2025/08/06(三)早醒/麻麻,腰骨突然超痛,房署修補廁所天花,三口蒲頭,茶麥當勞,惠康,晚兩人食.

昨晚11點鐘瞓,一覺今晨5點鐘醒所,個仔還未瞓,話飛機遲,一遲再遲喎?成3點幾鐘才返到來?

聽後我都返床再瞓過,但係瞓不返?收音機賴床,0820起床.

起來腰骨痛,今日房署上來修廁所天花石屎碌落,我都嗱淋辦事烚水搞早餐.

0911早餐,餐後0935房署工人到,嗱淋叫老婆起來幫手清走廁所有什物.

0950房署開工,砲仔先行咗輪,特別英坭沙補咗浸,12點鐘回來補多浸,1230完成,稍為清走泥頭就完成走人.

之後我同老婆搞清潔,腰骨痛搞餐懵,攪掂成一點多鐘,新抱B蒲頭.

搞輪清潔腰痛又累,好辛苦?我都攤床yt瞌吓.

一瞌3點幾鐘,老婆叫下午茶,1611食麥當勞,兩個餐40蚊,吃過坐夠上惠康,買有鮮奶兩盒34.2蚊,方包10.7蚊,鯖魚柳兩包22.5蚊,1752走人.

回家1805,三口出咗街,夜老婆煮兩個餸,我就淥扎麵食,1945兩個人食.

餐後三口子返,我都攤床寫寫blog. 

2025/06/01(日)早醒/神差,個仔倆放假,三口子北上,個仔睇牙,晚二人大家樂.

昨晚出埋編blog成11點半鐘瞓,夜所兩,0545醒就瞓不返,手機賴9點鐘起來.

如常烚水搞早餐,0947早餐啲友才陸續蒲頭,個仔新抱放假,準備北上,個仔睇牙.

三口子成1127出門,我都攤床yt瞌吓.

一攤又3點鐘,諗住叫老婆下午茶,誰知老婆話,今晚得我兩食唔煮喎?夜點食埋飯算喎?

唔煮就落去行吓,睇吓食啲乜囉?老婆帶埋啲膠樽同廢紙落街,放環保箱,商場入埋樽.

老婆就叫麥當勞食雪,老婆17蚊買咗杯兩份食,食過夠成4點多上惠康行吓.

行咗陣就門口張椅坐,坐到成6點鐘才落大家樂,老婆53鐵板扒餐,我就47蚊焗雞扒飯.

飯未到有一家人到,埋收銀度,條細路走到收銀呀姨度前,好想同收銀打招乎,但收銀好忙,但條細路踱前踱後等,嗰種神情好好笑,收銀姨又唔得閒理會.

後來我手機相比收銀姐睇,呀姐嗱淋拿去比佢家人睇.

唉!個飯認真唔掂?焗飯唔夠熱飯又硬?食咗大半都放棄,同老婆坐到7點鐘都走.

回家1915,早點沖涼準備好睡前一切,睇電視待瞓覺.

2208三口子返.

2025/05/31(六)端午節,新抱返工,個仔假,午yt瞌,茶大家樂,晚飯5人食.

昨晚成12點鐘瞓,夜所三就今早0748醒,手機賴床0945起床.

起來新抱忙返工,我就如常辦事跟住搞早餐.

1027早餐,個B蒲頭,揾媽咪喎?後來嫲嫲蒲頭招呼佢,餐後番烚嫲嫲包幾隻糉,似樣啲拍張應吓節.

搞掂後我都攤床yt瞌吓,1點多鐘個B拍醒放假老豆,結果佢老豆捉佢入房做功課.

我就攤床yt到3點多,老婆來叫下午茶.

1530到大家樂,無嘢啱食,就食半份司冶餐,老婆檸水43蚊.

吃過坐夠街市買餸,買時個仔來電叫買麥當勞,49外賣53蚊餸菜返歸.

回家1703,衰豬做完功課在畫畫,衰豬要畫敖丙喎?於是Ai揾比佢,佢有佢畫我都早點沖涼.

2055老婆叫開飯,嫲嫲B我三3人食.

個仔新抱留飯餸.

2125新抱返開飯.

2025/05/28(三)睡可/好啲,富豪新光中土聚,有史以來,累得我C,晚飯5人食.

昨晚11點半鐘瞓,夜所三劑,今早7點半鐘醒,賴床8點半起床.

起來如常搞早餐,新抱忙返工,0921早餐.

餐後辦埋件事就攤床yt陣,老婆就去買餸.

1135起來,單車過富豪花園,新光酒樓中土聚.

約咗12點鐘,單車去到天橋𨋢以經1206.

上到酒樓1210呀何,同雙成到咗,老馬稍遲咗到,陳成急不及待落單開餐,威哥最遲到.

6條友無所不談,傾得好投契,一傾又兩點半鐘,1433又係威哥找數.

雙成呀何不同路電梯向下走,我同馬就天橋走,威哥去所出來,我就講聲多謝威哥才拜拜.

同馬離開行出天橋,見地下呀何還在等巴士,於是叫住佢,意猶未盡再吹下水,好衰唔衰遇著寶成還未走,寶成極度長氣,講埋啲唔啦更嘢,於是借題撇甩佢.

我三條友行前王屋公園仔坐,又參觀又坐吹水到1717才走.

拜拜後回家1745,攰到我呀媽唔認得,有史以來未試過咁攰?個仔正篤B做功課,我就嗱淋沖涼攤床唞吓.

2023老婆開飯,嫲B我開飯,個仔同新抱留飯餸.

2025/05/23(五)睡可/有夢,新抱假,早晚百份百,走轉大圍,買個榴槤一手血,麥記雪糕.

昨晚11點幾鐘瞓,夜所兩今早0745醒,賴床8點半鐘起床.

起來早餐懶煮,老婆唔返對,兩公婆搞掂一切.

1009到百份百,老婆46餐,我39餐,吃過坐夠1119走人.

離開見前日惠康龜苓膏特價20蚊兩盅幾好,於是再買,他媽的?今鋪16蚊兩盅,唉!幾時叫做平?真係考起,於是買4盅走人.

街市無靚蕃薯?於是同老婆行轉大圍街市.

1134老婆搭車,我就單車,過到大圍1145,稍等老婆到,兩公婆昅輪魚檔,就街市櫈坐休息.

面對廚餘機坐,見兩條食環清潔工,大袋廢菜不停分開入廚機,而手上10多張廚餘咭,真係打銅食銅,打鐵食鐵.

坐到1220我都走,過對面街市,行轉買有紫蕃薯兩袋12蚊,腐乳樽18蚊,甜豆兩包15蚊,香蕉梳10蚊.

最後見榴槤40蚊個,以為挑個開口較細啲,誰知右手拿起,粒掟一甩,左手不其然的接住,大鑊?隻手針到密蜂竇一樣,係咁標血,賣的好快以經遞張紙巾來?當堂緊握拳頭,喜歡影相我都不敢郁.

買後1250離開返歸,1320到城河學校邊觀景台,兩公婆一於食Q咗佢,吃後坐夠返歸.

返回自己商場,1507兩公婆麥記食杯雪糕呻吓笨七氣.

回家1648,累得我C,新抱B執緊游泳嘢去游水,而個仔剛好返到,我就攤床yt瞌吓,6點多7點老婆同個仔,叫落商場食飯.

1853百份百三人食咗226蚊.

8點鐘離開,傾盆大雨,回家2020.

2133新抱B返.

2025/05/11(日)睬好/稍好,新抱返工,午yt瞌,茶沙角大快活,遊樂場,買餸返,晚飯5人食,母親節快樂.節

昨晚11點鐘瞓,夜所兩劑,今早7點多鐘醒,賴床8點半起床.

如常辦我早上一切,0950新抱返工,嫲嫲蒲頭1018量血壓,衰豬才蒲頭,嫲嫲安排早餐.

衰豬早餐,我都攤床yt瞌吓,老婆就搞佢中午餐.

3點鐘衰豬做完佢功課,走來叫爺爺去遠啲,見明天返學,於是同佢去遠啲沙角邨.

1520出門,搭程車1540到沙角邨,1545食大快活,3個餐73蚊.

吃過坐夠同衰豬去就近遊樂場玩,1635來到又不唔太多人?衰豬好快已經有韆鞦盪,嫲嫲街市買餸,到嫲嫲買餸回來,盪多陣韆鞦1711都走人.

回程就踱路,經乙明街市14蚊買咗梳香蕉,6蚊薯仔繼續踱回家.

回家1812買來有薯仔6蚊,香蕉14蚊,菜三樣20蚊,雪藏魚柳40蚊.

回來個B老豆已在家,原來衰豬功課未做晒?佢老豆講過未做晒不能去玩,結果企定定閙餐懵.

我都話之你早點沖涼,等開飯.

2037開飯嫲嫲B我三人食.

個仔沖涼新夜返留湯飯餸.

飯後攤床寫blog.

2133新抱返,原來衰豬同嫲嫲,老早做好兩杯手工雪糕,送過佢娘同嫲嫲,母親節快樂.

2025/03/23(日)重失/神可,新抱返工,腳痛嚴重,單車禮品入馬場,輸20,晚飯5人食.

昨晚11點半鐘瞓,0335醒所,捱到0408,為有寫昨未完的blog,一寫0535暫時完,再寫到9點鐘完成出blog起床.

起來新抱忙返工,個B已經蒲頭,我就如常搞早餐,衰豬就自己開雪柜攞包奶問佢娘,用不用煲熱,於是同佢番熱,搞掂後搞我早餐.

0950佢娘返工,我就同B齊早餐.

今日跑馬香港打砒,馬會有免費飛,入場手機投注,不論多少,有個無線便攜𡃤叭送.

若非有禮品?我都懶入場,又昨日奔波咗成日,對腳行遠些都唔掂?都有點担心.

頭場1點鐘開跑,1245出門,單車到到馬場1320.手上4張免費入場票,進場前有人要就送兩張過人,結果進場送走三張,一張我進場,就完成我第一個步驟.

進場後有人問我?還有無飛喎?佢話佢為咗攞帽而來喎?

來到走上看台,嗱淋踱兩隻買10蚊,郁郁吓個戶口,免得到時無wifi就大鑊.

完成後走入室內,通道梯級坐,看台實在太曬,腳痛嚴重,都唔多行,影吓隻金槍六十,我又坐樓梯級.

等到第5場才走上看台,諗住跑完都可以走?誰知還未放行,眼見還有好人如灌入場,入到連帽都派晒改派紙.

直到第6場開跑,1530才放人,我才能離開,對腳實太痛太辛苦,慢慢的行到自己部單車.

回家1645個人以經散晒,坐咗好耐才煎隻蛋淥個麵食,衰豬又話食,胡椒麵又預佢食少少,煮好1710個B老豆返.我都早點沖涼,佢老豆又督B功課.

2022老婆開飯,嫲嫲B我三食,個仔沖涼新抱夜返留飯餸.

2025/03/22(六)睡好/神可,新抱返工 嫲嫲倍B賣旗,衰豬扭計,B食餐甩牙,單車意外,非常好彩,個女上來,晚飯6人食.

昨晚11點零都瞓,夜所兩今早7點半鐘醒,稍賴床0740起床.

今早個B被抽中幫學校賣旗,嫲嫲同個B剛好出咗門返學校.

新抱就忙返工,我就如常搞早餐,木耳後辦事,辦來好唔掂?0918早餐.

餐後就走去睇吓個B賣旗怎情況?單車過到去市廣場1030.

老婆話在3樓,市廣瑒成日都經過?鬼知邊度係3樓?問佢?又話在酒樓𨋢口.

唉!只知酒樓在頂層,於是乎直上頂層,後來再諗吓無理由走上咁高賣旗?後來再問才知火車嗰層,行到腳跛才會合到.

見到衰豬嬲爆爆?原來係等緊我來,嗱淋交旗袋可以去夾公仔?怪得止咁嬲?

老婆話匯豐交旗交袋喎?於是跟住老婆行去市廣場間匯豐.

去到又話沙田中心嗰間至啱喎?於是又走上沙田中心嗰間,才順理交妥走人.

交妥後又同個B走去揾夾公仔間嘢?我就一頭務水跟住行,行到我CC吓.

我話我對膝頭行唔掂?你哋去揾,到咗再電聯啦.

唉!原來係希頓商場嗰間夾公仔機鋪?

於是乎我又趕去,趕到嫲嫲嗰20蚊已經夾完玩完.

玩完就醫肚,就食附近Delifrance,老婆就牛肉奄列芝麻包餐,個B牛角包烤雞珍寶腸太陽蛋餐,兩個餐合共114蚊.

餐到衰豬無晴晴用嚿人做牛油糊個咀同棚牙?我話污糟架,佢就用紙巾來𧙕個咀同牙齒,誰知𧙕兩𧙕擦兩擦,甩咗隻牙仔?牙同紙巾有血?衰豬驚到大喊?

當時叫佢咬住紙巾,吞口水,乜都唔聽?係咁喊,佢係換牙,不過甩來有血.

我倆手忙腳亂,又倒瀉杯水,好彩冇耐無再出血停咗.

衰豬問隻牙呢?嗰時才醒起隻牙仔在紙巾,比咗佢咬住止血,好在衰豬眼利,望見在地下,嗱淋拾回收好.

下來才開餐,衰豬份餐大份,食唔晒,又我來執佢手尾.

吃後見上次大生超市花生醬扺賣,中裝賣29蚊,於是走去睇吓有無賣?

去到嗰然賣29蚊,執佢兩樽,衰豬執包糖22蚊走人,對膝太痛無得行,於是返歸.

單車希頓隧道過對面中央公園,單車踩到對面上斜,行到一半?自知無力踩不唔上?於是踩埋壆邊,還差一步無力?就向後翻跌下來,四腳朝天,條路太斜,個B見我咁?驚到大喊?當時有男同女車友,在斜路頂,男的嗱淋跑下來,我叫扶起我就得𡃤,非常多謝感激.

非常好彩無事,繼續返歸,返回自己隧道平路,以為載程個B開心吓?個B都唔敢坐.

返回車場1353,老婆話去麥當勞食杯雪糕安撫吓個B喎?三人食杯10蚊雪糕後,老婆去買餸買咗107蚊返歸.

回家1445,我累到呀媽唔認得?我都上床yt瞌陣.

4點零個仔返,就督B做功課,5點零個女到,

2030老婆開飯,嫲嫲B姑媽我四個人食,個仔沖涼新抱夜返留飯餸.

11點鐘個女返歸.

2025/03/13(四)睡可/神可,新抱假,個B評估,啟德體育園,大圍大快活,街市,晚飯大家樂.

昨晚馬跑完都瞓,夜所1劑,5點鐘醒,就瞓不返,7點鐘才稍稍瞓返,0820醒,賴陣床8點半起床.

起來洗個面辦大事,事畢搞早餐,0948早餐,1034老婆量血壓,又出乎地靚?

餐後電視飛孤外傳,看後1130新抱今日放假,不用湊B,同老婆於是乎出外行吓,諗吓不如近近哋啟德體育園.

1225出門,搭程港鐵1256到宋皇台站就開始體育園之旅.

同老婆行吓坐吓睇吓1434來到主場館門前,行既睇既都差唔多?係時候到要走.

宋皇台站來,就啟德站走.結果行得我CC?行足我半小時?1516才到啟德站.

同老婆行吓坐吓睇吓1434來到主場館門前,行既睇既都差唔多?係時候到要走.

宋皇台站來,就啟德站走.結果行得我CC?行足我半小時?1516才到啟德站.

還好有位坐,1545到大圍站下車,1550食大快活,兩個茶餐67蚊.

吃過坐夠,1647大圍街市買蕃薯,結果10蚊買咗兩袋紫色蕃薯同椰菜紅蘿蔔10蚊走人.

返回屋企樓下1730,由於今晚同老婆出街食,老婆就先拿買來的拿回家.

老婆返歸後,離遠望見對母女?眼矇掛?新抱隔條馬路叫聲才認出?母女正在回家,我就嚮街市等老婆.

老婆1815才到,才去大家樂晚飯,唔太肚餓我,同老婆要個67蚊牛扒餐,老婆食扒我食飯.

吃過坐夠,惠康買麪包13.5,丹尼兩支洗潔精20蚊返歸.

回家1935,三口子在家,我都早點沖涼,辦妥睡前一切,blog都懶寫上床備瞓.

2025/03/10(一)睡可/神差,老個放假,婆石門芝麻醬,沙角買餸,茶大家樂,晚飯5人食.

昨晚2315瞓,夜所一劑,就7點半醒,賴床9點鐘起來.

新抱忙返工,洗個面辦埋件大事,0950新抱返工,老婆亦蒲頭,我就續搞早餐,1045早餐.

餐後電視飛孤外傳,一睇又成12點鐘,老婆話去石門買芝麻醬喎?又話回程沙角有嘢買喎?咁我就踩程單車沙角等.

老婆12點鐘出門,我就稍遲出門,過到沙角1215.

稍等老婆以經到,買有芝麻醬兩樽130蚊,就齊齊行街市.

商場360買大杏仁109蚊,棗仁泒25蚊,跟住街市買有三文魚98蚊,去骨魚柳32蚊,魚肉19蚊,娃娃菜12蚊,京葱10蚊.

離開發覺隻鞋爛到差不多甩底?於是叫老婆搭程車走,我就踩車返歸.

回家1336,老婆已回來,隻鞋爛成咁?都諗住都掉,誰知摷到支膠水,又試吓掂唔掂?

回來老婆搞佢中午嗰餐1413老婆開餐,3點鐘老婆叫醒個仔去接B放學.

4點鐘老婆叫下午茶,好想唔去?唉!是但啦.

老婆帶埋膠樽出門,先行商場回收膠樽入樽,搞掂就大家樂,唔想食咁多,就叫個肉鬆西多餐,好失敗望油淋淋,無下次咪搞?老婆就熱檸水,合共30蚊.

吃過坐夠,老婆又話要買餸?買咗123蚊餸料返歸.

回家1930個仔已接B在家,在督B做功課.我都早點沖涼,涼後攤床寫寫blog,老婆煮飯.

2100新抱已經返,我嗱淋煮埋兩餸,2130開飯,有栗子炆雞翼,肉片炒茭筍,嫲嫲新抱B我4個人食,個仔沖涼留飯餸.

2025/03/08(六)失眠/還可,新抱返工,午yt瞌,沙角大快活,遊樂場,街市,個女呀偉到,晚飯7人食,修龍頭.

昨晚睡前手機,11點半鐘才瞓,一瞓4點半鐘醒所,回來就瞓不返,歌仔收音機捱,7點鐘叫做瞌著?8點多鐘醒,手機賴9點鐘起床.

起來新抱忙返工,我就洗個面去辦事務,0950新抱返工,個B睇夠手機亦蒲亦頭,我亦繼續搞早餐,1036同個B齊早餐,餐後12點多老婆又話買餸?1228老婆返買咗126蚊餸返.

回來嫲嫲督B做功課,我都係時候攤床yt瞌吓,還未攤落床?衰豬走來叫教功課?話嫲嫲有嘢做喎?教唔到一陣?一年班啲數學又會咁Q深?題目又陰濕?教佢唔掂?彈返過佢呀娘教.

我就話之你攤床yt瞌,3點鐘衰豬大概做完功課,走來叫踩單車,唔去就猛叫要去遠啲?諗吓成日都樓下食大家樂,時間又唔多不如過沙角食大快活.

成3點半鐘才出門,搭程馬鐵過沙角邨,過到去大快活1550.

兩個餐加杯檸水,合共70蚊,衰豬小小辣都唔掂?又食剩我來啃,吃過坐夠1643走人.

離開過隔鄰360行吓,買有原味大杏119元,蜜糖沙律醬19蚊走人,離開去揾上次玩得好開心個遊樂場.

去到1708,一望個打韆鞦壞咗維修?無得玩就玩其他,老婆就去街市買餸,買有雞扒33蚊,同兩條黃花60蚊,回來玩多陣1725都返歸.

離開行到乙明街市1730,佳寶18蚊買兩抽橙仔走人,繼續踱回家,行到曾大屋球場則,啲花開得好靚,又停低影吓相.

影完繼續返歸,回到屋企樓下,老婆又話入街市買餸菜?我同個B先行回家.

回家1813個B老豆在家,我都嗱淋沖涼,其間個女同呀偉到?老婆煲湯煮飯,涼後我都攤床寫blog.

2048老婆開飯,有老火豆煲湯,淥生菜,洋蔥雞扒,嫲嫲個B個女呀偉我5個人食.

個仔沖涼新抱夜返留飯餸.

2122新抱返.我都飽飽辦我睡前一切,其間發現新裝水龍頭漏水,於是乎搞搞佢,搞餐懵才發覺,龍頭牙太長膠布迫佢唔C?後來加個喉箍,才迫得佢緊,搞掂2305,個女呀偉都返歸,我都上床瞓.

2025/02/22(六)睡可,親子旅行,痾水,利東之行,肥佳,夜煮麵食.

昨晚早早上床瞓,瞓咗一陣,11點幾鐘醒咗,就瞓不返,去到成兩點幾鐘才瞓返.

6點半鐘醒,賴床到0828三口子嫲嫲學校親子旅行,錦田鄉村俱樂部,一天遊出發,而我才起床,起來正想梳洗搞早餐,誰知大事有料到?嗱淋走去一痾,又係水一樣的爆出.

搞掂後出來繼續搞早餐,0950早餐.

餐後思考咗輪?出唔出去行吓呢?1055都係至電過N年老友肥佳.

肥佳70年太古船塢同事,講吓相識都55年?有聯絡都係剩番佢?至電說得閒喎?咁就過來同你聚吓.

1120出門,大圍站轉東鐵,金鐘站轉南港島錢,1202到利東站.

到站至電過肥佳,記得N年前曾經上過佢屋,那年2002年日本南韓合辦世界杯,嗰屆無時差,佢家裝有有線電視,講吓又23年前既事.

來到完全陌生,行咗陣等咗陣,見未到,於是走入二期麥當勞度坐等.

1223肥佳到,坐下傾咗陣,個清潔執枱女人走來,好細聲講入來要買嘢食,無鬼睬佢,佢老味吖?久久又係咁講?谷Q氣我話,乜嘢事呀?肥佳就聾既,裝有耳聾機,但就聽唔到?

唉!勢估唔到,麥記都咁做生意?費事同佢爭執.

1311同肥佳過對面一粥麵,去到肥佳係都爭住佢請?唉!是但啦,肥佳食個兩餸飯,飲奶茶39蚊,我就豬肚雞柳粥义燒腸餐46蚊,到餐到,原來係機械人送餐.

吃過聊夠1437離開,一場來到都要周圍望吓,佢同我對腳都係唔掂?於是同佢行吓商場算.

佢話二期無嘢好行喎?咁就同佢行一期,電梯一路行上到頂,係咁易行行,又幾旺吓?人流都算多.

大家對腳都唔掂,都係拜拜.

1452離開落地鐵,有點衝動,想搭一個站,走去黃竹坑行吓?不竟黃竹坑都做過好幾年事?

警察學校,香港仔南區一帶,一直去到赤柱,另邊到摩星嶺,做政府啲物業維修.

1973年7月20日上工,李小龍C當日?一直到1975年1月8日,都兩年既事.

又1995年9月7日至1997年12月7日興建新加坡國際學校又兩年多.

一條友都係唔行,地鐵一路返歸,又好啵?有人讓坐,返到車公廟站1536.

回家1545,以經累得我要C,瞌咗好一回才沖涼.

成7點幾鐘三口子嫲嫲返,話剛才圍方食咗嘢還飽喎?

成8點鐘新抱話煮麵食,諗吓不如我煮先.

2035我都食麵,麵後嗱淋辦我睡前一切,上床埋頭寫blog備瞓.

2025/02/08(六)睡好/神好,新抱返工, 嫲B麥早餐,茶希頓Delifrance,恐龍公園,晚飯5人食.

昨晚腳板有傷口,兼夾超冷凍?無沖涼11點前都瞓,夜所兩劑就今早0815醒,有夢睡來算唔錯,手機賴床0910起床.

新抱忙返工,我就如常梳洗搞早餐,0942又急不及待要去大?新抱返工,事畢嫲嫲B齊蒲頭,嫲嫲量血壓,1039我早餐.

餐後1110我又急不及待要大,而嫲嫲同個B出街早餐.

12點鐘嫲嫲B返,話麥記早餐兩人食咗80.5蚊喎,又惠康買咗兩盒十字鮮奶13蚊,同一盒可可米18蚊返?

回來就打佢啲大杏仁,大杏仁昨晚浸落,果然搣衣搣到白雪雪,溝水打後,啲渣勁鞋又無味,杏仁溝咗水打,打唔幼又淡?都係我咁好,就咁乾打,又幼又香得多.

佢倆個返我都攤床yt瞌吓,一瞌一睇1440,衰豬走來叫下午茶.

衰豬又話要去遠啲,遠啲即係邊度呀?佢又係話沙田,後來話要食Delifrance,見精神好腳唔太痛,就同佢行轉.

樓下搭程車過希頓中心,1515間Delifrance,116蚊要咗兩個餐.

吃過坐過1615離開,衰豬話要去恐龍公園,於是呃Q佢話唔識去?於是佢就左揾右揾?後來帶佢穿過市廣場三期,過到去市廣場,衰豬就話咁快帶到去.

去1636又唔係太多人,玩到1646就走去玩個吊環.

條隊排到長一長,排咗20分鐘1706輪到,排就20分鐘玩就一分鐘.

玩完手機無電,而個B玩多陣1716都走lu.

同樣搭程車走,返回樓下,老婆街市買餸,我同個B先返歸,返回樓下大堂遇4樓個街坊,衰豬又逗咗封利士.

回家1749個B老豆已在家,砌緊佢至愛模型,回來我都嗱淋沖涼,老婆買餸返,買咗91餸料返.

跟住就廚房處理今晚餐飯,我就攤床寫寫今日blog.

2029開飯,嫲B我三個人食,個仔沖涼新抱夜返留飯餸.

2120新抱返,

2025/01/29(三)蛇年，年初一，新年快樂，事事大吉，身體健康。