7月30日(二)睡好/稍好,個女留宿,新抱返工,茶與B麥記,遊樂場玩玩,晚飯5人食.

2024/07/30   星期二   晴   29C

昨晚11點前都瞓,夜所3劑今早7點鐘醒,賴床0845老婆起床我起床.

起來梳洗搞早餐,新抱出門返工,個女入房瞓,0925早餐.

餐後個B蒲頭,我亦辦大事,事畢1045個女瞓醒蒲頭,又輪到我攤床瞌吓youtube吓.

覺就瞌不成,youtube就睇到1415,個女有事出街,我都係時候關機休息吓.

個B就佢娘安排咗功課,嫲嫲督促下做完,我就同B講落街囉,衰豬竟然話唔去?我話你唔食嘢?佢竟然話煮嘢食囉,又話你哋都唔遠?我話你食嘢?後來嫲嫲講句去遊樂場,衰豬才話去,見好耐無同佢玩過,於是用手拉吓部滑板車,衰豬開心到不得了.

落到商場1500,衰豬堅持食麥記,老婆買餐,買有我魚柳包餐20蚊,衰豬蜜糖雞腿21蚊,最後整杯雪11.5蚊大家食,同個衰豬齊聲說,不要話比呀娘知喎?

吃餐期間老婆街市買餸,買有冰雞隻36蚊菜35蚊.

餐後1620太耐無帶B遊樂場玩,於是讓佢去玩吓,玩陣1640返歸.

回家1645個仔已回來,我都早點沖涼,涼後我又縮入房攤床手機,1920新抱返又買有零食返.

2039老婆煮妥飯,有老火豬展湯,薯仔炆雞雞,𤆥生菜,人齊5個人食.

飯後飲我劑中補藥,衰豬食飽飯又來攞平板睇,2139個女返.

7月24日(三)睡差/神差,個女留宿,新抱開工,神差整日在家,茶麥記,晚6人食.

2024/07/24   星期三   晴   32C

昨晚11點鐘瞓,夜所三劑,6點鐘醒,瞓不返賴床,8點半鐘起床,新抱亦出門返工.

如常烚水搞早餐,老婆蒲頭個女入房瞓,0930早餐.

餐後辦埋件事,果然砲聲無響,咁都好啲,11點多個女有事出街.

個B成12點才起床,起來就揾手機,到有手機又無電,連我部手機都殺,睇咗陣才嫲嫲安排梳洗早餐.

1317老婆中午餐,個B就佢娘安排下做作業.

瞓唔好我就梳化瞌咗陣,成4點鐘才下午茶,衰豬聽佢姑媽說話,叫不可食大家樂,污糟喎?其實我都無意食大家樂,就麥當勞,兩個餐一蝦餅63蚊.

衰豬個餐食唔晒,又要打包拿走,又麥記送佢杯仔雪糕,由於佢娘禁佢食麥雪糕,同聲不要講媽咪知.

吃後就銀行手機提款,攞後衰豬嗌開大?老婆就街市買菜,為有我帶B返歸開大.

回家個仔已回來,跟住老婆返,買有菜料59蚊.

回來老婆就著手今晚餐飯,我都早點沖涼,6點多姑媽返,7點鐘新抱都返.

2038老婆飯煮妥,開飯開冷氣,6個人食,我還是裝開食.

飯後2115飲我半劑中補藥.

7月23日(二)睡可/早醒,個女留宿,新抱開工,逃避燥音跟華睇工程,茶麥當勞,晚飯6人食.

 2024/07/23   星期二   晴   32C

昨晚早早上床,10點零才瞓,夜所兩就0455醒就瞓不返,手機無電义電,白賴床到0640急事到,個仔返工出門後,我才來辦事,原來係肚潟.

事後老婆蒲頭,見個女還未入房瞓,谷鬼氣換衫落大家樂早餐,老婆烚吓烚吓諗住齊齊落大家樂,後來才醒起新抱返工,個B還在房瞓,唉!咁就唔去.

於是乎搞早餐,在搞冇耐他媽的?電砲又𠾐𠾐響,疲勞轟炸命到冇,0950早餐.

餐後電視尚食,簡直嘈到有畫無聲?一睇無聲大結局,睇完套尚食,都唔知佢講乜?

1130砲聲稍停,大概收工食中午掛?心情稍為平靜些.

1228同華仔吹水,佢話等陣同陳和記入西貢睇工程,問我去唔去?我又想去又唔想去?收線後電砲又𠾐𠾐響,唉!都係出去行吓.

當正私樓裝修

1228出門,落到大堂以經有住客投訴,嘈到人都癲,座頭呀姐講,唔係房署裝修,係12樓私人裝修喎?唉!唔係房署裝,私人裝打地台,又會打得咁切底?

離開1256顯徑站會華仔,就齊齊到鑽石山站,再行去巴士總站,陳和記荣哥到咗,就齊齊91入清水灣,途中荣哥問到無見幾耐?於是手機一摷?上次見面2016/03/14,八年有多啦.

到站行到去1358,門口等開門等咗成20分鐘,才有工人來開門,開門要行條超斜路,才到門口大閘前.

原來冧樹撞歪咗度大鉄閘,大閘4米半高,望咗陣烈日當空,唉!你哋研究到夠,我都樹蔭下坐等.

睇完工程搭程巴士返鑽石山站,荣哥38號巴士返葵涌,我同華仔行陣荷李活廣場.

廣場見有大形充氣遊戲設施,

睇陣就揾地方坐,就麥當勞坐,非常旺場,座無虛設,難得找到兩個位,華仔買餐買咗兩魚柳包兩杯奶茶.

坐下無所不談,講輪家事,吐輪苦水,唉!家家有本難念的經,1658離開.

離開齊地鐵返歸,華仔臨走整盒口罩過我,話荣哥新抱做護士比喎?兩盒太多比盒我喎?

返回樓下見有坭頭車,載滿坭頭,於是問句係咪12樓架?係喎,又問佢打晒未呀,話打完喎,咁就好囉,不用再為噪音出走,見有把吱膠槍好新淨,唔要喎,咁就比過我拿走.

回家1737個仔已回來,個B個女老婆在,我都嗱淋沖涼,涼後7點鐘老婆叫我整條烏頭,好,跟手粗鹽醃落條烏頭,新抱放工返到

8點多鐘老婆煮好開飯,6個人食,有瘦肉滾紅莧菜,外賣沙薑雞同鹽焗烏頭.

我還是裝開食,飯後2122飲半劑中補藥.

7月22日(一)睡好/稍好,老婆沙角買菜,裝修砲轟嘈到人都癲,離家避嘈,晚我來煮3個人食.

2024/07/22   星期一   晴   31C

昨晚11點幾瞓,夜所兩劑就今早7點多醒,手機賴陣床無電,8點鐘起床.

如常搞早餐,老婆蒲頭,個女返房瞓,早餐期間老婆又話過角買魚喎?我都無你咁好氣,0851早餐.

餐後辦埋件事1003老婆返,買有廚紙兩盒38蚊,餸料247蚊.

老婆回來就惡夢開始,又唔知邊家戶裝修,大砲轟地台,轟到頭都爆,新抱B個女陸續蒲頭,嘈到心都煩,睇埋集尚食11點幾鐘才停,新抱B就出街,去書展喎?老婆同個女就煮佢倆中午.

到1點多鐘砲聲又響?午間新聞未睇完,又來砲轟過,唉!頂佢唔順,都係走夾唔唞.

落到街走去好風水地方邨邊坐,一坐3點幾4點鐘,至電個老婆乜環境,唔落來喎?唔落來就我返屋企.

行到樓下,已經砲聲震天,為有邨口花槽坐,坐到4點鐘焗住返歸.

回家依然砰砰響,到4點半鐘才慢慢無響,個仔放工返,我都早點沖涼.

涼後問聲老婆有乜菜料,無乜料喎?我都唔理佢哋,諗住求其煲仔煲個食算,誰知老婆叫煮埋佢啲菜料,唉!是但啦.

1718料有三文魚頭,粟米一罐,蛋兩隻,臘腸一條,薑同葱.

1733開火,1806粟米臘腸飯熱,薑葱三文魚頭煲,粟米煎蛋,老婆煲落冬瓜去濕湯,個女老婆我三個人食.

飯後1943,飲半劑中補藥,1945量血壓,量後我都做我睡前一切.

2043母女書展返,買有外賣返,三口子開餐,我已經在床備瞓.

7月17日(三)精神極差,早餐大家樂,富豪中土聚,王屋,責任市民,惠康,新抱B迪士尼,晚老婆煮三人食.

2024/07/17   星期三   晴   30C

昨晚10點鐘以經瞓,2點多鐘所就瞓不返,還好收音機塞耳下瞓返,瞓至6點鐘醒就瞓不返,手機賴0840起床.

洗個面老婆經已蒲頭,個女已入房瞓,老婆講句落街早餐喎?唉!講到?是但啦,說完就即時去辦事,辦完事0926量血壓,然後同老婆出門早餐.

一出門口,整個人暈一樣,昏得好嚴重,要打醒12分精來行,0945來到大家樂,似乎冷氣改善,比前好得多,老婆39餐我就32餐.

吃過道理吹夠1050離開,街市買7蚊生菜返歸.

回家1057嗱淋手機义電,睇埋集尚食1130係時候出門.

中土聚,舊同事吹雞富豪花園新光酒家1200聚,1135單車前去.

去到酒樓1200,剛好威哥到,跟住陳成然後隻馬到,上次聚又係這裡,原來威哥這裡附近有地盤,怪不又係這裡.

上次一聚2023/04/27就大大鑊,離開單車出事,車翻人墮,皮開肉破大出血.

吃過吹輪水1335又係威哥找數,找數期間遇著,拾多年無見鬍鬚健,無見咁耐差點唔認得?以前打工𠲖家係老闆,嘻哈一輪就各自離開.

今日精神真係好差?若不是聚會我肯定整日在家,離開富豪花園,人有三急,好彩隔鄰就係王屋公園,搞掂幾大坐吓?頭昏到暈咁滯,踩單車特別小心,上次大大鑊,今次特別小心?

離開王屋繼續回程,1453返回單車場.

盡責好市民

離遠見到兩母女係咁揼單車鎖?於是鎖好單車埋去望吓?原來母女又鎚又士巴拿?輪流係咁鎚條鐵鍊?見佢揼到條鍊薄晒都唔斷?於是點條橋過佢,叫佢枕嚮鐵板角度鎚,一鎚就斷咗,斷咗係咁多謝我.

我就同佢講,單車生晒銹,要機油才郁得番,佢話唔要架喇?我話唔要嘛放回嚮度囉,佢話要搬去垃圾站掉喎?嘩!顎咗然?我立即豎隻手指公過佢?咁有責任?一等一好市民,唔拆走唔舒服,好嘢.

讚完佢半條人命我都走,回頭望吓佢,兩母女不停轉手?而且搬去較遠個垃圾站,於是叫住佢去近嗰個,唉!若不是我半條人命,肯定幫佢一把.

週身唔舒服走入街市坐等老婆,1505老婆抽住袋膠樽到,老婆愛入樽.

入妥後28級無力撐要乘𨋢上惠康,惠康買115蛋同廁紙,跟住街市買42蚊菜返歸.

回家1553,嗱淋沖涼,涼後埋頭寫我今日blog,

個仔返,今日新抱B去咗迪士尼,今晚不回來吃,老婆焗住要埋煮個仔飯.

1948老婆煮妥開飯,個仔我三個人食.

2300新抱B迪士尼返,新抱講話個B坐過山車驚到喊,腳震晒喎.

7月14日(日)早睡/失眠,未瞓過,三口子嫲嫲北上,烏眉瞌在家修櫈,煞科馬無賭,淥麵食.

2024/07/14   星期日   晴   32C 

昨晚9點半鐘都瞓,誰知夜夜未能瞓著,相信成3,4點才瞓著?夜所三劑0736醒,就瞓不返.

賴床0850同老婆齊齊起床,個女入房瞓,我就如常烚水搞早餐,新抱蒲頭問北上去唔去?精神唔好兼及昨未瞓過,都係唔去,0956早餐.

1050三口子同嫲嫲齊齊出門,北上龍華壹方天地喎?唉!黐線1140老婆折返話漏嘢要攞喎?唉!重未出發去到幾點鐘呀?唉!嘥氣.

坐咗輪揾啲嘢搞吓,就係張櫈,早輪冷氣機砸爛張櫈,就等我白膠漿下嵌番佢.

搞掂走去床攤吓,個女有事就出咗去,話咁快又4點半鐘,才醒起黃昏馬煞科戰,踱吓馬都係唔賭,睇吓又一場.

1635煮個麵開罐沙甸魚食算,吃後沖半包中補藥.

藥後繼續睇跑馬,8點零鐘我以經做妥睡前一切,上床準備瞓.

2333三口子嫲嫲返,夾咗個大公仔喎.

7月13日(六)睡好/夢,早百份百,整日在家,晚兩老大家樂,半中補藥..

2024/07/13   星期六   晴   32C

昨晚8點半鐘開冷氣,我早早都上床備瞓,夜所三劑今晨7點鐘醒,稍賴床大事到,0745起床.

辦完件事,老婆趕女入房瞓後,叫外出早餐喎,唉!橫掂無麵包是但啦.

老婆搞掂晨早一切,9點多啲鐘就齊齊出門,落到商場0920,老婆堅持百份百,是但啦.

百份百有點失望?無乜冷氣,同老婆各自食個45蚊,吉列魚柳早餐.

一坐成粒鐘,老婆找數90蚊,離開走去麥當勞涼冷氣,坐到12點鐘才返歸.

回家手機輪,無聊張啲單據全部歸一入file,新抱就清潔廚房.

清潔後煮意粉兩母女食,個仔5點鐘剪咗頭髮返,我同老婆都係時候落街晚飯.

落到去大家樂感受吓冷氣先?都還可以,就52蚊食個咖哩牛腩飯,老婆唔飯齋食牛腩,我就些少牛腩梗飯.

吃過坐夠,老婆街市攞先前訂的兩隻雞100蚊,回來1830就齊齊上惠康,28級梯差點撐唔上,惠康13.5蚊買6片裝方包走人.

回家1848,新抱煮緊飯,我都嗱淋涼,涼後飲我半劑中補藥,1959量埋個血壓.

量過血壓就辦我睡前一切,辦妥就等開冷,2050三口子開飯開冷氣.

2345個女返.

7月10日(三)失眠/還可,個女留宿,瞓咗寶貴晏覺,茶晚4人薩利亞

2024/07/10   星期三   晴   31C 

昨晚12點鐘瞓,無晴晴失眠,成點多鐘才瞓著,0400醒所有夢?再瞓0600醒,又係有夢,所後又瞓不返,收音機下捱到8點鐘起來.

如常烚水搞早餐,成9點鐘拍老婆叫個女入房瞓,0930早餐.

餐後辦埋件事,新抱B陸續蒲頭,我就睇埋集尚食又12點鐘,個女蒲頭,我才有張床攤吓,平板下非常好彩,瞌咗寶貴一覺.

3點鐘起來,新抱有貨要做,老婆個女個B我,搞到成4點鐘才出門下午茶.

個女講明唔食大家樂,咁就去咗食薩利亞,4個人食220多,個女付.

吃過坐夠過惠康,行轉買咗102.2蚊,行船爭解纜,衰豬爭嘟八達通.

離開返歸1818,個仔返咗來做緊佢廁所霸主,我就沖我半劑補藥,飲後老婆提起幾條蕃薯在煲,1950於是梗埋佢,衰豬看見佢又話要食,又分條過你食.

吃後拿張坐門口坐,等開冷氣.

9點鐘三口子開飯,開冷氣,我亦係時候辦我睡一切,寫blog瞓覺.

7月9日(二)早醒/麻麻,個女留宿,熱到怕落街,遇著無能人,茶飯百份百,

 2024/07/09   星期二   晴   32C

昨晚12點前瞓,一覺0530醒來去所,發覺冷氣原來還未關?怪不得還係咁涼?好想關咗佢,諗吓以經5點半鐘,都係等個仔搞,0617個仔返工.

所後又瞓不返,收音機下賴住瞓,賴到9點鐘起床.

如常拍老婆叫個女入房瞓,跟住烚水搞早餐,老婆如常收洗晾,餐前1019量血壓,老婆又話量喎136/69-58,我就133/64-54,1025早餐.

1045新抱B蒲頭梳洗搞早餐,我嗱淋食埋早餐睇電視,睇埋集尚食又1130,辦埋件事無所事事,1158老婆開餐.

1點多鐘實在太熱,一於出街行吓,老婆又跟住來,就街市休息廳坐,坐陣走去最好風邨邊坐.

坐輪兩點幾鐘,走去大家樂昅吓?睇吓有乜食?同感受吓啲冷氣?會否好些.

唔死無用

行到大家樂玻璃門口,見有條友抽住袋外賣出,於是乎我倆門口等佢出,都知有隻門長期都係lock咗,

條友烚吓烚吓?兩隻門推又唔得,拉又唔得,推拉好幾次,搞到好唔內煩?結果最後條友猛力一推,成隻門推到盡踫一聲撞落幅墻度,成隻門震晒,差在未爆破?跟住關人义事走人,我即時反應手一樣,有無搞錯?唔順手關門?毫無道德?條友一路走發脾氣閙我.

心諗?乜都係你自己做出來?怪就怪你自己無能.

所以話唔好做好心,唔衰得,衰咗就怪別人,唔死無用.

行轉大家樂冷氣好咗,嘢就無樣好食,都係過隔鄰麥記坐好過,1456整杯糕9蚊,孖老婆倆份食.

吃過坐夠4點鐘上惠康.大鑊18級梯撐佢唔掂,行轉昅吓啲價錢?準備明天掃貨.

下午茶晚飯

昅後百份百下午茶,坐下點了餐,個仔放工殺到,咁就齊齊下午茶.

餐後個女電話到,要買外賣喎?買後個仔找數183蚊離開,我倆等埋外賣到才返歸,離開個女又話要買菠蘿包,又15蚊買三個返歸.

回家1718,個女食外賣,我就早點沖涼,冇耐三口子返,買有雪條食,吃後三口子忙沖涼忙煮食,我又差點忘記我半劑中補藥.

2040開冷氣,三口子開飯,我就做妥我睡前一切,上床寫blog備瞓.

7月8日(一)睡/麻麻,個女留宿,個B告別幼稚園,個仔假,游水400m,疲累不堪,個女煮下午茶.

2024/07/08   星期一   晴   33C

昨晚出埋篇blog成12點半鐘瞓,夜所兩劑就今晨0630,手機賴床,0745實在太熱起床.

起來如常拍老婆叫女入房瞓,洗個面8點鐘,個B蒲頭,返佢幼稚園最後一日學,新抱搞早餐個B食,原來食蘋果?吃後0855母女出門返學,我才搞我早餐,0946早餐.

餐後辦埋事睇電視,睇完集尚食1130,新抱送完B買有早餐返,我才知道個仔放假,跟住新抱又去接B放學.

我就梳化度瞌陣,結果都係瞌唔著,1225新抱B返,我都起來執嘢去游水.

1257單車場出發,1309到泳池,更衣室搞掂一切,池面熱身,風和日麗好太陽.

1325跳水式下水,大鑊,左邊耳塞甩咗?於是游完佢100m,回頭再找.

到回來要上池面才看見在水底,於是跳下去執?但又忘記個泳鏡戴咗上頭頂,落水一沖甩埋,執番粒耳塞無咗個泳鏡?到返回池邊,哈!有位泳客拿來給我,認真唔話得.

游咗100m開始再游,實在太耐無游,自5月6日游過,至今兩個月無游過,100m的游,游夠400m1415起水走人.

更衣室搞掂1441,游時不覺累?游完才知道累.

回家1527,我以累到不堪,放下游水嘢都去床攤,一攤即著.

1636個女煮咗米線來叫食,老婆個女三個人食,吃後我攤床瞓過.

一瞓7點鐘,起來沖定半劑補藥,然後沖涼,1920三口子返,1926飲我半劑中補藥.

三口子返下來忙沖涼忙煮食,2005個女出門,約咗裝冷氣喎?2105開冷氣,三口子開飯,2235個女返.

7月3日(三)睡好/有夢,個女留宿,早百份百,打大杏仁,煲木耳,石門芝麻醬,晚石門大家樂,夜個女留宿.

2024/07/03   星期三   晴   32C

昨晚太累,blog都未能寫就瞓,夜所一劑就今早7點鐘醒,賴床8點鐘起床.

個B剛起來洗面,咬半個包新抱B就出門返學,老婆蒲頭就趕個女入房瞓,老婆話落街早餐喎?熱辣辣都好,於是帶埋藥量埋血壓,9點多啲鐘出門.

落到大家樂繞場一週,唉!咁弱雞冷氣點食坐呀?於是轉場食百份百.

百份百冷氣OK,有靚卡位,老婆就呀茂整餅手機點餐?唔多掂?叫待應幫,待應好熱情幫助,還鼓勵鼓勵,咁就老婆完成佢首度手機下單,吃過坐夠老婆找數兩位91蚊.

離開1049星期三上惠康,惠康今日特別旺,又自助機叫又呀婆叫?相熟員工孄姐著晒火?我同老婆買咗228蚊都走lu.

離開回家1132,個女要返新屋收貨,我就辦我件大事,又幾好吖?辦完事又12點鐘.

無聊手機輪兩點鐘,又試吓去床瞌吓?結果周公唔睬我?1440醒起大杏仁食光,於是乎起來浸木耳打大杏仁,打妥入樽.

到點半鐘,處理好木耳,1550開火煲木耳,煲到1620夠鐘熄火.

1630同老婆搭程馬鐵過石門,行咗陣到喱間弘益130蚊買兩樽黑芝醬,又58蚊買樽黎麥飬生飲.

買後還早又踱吓大家樂同大快活,睇吓邊間環境好.

結果1727都係選擇大家樂,冷氣夠坐得舒服,老婆要鋸扒,就72蚊要個鐵板牛扒餐,我就53蚊咖哩牛腩飯餐.

吃過坐夠成7點鐘才離開,地下街外行吓,食市又幾旺吖?不過佳寶就收檔lu,離開1915.

返歸個仔拆咗個冷氣架下來?嗱淋拆散放好,搞掂才沖個涼,涼後2128飲我半劑補藥,飲後諗住搞我睡前一切,誰知新抱提提?才醒起木耳還未打,於是嗱淋打埋佢入樽,掂搞洗埋2217.

1120個女到.