2025/01/16(四)睡好/多夢,母女假,行經街市爆發,兩老百份百,惠康,疲累在家手機,,晚二人大家樂.

昨晚馬無賭跑完11點鐘瞓,4點半鐘去所,回來捱至5點鐘才瞓返,到醒已經8點鐘,睡好可惜全是夢?

賴床9點鐘起來,老婆叫出街早餐,洗個面新抱B蒲頭,新抱同B放假,我倆辦妥早上一切,1021出門.

行到街市內,突然急爆瀉,一時間不知進好定退好?為有街市廁所試試?又出奇地乾淨,幸好不嚴重廁內廁紙足攪掂.

離開老婆要食百份百,老婆46餐我41餐,吃過坐夠1145上惠康.惠康明天轉價錢牌,行轉研究過買有廚紙32,鮮奶兩32,麵包13.5,沙甸魚3罐20,喼汁24.5同魚露11.5蚊,合共133.5走人.

離開1250,行經麥當勞,適逢放學好多學生,見有位兩老又10蚊食杯雪糕坐吓,1342離開返歸.

回家1352,新抱B出咗街,老婆電視兼手機,我就全力追回幾日來無寫blog.

一寫1630才完,才攤床yt瞌吓,1700個仔返,新抱B亦返,yt到1800老婆來叫晚飯,才收機.

同老婆落大家樂.街市老婆攞訂有開果兩包98蚊.

大家樂老婆打邊爐60,我依然煲仔飯48,吃過夠坐返歸.

回家1952,三口子外出晚飯未返,我都嗱淋沖涼,涼後辦妥我睡前一切,寫blog備瞓.

2207三口子返.

2025/01/15(三)睡可/神可,單車打氣,行轉大圍,午蕃薯,區辦派魷魚,晚飯4人食,夜馬無賭.

昨晚11點鐘瞓,一覺0528醒所,瞓不返寫未完blog,8點半起床,起來急不及待要大,新抱忙返工,

舒服後0940早餐,新抱返工.

餐後老婆樓下買餸,無聊我叫老婆不如過大圍買餸.

於是叫老婆先行過大圍,我隨後單車到.

老婆出門後我遲遲才出門,單車剛好過對面馬路,老婆來電以經過到大圍?

過到大圍1228亞運單車打打氣,然後大圍中心會合.

行轉街市外圍,買有紅肉火龍果4個25蚊,芒果4個20蚊,海帶16蚊,紅黃椒10.5蚊,蒜頭兩8蚊,秋葵6.5蚊,毛豆8.6蚊同蕃薯三磅10蚊返歸,回程老婆買中午外賣35蚊返歸.

回家1415個人散晒,累不堪言.

1515嫲嫲接B放學返,我就烚4條蕃薯食,衰豬要燒賣,嫲嫲過佢食,衰豬食剩兩粒?

吃後我又攤床yt瞌吓,1639老婆來叫?話剛才買餸樓下區議員派雪藏魷魚喎,每戶一份,攞咗份上來,於是起床廚房望吓,嘩!好大份好大條?

放好冰柜後又繼續yt瞌過,yt又睇佢明報加拿大,日日都有劫案.

1900老婆沖涼,來要我出手煮餸,煎釀甜椒,土魷炒秋葵,1956開飯個B嫲嫲我三個人食.

個仔公司年夜飯,新抱夜返留飯餸.

飯後我都辦妥睡前一切,2130攤床手機,衰豬眼睏兼思佢呀娘?走來要求手機視像呀娘,我話手機用緊喎,佢堅持要,我問你係咪大晒,佢初頭擰頭,後來為咗手機點頭?咁就搶咗去.

2025/01/12(日)睡可/神可,新抱放假,母女教會,老婆過大圍,我在家有馬無賭,茶麥記,惠康雞,晚二人大家樂.

昨晚成12點鐘瞓,夜所一劑就今晨6點半鐘醒,賴床9點鐘起床.

如常烚水搞早餐,新抱放假蒲頭,1007早餐,衰豬才蒲頭亦早餐,餐後辦事,1111兩母女出門教會,

餐後老婆話過大圍,問去不去?膝痛都係咪搞?老婆出門我就攤床yt瞌吓.

一瞌一睇1312老婆返,買有我木耳22蚊,蒜頭石盅39蚊,米酒樽8蚊同玫瑰干花45蚊,鴨蛋三隻10蚊同蠔仔16蚊.

老婆返馬又開跑,睇吓踱吓都係唔識賭?老婆就處理佢午餐,兩點鐘老婆開餐.

老婆今早問過新抱?話佢今晚唔煮飯,佢唔煮就我倆不如買隻雞煮椰青喎?

睇跑到3點多啲鐘,馬都係唔識賭?不如落街行吓下午茶坐吓.

商場老婆要食麥當勞,食個51餐,吃過坐夠上惠康,買有椰青兩個38蚊,三黃雞59蚊返歸.

回家1703,三口子已在家,個B明天上學評估?新抱在特訓個B數學,唉!衰豬數目字都錯,3,6,9方向永遠都掉轉寫?被佢娘罵到隻嘢咁.

我倆公婆就縮入房電視同手機,等咗好耐,三口子依然在特訓個衰豬?三黃雞椰青無得搞?老婆為有三黃雞放雪柜,成7點鐘同老婆落大家樂晚飯.

大家樂老婆愛吃火鍋,我就唔太餓,老婆要一個火鍋餐,再加幾樣食物,合共89蚊.

吃過坐夠回家2050,三口子晚飯未返,我都嗱淋沖涼,涼後搞掂睡前一切,blog都無寫上床備瞓.

2153三口子返,下來佢三口忙沖涼,我都瞓.

2025新年快樂