後等個B放補習,等到1948個B補習完走得,佢老豆先行落去接B,我同老婆稍後商場會合,2000上二樓食薩莉亞.

晚薩莉亞

2002到薩莉亞,佢哋話事,叫4咗7樣嘢,吃過坐夠,2050個仔找數1950蚊.

麥雪糕

吃後2055意猶未盡,麥當勞食雪糕,兩大兩細,合共45蚊,嫲嫲比錢.

2122離開麥當勞,回家2130,我都擦牙上床準備瞓.

2025/05/28(三)睡可/好啲,富豪新光中土聚,有史以來,累得我C,晚飯5人食.

昨晚11點半鐘瞓,夜所三劑,今早7點半鐘醒,賴床8點半起床.

起來如常搞早餐,新抱忙返工,0921早餐.

餐後辦埋件事就攤床yt陣,老婆就去買餸.

1135起來,單車過富豪花園,新光酒樓中土聚.

約咗12點鐘,單車去到天橋𨋢以經1206.

上到酒樓1210呀何,同雙成到咗,老馬稍遲咗到,陳成急不及待落單開餐,威哥最遲到.

6條友無所不談,傾得好投契,一傾又兩點半鐘,1433又係威哥找數.

雙成呀何不同路電梯向下走,我同馬就天橋走,威哥去所出來,我就講聲多謝威哥才拜拜.

同馬離開行出天橋,見地下呀何還在等巴士,於是叫住佢,意猶未盡再吹下水,好衰唔衰遇著寶成還未走,寶成極度長氣,講埋啲唔啦更嘢,於是借題撇甩佢.

我三條友行前王屋公園仔坐,又參觀又坐吹水到1717才走.

拜拜後回家1745,攰到我呀媽唔認得,有史以來未試過咁攰?個仔正篤B做功課,我就嗱淋沖涼攤床唞吓.

2023老婆開飯,嫲B我開飯,個仔同新抱留飯餸.

2025/02/22(六)睡可,親子旅行,痾水,利東之行,肥佳,夜煮麵食.

昨晚早早上床瞓,瞓咗一陣,11點幾鐘醒咗,就瞓不返,去到成兩點幾鐘才瞓返.

6點半鐘醒,賴床到0828三口子嫲嫲學校親子旅行,錦田鄉村俱樂部,一天遊出發,而我才起床,起來正想梳洗搞早餐,誰知大事有料到?嗱淋走去一痾,又係水一樣的爆出.

搞掂後出來繼續搞早餐,0950早餐.

餐後思考咗輪?出唔出去行吓呢?1055都係至電過N年老友肥佳.

肥佳70年太古船塢同事,講吓相識都55年?有聯絡都係剩番佢?至電說得閒喎?咁就過來同你聚吓.

1120出門,大圍站轉東鐵,金鐘站轉南港島錢,1202到利東站.

到站至電過肥佳,記得N年前曾經上過佢屋,那年2002年日本南韓合辦世界杯,嗰屆無時差,佢家裝有有線電視,講吓又23年前既事.

來到完全陌生,行咗陣等咗陣,見未到,於是走入二期麥當勞度坐等.

1223肥佳到,坐下傾咗陣,個清潔執枱女人走來,好細聲講入來要買嘢食,無鬼睬佢,佢老味吖?久久又係咁講?谷Q氣我話,乜嘢事呀?肥佳就聾既,裝有耳聾機,但就聽唔到?

唉!勢估唔到,麥記都咁做生意?費事同佢爭執.

1311同肥佳過對面一粥麵,去到肥佳係都爭住佢請?唉!是但啦,肥佳食個兩餸飯,飲奶茶39蚊,我就豬肚雞柳粥义燒腸餐46蚊,到餐到,原來係機械人送餐.

吃過聊夠1437離開,一場來到都要周圍望吓,佢同我對腳都係唔掂?於是同佢行吓商場算.

佢話二期無嘢好行喎?咁就同佢行一期,電梯一路行上到頂,係咁易行行,又幾旺吓?人流都算多.

大家對腳都唔掂,都係拜拜.

1452離開落地鐵,有點衝動,想搭一個站,走去黃竹坑行吓?不竟黃竹坑都做過好幾年事?

警察學校,香港仔南區一帶,一直去到赤柱,另邊到摩星嶺,做政府啲物業維修.

1973年7月20日上工,李小龍C當日?一直到1975年1月8日,都兩年既事.

又1995年9月7日至1997年12月7日興建新加坡國際學校又兩年多.

一條友都係唔行,地鐵一路返歸,又好啵?有人讓坐,返到車公廟站1536.

回家1545,以經累得我要C,瞌咗好一回才沖涼.

成7點幾鐘三口子嫲嫲返,話剛才圍方食咗嘢還飽喎?

成8點鐘新抱話煮麵食,諗吓不如我煮先.

2035我都食麵,麵後嗱淋辦我睡前一切,上床埋頭寫blog備瞓.

2024/12/08(日)晨醒/神可,個B賴嘢,走轉馬場投注為個袋,合唱團接B食大家樂,晚飯5人食.

昨晚11點鐘瞓,0444夢醒,去個所又瞓不返?收音捱歌仔捱,0610為有上網,上不到一陣無電?乾賴床,9點鐘起來.

起來新抱在忙返工,衰豬蒲頭問佢早餐乜?麵包唔吼喎?要食煎班戟喎?仲要自己整自己煎?有見及此為有順佢意,事前再三叮囑,少心火同隻鑊好熱架?結果途中爭住郁手做,輕輕一觸,哈!大鑊,喊到七彩,嫲嫲同佢又揸油又敷冰,都止不了她的淒厲喊聲?後來一塊膠布搞掂.

搞到我1038才早餐,1126老婆買送返72蚊喎?

0946衰豬都無心機開餐.

餐後1200量埋個血壓,係時候我今日任務,就係入馬場,投注有袋送.

1236車場單車起步,1303到馬場,手持4張免費票,行到閘口,成功送走兩張票過別人進場,然後斯斯然自己進場,進場後國際賽Cap帽一頂.

膝痛我都唔敢多行,就第一行上幾行坐,坐落穩陣啲嗱淋做我第二任務,就係上網投注,唉!個馬會wifi好唔掂?撈極都唔掂得?

其間1339華仔到,佢話要走4轉喎?細妹老母還有不知那個?都有個袋,全部佢進場,要走4轉進場喎?進場要兜個大圈,我就行多都C.

兩條友吹水其間,佢老母吖?突然後便勁大乞嗤聲,簡直雷響一樣,嚇到我個心離一離?跟住過咗一陣又嚟多過?如是這幾次?谷Q氣起身狂走位,跟住媽义佢,你係咪有病呀,咁Q大聲,有冇揞咀擰歪面架?對罵咗輪?

條扑街走咗,個網稍為掂,咪講笑嗱淋投注10蚊先,第五口孖寶大熱門搭隻冷嘢,搞掂任務完可走行得,好可惜我膝唔掂,昨日還要棟拐杖,為有等進場個閘開放人走.

華仔有朋友在終點嗰邊喎?我話你嘛過嗰邊囉,我閘一開我就走喇.

第六場跑後華仔就去會朋友,我就踱多10蚊,第8口孖寶,一直坐到跑完第六場,1530才開閘放人,我就趌跛跛的離場.

離場差點找不到自己部單車?1539就單車回程,途中至電個老婆,老婆話孫女合唱團放1615喎,咁就啱啱好.

1600來到瀝源橋,去個所就石躉坐等個B,1621個B離遠見到我,就飛奔過來,高興到攬到實一實.

之後單車載佢一程,年紀老邁,難度高啲都咪制,載吓推吓,返回單車場1648,肚餓要食啲嘢喎?

就大家樂茶唔茶晚唔晚?就要個西多雞翼餐加兩杯飲,合共45蚊,吃過坐夠返歸.

回家1745個仔已回來,又佢至愛模型,回來我都早點沖涼.

涼後我都埋頭寫我blog,2013叫開飯,個B嫲嫲我三人食.

個仔沖涼新抱夜返留飯餸.

2110新抱返.

8月24日(六)睡可/神差,個女留宿,無聊隆亨揾華吹水,茶大快活,晚個女老婆我薩莉亞.

2024/08/24   星期六   晴   31C

昨晚11點幾鐘瞓,夜所一劑,今晨0639醒,半賴床8點鐘醒,手機賴9點鐘起床.

如常搞早餐,拍老婆起床,個女入房瞓,1006早餐,期間新抱B蒲頭.

餐後辦事好唔掂?事後新抱督B做功課,個女就攤咗張床,老婆就在所餘無幾個廳睇電視,事後坐兩坐,都係出街?

落到單車場1148,至電過華仔,睇吓佢做緊乜?原來又整單車?不如過來揾佢吹吓水.

1153單車出發,上到去隆亨賞心樓1208,就幼稚園出便花棚坐,無催過華仔,坐咗輪1245華仔才到,吹輪水落大快活下午茶.

兩條友大快活坐咗輪才叫餐,長者依然8.5折,華仔請我食個折實28.5餐,

吃過吹夠水,離開又行吓隆亨個街市,街市好大,都算幾旺吓,行咗輪1622各自離開,返回單車場1635.

回家1640.老婆個女在家,我就累得要C,攤床瞌吓.

成6點鐘老婆來叫落街食,唉!好唔願就是但啦.

落到商場,佢哋選擇食薩莉亞,無戴假牙我,都係求其食些少,能食的食些算.

餐後個女找數,之後行陣惠康,無買嘢返歸.

回家三口子在家,我都早點沖涼,涼後話之你,做我睡前一切,上床寫blog瞓覺.

8月14日(三)失眠/神差,個女留宿,個仔假,攤床平板,大圍偉成聚,晚三人食.

2024/08/14   星期三   晴   30C

昨晚11點零瞓,一覺4點鐘醒去所,回來就瞓不返,收音機下C捱,終於6點零瞓返,到8點鐘醒,手機無電平板賴,9點鐘起床.

如常烚水搞早餐,老蒲頭個女入房瞓,0959我都早餐,1018老婆又話過沙角買魚.

餐後辦埋件事睇電視,睇陣電視新抱B個女陸續蒲頭,1125老婆返買有菜肉魚共101蚊喎,難得個女蒲頭,我都入房攤床平板瞌吓.

結果一覺都瞌不到,youtube就睇到1點鐘起來,偉成友聚,睇埋新聞,1點半鐘就單車過大圍明星酒家.

1348上到酒樓,蕭同何攞咗飛在等,等咗陣就開始下午茶,跟住老馬呀輝到.

48年偉成友吹水,旅行,健康,舊友乜Q都傾大輪.

1550又呀輝埋單,我話AA啦,呀輝話下次先,我們堅持AA,結果每位60元,

無散紙我,後來出柜枱唱散畀過何基.

1558離開明星,蕭住美林唔同路走先,我就4人行到大圍火車站,就各自走人.單車返回車場1617.

回家1625,老婆同個女去咗百份百下午茶,回來我就處理剛偉成聚啲相.

1730老婆同個女返,買有菜28.5蚊,惠康雞蛋兩排50蚊,零食兩包56蚊,桃茶飲品13.5蚊.

1900老婆煮妥開餐,無煮飯肥牛粉絲煲,蝦球炒西芹,三個人食,我就食蕃薯,1935飲半劑中補藥.

2110三口子返,我都上床備瞓.

8月13日(二)睡可/神差,個女留宿,踩轉隆亨華修單車,茶大快活,夜三口子街,老婆大家樂.

2024/08/13   星期二   晴   32C

昨晚成12點鐘瞓,夜所兩0530醒,就瞓不返,手機賴床,9點鐘老婆起床我起床.

起來如常烚水搞早餐,1000早餐.

餐後華仔來電吹水,話佢娘個星盆搞掂喎?問係咪修單車喎?係呀,係就兩點鐘踩去隆亨喎.

收線後全屋人陸續蒲頭,而個女亦起床,佢起床就我來攤陣,youtube下竟然比我瞌到寶貴一覺.

1點半鐘起來,無後轆制單車,1343好小心踩去隆亨,去到平時華仔修車地方1400.

等咗陣1415華仔到,有架生連櫈都有埋,1429就幫我修改,換妥尾制條威也,又好彩一換就妥,跟住搞佢自己部單車.

搞掂就去下午茶,1517來到隆亨大快活,長者8.5折,兩人兩餐62.9蚊,就我請.

吃過吹夠水,1619離開,行陣商場,藥房廁紙超平,同一牌子惠康最平50蚊兩條,佢22蚊條,下次都係房藥房買.

離開廿四孝華仔,幫佢90多歲娘親買六合彩喎?咁就陪華仔走轉.

過到大圍賽馬會1646,自從網上投注,NN年無入過街外投注,啲投注機都唔知換過多小次,華仔買妥離開,齊齊踩出大圍各自返歸.

回家坐陣諗住沖涼,老婆話要落街食飯?話唔煮喎?之後同老婆落大家樂,行到凍肉檔,老婆無晴晴28蚊訂咗盒魚皮,驚回程凍肉檔收喎?拿住去大家樂,老婆介澱粉質,例鋸扒71蚊牛扒,我還飽無食,吃過坐夠返歸.

回家睇輪電視個女返,2235三口子亦返,我都入房拉床瞓.

7月23日(二)睡可/早醒,個女留宿,新抱開工,逃避燥音跟華睇工程,茶麥當勞,晚飯6人食.

 2024/07/23   星期二   晴   32C

昨晚早早上床,10點零才瞓,夜所兩就0455醒就瞓不返,手機無電义電,白賴床到0640急事到,個仔返工出門後,我才來辦事,原來係肚潟.

事後老婆蒲頭,見個女還未入房瞓,谷鬼氣換衫落大家樂早餐,老婆烚吓烚吓諗住齊齊落大家樂,後來才醒起新抱返工,個B還在房瞓,唉!咁就唔去.

於是乎搞早餐,在搞冇耐他媽的?電砲又𠾐𠾐響,疲勞轟炸命到冇,0950早餐.

餐後電視尚食,簡直嘈到有畫無聲?一睇無聲大結局,睇完套尚食,都唔知佢講乜?

1130砲聲稍停,大概收工食中午掛?心情稍為平靜些.

1228同華仔吹水,佢話等陣同陳和記入西貢睇工程,問我去唔去?我又想去又唔想去?收線後電砲又𠾐𠾐響,唉!都係出去行吓.

當正私樓裝修

1228出門,落到大堂以經有住客投訴,嘈到人都癲,座頭呀姐講,唔係房署裝修,係12樓私人裝修喎?唉!唔係房署裝,私人裝打地台,又會打得咁切底?

離開1256顯徑站會華仔,就齊齊到鑽石山站,再行去巴士總站,陳和記荣哥到咗,就齊齊91入清水灣,途中荣哥問到無見幾耐?於是手機一摷?上次見面2016/03/14,八年有多啦.

到站行到去1358,門口等開門等咗成20分鐘,才有工人來開門,開門要行條超斜路,才到門口大閘前.

原來冧樹撞歪咗度大鉄閘,大閘4米半高,望咗陣烈日當空,唉!你哋研究到夠,我都樹蔭下坐等.

睇完工程搭程巴士返鑽石山站,荣哥38號巴士返葵涌,我同華仔行陣荷李活廣場.

廣場見有大形充氣遊戲設施,

睇陣就揾地方坐,就麥當勞坐,非常旺場,座無虛設,難得找到兩個位,華仔買餐買咗兩魚柳包兩杯奶茶.

坐下無所不談,講輪家事,吐輪苦水,唉!家家有本難念的經,1658離開.

離開齊地鐵返歸,華仔臨走整盒口罩過我,話荣哥新抱做護士比喎?兩盒太多比盒我喎?

返回樓下見有坭頭車,載滿坭頭,於是問句係咪12樓架?係喎,又問佢打晒未呀,話打完喎,咁就好囉,不用再為噪音出走,見有把吱膠槍好新淨,唔要喎,咁就比過我拿走.

回家1737個仔已回來,個B個女老婆在,我都嗱淋沖涼,涼後7點鐘老婆叫我整條烏頭,好,跟手粗鹽醃落條烏頭,新抱放工返到

8點多鐘老婆煮好開飯,6個人食,有瘦肉滾紅莧菜,外賣沙薑雞同鹽焗烏頭.

我還是裝開食,飯後2122飲半劑中補藥.

7月17日(三)精神極差,早餐大家樂,富豪中土聚,王屋,責任市民,惠康,新抱B迪士尼,晚老婆煮三人食.

2024/07/17   星期三   晴   30C

昨晚10點鐘以經瞓,2點多鐘所就瞓不返,還好收音機塞耳下瞓返,瞓至6點鐘醒就瞓不返,手機賴0840起床.

洗個面老婆經已蒲頭,個女已入房瞓,老婆講句落街早餐喎?唉!講到?是但啦,說完就即時去辦事,辦完事0926量血壓,然後同老婆出門早餐.

一出門口,整個人暈一樣,昏得好嚴重,要打醒12分精來行,0945來到大家樂,似乎冷氣改善,比前好得多,老婆39餐我就32餐.

吃過道理吹夠1050離開,街市買7蚊生菜返歸.

回家1057嗱淋手機义電,睇埋集尚食1130係時候出門.

中土聚,舊同事吹雞富豪花園新光酒家1200聚,1135單車前去.

去到酒樓1200,剛好威哥到,跟住陳成然後隻馬到,上次聚又係這裡,原來威哥這裡附近有地盤,怪不又係這裡.

上次一聚2023/04/27就大大鑊,離開單車出事,車翻人墮,皮開肉破大出血.

吃過吹輪水1335又係威哥找數,找數期間遇著,拾多年無見鬍鬚健,無見咁耐差點唔認得?以前打工𠲖家係老闆,嘻哈一輪就各自離開.

今日精神真係好差?若不是聚會我肯定整日在家,離開富豪花園,人有三急,好彩隔鄰就係王屋公園,搞掂幾大坐吓?頭昏到暈咁滯,踩單車特別小心,上次大大鑊,今次特別小心?

離開王屋繼續回程,1453返回單車場.

盡責好市民

離遠見到兩母女係咁揼單車鎖?於是鎖好單車埋去望吓?原來母女又鎚又士巴拿?輪流係咁鎚條鐵鍊?見佢揼到條鍊薄晒都唔斷?於是點條橋過佢,叫佢枕嚮鐵板角度鎚,一鎚就斷咗,斷咗係咁多謝我.

我就同佢講,單車生晒銹,要機油才郁得番,佢話唔要架喇?我話唔要嘛放回嚮度囉,佢話要搬去垃圾站掉喎?嘩!顎咗然?我立即豎隻手指公過佢?咁有責任?一等一好市民,唔拆走唔舒服,好嘢.

讚完佢半條人命我都走,回頭望吓佢,兩母女不停轉手?而且搬去較遠個垃圾站,於是叫住佢去近嗰個,唉!若不是我半條人命,肯定幫佢一把.

週身唔舒服走入街市坐等老婆,1505老婆抽住袋膠樽到,老婆愛入樽.

入妥後28級無力撐要乘𨋢上惠康,惠康買115蛋同廁紙,跟住街市買42蚊菜返歸.

回家1553,嗱淋沖涼,涼後埋頭寫我今日blog,

個仔返,今日新抱B去咗迪士尼,今晚不回來吃,老婆焗住要埋煮個仔飯.

1948老婆煮妥開飯,個仔我三個人食.

2300新抱B迪士尼返,新抱講話個B坐過山車驚到喊,腳震晒喎.

6月14日(五)失眠多夢神極差,新抱開工,整日烏眉瞌睡,姑媽到,茶大家樂,晚首度開冷氣,老婆煮6個人食,.

2024/06/14   星期五   紅雨   31C

昨晚睡前煲劇,11點鐘瞓,唉!無晴晴失眠?係就係熱咗啲?轉轉反則,歌仔捱完30又30分鐘,相信成兩點幾鐘才瞓著,0526已經醒,睡來多夢,瞓就係咁多,手機賴床,wts傳來條youtube片.

7年漸凍人,睇後想起位同事,同佢遭遇不相百仲,片中人7年,我位同事成10年,2014年4月至今,得番個頭,其他只得對震過貓王對手,拿著隻羮,勉強震吓震吓送入口,而佢個仔都瓜埋,佢現在還在上水李莊月明護飬院.

睇完條片0845老婆起床我起床,起來如常烚水搞早餐,0953早餐.

餐後辦事務,外便倒水一樣,傾盆大雨,辦事又出奇哋順暢?舒暢後睇電視.

一睇又1150,新抱開工老婆代接B放學,又好彩無乜雨落,失眠我又去床瞌吓,瞌前至電過華仔吹水,一吹成粒鐘,結果完全無瞌過,老婆接B以返咗來,嫲嫲蒸有燒賣同炒蛋過B食.

坐陣又走去瞌過,始終瞌唔著,為有又youtube睇吓追吓劇,1417姑媽到,我都起來,成3點鐘齊齊下午茶.

大家樂4個餐128蚊,吃過坐夠街市買餸,買咗88蚊返歸.

回家1623個仔剛好返,我都早點沖涼,

涼後返床攤過,終於比我瞌咗陣.

1840出廳睇新聞,1905新抱返,我又返床攤過兼煲劇.

2026老婆來叫開飯,又叫開冷氣,6個人食,我還是裝開食.