2024/10/29(二)麻麻/多夢,新抱唔舒服,嫲嫲送B上學,早餐大家樂,中午yt瞌睡,10年前今日,晚飯大家樂

昨晚10點鐘已經上床備瞓,夜所兩劑,今晨7點鐘醒,睡來麻麻,超多夢?賴床7點多新抱來叫,話胃痛喎?叫嫲嫲送B返學.

嫲嫲送完B回來又賴過床?到0845齊齊起床,老婆叫出街早餐.

起來辦妥早上一切,就落大家樂早餐,老婆39餐我就27餐.

吃過坐夠邨外行吓,行到長幼中心外,見個長者設施無人玩?同老婆又玩吓,冇耐鄰居X太到,又吹吓水,講吓陳年舊事,大談兒女成長事,原來一個新冠改變得咁厲害?又中心有飯盒賣,10蚊個?又見N年同事陳基來買飯,又會咁慳?吹輪水返歸.

回家1205,新抱剛好出門,睇陣電視我又攤床yt瞌吓,睇不到一陣我又瞌著.

3點半鐘新抱接B返,買有雞蛋仔返,衰豬又唔孤寒喎?係咁分享.

吃過我又攤床繼續yt,又睇吓啲鬼佬遊中國,今日廣州變遷得咁厲害?

一睇又5點半鐘,老婆來叫食晚飯,臨收機相薄彈出些舊照?原來10年前今日,唉!好愕然咁又話10年?

起來個仔已回來,個B亦瞓醒,呆著食紫菜,撩吓佢木無表情,衰豬瞓醒就係咁?衰豬要做功課lu,我倆亦出門晚飯.

大家樂1751,還早掛?咁冷清清?老婆62餐我43餐.

吃過坐未夠?1858老婆wts過我,話有人在我後便等枱?見咁情況就讓枱過個妹妹.

離開回家1910,三口子還在家,個B還在功課,稍後1930三口子才出門晚飯.

我倆亦早點沖涼,涼後辦埋睡前一切備瞓.