2024/10/17(四)睡好/夢多,新抱假,行轉文化博物館,踭痛香薰油,晚飯兩老大家樂.

昨晚馬跑完11點鐘,以經瞓著,一瞓0438醒所,捱咗陣再瞓,就6點多鐘醒,收音機下賴床8點起床.

起來新抱今日放假,送完B已回來,我如常烚水搞早餐,0919早餐.

餐後睇輪電視,11點半鐘又走去攤床yt瞌吓.一瞌一睇又1300,起來睇電視.

1445同老婆落街行吓,行兩行老婆叫去文化博物館喎?都好耐無入過去,番查一吓上次來過已經六年前.

場館無乜點變到?好幾間館依舊?金庸館,李小龍館,係多咗間滄海一聲笑館,緬懷吓黃霑,黃霑咁就20年lu.

行吓坐吓行到三樓展館,正坐下休息,聽見廣播1630有電影睇喎?於是乎又走去睇吓.

去到開咗場冇耐,觀眾大約有廿人?原來套片係許冠傑,講佢自己成功發蹟史,由細路講到退休,由退休講到佢復出,條片半粒鐘.

睇完散場1705,離開文化博物館,老婆話去大家樂晚飯,我話唔得呀,我棚牙還嚮企,咁就分道揚鑣,我回家戴番副牙,老婆去大家樂先.

回家三口子在家,個B瞓咗,新抱處理緊佢今早啲郵件,我搞掂棚假牙就出門會老婆.

大家樂無乜客,好冷清,我就48蚊臘腸排骨煲仔飯餐,老婆60蚊鋸扒餐,老婆唔吃飯又比埋我,一煲一碗飯,食得我好飽?

自以為是

吃飽後呀姐來執餐具,問我還要嗎?講笑我,笑著說你話還要嗎?意思是食到咁乾淨?邊過會要吖?呀姐就話,有些客尊登要唔執,留低做樣?怕人家以為佢無食嘢齋坐喎?所以一定問問?無衰喎.

呀姐講得好啱,唔係個個好似我咁諗,亁乾淨淨坐得舒服,以後都唔好講喱啲笑.

離開街市收市,買20蚊5個普通麵包返歸當早餐.

回家1920,三口子出咗街晚飯未返,我都嗱淋沖涼.

涼後又搽啲香薰油,右手踭無晴晴痛咗幾日,昨日以經想食消藥?後來見搽咗幾滴香薰油,今日好得多?食藥都係免得就免.

涼後做妥我睡前一切,才坐廳睇電視.

2105三口子返,我就睇埋集企業強人,我都入房攤床手機,寫blog備瞓.

7月17日(三)精神極差,早餐大家樂,富豪中土聚,王屋,責任市民,惠康,新抱B迪士尼,晚老婆煮三人食.

2024/07/17   星期三   晴   30C

昨晚10點鐘以經瞓,2點多鐘所就瞓不返,還好收音機塞耳下瞓返,瞓至6點鐘醒就瞓不返,手機賴0840起床.

洗個面老婆經已蒲頭,個女已入房瞓,老婆講句落街早餐喎?唉!講到?是但啦,說完就即時去辦事,辦完事0926量血壓,然後同老婆出門早餐.

一出門口,整個人暈一樣,昏得好嚴重,要打醒12分精來行,0945來到大家樂,似乎冷氣改善,比前好得多,老婆39餐我就32餐.

吃過道理吹夠1050離開,街市買7蚊生菜返歸.

回家1057嗱淋手機义電,睇埋集尚食1130係時候出門.

中土聚,舊同事吹雞富豪花園新光酒家1200聚,1135單車前去.

去到酒樓1200,剛好威哥到,跟住陳成然後隻馬到,上次聚又係這裡,原來威哥這裡附近有地盤,怪不又係這裡.

上次一聚2023/04/27就大大鑊,離開單車出事,車翻人墮,皮開肉破大出血.

吃過吹輪水1335又係威哥找數,找數期間遇著,拾多年無見鬍鬚健,無見咁耐差點唔認得?以前打工𠲖家係老闆,嘻哈一輪就各自離開.

今日精神真係好差?若不是聚會我肯定整日在家,離開富豪花園,人有三急,好彩隔鄰就係王屋公園,搞掂幾大坐吓?頭昏到暈咁滯,踩單車特別小心,上次大大鑊,今次特別小心?

離開王屋繼續回程,1453返回單車場.

盡責好市民

離遠見到兩母女係咁揼單車鎖?於是鎖好單車埋去望吓?原來母女又鎚又士巴拿?輪流係咁鎚條鐵鍊?見佢揼到條鍊薄晒都唔斷?於是點條橋過佢,叫佢枕嚮鐵板角度鎚,一鎚就斷咗,斷咗係咁多謝我.

我就同佢講,單車生晒銹,要機油才郁得番,佢話唔要架喇?我話唔要嘛放回嚮度囉,佢話要搬去垃圾站掉喎?嘩!顎咗然?我立即豎隻手指公過佢?咁有責任?一等一好市民,唔拆走唔舒服,好嘢.

讚完佢半條人命我都走,回頭望吓佢,兩母女不停轉手?而且搬去較遠個垃圾站,於是叫住佢去近嗰個,唉!若不是我半條人命,肯定幫佢一把.

週身唔舒服走入街市坐等老婆,1505老婆抽住袋膠樽到,老婆愛入樽.

入妥後28級無力撐要乘𨋢上惠康,惠康買115蛋同廁紙,跟住街市買42蚊菜返歸.

回家1553,嗱淋沖涼,涼後埋頭寫我今日blog,

個仔返,今日新抱B去咗迪士尼,今晚不回來吃,老婆焗住要埋煮個仔飯.

1948老婆煮妥開飯,個仔我三個人食.

2300新抱B迪士尼返,新抱講話個B坐過山車驚到喊,腳震晒喎.

7月9日(二)早醒/麻麻,個女留宿,熱到怕落街,遇著無能人,茶飯百份百,

 2024/07/09   星期二   晴   32C

昨晚12點前瞓,一覺0530醒來去所,發覺冷氣原來還未關?怪不得還係咁涼?好想關咗佢,諗吓以經5點半鐘,都係等個仔搞,0617個仔返工.

所後又瞓不返,收音機下賴住瞓,賴到9點鐘起床.

如常拍老婆叫個女入房瞓,跟住烚水搞早餐,老婆如常收洗晾,餐前1019量血壓,老婆又話量喎136/69-58,我就133/64-54,1025早餐.

1045新抱B蒲頭梳洗搞早餐,我嗱淋食埋早餐睇電視,睇埋集尚食又1130,辦埋件事無所事事,1158老婆開餐.

1點多鐘實在太熱,一於出街行吓,老婆又跟住來,就街市休息廳坐,坐陣走去最好風邨邊坐.

坐輪兩點幾鐘,走去大家樂昅吓?睇吓有乜食?同感受吓啲冷氣?會否好些.

唔死無用

行到大家樂玻璃門口,見有條友抽住袋外賣出,於是乎我倆門口等佢出,都知有隻門長期都係lock咗,

條友烚吓烚吓?兩隻門推又唔得,拉又唔得,推拉好幾次,搞到好唔內煩?結果最後條友猛力一推,成隻門推到盡踫一聲撞落幅墻度,成隻門震晒,差在未爆破?跟住關人义事走人,我即時反應手一樣,有無搞錯?唔順手關門?毫無道德?條友一路走發脾氣閙我.

心諗?乜都係你自己做出來?怪就怪你自己無能.

所以話唔好做好心,唔衰得,衰咗就怪別人,唔死無用.

行轉大家樂冷氣好咗,嘢就無樣好食,都係過隔鄰麥記坐好過,1456整杯糕9蚊,孖老婆倆份食.

吃過坐夠4點鐘上惠康.大鑊18級梯撐佢唔掂,行轉昅吓啲價錢?準備明天掃貨.

下午茶晚飯

昅後百份百下午茶,坐下點了餐,個仔放工殺到,咁就齊齊下午茶.

餐後個女電話到,要買外賣喎?買後個仔找數183蚊離開,我倆等埋外賣到才返歸,離開個女又話要買菠蘿包,又15蚊買三個返歸.

回家1718,個女食外賣,我就早點沖涼,冇耐三口子返,買有雪條食,吃後三口子忙沖涼忙煮食,我又差點忘記我半劑中補藥.

2040開冷氣,三口子開飯,我就做妥我睡前一切,上床寫blog備瞓.

生涯(9)感情1966~1970

1970年3月6日裝嵌雲石生捱結束,而我一段感情亦告結束.

1966年尾失業後一班年青人,聚埋玩得好開心,而Connie住銅鑼灣總統戲院附近,距離我家好近,好多時上來,久而久之我倆就生情,愛打麻雀她,自己家街坊C奶打,我家打,我家後座街坊打,無心機讀書,時時同我出雙入對,飲早茶,暴動睇炸彈,睇足球,睇電影,沙灘游水,遠至龜背灣,宵夜雲吞麵,無辣不歡,勁多辣椒油,而我食辣都因佢而起,夜晚拍拖夜麻麻行樂活道,行上大坑道,司徒拔道而下,當年新聞經常發生劏死牛,若無錢要刀自插大髀,都無有識C?

又有次不知什麼節日,Connie帶我入元朗,探佢個親戚,村郊地方踩單車,載住佢踩窄窄田基路,載住佢兜來兜去,技術點好終歸會有跌下來,好彩無事,不過到夜離開,就大鑊無車,當年交通無車走係好普遍 .

有次同佢二人上獅子山,上到獅子山頂好大霧,視野好近都看不見,山頂所有人都不敢郁動,人人坐定定,靜待大霧散,突然有人大叫,誰人掹我腳毛呀?嗰環境突然一聲,永遠都記得?落山後獅子山還未通車,而工程就接近尾聲.

最難忘係的,每晚大多數都係佢送我回家,待我瞓著才離開.Connie脾氣都幾壞,好多時鬥氣多過溶合,不歡而散.

這段情維繫到1970,終於傷心欲絕而散,Connie父母早年移民美國紐約,兄妹二人要離開,飛紐約與家人團聚,送機那日在機場離別,從未試過乜叫做心酸?眼淚不特止,個心𢲡住𢲡住,一陣陣酸的?非常痛苦,這是我有史以來未試過?

747飛機離開啟德機場後,每日都寄信過佢,起初有回信,由寄信到用郵簡,郵簡平5毫子個,我都唔明白?又會有咁多嘢寫?寫到郵簡滿各落?後來終於無回音,家姐見我傷心,帶我去大東電報局,打長途電話,打通就50蚊頭三分鐘,若要專人接聽就75蚊三分鐘,記得當時好緊張,電話一通,我就叫Connie,後來對方問?不是佢本人,你聽唔聽喎?結果我都係放棄.

回家後家姐有朋友住紐約,住Connie附近,得知Connie情況,話佢老豆有意斷絕我們來往,經常帶她去玩,讓她散心忘記喎?之後用家姐朋友通過好幾封信後,就石沉大海,續後心灰意冷,將佢留吓物件相片全燒掉.

但腦海一直沒有忘記,不竟三年多感情,相信有日佢會回來,跟住幾年,有女仔主動,我都無意接受,一直保持心態,寧願人負我,我不負人.

睡來可以,京九完結篇,樓下下午茶,四十九日祭,晚飯4人食.

昨晚出埋長長篇blog,12點鐘便瞓,4點多去個所便瞓到今晨7點醒,瞓不返手機賴床,諗起回憶錄京九還有最尾篇,於是乎手機拼圖,一拼8點半鐘才起床.

起來搞搞曬晾便梳洗,番熱木耳漿先食,上網寫下今早事,又搞回憶錄,最後編京九,0950才來早餐,

餐後1010量血壓135/79-57,食過今早藥,辦埋理想大事,1040繼續我編京九,又載又寫1237,京九回憶篇終於完.
關機看陣電視,到1點半鐘老婆返,老婆實在太累,坐響梳化度矇豬咁眼,後來還是走去床瞓,3點鐘新抱蒲頭,聊兩句後說大鑊?話忘記要去對銀行換yen喎?老婆亦瞓醒,咁就你有你趕去對兌,我同老婆都出街下午茶.
下午茶都唔行遠,就商場食大家樂,老婆就鐵板麵餐28蚊,我就米粉餐23蚊,

餐後講起兩隻嘢,兌得yan梗係準備日本旅行啦?即時就諗起套劇,四十九日祭,套劇當年在亞視播無人睇,到我發現時,才在youtube睇,真係好好睇,唉!日本仔下真係好淒涼,今時今日啲後生仔女,吓吓都日本,你話我老土又好,仇恨也好,日本我係唔會去.

大家樂冷氣真係勁,坐兩坐同老婆都要走,今晚兩隻嘢食飯喎?咁就煲啖湯啦,就街市買兩粟米,兩條青蘿蔔16.4蚊返歸.
回家1644老婆嗱淋煲落個湯,我就挑起條根,重看這套四十九日祭,一看1945煮飯,
 
2025開飯有鹹豬手,西芹紅蘿蔔炒木耳,紅青蘿蔔粟米煲鹹豬手.
 
 4個人食,飯後果香蕉同鳯梨.
 

年初八,睡來唔錯,整朝上網,什麼人種,游水600m,食759乖妹妹,買餸三超一街市,晚飯三個人食.

昨晚如常12點前都瞓,2點鐘要所,6點多又要所,咁就瞓到今早9點多鐘,睡來唔錯,有點夢,起來陽光普照,處理一吓曬晾,洗面搞早餐,鮮奶麥皮,麵剩下塊，加幾件曲奇食,餐後10點22分量血壓138/78-55,上網寫下今早事.
網上睇輪新聞,好多時都望吓人家啲留言,真係乜人都有?有段新聞講重慶有個機動遊戲,14歲少女疑因安全帶斷掉，從半空飛脫墮地，砸在金屬護欄上身受重傷，送院證實不治。留言竟然有人咁講( 真幸福！👏咁快唔洗再做中國人！)
跟住當然好多人媽义佢啦,唉!究竟乜思想人?係隻貓係隻狗都可惜啦.
https://hk.news.yahoo.com/%E6%A9%9F%E5%8B%95%E9%81%8A%E6%88%B2%E6%96%B7%E5%AE%89%E5%85%A8%E5%B8%B6-%E9%87%8D%E6%85%B6%E5%B0%91%E5%A5%B3%E5%A2%AE%E6%96%83-221113667.html
胡亂上輪網又一個上午.
1點鐘執嘢去游水,單車過到泳池1點26分,更衣搞掂一切,上池熱身,泳池超人多,稍熱身1點44分下水,埋頭游佢600m,兩點16分起水走人.更衣室搞掂一切,至電過老婆,好運食759喎?同呀王聊兩句便過好運,交通違規風頭火勢,都係小心啲好.
過到好運759,稍等老婆才到,還是三餸麵兩位59.8元,

在吃其間,鄰枱來了個4人家庭,兩個小妹,大女嗲到不得了,挨身挨勢嗲個老豆,郁啲就喊苦喊怱,個老母問兩姊妹食乜,到麵來到,個妹碗有芝心丸,個家姐又話要,個媽咪話你都無點?佢話我都唔知有芝心丸?媽咪話咁就無辦法囉,個妹妹真係乖,讓粒過家姐食,所以話家教係要,性格都好重要?小妹妹好可愛.
吃過坐夠買餸,還是三超一街市,卜佳行個圈,跟住瀝源759,759得7,8,9折,行個圈還是空手走人,雞寶同樣,就行街市,漁民過年都心中有數,目的都係佢,三文魚骨腩,嗰然係有,6蚊包執3包18蚊,

 街市磅吓,差點點兩斤半重.

離開街市夠鐘返回卜佳,買落價衛星包12蚊走人.單車來當然單車走,老婆就坐程車返歸.
返歸才5點14分,買來有衛星包12蚊,三文魚骨腩3包18蚊,

除即處理今晚餐餸,個女返問?今晚食乜餸?個女唔食魚,三文魚骨腩為有收起,曬吓今晚餐餸料,你自己睇算?跟住又問早不早開飯,若太夜唔食喎?唉!煮係無問題?係食要大家要配合?

到處理好浸下料,個仔返,一句忘記說,今晚我倆唔食飯?唉?無偈為有抽起個豆腐唔煮,其他有紹菜,西蘭花個,蝦米,前日的雞汁,腐竹,粉絲,食剩啲雞絲,所謂鮑汁同食剩腸絲.

真難服事,谷鬼氣索性即時煮,7點12分開飯,話之你食唔食?
蝦米粉絲煮紹菜,
 
 雞絲會茜蘭花,
 
3個人食.

相當好瞓,整日在家上網,西單女孩,賭馬輸10蚊,下午茶大乜樂,晚飯4人食.

昨晚11點半鐘都瞓,夜所一劑就瞓到今早9點多啲鐘,無賴床便起來,腳無昨日咁痛,煲水洗面番熱木耳漿食,上陣網搞早餐食,餐後10點28分量血壓149/79-53又係高?辦埋個大事10點50分再量129/74-52吹漲?
日日如是上輪網看輪新聞,無所事事下,又摷吓有乜歌仔好聽?無晴晴摷到個9歲韓國仔唱風中奇緣,又幾好聽.
http://www.youmaker.com/video/svb5-a8c84ee16f75409091bff23818646eb7110.html.%E9%9F%93%E5%9C%8B9%E6%AD%B2%E7%94%B7%E5%AD%A9%E6%BC%94%E5%94%B1%E9%A2%A8%E4%B8%AD%E5%A5%87%E7%B7%A3%E4%B8%BB%E9%A1%8C%E6%9B%B2%E9%A2%A8%E9%9D%A1%E5%85%A8%E5%A0%B4.html
 於是乎摷吓隻歌仔,原唱者係乜水?一摷之下,摷咗另隻,叫(西單女孩)唱的風中奇緣,嘩!一聽好好聽,西單個名咁日本化?於是乎又摷吓佢係乜水,嘩!原來咁傳奇咁坎坷?一個好悲哀故事,看得我眼濕濕,好感動.
 走近西單女孩
 https://www.youtube.com/watch?v=UKsBIYASGUY
走近西單女孩(二)
https://www.youtube.com/watch?v=iuVlkIm2IUA
走近西單女孩(三)
 https://www.youtube.com/watch?v=aDcU8dDa-o8
任玥麗(風中奇緣)
https://www.youtube.com/watch?v=gJ51tbtErWw&list=RDgJ51tbtErWw
真係好好聽,一睇3點鐘,連馬仔開跑都無去睇,以經跑到第五場,又試買10蚊位置Q玩吓,結果我頂?又梗頸跑第二同第4,冷既跑出,大熱雷神第4吹漲.

636

13-03-2016 15:10

沙田 星期日

位置Ｑ

5 場    2 奮鬥雄心 + 11 可愛寶 $10

$10.00

老婆加班放3點半鐘,咁就樓下大乜樂下午茶,出門原來落雨,大乜樂老婆以經在等,同老婆每人食個下茶餐,老婆23我27蚊.

食緊其間,個仔放工到,佢又食個30蚊下午茶餐,無相睇,餐後老婆話唔夠皮,又整個炸雞髀餐三個人食.
 
 之後個仔返歸,我同老婆買餸,先行惠乜,買咗即食麵同芝士圈共31.8蚊,之後街市買有蕃茄6.5蚊,同個沙葛3.3蚊返歸,合共41.6元

回家4點05分,食沙葛,好爽口,但唔多甜啫.

 開工寫我今日blog,寫到不知時間,成8點鐘才去煮飯,料有蕃茄,蝦米,火腿,雞蛋5隻同鴛鴦腸同臘鴨髀.


 

 
 蒸臘味
 
蕃茄煮蛋
 
蝦米火腿蒸水蛋.
 
 4個人食1返留飯餸.
 

笑着也是活一天，不笑也是活一天.

星期六乜都無,一打開youtube,睇到佢,想唔哭都幾難. 笑着也是活一天，不笑也是活一天.

游水500m,麵包加價,榴槤今年第一次,驚訝萬分,晚飯三人食.

日日如是朝朝一樣,老婆瞓醒我亦醒,老婆返工,我烏烏吓,吃過早餐搞掂一切事務,上輪網就閉上眼睛聽電視,今日無十月圍城,對眼更閉多粒鐘,閉完步步驚情看午間新聞.

新聞後係時候過源禾路游水,大池依然在維修,還是行舞雷公遠嘅副池游,人又特別多,狀態又唔多好,周時碰碰撞,左閃右被認真唔暢快,狀態唔好飲咗兩口水,游吓唞吓,捱夠500m走人. 

離開泳池點3半鐘,過大圍行街市,無嘢啱買就行惠康,執份特價蕉6.4蚊,看見榴槤心郁郁,9.5蚊磅貴就貴啲,不過街市都要9蚊,老婆又愛食,咁就挑個細細過吓癮,一秤37.1蚊,貴既呢?是但啦,又無預備環保袋,為有塞落游水袋,離開惠康櫻桃買早餐方包,加價終於殺到,8蚊賣9蚊.

返回樓下街市買個椰菜3.5蚊返歸.
回家放下買來東西便上網,打開個卜一看嚇襯,成15個留言待審核?心諗何來會咁多留言?唔通真的殺到,仔細一看驚訝萬分,原來個個都係好blog友,有好多從未留過言,有啲雅虎時代,更有初學寫blog年代,句句都係關心話,一時間真係不懂自己心情,原來背後咁多人支持同鼓勵,在這裡充心感謝大家.

今晚餐料有幾日前食剩魚卵,椰菜食大半個3蚊,雞鎚兩隻6蚊,雞蛋3隻3蚊.

 

這是早幾日前買的魚卵,只不過10蚊雞.

 煎香食咗兩餐,由於高膽固醇,不敢多吃.

 

今晚餐料有食剩煎香魚卵,椰菜食3/4個3蚊,雞鎚肉6蚊,雞蛋3隻3蚊.

 雞鎚肉炒椰菜.

 魚卵蒸水蛋

 

食剩魚卵.

 三個人食.

 飯後榴槤,麻麻唔太甜.