7月8日(一)睡/麻麻,個女留宿,個B告別幼稚園,個仔假,游水400m,疲累不堪,個女煮下午茶.

2024/07/08   星期一   晴   33C

昨晚出埋篇blog成12點半鐘瞓,夜所兩劑就今晨0630,手機賴床,0745實在太熱起床.

起來如常拍老婆叫女入房瞓,洗個面8點鐘,個B蒲頭,返佢幼稚園最後一日學,新抱搞早餐個B食,原來食蘋果?吃後0855母女出門返學,我才搞我早餐,0946早餐.

餐後辦埋事睇電視,睇完集尚食1130,新抱送完B買有早餐返,我才知道個仔放假,跟住新抱又去接B放學.

我就梳化度瞌陣,結果都係瞌唔著,1225新抱B返,我都起來執嘢去游水.

1257單車場出發,1309到泳池,更衣室搞掂一切,池面熱身,風和日麗好太陽.

1325跳水式下水,大鑊,左邊耳塞甩咗?於是游完佢100m,回頭再找.

到回來要上池面才看見在水底,於是跳下去執?但又忘記個泳鏡戴咗上頭頂,落水一沖甩埋,執番粒耳塞無咗個泳鏡?到返回池邊,哈!有位泳客拿來給我,認真唔話得.

游咗100m開始再游,實在太耐無游,自5月6日游過,至今兩個月無游過,100m的游,游夠400m1415起水走人.

更衣室搞掂1441,游時不覺累?游完才知道累.

回家1527,我以累到不堪,放下游水嘢都去床攤,一攤即著.

1636個女煮咗米線來叫食,老婆個女三個人食,吃後我攤床瞓過.

一瞓7點鐘,起來沖定半劑補藥,然後沖涼,1920三口子返,1926飲我半劑中補藥.

三口子返下來忙沖涼忙煮食,2005個女出門,約咗裝冷氣喎?2105開冷氣,三口子開飯,2235個女返.

12月31日(日)重失眠,尖寒尖凍,游水500,茶大家樂,晚同老婆食.

2023/12/31   星期日   晴   22C

昨晚依然早早上床備瞓,結果瞓到3點半鐘,宣告失眠,夜3劑,手機捱天光,9點鐘起來.

新抱已蒲頭,我就如常烚水搞早餐,個B蒲頭,老婆蒲頭0954我都早餐.

1050新抱B出門教會,跟住老婆又話過大圍買魚,餐後我辦埋件事,我都攤嚮梳化瞌吓.

瞌咗陣1207老婆返,買有大杏仁145蚊,花生芽12蚊,荷豆14蚊,瘦肉25蚊同魚68蚊.

醒咗十五十六,今日23年最尾一日,但唔夠瞓個頭今日特別昏暈?鬥爭咗好耐,都係去游埋今日.

1257車場起步,1310到泳池,更衣室搞掂一切,池面熱身,略數一吓,廿人都無?稍熱身1325下水,水有點凍,一百一百的游,湊夠500m1406夠數走人.

更衣室沖個勁熱水涼,離開泳池1431,返回車場1450.

好嬲,費事至電個老婆,過到大家樂,去到1502老婆終於打來,求其講句嚮大家樂,衰嘢終於來,我就要個肉丁麵,老婆咖哩角飲檸水,合共39蚊.

吃過坐夠上惠康,28級撐來勉強,行轉無嘢買就落街市,老婆買個魚頭35蚊,腐竹10蚊同薑葱蒜23蚊走人.

返歸1638,個人尖寒尖凍,好想快點上床冚被,1700差忘記剃鬚,特登留到今日才來剃,一於剃走衰氣,好事齊來,剃好後三口子返,衰豬踩滾軸流冰,玩到攰晒.

1900老婆煮妥叫開餐,我才來煎餃子,1906才同老婆開餐.

同老婆食完等廚房用,等到成9點鐘才開飯.

12月2日(六)失眠,老婆大圍買魚,游水500m,茶大家樂,惠康保麗淨,晚飯4人食.

2023/12/02   星期六   晴   20C

昨晚11點前都瞓,夜所兩劑,4點零醒就瞓不返,收音機手機賴床,捱到8點半鐘起床.

如常烚水搞早餐,0920早餐,量血壓心跳得49,心臟藥都係免.

老婆蒲頭,新抱B蒲頭,1020新抱B出門,石門個B上英文班,餐後我辦埋件超順暢事,失眠關係,事後我都攤床youtube,聽住歌希望瞌番陣?1109老婆又話過大圍魚?

叫做瞌咗陣,1141華仔來電吹水,1218老婆返,買有菜肉魚合共149元,話行路去,搭車返喎.

老婆返我都執嘢去游水,1305車場起步,1412到泳池,更衣室搞掂,池面熱身,星期六特別多泳客,多咗啲細路習泳,1335下水100m100m的游,湊夠500m1412起水走人.

更衣室搞掂一切,1435離開泳池,返回單車場1453,至電老婆食大家樂.

1458到大家樂,稍等老婆到,我就食個米粉餐,老婆熱檸水,合共30蚊,吃過坐夠聊夠上惠康,買有麵包13.5蚊,保麗淨50蚊同白蘿蔔10蚊走人,街市粉絲12蚊返歸.

回家1632跟住個仔都返到,老婆回來就處理佢今晚餐,我就入房攤床youtube,1917新抱B返,下來佢三口子忙到夠.

1917老婆開餐,有煎釀鯪魚,我又黐兩嚿食.

吃後就寫我今日blog,寫到8點半鐘,衰豬佢手機無電,就問準佢呀娘,可唔可以睇平板喎?佢娘煮緊飯話可以,之後老實不客氣走入來要平板,見都差不多?就叫佢等等,衰豬都知莊同閒,我用完才比過佢用.

2100開飯衰豬才放手,4個人食.

6月24日(六)睡好,頭昏,落雨天,拾回粒耳塞,游水600m,同B大家樂,晚飯4人食.

 2023/06/24   星期六   雨   31C

昨晚11點零瞓,夜所兩劑,3點半鐘關冷氣,再瞓0617醒,手機賴床,0835起床.

起來頭昏依然,梳洗後坐陣0852量血壓150/77-50,沒烚水搞早餐,0922早餐,老婆蒲頭烚水兼洗晾,新抱B亦蒲頭,衰B早餐食粒麻糬都食唔晒,又塞過我搞掂.

辦埋件事10點多鐘,新抱B出門上英文班,新抱拖埋部買餸車,車塞滿車嘢?老婆話新抱租咗格仔鋪,賣毛公仔喎?咦!有諗頭,公仔唔好嘥吖?

老婆處理好一切,叫拿部衣車下來,話同個B改裙頭喎?搬完衣車累累哋,梳化瞌陣眼睏,瞌醒1112,見心平氣和就量血壓136/73-57,心跳有57又幾好啵?

今日個天時晴時雨,而且落襯都超大?今日諗住去游水,游都係1點鐘嗰場,已經12點幾鐘?個天依然落著很大雨?去到1245無雨?而且還出太陽?都嗱淋執嘢去游水,臨行老婆叫食埋幾日前件蛋糕至去?又好,食埋1257老婆亦開餐.

落到街個天又灑幾粒雨,好彩無落出,拿了單車1307起步.1318來源禾路泳池.

更衣室搞掂一切,上次游完唔見咗粒耳塞,都準備好用發泡膠包保鮮紙塞另隻耳,塞好耳準備上池面,臨行裝吓個雜物架?咦!我粒耳塞響度喎?嘩!喜出望外,嗱淋掉走粒臨時發泡膠耳塞,同條清潔工講聲,哈!好多謝你,代我拾回粒耳塞.

上到池面又灑幾粒雨?幾驚會有雷雨無得游?無熱身1331嗱淋下水,游得幾多得幾多?於是埋頭係咁游.

1404游夠500m,掉?04唔好聽?谷鬼氣游多100m,他媽的還衰?1414,唉!個天要都無偈?返回更衣室,谷鬼氣特登揾個4號沖涼格,求其沖個涼都走.

離開泳池1439,單車回程一半,就落出勁大雨,1448有蓋地方避咗陣,還好雨好快停,繼續回程.

返回車場1503,至電老婆下來,老婆話要睇B,佢娘家長會喎?咁就同埋佢下來,個B來不如食麥當奴?老婆又話唔好,咁就大家樂等啦.

1505到大家樂,坐低老婆同個B已經到,無嘢好食就要個炸髀西多餐,老婆依舊熱檸水,合共39蚊.

吃過坐未夠,1538個B又話要去廁所,咁就為有嫲嫲帶B返歸搞掂,我就手機到1621上惠康,28級梯還可以,惠康買有8片裝麥方包11.5蚊,特價香蕉5.8蚊返歸.

回家1643,衰豬以經坐響我張枱前面?咋咋帝帝油圖畫,跟住開我部平板睇youtube,好衰唔衰wifi未開,於是乎開過佢睇,還未睇佢老豆同佢娘返,我話無得睇lu.

我放下買來的,都嗱淋沖涼,涼後寫我今日blog.

2105新抱飯妥,4個人食.2156飲第9劑中藥.

睡來還可,游水500m,乙明麵包,個B玩神奇?個仔夜返,晚飯4人食.

昨晚早食早出blog,游水攰攰哋,10點零都瞓,一覺0409醒去所,去完個所又失眠?又歌仔塞耳捱,矇矓下到0630醒,收音機賴床,0700個仔返工,返工後起來關冷氣,想話返床再賴過,誰知手機無電,索性起床洗面,灌下大杯水上網.
上陣網0803老婆蒲頭,我都要搞早餐,老婆簡單咖啡+麵包,我就豆奶麥皮+沙律醬包,老婆都食番半個包,

辦過事務1000個B蒲頭,佢娘教擦牙,嫲嫲餵早餐,佢娘備返工,個B在玩夠指著拖鞋要著著,一於唔睬佢,後來佢娘抱佢出來,還好出來黐佢呀娘.1110佢娘返工,嫲嫲電腦,我就BB纒身,湊餐C.
1215嫲嫲煮飯個B,我才來上上網,1300個B開飯,我都係時執嘢去游水.
1315出門口,過到泳池1338,更衣室搞掂一切,池面熱身,超好太陽,1400下水,陽光下埋頭游佢500m,1427夠數,起水走人.
更衣室呀王以開工,又無戴口罩?沖完個涼換妥衫之際,呀王走來問我手機截圖,於是教佢拉下頂行頁面,按截圖制即可,又教佢如何傳送,教輪後我又忠告兩句,戴口罩啦,

離開泳池1505,過乙明看有什麼好買?過到佳寶無乜好買,雞髀賣到22蚊三隻?番查吓紀錄?早幾日老婆自己街市買,只不過14蚊三隻,重大隻過佢,唔通自己紀錄錯?又至電個老婆問吓,又無錯,唉!佳寶越來越貴,無嘢啱買,不如買個榴槤食吓,14.8蚊磅,諗住秤個細細哋同老婆兩人食,誰知秤個成100鬆啲蚊?太大個囉?不過聽佢敲出聲音,真係好靚,唔要立即有人要咗,後來揾個79.3蚊,唉!再推就不好意思,我話得唔得信你咋?個榴槤開少許算,付了錢就買件豆腐,然後孖喜買4個麵包12蚊返歸.

回家1610放下買來的,再沖個涼,倒杯豆奶,同老婆食麵包,個B食蕃薯,食兩食又玩嘢,搣到一room都係蕃薯碎,兩老食完麵包食榴槤,可惜個榴槤有點生,近幹位有些生蕃薯,下次買一定自己揀?兩公婆結果食晒.
搞掂後我上網,老婆續個B工作,B沖涼拖地,老婆搞掂晒5點多去沖涼,沖涼前個B在room,叫我睇住佢,我見個B在room安全,就走去處啲豆腐,突然見個B行來廚房門,連拖鞋都穿得整齊?嘩!唔係嗎?響room度自己走出來?出去裝吓度room門仔?被食飯枱頂住,無可能開得?究竟怎樣擒出來?條欄咁高跌落地會痛痛?究竟點出來?谷鬼氣掟佢回room,喊到呱呱嘈,又睇吓你點樣擒出來?可惜歷史無重演?
1900嫲嫲餵B食飯,又我來煮餸,料有豆腐,豬扒同四季豆.
2000餸煮妥,有煎豬扒,炒四季豆同煎豆腐,個仔才到返,同老婆開飯食住等,一留飯餸.

慣性失眠,蕃薯早餐,游水500m,乙明買餸,下午茶麵包,晚飯4人食.

昨日真誇張個B成日未瞓過?到2200嫲嫲整支奶過佢,才隊隊吓瞓著,個B瞓咗我都上床備瞓,11點多才瞓著.一覺0320去所,慣性失眠到,歌仔塞耳係咁捱,不知何時才瞓返?0625陽光入屋醒,稍賴起床做嘢,舉起張床墊褥放窗曬.搞掂梳洗灌下大杯水上網,0710個仔返工.
上輪網0805叫賴床老婆起床,我就辦事務,老婆梳洗家務洗晾摺疊,烚下蕃薯,0830蕃薯搞掂,好靚,老婆咖啡蕃薯做早餐,我就蕃薯豆奶特飲,煎蛋包上網食.

0918個B蒲頭,佢娘同佢擦牙仔,擦牙依然扭,要嫲嫲攬住來擦,擦後嫲嫲餵早餐,上輪網無聊,又煲吓劇,還是嗰套長安十二時辰.
1010佢娘返工,個B在room有度好,見我埋頭電腦忙,佢就無來煩我,1042個B掹住嫲嫲叫著著,我一於咋唔知?到1100老婆要電腦,唉!又你用到夠.
唔上網就量血壓,140/70-50,每朝頭次硬係高?個B見我稍得閒?又指住對拖鞋叫著著?響room咁耐?又抱你出來走吓,1158再量次133/70-47.
睇B到1215嫲嫲要煮飯過B食,我又來上上網,1300個B開飯,我就執嘢去游水,搞掂1315出門.
過到泳池1336,更衣室換衫,同早更員工講起呀王?原來呀王有開工,就響隔鄰更衣室喎,哈!怪不得未見過佢?原來兩個更衣室都有開放,於是過隔離換衫.
換妥衫池面熱身,超猛太陽,泳客唔多游緊的大約20人,猛太陽好彩有件T恤,1400下水,埋頭捱夠500m1430起水走人.更衣室呀王開工,好耐無見,足足半年無見,明顯老咗?無戴口罩.
沖完涼同佢吹幾句水,點解唔戴口罩呀?以老賣老,判C無大害?佢話焗喎?唉!保重自己等如保重家人,無謂累街坊呀?佢都認同,須然生死有命,但做番本份,C而無憾嗎.

離開泳池1500,過乙明街市買餸,支付寶掃一掃,今回得兩粒神?買有雞蛋一排20蚊,泰國熟蝦26.1蚊,然後孖喜買6隻麵包18蚊走人,再返回自己街市買斤芥蘭苗7蚊,洋葱一個3蚊返歸.

回家1630,放下買來的,嗱淋沖涼,然後倒杯豆奶食麵包.個B見我食佢又食,又搣啲過佢食,食完又指住對拖鞋叫著著,一於咋唔明?無睬佢,開機上網寫寫blog,嫲嫲又聞到有屎味,又同佢早點沖涼.個B沖好涼1735佢老豆返.
夜7點多啲鐘,飯煮妥,嫲嫲餵B食飯,又我來煮餸,料有熟蝦,芥蘭苗,雞蛋同义燒.
2005開飯有番灼蝦,炒芥蘭,义燒炒蛋,三個人食一留飯餸.

2045佢娘返.