2024/12/31(二)睡好/神可,新抱返工,個B瞓到1115,嫲嫲B同姑媽街,整日在家,晚飯5人食.

昨日握手機握到手碗痛,夜睡前終於捱埋幾編blog,成12點鐘才瞓.

夜所一劑就今晨0618醒,睡來有夢,賴床0915起床.

起來新抱忙返工,我就如常烚水搞早餐,0950新抱返工,1023早餐.

餐後電視,衰豬瞓到11點鐘,要叫要氹才起床,1140個B早餐.

個B早餐,我就搞我2025年日誌準備工作,個B餐後嫲嫲督B做作業.

1315辦大事,期間個女來電,約個老母同個B街街,事畢佢倆出咗街,我就攤床yt兼瞌吓.

一瞌一睇又4點鐘肚餓,淥個麵放隻蛋1629食,5點鐘個仔返,回來又砌佢至愛模型.

1745嫲嫲同B返,買咗40蚊餸菜返,話個女帶去咗城市廣場食馬來嘢喎?廣場同個B玩遊戲,話廣場40週年,送零食送氣球喎?可惜衰豬回來大好氣球,係咁打係咁篤爆埋.

嫲嫲回來就處理今晚餐除夕飯,我就早點沖涼,涼後攤床寫埋24年最後篇blog. 

2013開飯個B嫲嫲我3個人食.個仔沖涼新抱夜返留飯餸.

2115新抱返,我都擦牙備瞓.

2024/12/30(一)睡可/可以,手碗痛,新抱返工,個B瞓到11點,整日在家,同B踩roller,茶大家樂,晚飯4人食.

昨晚12點鐘零瞓,夜所兩劑,就瞓到今早0805醒.手幾賴床9點鐘起床.

起來新抱在返工,我就如常搞早餐,1003早餐,餐後電視,衰豬就瞓到11點鐘才蒲頭,早餐就嫲嫲招呼佢.

睇輪電視辦埋件事,我又攤床yt瞌吓,個B餐後嫲嫲督住做作業.

yt到兩點鐘起來,衰豬做妥作業,見佢都乖,於是同佢踩roller,穿好成套裝備,成1435才出門.

衰豬有進步,踩咗十多分鐘,見街坊放狗衰豬又掛住同狗仔玩,人又興奮狗又興奮.

去到1535嫲嫲到,才過大家樂下午茶,三人食個45蚊餐,個肥主任又來撩B,衰豬依然怕羞,肥主任請個B食哈蜜瓜.

吃過坐夠街市買餸,買咗77蚊菜料返歸.

回家1715,個仔已回來,我都嗱淋沖涼,涼後飲我第9劑中補藥,老婆同樣飲劑中藥.

藥後攤床寫blog,拿手機寫blog隻手碗握到痛?焗住用平板鍵盤打,寫到8點多鐘,老婆來叫去煮蕃茄蛋.

2105開飯,個仔嫲嫲個B我四個人食,地方淺窄,我還是裝開食.

2235新抱食埋飯返.

2024/12/26(四)失眠/早醒,新抱返工,整日在家,午yt瞌陣,老婆同女街晚芝士火鍋,個人淥麵食,晚3人食大家樂.

昨晚11點前都瞓,夜所兩劑今晨0415醒就瞓不返,樣樣做齊都係無辦法?賴床9點鐘起床.

起來新抱在返工,如常烚水梳洗搞早餐,今早嚐試不煮麥皮,烚隻蕃薯鮮奶煮,0957早餐.

餐後衰豬還未起床,去到1040才起床,一起床就掛住睇手機,谷鬼氣閙鬼佢,嫲嫲就趕佢梳洗兼去埋個所,跟住安排佢早餐,我都唔鬼理佢,走去辦埋件事攤床yt瞌吓.

 一瞌一睇兩點鐘,衰豬做完功課,又走來要手機,唔比佢,到佢攞到,無我批准又唔敢睇?

兩點多個女來電,約個老母出街食好嘢喎?

1447嫲嫲同個B出門會個姑媽.

3點多鐘肚餓,我淥個麪煎隻蛋1551食算.

1815父女返,原來老豆放工同個B去買禮物,198蚊買咗盒芭比公仔?回來就急不及待就拆來玩.

1940個仔個B我,三人落大家樂開飯,大家樂個仔買餐,我同個B食煲仔飯餐,個仔雲吞雞餐,合共119蚊.

個收銀肥姐又來撩B,又請個B飲包果汁,衰豬依然怕羞鵪鶉,不敢交談,吃過坐夠返歸2055.

回家我都嗱淋沖涼,辦妥睡前一切,早早上床寫blog備瞓.

2145老婆返買有大杏仁119蚊,黑豆兩包13.9蚊,無花果68蚊同威化餅20蚊,同個女去食芝士火鍋喎.

2227輪到新抱返.

2024/12/25(三)睡可/神可,新抱返工,個屁賴嘢,整日在家,茶麥記,惠康姨有禮,晚飯5人食.

昨晚11點前都瞓,夜所兩劑0315醒就瞓不返?捱到0630才瞓返,0845醒,手機賴0915起床.

起來新抱忙返工,梳洗後搞早餐,搞掂後突然放個屁?竟然一褲都係,無偈為有沖個涼,1019才早餐.

衰豬已蒲頭1051早餐,衰豬早餐食到慢吞吞,浪費時間.

餐後已經又一個上午,個B嫲嫲督住做功課,我就攤床yt瞌番陣.

一瞌一睇差不多3點鐘,衰豬做完功課走來搞搞震,要睇我部平板喎?為有讓你睇陣,同老婆亦係時候下午茶兼買餸.

落到麥當勞成3點半鐘,嫲嫲買餐個B睇平板,個餐合共49蚊.

吃過坐夠週三上惠康,遇著個熱情職員氹B,衰豬無晴晴講佢即將生日,熱情呀個姨送糖過B生日喎,真多謝這位員工呀姨.

惠康無交易就街市買餸,衰豬要過球場仔等,遇著街坊放狗,狗狗見人就興奮,衰豬又玩一餐,1720才返歸.

回家1732,個仔已回來,買來有比目魚114蚊,菜20蚊同豆腐10蚊.

回家老婆處理今晚餐飯,我就早點沖涼,涼後攤床寫寫blog.

1956開飯,嫲嫲B我三個人食.

個仔沖涼新抱夜返留飯餸.

2103新抱返,我都備我睡前一切.

2024/12/22(日)失眠/還可,衰豬洗碗,有馬無賭,合唱團接B,玩運動設施,食大家樂,個女到,晚飯6人食.

昨晚冬至食埋湯圓,圓圓滿滿10點鐘都瞓,一覺0322醒去所,就瞓不返,法寶盡出,都係無辦法?C捱爛捱今早9點半鐘起床.

新抱忙返工,我就如常早餐,衰豬在房攤床手機,成10點鐘才出來,嫲嫲安排佢早餐,1021我才早餐.

餐後衰豬貪玩要洗碗,又順吓佢意,等你玩吓,而嫲嫲就落街去攞淘嘢,1130老婆攞有返,買有啲日用品嘢.

老婆返後就督B做功課,我去攤床yt瞌吓.

一瞌一睇又1點鐘,馬又開跑,踱陣馬都係唔識賭.

1435嫲嫲B出門送個B合唱團,出門冇耐,嫲嫲話邨口派廚餘桶喎,叫帶住址証明才有喎?於是睇埋場馬才下去攞.

落到去竟然話派完,嘥氣,谷Q氣,有都唔要,桶一隻乜都可代替.

本來個女去同嫲嫲一同接B放唱團,後來又無來到,見個女唔去,3點我去,單車過到瀝源橋1610.

稍等1626個B出到來大帳篷,嫲嫲去所,個B就四圍跑,嫲嫲到齊齊單車回家.

還是推吓載吓個衰豬回程,去到運動設施,衰豬主動要玩,又讓個衰豬玩吓.

玩咗10零分鐘就繼續回程.

單車推咗個B過橋後,就一直載個B返回大斜隧道,然後車場鎖好單車.

之後嗌肚餓喎?行去食大家樂,去到5點半有多,衰豬又摷我部手機,收銀見個B得意?走來玩吓佢,誰知個B怕陌生,怕到匿嚮我後便,收銀無符為有放下包飲料過佢.

晚飯到開始,衰豬唔係雞髀就雞翼,於是讓佢試吓個煲仔飯.

問吓佢又話好食?吃後返歸都成6點幾7點,我就攰到CC吓.

唞唞咗輪才沖涼,涼後攤嚮床攰到唔識郁.

夜個女上來,我就攤到成9點鐘,老婆才開飯,個女個B嫲嫲我4人食.

個仔沖涼新抱夜返留飯餸.

2024/12/21(六)冬至/睡好/神好,新抱返工,午yt瞌陣,嫲嫲督B功課,茶大家樂,手機提款,個女到,冬至6人食,飯後湯圓,團團圓圓.

昨晚出埋篇blog,成12點幾鐘瞓,夜所兩今早0810醒,睡來唔錯,賴床0910起床.

新抱忙返工,我就如常搞早餐,0945新抱返工個B蒲頭,問過衰豬要食乜?諗住用印花加90蚊,換來個公仔頭pan,煎班㦸過衰豬食?誰知唔要?要煎蛋喎?咁就公仔頭pan開封,煎兩隻蛋過B食.

齊齊早餐後,老婆去買餸,到老婆返已經12點鐘,買咗209蚊菜料.

嫲嫲回來就督B做功課,我就話知你,攤床yt兼瞌吓.

yt睇到佢落葉不歸根喎,隨風飄蕩無煩惱喎?一個人從上海飛到塞爾維亞生活.

差不多成3點鐘,個B亦做妥功課,就齊齊大家樂,叫個餐加杯檸水,49蚊3個人食.

吃過坐夠上惠康,行經日間理財,又手機提款,搞掂惠康買包湯36蚊,13.5蚊方包,街市芝麻5蚊同青瓜8蚊返歸.

回家老婆處理今晚餐飯,冇耐個仔已經返,我就早點沖涼,涼後攤床寫寫blog,1825個女到,衰豬高興到不得了.

1948老婆叫開飯,嫲嫲個女個B我4個人食,個仔沖涼新抱夜返留湯飯餸.2103新抱返.

2125老婆煮妥湯圓6個人食.

吃過湯圓,團團圓圓.

2024/12/20(五)失眠/神可,新包返工,個B放假,B扭嫲早餐,午yt瞌陣,曾大屋公園,茶大快活,晚飯5人食.

昨晚出埋篇blog,10點半鐘已經瞓,夜所兩劑4點鐘醒,就瞓不返?歌仔捱收音機捱,到6點多鐘才瞓返,8點鐘醒,賴床0840起床.

起來新抱忙返工,我就急不及辦事,辦妥才洗面搞早餐,衰豬蒲頭佢娘返工,衰豬扭嫲嫲落麥記早餐?要試新嘢喎?嫲嫲無奈同佢落麥記,1006就我早餐.

餐後睇電視,12點鐘嫲嫲同B返,買有惠康冰雞隻59蚊,兩盅龜苓膏45蚊,龜苓膏我同嫲嫲食,話同嫲嫲麥記每人食咗個蜜糖熱香餅早餐喎,合共71.5蚊?回來嫲嫲就督B做功課,我就攤床yt兼瞌吓.

一睇一瞌3點鐘,個B亦做妥功課,見個B放假?就同個B去公園玩吓.膝痛我行唔得遠?就同佢過曾大屋公園玩,行到行人隧道,衰豬走咗去沙田頭村嗰邊?見已經行咗入去?就是但啦?結果兜咗個大圈,行多咗好多路,行得我CC?

過到曾大屋公園遊樂場1540,又騎馬仔又瀡滑梯又打韆鞦,玩到4點幾鐘才走.

過到沙角商場1645,衰豬主動食大快活,兩個下午茶餐56蚊,吃過坐夠1725走人,過隔鄰360看有乜好買?買咗兩盒黑芝麻餅18蚊,雪餅一包15.9蚊走人.

回程乙明邨街市,買有橙仔一抽10蚊,木瓜仔四隻10蚊,繼續回程,返回屋企樓下,老婆街市買餸44蚊返,我同個B先行回家.

回家1830個仔已在家,我都嗱淋沖涼,涼後寫寫blog,老婆處理今晚餐飯.

2031老婆叫開飯,個B我嫲嫲三人食,個仔沖涼新抱夜返留飯餸.

2150新抱返,我都上床寫blog備瞓.

2024/12/09(一)重失/神可,仔倆放假,中午yt瞌睡,夜沙角大快活晚飯.

昨晚出埋篇blog,成12點9至瞓,成3點鐘還未能瞓著?而老婆兩點鐘醒,同樣未能瞓著,同老婆夜語輪,不知何時才瞓返,6點半鐘醒所,就瞓不返.

瞓不返就搞埋昨日篇blog手尾,就係備份同出短片,搞掂又9點鐘起床.

起來如常梳洗搞早餐,1006早餐,餐後辦完件事睇電視,睇埋集無心大師1130,失眠我又走去攤床yt瞌吓.

一瞌3點多鐘,三口子返,1545有拍門聲?原來鄰居X太拍門?話個姐姐印尼回鄉返,送件家鄉蛋糕我們食喎,喱個姐姐又真係幾好?

到4點多鐘同老婆出門,過沙角邨食晚飯,順便買啲生果,行到乙明邨,同老婆歇吓腳坐吓吹吓水.

吹輪水行經乙明街市,超多生果賣?諗住回程才買.

過到沙角商場街市6點鐘,老婆買咗個洗頭乾髮帽10蚊,個B洗完頭用喎?

買後同老婆食大快活,老婆鋸扒我煲仔飯,合共119蚊,大快活又貴又唔好食,大家樂好得多.

吃過坐夠360買大杏仁145蚊,兩包棗仁派38蚊,遇著個女叫一佢付錢賺積分,我哋平10蚊喎.

買後回程,行回乙明街市,只不過1925,已經收晒檔,生果買不成繼續返歸,行到球場巴士站,膝痛又要坐陣,吹幾句繼續返歸,回家2002.

回家三口子晚飯未返,我都早點沖涼,涼後處理好睡前一切,上床寫blog備瞓.

2215三口子返,回來就嗱淋個B沖涼,涼後佢老豆督B做功課,可能個女寫極唔掂?個老豆勞氣閙女,閙到狗血淋頭,聽見都好唔舒服,為有詐聽唔到?11點前我都瞓著.

2024/12/08(日)晨醒/神可,個B賴嘢,走轉馬場投注為個袋,合唱團接B食大家樂,晚飯5人食.

昨晚11點鐘瞓,0444夢醒,去個所又瞓不返?收音捱歌仔捱,0610為有上網,上不到一陣無電?乾賴床,9點鐘起來.

起來新抱在忙返工,衰豬蒲頭問佢早餐乜?麵包唔吼喎?要食煎班戟喎?仲要自己整自己煎?有見及此為有順佢意,事前再三叮囑,少心火同隻鑊好熱架?結果途中爭住郁手做,輕輕一觸,哈!大鑊,喊到七彩,嫲嫲同佢又揸油又敷冰,都止不了她的淒厲喊聲?後來一塊膠布搞掂.

搞到我1038才早餐,1126老婆買送返72蚊喎?

0946衰豬都無心機開餐.

餐後1200量埋個血壓,係時候我今日任務,就係入馬場,投注有袋送.

1236車場單車起步,1303到馬場,手持4張免費票,行到閘口,成功送走兩張票過別人進場,然後斯斯然自己進場,進場後國際賽Cap帽一頂.

膝痛我都唔敢多行,就第一行上幾行坐,坐落穩陣啲嗱淋做我第二任務,就係上網投注,唉!個馬會wifi好唔掂?撈極都唔掂得?

其間1339華仔到,佢話要走4轉喎?細妹老母還有不知那個?都有個袋,全部佢進場,要走4轉進場喎?進場要兜個大圈,我就行多都C.

兩條友吹水其間,佢老母吖?突然後便勁大乞嗤聲,簡直雷響一樣,嚇到我個心離一離?跟住過咗一陣又嚟多過?如是這幾次?谷Q氣起身狂走位,跟住媽义佢,你係咪有病呀,咁Q大聲,有冇揞咀擰歪面架?對罵咗輪?

條扑街走咗,個網稍為掂,咪講笑嗱淋投注10蚊先,第五口孖寶大熱門搭隻冷嘢,搞掂任務完可走行得,好可惜我膝唔掂,昨日還要棟拐杖,為有等進場個閘開放人走.

華仔有朋友在終點嗰邊喎?我話你嘛過嗰邊囉,我閘一開我就走喇.

第六場跑後華仔就去會朋友,我就踱多10蚊,第8口孖寶,一直坐到跑完第六場,1530才開閘放人,我就趌跛跛的離場.

離場差點找不到自己部單車?1539就單車回程,途中至電個老婆,老婆話孫女合唱團放1615喎,咁就啱啱好.

1600來到瀝源橋,去個所就石躉坐等個B,1621個B離遠見到我,就飛奔過來,高興到攬到實一實.

之後單車載佢一程,年紀老邁,難度高啲都咪制,載吓推吓,返回單車場1648,肚餓要食啲嘢喎?

就大家樂茶唔茶晚唔晚?就要個西多雞翼餐加兩杯飲,合共45蚊,吃過坐夠返歸.

回家1745個仔已回來,又佢至愛模型,回來我都早點沖涼.

涼後我都埋頭寫我blog,2013叫開飯,個B嫲嫲我三人食.

個仔沖涼新抱夜返留飯餸.

2110新抱返.

2024/12/04(三)睡可/稍可,肝膽雙照超聲波,大家樂午飯,惠康,街市,晚飯5人食.夜馬有睇無賭.

昨晚出埋篇blog11點鐘瞓,3點鐘醒所,就瞓不返,歌仔及收音機下,斷斷續續瞓到今早8點鐘醒,都嗱淋起床.

辦妥起床一切,今日等咗三年既威院,今日0930肝照超聲波.

0835同老婆出門,諗住行少啲,走去搭804小巴,去到站已經有個女人在等,都諗住一有車,爆棚上不到,就嗱淋轉搭馬鉄.

等咗好一陣無車?個女人都唔耐煩?都轉去搭巴士.

0850有車到,司機豎起兩隻手指,嘩!好險?個女人唔走都無份上車.

去到威院舊座,好快便找到(影像及介入放射科)(X光部).

登記後就15號房交單,還未行入去,X光部突然開聲叫戴口罩?才醒起未戴,以為摷袋拿啦,個男護已經遞來兩個口罩,入到去15房交過單,就坐下等叫名.

以前常來過照X光,估唔到入到去內裡咁Q大?咁多房間?

等候間大概8,9人?個個都老人家?

等到0911叫名18房,為咗老婆了解我狀況,問句醫生,醫生又肯讓老婆入去.

入到去醫生講才知道係肝同膽都照?照時要配合吸氣,閉氣我OK,醫生係咁讚我配合得好,照得夠清楚喎?大概照咗18分鐘,好似好耐咁,1017離開.

威院醫護真係好,值得一讚.

離開去搭804小巴,排晒隊聽講好耐都無車,等咗陣都係行遠啲搭馬鉄,趌跛跛行餐C,才到第一城港鉄站.

返回自己個站11點鐘,行去商場食大家樂,去到1115,我就32蚊食個午飯餐,老婆33蚊食早餐.

吃過坐夠上惠康,買咗115.5蚊走人,街市老婆買咗88蚊菜料返歸.

回家1308才食今早藥,藥後唞咗輪1328量血壓.

回家寫輪blog,1510老婆出門去接B放學.

1523個B返,回來要嫲嫲麵包搽花生醬食,衰豬好厭嫲嫲搽麵包唔啱心水?後來為有我食咗佢,後來我來搽過塊比佢食,吃後衰豬入房瞓,我又攤床yt瞌番陣.

5點鐘佢老豆返,5點半鐘佢老豆摷醒個B做功課,我就yt到6點鐘收機沖涼.

涼後老婆煮飯,個仔繼續督B做功課,我就攤床看電視.

2045開飯嫲嫲個B我三個人食.

個仔沖涼新抱夜返留飯餸.

2125新抱返,我都上床寫blog備瞓.

2024/12/03(二)睡差/麻麻,百份百早餐,yt瞓晏,淘寶平板托架,晚飯5人食.

昨晚寫輪blog11點鐘瞓,夜夜未能著,到醒0337醒去所,所後再瞓0550夢醒,夢見走咗去買菜?賴床0815起床.

起來新抱忙返工,我就辦埋件事洗過面,早餐無麵包,老婆亦起床,諗吓?都係懶搞,一於出街食.

辦妥今早事務,0925同老婆出門,落到大家樂高棚滿座,於是走去百份百,兩個餐合共85蚊.

吃過坐夠1053離開,街市買餸,買咗135蚊返歸.

回家1125,睡不好,我又走去攤床yt瞌吓.

一瞌一睇又3點多鐘,嫲嫲湊B放學返,我就烘3個包齊齊食,吃後衰豬又話要食煎蛋?嫲嫲又煎過佢食,吃後1605衰豬要去瞓覺.

1645嫲嫲叫B起來做功課,衰豬相當難叫?剛好佢老豆返,咁就由佢老豆叫到夠?

佢老豆返帶有淘寶嘢返,有我買嗰件平板托架.

架到立即試吓,以為夾住張枱瞓覺用?原來係太軟支撐唔起?

還好有計,加條木條上格床底,啱啱好,還可以推左推右,兩邊床可用,1926總算搞掂,舊有月曆平板架步,掉得.

搞掂攤床試睇輪yt,唔錯,唔錯.

2017叫開飯,嫲嫲煲有鵪鶉老火湯,嫲嫲個B我三個人食.

個B老豆沖涼佢娘夜返留湯飯餸.

2105新抱返,我都做妥睡前一切,寫blog待瞓.

2024/11/22(五)早醒/祌可,新抱返工,中午踩轉城河郁動吓,晚個女呀偉到,晚餐6人食薩莉亞,生日切蛋糕,健康快樂無煩惱.

昨晚9點鐘已經等上床備瞓.結果11點幾鐘才瞓著,一覺今晨0515醒去所,回來就瞓不返?瞓不返見到衰豬自己開門去所,哈!又會咁醒唔怕黑?好嘢,瞓不返手機賴床,一直賴到9點鐘起床.

起來新抱忙返工,我就慢慢搞早餐,1012早餐.

餐後電視,1130才辦事.

1230本來諗住攤床yt,諗吓好耐都無郁過,於是乎走去踩轉單車,1229由車場開始,沿城河邊踩去第一城,過禾輋踩回城河第一花園1255.

然後郁吓啲手腳,手機上陣網,1350走人,1400返回單場返歸.

回家才攤床yt瞌吓.

3點多鐘嫲嫲接B放學返,衰豬食點嘢,嫲嫲就趕佢瞓覺.

覺我就瞌不成,yt到4點鐘,起來睇電視.

5點多鐘個仔返,拍醒個B做功課,衰豬瞓得夠就乖,好快就開開心心做功課,而佢老豆唯一可取,就係好有心機教個女,不過唔發脾氣嗰時.

1945個女呀偉買有生日蛋糕到,然後齊齊去食薩莉亞,新抱未放工,得我們6個人.

1959到薩莉亞.

吃過坐夠,2125離開.

離開惠康買麵包,13.5蚊買6片裝方包走人.

2132落到地下,衰豬又話要玩騎機動馬仔,6蚊玩轉,見顯示有人入咗一蚊,衰豬咁啱銀包有45蚊,就咁嘻嘻哈哈,5蚊玩咗轉齊齊返歸.

回家2143,我就話之你,擦埋幾隻牙仔等瞓覺.

2213許個願切蛋糕,生日快樂,身體健康無煩惱.

2300個女呀偉返歸,我blog都懶寫上床備瞓.

2024/11/20(三)雨/20C/睡好/神可,早餐大家樂,中午yt,茶麥當勞,這樣鄰居,5人好運食西餐.

昨晚早早上床電視下備瞓,11點鐘前都瞓,0325醒所,再瞓唔多覺0643醒,睡來有夢,似乎無咁多,半瞓賴0815起床.

起來落雨氣温20c,老婆叫出街早餐喎.

咁就辦埋鋪大,辦妥早上一切,0910同老婆齊齊大家樂.

大家樂0925老婆41.2餐我就30.2餐.

吃過坐夠週三上惠康,日間理財手機提款,提款後惠康,大鑊!大事急call,諗落都係無謂搏,我先行回家辦事.

1053老婆返,新抱放假蒲頭,1230我都攤床yt瞌吓.

覺就瞌不成?t就睇見佢,帶你行轉紐約唐人街,行轉成半粒鐘,鬼唔多隻?見的全華人,攤檔擺到一街都係,像6,70年代香港一樣.

又睇到佢全球青年愛上華人歌曲和文化,齊齊來學中文.

1530老婆來叫下午茶,肚餓喎?收機同老婆落商場,老婆要食麥當勞,咁就叫咗49餐,9.9加杯咖啡,吃過坐夠1645走人.

討厭的鄰居

返回自己層樓,嘩!隔鄰屋竟然在走廊,水喉水錶位插對舊鞋,高度剛好個人塊面咁高?走廊已經夠窄,老婆差點兜口兜面踫著?落雨天你就識放?唔放門口就掛到高高,放門口我已經好唔高興,整層樓無人放門口?係你獨有,走廊已經夠窄,已經神憎鬼厭,谷鬼氣拍門去話佢?佢老婆應門,我話走廊已經夠窄,行過迎面就係你對爛舊鞋,有無攪錯呀?佢才話收回,我還說走廊窄,不要放鞋在走廊.

回家1655個仔已回來,新抱督B做功課,回來無聊我就寫寫blog.

1850一家5口齊出門,訂咗枱食飯喎,什少夜晚出動我,非常唔自然,搭程車過去好運原來食西嘢.

1910來到喱間,叫Y Pasta食西嘢,

吃過坐夠2027個仔找數.

離開就近有間貓貓店同間地茂館甜品店,地茂館排晒隊食糖水,新抱又話要買外賣,外賣都要等成10多分鐘,個B就話之你貓店睇貓貓.

買完行到間麵包店,輪到個B要買麵包,個B夾咗6隻包仔26蚊,嫲嫲比錢,然後才市廣場搭程車返歸.

回家2125,食埋個糖水,都嗱淋沖涼,涼後攤床寫blog,

夜睇埋個晚間新聞12點鐘瞓.

2024/11/08(五)失眠/神差,整日在家,B放12點鐘,球場仔玩,茶大家樂,晚飯5人食.

昨晚blog未寫完11點鐘瞓,兩點鐘醒所,老婆還在手機,回來我又瞓不返,為有手機寫寫blog,寫輪叫做瞓返,到5點鐘醒,之後閉目捱天光,賴床8點半鐘起床.

起來新抱在忙返工,我梳洗好辦大事,喱輪麻麻去襯都係稀粥一樣,唔去賴都有份?

搞掂件事0915搞早餐,0946新抱返工,我亦早餐,今日開始餐前早晚,5粒萊茵衣藻片.

1035老婆落街買餸,1123老婆返買有菜料31蚊,魚露11蚊,牛扒55蚊,兩豬扒70蚊.

回來處理好菜料,1220出門接B放學,1240嫲嫲接B返.

回來嫲嫲烘熱個包,煎隻蛋過佢B食,1319嫲嫲開餐.

睡不好我就去攤床yt瞌吓,一瞌一睇又3點鐘,個B走入來叫同佢踩單車喎?單車好麻煩?太多嘢砸住?後來講掂數打羽毛球.

成3點半鐘落到球場仔,叫做係咁易打陣,就同佢食大家樂.

大家樂我就34餐,老婆31.2餐同個B食.

餐後無須買餸,返歸都成5點鐘,個仔未返,我都嗱淋沖涼,花灑喉穿漏,還好有條後備,即時換上搞掂.

2037老婆開飯同老婆食,個仔沖涼新抱夜返,個B跟佢娘食留飯餸.

2139新抱返,我都上床備瞓.

2024/11/06(三)睡好/多夢,新抱返工,加注XXX股,個B放12點,整拐杖自拍棍,指破血流,茶麥記,週三惠康,晚飯5人食.

昨晚電視11點半鐘瞓,夜所一劑就今晨0645醒,睡好多夢,賴床9點鐘起床.

新抱忙返工,我就先行辦埋件事,才搞早餐,0955早餐.

餐後電視機智女法醫大結局,睇完11點半鐘,望吓個市?嘩!跌成5百幾點?

於是乎現價加注XXX股,搞掂剛好12點鐘收市,收市後今日個B放早,老婆去接B放學.

都諗住yt瞌吓,突然諗起拐杖自拍棍,於是乎揾支舊拐扙試吓,拐杖頭鑽0隆,唉!誰知一不小心,鑽咀鑽落左手指公,當堂肉破血流,大概鑽正血管位?血流如注,大鑊?一時間不知如何止血,於是乎唔理咁多?一於用手直接按實,剛好老婆同B返,老婆嗱淋用紗布幫我紮住,唉!還好止得住.

紮好繼續我拐杖自拍棍,搞掂個拐頭自拍?諗吓拐杖頭重?不如拐杖尾,又杖尾鑽個0隆,搞掂1330,剛好老婆亦開餐.

餐後老婆督B功課,我就攤床yt瞌吓.

一瞌3點鐘,老婆個B來叫下午茶,落到大家樂,衰豬C拉要麥當勞,無奈為有麥記,個B兒童餐33蚊,我就魚柳包餐20蚊,老婆凍啡10蚊.

吃過坐夠週三惠康,買有紫菜13蚊,腰果酥19.9蚊,芝麻丸21蚊,大蛋兩排44蚊,離開老婆落街市,我同個B球場仔等,老婆到買有奶皇包10蚊,薑7蚊同10蚊西芹返歸.

回家1705,個仔已回來,老婆處理今晚餐飯,我就早點沖涼,涼後攤床手機寫blog.

2011開飯5個人食,個仔沖涼新抱夜返留飯餸.

2024/10/27(日)麻麻/有夢早醒,瞌時晏,個B合唱團,有馬無賭,行國慶市集,茶麥記,最後劑中藥,晚飯5人食.

昨晚太累,寫blog不成早早瞓,瞓到1點半鐘醒所,再瞓5點鐘醒所,就瞓不返?捱到6點鐘索性手機上網.

一上9點鐘起來床,新抱在返工,我就如常烚水搞早餐,0940佢娘返工,衰豬突然掛住個老母,走來攬住個老母唔捨得佢返工?

新抱返工後,1000早餐食得,磨菇煎蛋,同個B齊齊食,期間嫲嫲落街買餸.

餐後1042老婆買餸返,買咗126蚊喎?

老婆返瞓不好我,又走去攤床yt瞌吓.

一瞌又1300,見個B做好功課,又切個牛油果佢食,衰豬又包紫菜食.

吃過牛油果1340,嫲嫲送B沙田大會堂上合唱團.

我就同嫲嫲約定,老婆送完B就行吓國慶市集.

老婆出門後1400我就踩車過去會合老婆.

過到去鎖好單車1422,老婆剛好送完個B,就齊齊行市集.

行咗圈買咗40蚊零食,就走去大帳篷坐睇電影.

坐到1600老婆去接B放堂,我對膝唔掂就坐嚮度等.

等到1645老婆B才到,之後單車返歸,途中單車載吓B,又坐上去推住行,等佢開心吓.

返回車場鎖妥單車成1700,便同佢食麥記,一餐一杯51蚊,

食過坐夠返歸1750,個仔已回來,砌緊佢至愛模型,回來老婆著手今晚餐飯,我就嗱淋沖涼,涼後飲埋我最後劑中藥.

2017老婆開飯,老婆個B我3個人食.

個仔沖涼,新抱夜返留飯餸.