2016年6月23日貴州高鐵四天.

2016/6/23  貴州高鐵四天.

 

貴州黃果樹大瀑布4天(3)下 黔靈山公園

2016年6月23 貴州黃果樹大瀑布4天(3)下 黔靈山公園

離開阿哈哈公園,15:40來到黔靈山公園,11年前來過,印像公園內好民間奇技事睇,

門口一段路相當熱閙,好多食市擺賣,

 有按摩,有擺賣,由於地陪行得快,個小矮人都時間去了解,便要離開,

大約10分鐘便來到公園入口

跟住地陪飛快腳步,

沿途的大筆水寫字,無偈無時間,拍張照就行,

大媽唱跳,處處聞,

來到這裡就分兩條線,一條跟地陪上弘福寺,一條就跟導遊去麒麟洞,原本好想行弘福寺,後來諗落太辛苦,都係跟導遊浩仔行麒麟洞.
分路後好快便來到蔣介石與張學良會面個碑地方喎,

就門口拍張照就行得,離開再上便是馬騮世界,

由於時間緊迫,沿途看見就拍,回程有時間再欣賞你.

急腳來到要看目的地,就係麒麟洞,

張學良寢室喎,

集合時間17:15分,麒麟洞離開以經16:40分,返回集合點相當路程.

又進入馬騮區域,同馬騮拍番張先,

 

啲馬騮好犀利,睇住隻馬騮行過來,我叫住老婆小心呀,誰知佢好快,一手搶咗老婆隔鄰個女人個膠袋,好迅速便拿走袋內樽果汁,個袋以經棄置在地下,迅間已返回原處,真係快手?

又見有個長髮女人踎響地,隻馬騮衝過去,頭髮都被佢扯了一吓,嚇得個女人呆晒.
又見有隻小狗比群馬騮係咁追,嚇的個女主人嗱淋拿起抱住,啲馬騮勢兇夾狼,哇哇聲,嚇C人,哈!又會咁,馬騮公園又會帶隻狗來?

繼續行到這裡,個人餵到熟晒,啲馬騮好滋由淡定地慢慢食.

喱個重經典,唉!C蠢,沿途拍馬騮以經同錯快門,現在更不懂拍Video,真係C蠢.

起初一隻馬騮,個女人續粒續粒的餵,隻馬騮不慌不忙,定過抬油的食,個女人餵咗陣,就話摸吓先,哈!隻馬騮又比佢摸吓,摸吓後又繼續餵,係咁餵咗好一陣,突然來多隻馬騮,來多隻又唔搶食啵?一點都唔急,到個女人餵到咁上下,就餵粒隔鄰隻,正當隻手遞到埋去時,哈!嗰隻衰嘢, 竟然一手觸住個女人隻手,拉埋自己個咀度,如是者好多次?奇怪?隔鄰隻又唔睬又唔理,由於時間緊迫,想睇耐啲都唔得,一定要走.

第7同第8,就睇見隻馬騮手,拉住個女人隻手,係咁好多次.

離開以經7:01分,15分街口集合,要急步的行.

老師教英文呀.

17:09分步出牌樓,

又經好熱閙擺賣,老婆買鹹煎餅同煎堆,哈,老婆以為兩檔同一老闆,各指一件,害得兩檔口角,鹹煎餅煎堆各一.人仔6蚊,唉!兩檔又何解會拍得咁貼?還是一檔成交走人.

返回集合點剛好17:15分,

17:26分旅遊巴到走得.

20多分車程來到我們晚飯地方,苗岭人家,門口民族美女唱歌歡迎.

菜色唔錯,叫苗家酸湯魚宴
 

吃後民族美女來敬酒,團友爭相拍照留念.

 

 我都在門口拍番張留念.

離開19:15分,以經日落黃昏.

20:03來到今晚入住酒店,盤江飯店,

5星即是5星,同先前間順安4星係唔同.

這晚由於有歐州杯直播,邊度都無去,晨早洗白白,擹響床睇直播.

 這天就此結束,下篇再續.

貴州黃果樹大瀑布4天(3)上 阿哈湖國家濕地公園.

2016年6月23 貴州黃果樹大瀑布4天(3)上~阿哈湖國家濕地公園.

晨早6點零以經醒,今日要轉酒店,老婆執妥一切行理,7點多便酒店地下食早餐,早餐多咗內地團,要坐到入一入.

早餐依然無嘢啱食,還是饅頭,雞蛋,腐乳白粥,老婆就炒瓜擦菜.

餐後回房攤唞陣,8:45分執齊行理,便地下大堂等出發,今早下雨,天氣涼得多,團友紛紛加添晒衣,我為打孖兩件T恤,叫做緊緊頂得住,地陪成日講住,貴州爽爽爽,現在才覺對對對,9點鐘齊人出發.

下雨關係,玻璃矇查查,

睇景就要祙開一遍,

時光時矇

10:50來雲峰服務區,團友鬆鬆.

 

鬆完又繼續行程.

12:05分進入市區,簡直奇景,一棟大廈竟然可以分成十幾廿間不同名酒店營業?犀利?
 
 又隧道,貴州不是橋便是隧道,地無三里平,不是無道理.

12:15來到貴陽的阿哈湖國家濕地公園.

成班團友門口係咁等,等乜呢?隔鄰停咗好幾部電坪車?何解又唔搭?搞乜鬼?

足知等成十幾分鐘,才來部老爺車,接走一部車團友,又要等第二部,成團34人,要分三四部才接晒,到第三部,等到隻嘢咁還未到?唉!原來酒家得兩部老爺車接客,第三部要等佢返轉頭來,才有得搭.

 公園好大,車程相當遠,要坐成十幾分鐘才到.

 

到等到最後一部車到,以經12點半鐘.

人齊在這間叫醉南山酒家食飯,

裝潢唔錯,大概搞婚禮為主卦?

飯餸幾好,似乎漸入佳景.

飯後又大鑊,兩部老爺車,一部無電,得番一部,整團人又要分三四次載出,

來到這個電坪車站,等搭電坪車.

等到13:45分最後部車到齊,

才三部電坪車齊齊出發.

公園好大,沿途好多遊人,

10多分鐘車程來到園內一景點,就係仿鼓樓同仿風雨橋.

鼓樓驚現孫悟空,正有個內地女遊客拍佢照,悟空就問佢要錢,拍個照要錢?當然唔比,好在個男友在,齊聲對罵,奉勸拍友,不可亂拍.
 

 
睇完馬騮精閙交,就齊齊走入風雨橋被吓.

風雨橋兩邊好靚.

由於電坪車前來時,見有好靚荷花田,於是返轉頭去睇吓.

經過稻田果然荷花田出現,

有段插曲,好好笑,話說我團有個團友,發覺有朵荷花好靚,但有個內地人正在拍攝緊,佢竟然叫人家讓她拍先,人家當然睬佢都儍,要埋去拍亦非輕易,路窄崎嶇 又泥濘,人家點會讓你吖?哈!結果個內地人拍完,花就折斷咗,哈?有心無意就不得而知?我相信係不小心折斷的,因為用手拉埋來貼面來拍,唔斷有鬼.
靚嘢時間特別少,嘩?乜夠鐘,嗱淋要走頭,上到來集合點,原來我倆最後.

電坪車返回到公園門口

襯團友辦些小事時,四周踱吓,哈!樹木都要另針.

又繼續行程,下個景點黔靈山公園

篇幅過長,又要留待下篇.